چىن چۋانگو ءۇرىمجى قالاسىندا كاسىپورىنداردىڭ جۇمىس باستاۋىنا، ءوندىرىستى قالپىنا كەلتىرۋىنە تەكسەرۋ - زەرتتەۋ جۇرگىزگەن كەزدە بىلاي دەپ باسا دارىپتەدى
ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى عىلمي ءبىر تۇتاس جوسپارلاپ، جۇمىس باستاۋدى، ءوندىرىستى قالپىنا كەلتىرۋدى حاۋىپسىز، ءتارتىپتى ىلگەرىلەتىپ، تۇتاس جىلدىق نىسانا مەن مىندەتتەردى قۇلشىنا جۇزەگە اسىرۋ كەرەك
2 - ايدىڭ 18 - كۇنى اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءۇرىمجى قالاسىندا كاسىپورىنداردىڭ جۇمىس باستاۋ، ءوندىرىستى قالپىنا كەلتىرۋ قىزمەتىنە تەكسەرۋ - زەرتتەۋ جۇرگىزدى. سۋرەتتە : ءۇرىمجى ەكونوميكالىق، تەحنيكالىق اشۋ رايونىنا ورنالاسقان جولاڭ شينجياڭ زەردەلى ماشينا شەكتى سەرىكتەستىگىندە چىن چۋانگو دەنە تەمپەراتۋراسىن ىرىقتىلىقپەن تەكسەرىپ - ولشەتكەننەن كەيىن، كاسىپورىننىڭ ءوندىرىس سەحىنا كىرىپ، ىندەتتەن ساقتانۋ - تىزگىندەۋ، قىزمەتكەرلەردىڭ قىزمەت ورنىنا ورالۋى، ءوندىرىس - تيجارات سياقتى جاعدايلاردى ۇعىستى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 2 - ايدىڭ 18 - كۇنى ۇرىمجىدەن حابارلايدى. 2 - ايدىڭ 18 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءۇرىمجى قالاسىندا كاسىپورىنداردىڭ جۇمىس باستاۋ، ءوندىرىستى قالپىنا كەلتىرۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە شىنايى كەپىلدىك ەتۋ العى شارتىندا، كاسىپورىنداردىڭ جۇمىس باستاۋىن، ءوندىرىستى قالپىنا كەلتىرۋىن حاۋىپسىز، ءتارتىپتى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ ەكى جاعىن يگەرۋدى، ەكى جاعىن دا قاتاڭ يگەرۋدى، ەكى جاعىن دا اقساتپاۋدى ورىنداپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قۇلشىنا قول جەتكىزۋ كەرەك.
ءۇرىمجى ەكونوميكالىق، تەحنيكالىق اشۋ رايونىنا ورنالاسقان جولاڭ شينجياڭ زەردەلى ماشينا شەكتى سەرىكتەستىگى قىزمەت ورنىنا ورالعان قىزمەتكەرلەردىڭ سالاماتتىق جاعدايىن جالپى بەتتىك ءبىر - بىرلەپ تەكسەرۋ، ىندەتتەن ساقتانۋ - تىزگىندەۋدىڭ ءتۇرلى شاراسىن قاتاڭ اتقارۋ نەگىزىندە ءوندىرىستى رەسمي قالپىنا كەلتىردى. سەرىكتەستىك ءار كۇنى زاۆود رايونىن، تۇرمىس رايونىن 4 رەت زارارسىزداندىردى ءارى جۇمىسشى - قىزمەتكەرلەردى ماسكى، قورعانۋ كيىمى، تۇيىق كوزىلدىرىك سياقتى قورعانۋ جابدىقتارىمەن قامدادى، كەزەككە ءبولىنىپ تاماقتانۋ ءتۇزىمىن اتقاردى. چىن چۋانگو دەنە تەمپەراتۋراسىن ىرىقتىلىقپەن تەكسەرىپ - ولشەتكەننەن كەيىن، كاسىپورىننىڭ ءوندىرىس سەحىنا كىرىپ، ىندەتتەن ساقتانۋ - تىزگىندەۋ، قىزمەتكەرلەردىڭ قىزمەت ورنىنا ورالۋى، ءوندىرىس - تيجارات سياقتى جاعدايلاردى ۇعىستى. ول كاسىپورىن جاۋاپتىلارىنا ءتۇرلى ساقتانۋ - تىزگىندەۋ تالاپتارىن مۇقيات تياناقتاندىرىپ، قىزمەتكەرلەردى قورعاۋ، سالاماتتىقتى باقىلاۋ - ولشەۋ، ورتانى زارارسىزداندىرۋ سياقتى قىزمەتتەردى شىنايى ويداعىداي ىستەپ، ءوندىرىستى عىلمي، ۇيلەسىمدى ورنالاستىرىپ، ىندەتتەن ساقتانۋ - تىزگىندەۋدى جانە كاسىپورىننىڭ ءوندىرىس - تيجاراتىن ءبىر تۇتاس جوسپارلاپ ويداعىداي ىستەۋدى قاداعالادى.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي يگەرىپ، عىلمي ساقتانۋ - تىزگىندەۋدىڭ، دالمە - ءدال ساقتانۋ - تىزگىندەۋدىڭ ءتۇرلى شاراسىن ناقتى، ەگجەي - تەگجەيلى تياناقتاندىرىپ، كاسىپورىنداردىڭ جۇمىس باستاۋىن، ءوندىرىستى قالپىنا كەلتىرۋىن ءتارتىپتى ىلگەرىلەتىپ، ىندەت ىقپالىن ەڭ تومەنگى دەڭگەيگە تۇسىرۋگە قۇلشىنىپ، بار كۇشپەن ەكونوميكانىڭ ورنىقتى اينالىمى مەن قوعامنىڭ جاراسىمدىلىعىن، ورنىقتىلىعىن ساقتاۋ كەرەك. تۇرگە ءبولىپ جەتەكشىلىك ەتۋگە تاباندى بولىپ، شىندىقتى ءىس جۇزىنەن ىزدەپ، ءىس جۇزىندىكتى تياناق ەتىپ، جەرگىلىكتى ورىننىڭ، كاسىپتىڭ، كاسىپورىننىڭ جاعدايىنا قاراي شارا اتقارىپ، وڭىرگە ءبولىپ، كاسىپكە ءبولىپ، ۋاقىت كەزەڭىنە ءبولىپ، حاۋىپسىز، ءتارتىپتى ىلگەرىلەتۋ كەرەك. ساقتانۋ - تىزگىندەۋ شاراسىن قاتايتىپ، ىندەتتەن ساقتانۋ - تىزگىندەۋگە جاۋاپتى ارناۋلى ادام ورنالاستىرىپ، قىزمەت ورنىنا ورالعان قىزمەتكەرلەردىڭ سالاماتتىعىن باقىلاۋ - ولشەۋدى جان - جاقتى، ەگجەي - تەگجەيلى ويداعىداي ىستەپ، قىزمەتكەرلەردىڭ جەكەلىك قورعانۋىن كۇشەيتىپ، ءوندىرىس، جۇمىس، جاتاق ورىندارىنىڭ تازالىعىن وڭاۋدى، زارارسىزداندىرۋدى، اۋا الماستىرۋدى ويداعىداي يگەرىپ، ساقتانۋ - تىزگىندەۋدىڭ شۇعىل جاعدايعا توتەپ بەرۋ جوباسىن كەمەلدەندىرىپ، ىندەتتىڭ جۇمىس باستاۋ، ءوندىرىستى قالپىنا كەلتىرۋ بارىسىندا كەڭەيۋىنەن، ورشۋىنەن باتىل ساقتانۋ كەرەك. ساياساتتىق سۇيەمەلدەۋدى كۇشەيتىپ، سالىقتى ازايتۋ، اقىنى تومەندەتۋ ساياساتتارىن تياناقتاندىرىپ، فينانس قۇرىلىمدارىن پارىقتى تيىمدىلىك جاساۋ فينانستىق قىزمەت وتەۋدى ورىستەتۋگە جەتەكتەپ، كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ دامۋىنا كوپ شارالاردى قاتار قولدانۋ ارقىلى قولداۋ كورسەتۋ كەرەك. ءىس جۇزىندىك قيىنشىلىقتى شەشۋدە، كاسىپورىنداردىڭ جۇمىس باستاۋ، ءوندىرىستى قالپىنا كەلتىرۋ بارىسىندا ءدوپ كەلگەن قىزمەتكەرلەردىڭ قىزمەت ورنىنا ورالۋ، شيكىزاتپەن قامداۋ، بازاردا ساتۋ، قارجى اينالىمى سياقتى قيىن ماسەلەلەرىن باعىتتامالى تۇردە شەشىپ، كاسىپورىنداردىڭ قيىنشىلىق وتكەلىنەن وتۋىنە زەيىن - زەردەسىن، سۇيىسپەنشىلىگىن، كۇش - قۋاتىن ارناي وتىرىپ كومەكتەسۋ كەرەك. فاكتورلارمەن قامتاماسىزداندىرۋدى كۇشەيتىپ، كومىر، ەلەكتر، مۇناي، گاز، تاسىمال قامداۋ - قاجەتسىنۋىن ۇشتاستىرۋدى مۇقيات ويداعىداي ىستەپ، عىلمي ورنالاستىرىپ، قامداۋدى قامتاماسىزداندىرىپ، كاسىپورىنداردىڭ قالىپتى وندىرىسىنە پارمەندى تىرەك ازىرلەۋ كەرەك. قىزمەت وتەۋ تانىمىن كۇشەيتۋ كەرەك، وڭىرلەر، تاراۋلار جانە ءار دارەجەلى باسشى كادرلار ستيلگە بۇرىلىس جاساپ، ءبىرىنشى شەپكە بارىپ، الدىڭعى شەپتە تۇرىپ قىزمەت وتەپ، ەرەكشە ءىستى ەرەكشە جولمەن بىتىرۋگە، شۇعىل شارۋانى شۇعىل بىتىرۋگە تاباندى بولىپ، جاسىل ارنا اشىپ، قىزمەت ءتارتىبىن قاراپايىمداستىرىپ، كاسىپورىنداردىڭ ءتارتىپتى تۇردە جۇمىس باستاۋىنا، ءوندىرىستى قالپىنا كەلتىرۋىنە، باياندى، اقاۋسىز دامۋىنا تاماشا شارت - جاعداي جاساۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ تەكسەرۋ - زەرتتەۋدە بىرگە بولدى.
