رايونىمىزداعى كاسىپورىندار ”جۇمىستى قالپىنا كەلتىرۋ ۇلگىسى“نە ءتارتىپتى تۇردە ويىستى
شينجياڭ گازەتىنىڭ جالپىلىق اقپارات قۇرالدارى تىلشىلەرى
ۇن زاۆودىندا ماشينا ءۇنى گۇرىلدەدى، ماسكى سەحىندا شىراقتار جاينايدى، سپيريت ءوندىرۋ جابدىقتارى جوعارى جىلدامدىقپەن اينالۋدا... تاياۋ كۇندەردەن بەرى، رايونىمىزداعى كاسىپورىندار ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن بەلسەنە ويداعىداي ىستەپ، ”جۇمىستى قالپىنا كەلتىرۋ ۇلگىسى“نە حاۋىپسىز، ءتارتىپتى تۇردە ويىستى، ءارقايسى كاسىپورىندار قىزمەتكەرلەردىڭ جۇمىس ورنىنا ورالۋ جانە ءوز جاعدايىنا نەگىزدەلىپ، جۇمىستى، ءوندىرىستى قالپىنا كەلتىرۋدى ىلگەرىلەتىپ، ىندەتتىڭ وندىرىسكە، تيجاراتقا بولعان ىقپالىن قۇلشىنا تومەندەتتى.
ساقتانۋ - تىزگىندەۋدى ويداعىداي ىستەپ، حالىق تۇرمىسىن قامتاماسىزداندىردى
2 - ايدىڭ 18 - كۇنى ساعات 10 مولشەرىندە، ءۇرىمجى جىڭدا مال شارۋاشىلىعى شەكتى سەرىكتەستىگىنىڭ جۇمىسشىلارى ىركەس - تىركەس زاۆود ۇيلەرىنە كەلىپ، دەنە تەمپەراتۋراسىن ولشەتۋ، زارارسىزداندىرۋ سياقتى تارتىپتەردەن ءوتىپ، تالاپ بويىنشا قورعانۋ كيىمىن قىمتاپ كيىپ، ماسكىنى، قولعاپتى جاقسى تاققاننان كەيىن، سەحقا كىرىپ جۇمىس ىستەدى. ”ىندەتتەن ساقتانۋ - تىزگىندەۋ كەزىندە ازىق - تۇلىكپەن قامداۋدى قامتاماسىز ەتۋ ءۇشىن، ءبىز بايلىقتى بەلسەنە سايكەستىرىپ، جەتكىزۋ - تاسۋ، باسقارۋدى كۇشەيتىپ، ەڭ جوعارى شەكتە ءوندىرىس قۋاتىن كەڭەيتتىك، ءونىم مولشەرىن ارتتىردىق. كەزەكتە، جەم - ءشوپ زاۆودى، باعىمشىلىق الاڭى جانە جاس ازىق - تۇلىكتەردى تىكە ساتۋ دۇكەندەرى تۇگەلدەي جۇمىستى، ءوندىرىستى قالپىنا كەلتىردى. ءبىز ورتا ەسەپپەن ءار كۇنى ءۇرىمجى قالاسىن 420 مىڭ جۇمىرتقامەن قامدايمىز، جىڭدا جاس ازىق - تۇلىكتەردى تىكە ساتۋ ورتالىعى زاتتى ۇيگە تىكە اقىسىز جەتكىزىپ بەرەدى“، - دەدى جىڭدا توبى شينجياڭ رايونى ءوندىرىس باس باقىلاۋشىسى جوۋ چي.
ماشينانىڭ گۇرىلى جاڭعىرىپ، ءوندىرىس ءبىر ساتتە توقتامادى. فۋكاڭ قالاسىنداعى بىردەن - ءبىر ۇن مانەرلەۋ كاسىپورنى بولعان فۋكاڭ قالاسى رۇيحى استىق - ماي ونەركاسىپ - ساۋدا شەكتى جاۋاپكەرشىلىك سەرىكتەستىگى بيىل كوكتەم مەرەكەسىندە بۇرىنعى جىلدارداعىداي ءوندىرستى ءبىر كۇندە توقتاتپادى. قازىر وسى سەرىكتەستىك ءار كۇنى 150 توننا اينالاسىندا ۇن وندىرەدى، فۋكاڭ قالاسى، ءۇرىمجى قالاسى سياقتى جەرلەردى قامداۋدان سىرت، تاعى قىرۋار مولشەردەگى ۇندى زاپاس ساقتاپ، ىندەتتەن ساقتانۋ - تىزگىندەۋ كەزىندە بازاردى قامداۋعا شىنايى كەپىلدىك ەتتى.
2 - ايدىڭ 17 - كۇنى ءتىلشى سانجى مەملەكەتتىك جوعارى، جاڭا تەحنيكا كاسىپ سالاسىن اشۋ رايونىنا ورنالاسقان شينجياڭ حىڭان قاعازشىلىق شەكتى سەرىكتەستىگىنىڭ ءوندىرىس سەحىنا كىرگەندە 10 ءوندىرىس جەلىسىنىڭ جوعارى جىلدامدىقتا اينالىس جاساپ جاتقانىن، 200 نەشە جۇمىسشىنىڭ قىزمەت ورىندارىندا تاپجىلماي ىستەپ جاتقانىن كوردى. ”كوكتەم مەرەكەسىنىڭ الدىندا قابىلداعان 9 ءوڭىردىڭ تاپسىرىسىن تۇگەلدەي ۋاقىتىندا تامامداپ، زاتپەن قامدادىق“، - دەدى وسى سەرىكتەستىكتىڭ باس ديرەكتورى ليۋ چۋانحۇي.
ىندەتتەن ساقتانۋ - تىزگىندەۋ العى شارت، حالىق تۇرمىسىن قامتاماسىزداندىرۋعا نەمقۇرايدى قاراۋعا بولمايدى. ىندەتتەن ساقتانۋ - تىزگىندەۋ كەزىندە، جۇڭگو مۇناي - تابيعي گاز جارنا شەكتى سەرىكتەستىگى شينجياڭ سانجى ساتۋ بولىمشە سەرىكتەستىگى تابيعي گازبەن قامداۋدى قامتاماسىز ەتۋ قىزمەتى باسشىلىق گرۋپپاسىن ارناۋلى قۇرىپ، ىندەتتەن ساقتانۋ - تىزگىندەۋدى جانە گازبەن قامداۋدى قامتاماسىزداندىرۋدى ءبىر تۇتاس جوسپارلاپ، ويداعىداي يگەردى. وسى سەرىكتەستىكتىڭ باس ديرەكتورى جاڭ يۋەحۋا بىلاي دەدى: ءبىز ءبىر جاعىنان، جابدىقتاردىڭ كۇندەلىكتى اينالىمىن قورعاۋ، كۇتىمدەۋ، حاۋىپسىزدىكتى تەكسەرۋ سياقتى قىزمەتتەردى بار كۇشپەن ويداعىداي ىستەدىك، ەندى ءبىر جاعىنان، ءىشىنارا ونەركاسىپ قاريدارلارىنا قاراتا اقشاسى تولەنبەسە دە، گازدى توقتاتپاۋ سياقتى ساياساتتاردى قولدانىپ، ۇزدىكسىز قامداۋعا كەپىلدىك ەتتىك؛ اقى تاپسىرۋ، اقشا تولىقتاۋ ارناسىن كەڭەيتىپ، كاسىپورىنداردىڭ جانە تۇرعىنداردىڭ گازدان قالىپتى پايدالانۋىنا شىنايى كەپىلدىك ەتتىك.
قاۋىرت دايىندالىپ، ىندەتكە قارسى اتتانۋعا قولداۋ كورسەتتى
ىندەتتەن ساقتانۋ - تىزگىندەۋ كەزىندە، الەۋمەتتىك اۋماقتارعا، الەۋمەتتىك ورىندارعا قىرۋار سپيريت، زارارسىزداندىرۋ سۇيىقتىعى سياقتىلار شۇعىل قاجەت بولدى، ءىشىنارا كاسىپورىندار قازىرگى بار بايلىقتان پايدالانىپ، ءوندىرىس جەلىسىن كوبەيتىپ نەمەسە جاقسارتىپ، ىندەتكە قارسى اتتانۋعا قولداۋ كورسەتتى.
75% تىك زارارسىزداندىرۋ سپيريتىنىڭ تاپشى بولۋ جاعدايىن شەشۋ ءۇشىن، شينجياڭ بوشىڭ اراق كاسىبى اراق اشىتۋ شەكتى جاۋاپكەرشىلىك سەرىكتەستىگى 1 - ايدىڭ 25 - كۇنى بارلىق قىزمەتكەرلەردى شاقىرىپ الىپ، 24 ساعات ۇستەمەلەپ جۇمىس ىستەپ زارارسىزداندىرۋ سپيريتىن ءوندىردى، ءوندىرىس سەحتارىنا زارارسىزداندىرۋ سپيريتىن قۇمىرالايتىن 3 ءوندىرىس جەلىسىن جانە زارارسىزداندىرۋ سۋلى شىتىن وندىرەتىن ءبىر ءوندىرىس جەلىسىن شۇعىل ورناتتى. جاڭادان ورناتىلعان زارارسىزداندىرۋ سپيريتى ءوندىرىس جەلىسىنىڭ ءوندىرىس ورتاسى جونىنەن قاتاڭ تالابى بار، جابدىقتى زاۆودقا اكەلۋدەن سىناق رەتىندە ءوندىرىس جۇرگىزۋگە دەيىن نەبارى 3 كۇن ۋاقىت كەتتى. قازىر جاڭادان ورناتىلعان ءوندىرىس جەلىسى تولىق كوتەرىمدىلىكتە جۇمىس جۇرگىزىپ، زارارسىزداندىرۋ سپيريتىن مولىنان وندىرۋدە. زاپاس زاتتاردى ساپاسىنا، سانىنا كەپىلدىك ەتە وتىرىپ ءوندىرۋ مىندەتىن ۋاعىندا ورىنداۋ ءۇشىن، ءوندىرىس جەلىسىندەگى قىزمەتكەرلەر 2 كەزەك بويىنشا جۇمىس جۇرگىزىپ، قورعانۋ زاتتىق ماتەريالدارىنىڭ ۋاعىندا تاپسىرىلۋىنا شىنايى كەپىلدىك ەتتى.
”توتەنشە ساتتە، ءبىز ىندەتتەن ساقتانۋ - تىزگىندەۋ قىزمەتىن ويداعىداي يگەرىپ قانا قويماي، زارارسىزداندىرۋ سۇيىقتىعىن ءوندىرۋ قىزمەتىن ءتىپتى جاقسى ىستەپ، قاجەتتى كۇش سالا قاناعاتتاندىرامىز“. جۇڭتاي توبىنا قاراستى بولىمشە سەرىكتەستىك حۋاتاي سەرىكتەستىگىنىڭ ءوندىرىس - تيجارات ورتالىعىنىڭ قىزمەتكەرى جيا يۋانكۋان 2 - ايدىڭ 15 - كۇنىنە دەيىن سەرىكتەستىكتىڭ 28 توننا 84 زارارسىزداندىرۋ سۇيىقتىعىن وندىرگەنىن ايتتى.
شينجياڭ مەيكى حيميا ونەركاسىبى جارنا شەكتى سەرىكتەستىگىنىڭ ءوندىرىس سەحىندا ءوندىرىس ماشينالارى تولىق جۇمىس جۇرگىزىپ، قىزمەتكەرلەر ۇستەمەلەپ قىزمەت ىستەۋدە. سەرىكتەستىكتىڭ ورىنباسار باس ديرەكتورى سۇن جيگۋاڭ بىلاي دەدى: ”مەيكى حيميا ونەركاسىبىنىڭ وندىرەتىنى 1، 4 - بۋتانەديول (BDO)، باستىسى، سوڭعى بۋىنداعى ءوندىرىستىڭ تۇيىق كوزىلدىرىك، قورعانۋ كيىمىن ءوندىرۋىن ماتەريالمەن قامدايدى، قازىر كۇنىنە 600 توننا وندىرىلەدى. تومەنگى بۋىنداعى ىستەتۋشىلەردىڭ ءونىم مولشەرىنە بولعان قاجەتىن قامتاماسىز ەتۋ ءۇشىن، قىزمەتكەرلەر ءبىرىنشى شەپتە ۇستەمەلەپ جۇمىس ىستەۋدە“.
دالمە - ءدال قىزمەت وتەپ، جۇمىستى قالپىنا كەلتىرۋگە دەم بەردى
جۋۋ بۇيىمدارىن وندىرەتىن كۇندەلىكتى حيميا ونەركاسىپ كاسىپورنى رەتىندە، نا - ايسى ءۇرىمجى شەكتى سەرىكتەستىگى بۇرىنعى ءبىر ءوندىرىس جەلىسىن رەتتەپ، سىناق جاساپ، 84 زارارسىزداندىرۋ سۇيىقتىعىن وندىرۋگە ۋاقىتشا وزگەرتتى. 2 - ايدىڭ 17 - كۇنى رەسمي وندىرىسكە ءتۇستى، 2 - ايدىڭ 22 - كۇنى كۇندىك ءوندىرىس قۋاتىنىڭ 15 تونناعا جەتكىزىلەتىندىگى مەجەلەندى.
زارارسىزداندىرۋ سۇيىقتىعىن ءوندىرۋ ءۇشىن ءوندىرىس رۇقسات كۋالىگى قاجەت، سول ءۇشىن قاتىستى تاراۋلار ەرەكشە ءىستى ەرەكشە جولمەن ءبىتىرىپ، كاسىپورىنعا جاسىل ارنا اشىپ، كاسىپورىننىڭ ءوندىرىستى ءساتتى وزگەرتۋىنە كومەكتەستى. وسى سەرىكتەستىكتىڭ باس ديرەكتورى رىن جىحۇي بىلاي دەدى: ”وسى جولى ءوندىرىس رۇقسات كۋالىگىن تەز الۋىمىز ۇكىمەتتىڭ جۇمىس باستاپ، ءوندىرىستى قالپىنا كەلتىرۋ قىزمەتىنە كوڭىل ءبولىپ، قولداۋىنىڭ ناتيجەسى. كەلەسى قادامدا، ءبىز تەبىندى كۇشەيتىپ، ءوندىرىستى كەڭەيتەمىز“.
كاسىپورىنداردىڭ جۇمىس باستاپ، ءوندىرىستى قالپىنا كەلتىرۋدەگى قيىنشىلىقتارىن دەر كەزىندە سايكەستىرىپ شەشۋ ءۇشىن، رايونىمىز ۇتىمدى شارا قولدانىپ، كاسىپورىنداردىڭ ورنىقتى ءوندىرىس جۇرگىزۋىنە قولداۋ كورسەتتى. 2 - ايدىڭ 9 - كۇنى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جۇڭگو پيڭان مال - مۇلىك قامسىزداندىرۋى جارنا شەكتى سەرىكتەستىگى شينجياڭ بولىمشە سەرىكتەستىگىنىڭ شاعىن، ۇساق كاسىپورىندارعا ”ميلليون قىزمەتكەردى قۇتقارۋ قاراجاتى“ حاۋىپ - قاتەرى ارناۋلى قامسىزداندىرۋىن تەگىن بەرۋ قىزمەتىن بەلسەنە سايكەستىردى. قازىر بۇكىل رايوندا 6000عا تاياۋ شاعىن، ۇساق كاسىپورىن وسى سەرىكتەستىك بەرگەن جالپى سوماسى 6 ميلليارد يۋانعا تايايتىن ارناۋلى قامسىزداندىرۋعا يە بولىپ، جۇمىس باستاعان كاسىپورىندار مەن ونداعى قىزمەتكەرلەردى ۋايىمنان ارىلتتى.
(تىلشىلەر ۋاڭ يۇيجاۋ، ما ينيڭ، چىن چياڭۋي، يۇي شي، شيا چيڭ، گى يوۋجۇن، لۋ فىڭباۋ، ەرىكتى تىلشىلەر ما تيانچي، شاڭ ليتيڭ، چىن شين، ليۋ شي جازعان)
