شينحۋا اگەنتتىگىنىڭ 2 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 18 - كۇنى تۇستەن كەيىن ۇسىنىس بويىنشا فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ مىنالاردى اتاپ كورسەتتى: جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان شەشۋشى ساتتە، زۇڭتۇڭ مىرزانىڭ تاعى دا تەلەفون بەرىپ جۇڭگو جاقتان حال سۇراپ، قولداۋ كورسەتكەندىگى جۇڭگو مەن فرانسيا ەكى ەلدىڭ تەرەڭ دوستىعىن جانە جۇڭگو مەن فرانسيانىڭ جاپپاي ستراتەگيالىق سەرىكتەستىك قارىم - قاتىناسىنىڭ جوعارى دەڭگەيىن ءارى ءوزىڭىزدىڭ جۇڭگوعا، جۇڭگو مەن فرانسيا قارىم - قاتىناسىنا وسكەلەڭ ءمان بەرەتىنىڭىزدى تولىق ايگىلەدى، مەن بۇعان العىس ايتامىن جانە ونى القايمىن.
شي جينپيڭ مىنالاردى باسا دارىپتەدى: ىندەت تۋىلعاننان بەرى، جۇڭگو جاق جابال اتتانىسقا كەلىپ، جان - جاقتى ورنالاستىرۋ جاساپ، بۇكىل ەل بولىپ جۇمىلىپ، ءبىر نيەتپەن ىنتىماقتاسىپ، ىندەتتەن ساقتانۋ - تىزگىندەۋدىڭ حالىقتىق شايقاسىن باستادى. جۇڭگودا قۇدىرەتتى اتتانىسقا كەلتىرۋ قۋاتى مەن جالپىلىق ناقتى كۇش - قۋاتى بار، الەۋمەتتىك دەنساۋلىق ساقتاۋ وقيعاسىنا توتەپ بەرۋ تاجىريبەسى بار، ءسوزسىز، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزە الادى. كەزەكتە ءتۇرلى ساقتانۋ - تىزگىندەۋ شارالار ءونىمدى ناتيجەلەرگە قول جەتكىزۋدە. ءبىز ساقتانۋ - تىزگىندەۋ قىزمەتىن ويداعىداي ىستەۋ العى شارتىندا، ءتۇرلى كاسىپورىنداردىڭ، ءىسورىندارىنىڭ جۇمىس باستاۋىن، ءوندىرىستى قالپىنا كەلتىرۋىن قولداپ جانە ىلگەرىلەتىپ، قوعامدىق قامداۋدىڭ جەتكىلىكتى بولۋىن قامتاماسز ەتەمىز. ىندەتتىڭ جۇڭگونىڭ ەكونوميكاسىنا جاسايتىن ىقپالى ۋاقىتشا عانا، قۇلشىنىس جاساۋ ارقىلى بيىل ءبىز بۇرىنعىداي بەلگىلەنگەن ەكونوميكالىق، قوعامدىق دامۋ نىسانا - مىندەتتەرىمىزدى جۇزەگە اسىرا الاتىندىعىمىزعا كامىل سەنەمىن.
شي جينپيڭ مىنالاردى اتاپ كورسەتتى: شىنايى سۇيىسپەنشىلىك باسقا قيىنشىلىق تۇسكەندە كورىنەدى. جۇڭگو جاق جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىن قورعاپ قانا قالماستان، جەر شارىنىڭ الەۋمەتتىك دەنساۋلىق حاۋىپسىزدىگىنە دە وسكەلەڭ جاۋاپتى بولادى. جۇڭگو جاق باستىسى، جۇڭگو حالقىنىڭ كۇش - قۋاتىنا سۇيەنىپ ىندەتكە قارسى اتتانۋدا، سونىمەن بىرگە حالىقارالىق قوعامنىڭ كومەگىنە دە العىس ايتادى. جۇڭگو جاق قاي - قاشان دا اشىق، جاريا ۇستاۋ پوزيتسياسىمەن، فرانسيانى قامتىعان ءارقايسى ەلدەرمەن سەلبەستىك ورىستەتىپ، ىندەتكە بىرگە توتەپ بەرەدى. جۇڭگو جاق فرانسيا جاقپەن دەنساۋلىق ساقتاۋ سالاسىنداعى ناقتى سەلبەستىكتى كۇشەيتىپ، ءوڭىردىڭ جانە جەر شارىنىڭ الەۋمەتتىك دەنساۋلىق حاۋىپسىزدىگىن بىرگە قورعاۋدى قالايدى.
ماكرون جۇڭگو ۇكىمەتى مەن حالقىنىڭ ءبىر نيەتپەن ىنتىماقتاسىپ، ىندەتكە قارسى اتتانعانىنا قولداۋ كورسەتەتىندىگىن تاعى دا ءبىلدىردى، جۇڭگو جاقتىڭ دەر كەزىندە پارمەندى شارالاردى اتقارىپ، جوعارى دەڭگەيدە اشىق، جاريا ۇستاعاندىعىنا سۇيىنەتىندىگىن ءبىلدىردى. ماكرون مىنالاردى ءبىلدىردى: فرانسيا جاق جۇڭگو جاقتى ءبىر توپ ەمدەۋ زاتتىق ماتەريالدارىمەن قامدادى، ۇزدىكسىز تۇردە قاجەتتى كومەكتەر بەرۋدى قالايدى. فرانسيا جاق دۇنيە جۇزىلىك دەنساۋلىق ساقتاۋ ۇيىمىنىڭ ىندەتكە توتەپ بەرۋ جونىندەگى كاسىپتىك ۇسىنىسىنا قۇرمەت ەتەدى، ىندەت جونىنەن قايتارعان اڭىسى دا جالپى جاقتان وبيەكتيۆتى بولدى، قازىر فرانسيانىڭ ۋحاندا تۇراتىن باس كونسۋلى ءالى دە جۇمىس جۇرگىزۋدە. فرانسيا جاق جۇڭگو جاقپەن بىرگە ىندەتكە قارسى اتتانۋدى ءارى وسى ورايدا دەنساۋلىق ساقتاۋ جاعىنداعى سەلبەستىكتى كۇشەيتۋدى قالايدى.
شينحۋا اگەنتتىگىنىڭ 2 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 18 - كۇنى تۇستەن كەيىن ۇسىنىس بويىنشا ۇلى بريتانيانىڭ باس ءۋازىرى جونسونمەن تەلەفوندا سويلەستى.
شي جينپيڭ ەليزابەدⅡ ايەل پاتشا مەن جونسوننىڭ جۇڭگو جاقتىڭ جاڭا تيپتى ايدارشا ۆيرۋس وكپە قابىنۋى ىندەتىنە قارسى اتتانعاندىعىنا وراي حال سۇراعاندىعىنا العىس ايتتى. شي جينپيڭ بىلاي دەپ اتاپ كورسەتتى: ۇلى بريتانيا جاق ءبىزدىڭ ىندەتكە قارسى اتتانۋىمىز ءۇشىن زاتتىق ماتەريالدارمەن قولداۋ كورسەتتى، بۇل جۇڭگو - ۇلى بريتانيا ەكى ەل مەن ەكى ەل حالقىنىڭ دوستىق سۇيىسپەنشىلىگىن ايگىلەدى.
شي جينپيڭ بىلاي دەپ باسا دارىپتەدى: ىندەت تۋىلعاننان بەرى، جۇڭگو جاق باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويۋعا تاباندى بولىپ، ءتۇزىم ابزالدىعىن تولىق ساۋلەلەندىرىپ، بۇكىل ەل بولىپ كۇش شىعارىپ، ەڭ جان - جاقتى، ەڭ قاتاڭ، ەڭ تۇبەگەيلى ساقتانۋ - تىزگىندەۋ شارالارىن قولداندى. قاجىرلى قۇلشىنىس ارقىلى ىندەتتەن ساقتانۋ - تىزگىندەۋ جاعدايىندا بەلسەندى وزگەرىستەر بولىپ، ساقتانۋ - تىزگىندەۋ شارالارىندا كورنەكتى ناتيجەلەرگە قول جەتتى. قازىر ىندەتتەن ساقتانۋ - تىزگىندەۋ قىزمەتى شەشۋشى كەزەڭگە ءوتتى. ءبىز ىندەتتەن ساقتانۋ - تىزگىندەۋ قىزمەتىن باتىلدىقپەن ويداعىداي ىستەۋمەن بىرگە، ىندەت تۋدىرعان ىقپالدى قۇلشىنا ازايتامىز. جۇڭگو ەكونوميكاسىنىڭ توزىمدىلىگى كۇشتى، ىشكى سۇرانىس كەڭىستىگى كەڭ، كاسىپ سالاسى نەگىزى مىعىم، ءبىزدىڭ بيىلعى ەكونوميكالىق، قوعامدىق دامۋ نىسانالارىن، اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ ءتۇيىندى مىندەتتەرىن ويداعىداي يگەرۋگە سەنىمىمىز بار، قابىلەتىمىز قاپتال جەتەدى.
شي جينپيڭ بىلاي دەپ اتاپ كورسەتتى: جۇڭگو جاق ادامزاتتىڭ تاعدىرلاس ورتاق تۇلعاسى ۇستانىمىنان جازباي، ءوز ەلى حالقىنىڭ ءومىرىنىڭ حاۋىپسىزدىگى مەن دەنساۋلىعىنا جاۋاپتى بولىپ قالماستان، جەر شارىنىڭ الەۋمەتتىك دەنساۋلىق ساقتاۋ ىستەرىنە دە بارىنشا جاۋاپتى بولادى. ءبىز زور قۇلشىنىسىمىزبەن ىندەتتىڭ بۇكىل جەر شارى كولەمىندە تارالۋىن ءونىمدى تەجەدىك. جۇڭگو جاق اشىق، جاريا بولۋ پوزيتسياسىمەن ۇلى بريتانيانى قامتىعان ءارقايسى ەلدەرمەن سەلبەستىك ورىستەتۋدى جالعاستىرادى.
شي جينپيڭ مىنانى باسا دارىپتەدى: جۇڭگو - ۇلى بريتانيا ەكەۋى دە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى مۇشە ەلدەرى، الەمدىك باسەكە كۇن سايىن جيىلەي تۇسكەن جاعدايدا، قول ۇستاسا اناعۇرلىم كوپ جاۋاپكەرشىلىك ارقالاپ، اناعۇرلىم كوپ ىسكەرلىك كورسەتىپ، جۇڭگو مەن ۇلى بريتانيانىڭ جاپپاي ستراتەگيالىق سەرىكتەستىك قارىم - قاتىناسىنىڭ جاڭا ون جىلىندا تاعى دا ساپارعا اتتانۋعا جەتەكشىلىك ەتۋ كەرەك. ەكى جاق ستراتەگيالىق تۇرعىدان جانە ساياسي دەڭگەيدەن ەكى ەل قارىم - قاتىناسى دامۋىنىڭ ۇلكەن بەتالىسىن يگەرۋدەن جازباۋى، ءبىر - بىرىنە پايدا جەتكىزىپ، تەڭ يگىلىككە كەنەلۋ سەلبەستىك باعدارىنان جازباۋى، ءوزارا قۇرمەت ەتۋ نەگىزىندە ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - بىرىنە قارايلاسۋى كەرەك. ەكى جاق جوعارى جىكتەگىلەردىڭ ءوزارا ىقپالداستىعىن كۇشەيتىپ، جۇڭگو - ۇلى بريتانيا ەكونوميكاسىنىڭ ءبىر - ءبىرىن تولىقتىرۋىن ۇشتاستىرىپ، اناعۇرلىم كوپ ناقتى سەلبەستىكتەر ورىستەتۋى كەرەك. جۇڭگو جاق ۇلى بريتانيا جاقپەن بىرگە كوپ جاقتىلىق پەن ەركىن ساۋدانى قورعاپ، كەلەلى حالىقارالىق جانە وڭىرلىك ماسەلەلەردە بايلانىستى كۇشەيتۋدى قالايدى.
جونسون ۇلى بريتانيا ۇكىمەتى مەن حالقى اتىنان جۇڭگو حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە ۇشىراۋىنا بايلانىستى حال سۇرايتىندىعىن ءبىلدىردى، جۇڭگونىڭ ىندەتتەن ساقتانۋ - تىزگىندەۋ جونىندە جالپى بەتتىك، پارمەندى شارا قولدانىپ، دەر كەزىندە حالىقارالىق قوعاممەن ينفورماتسيالاردى ورتاقتاسىپ، ىندەتتىڭ دۇنيە جۇزىنە تارالۋىنان قۇلشىنا ساقتانعاندىعىن بارىنشا القادى. جونسون مىنالاردى ءبىلدىردى: ۇلى بريتانيا جاق جۇڭگو جاقتىڭ ىندەتكە قارسى اتتانۋ بارىسىندا كورسەتكەن لەزدىگى مەن ونىمدىلىگىنە ءسۇيىنىش بىلدىرەدى، جۇڭگو جاققا ۇزدىكسىز قولداۋ جانە كومەك كورسەتۋدى قالايدى. ءتوراعا شي جينپيڭنىڭ باسشىلىعىندا، جۇڭگو حالقىنىڭ ىندەتكە قارسى اتتانۋدىڭ جەڭىسىنە، ءسوزسىز، قول جەتكىزەتىندىگىنە ءارى ىندەتتىڭ جۇڭگو ەكونوميكاسىنىڭ، قوعامىنىڭ دامۋىنا بولعان ىقپالىن ەڭ تومەنگى شەككە تۇسىرەتىنىنە سەنەمىن.
جونسون مىنالاردى ءبىلدىردى: ءوز باسىم جۇڭگونى اسا قادىرلەيمىن، ۇلى بريتانيا جاڭا ۇكىمەتىن باستاپ، جۇڭگو جاقپەن بىرگە ءتۇرلى جىكتەگى بارىس - كەلىستى جيىلەتىپ، ءتۇرلى سالاداعى سەلبەستىكتى تەرەڭدەتىپ، ۇلى بريتانيا − جۇڭگو قارىم - قاتىناسى ”التىن ءداۋىرى“نىڭ ۇزدىكسىز جاڭا تابىستارعا قول جەتكىزۋىن ىلگەرىلەتۋدى قالايمىن. ۇلى بريتانيا جۇڭگو كاسىپورىندارىنىڭ ۇلى بريتانياعا بارىپ قارجى قوسۋىن قارسى الادى، ”ءبىر بەلدەۋ، ءبىر جول“دى بىرگە قۇرۋ جۇلگەسىندە جۇڭگو جاقپەن سەلبەستىكتى كۇشەيتۋدى قالايدى. ۇلى بريتانيا مەن جۇڭگو تۇگەلدەي ىقپالدى ءىرى ەلدەر، كوپتەگەن حالىقارالىق ماسەلەلەردەگى تۇرعىسى قارايلاس. ەكى جاق تۇگەلدەي كوپ جاقتىلىقتى دارىپتەپ، ەركىن ساۋدانى قولداپ، كوپ جاقتى ساۋدا ءتۇزىلىسىن قورعايدى. ۇلى بريتانيا جاق بيىل ءوزى باس بولىپ وتكىزەتىن «بىرلەسكەن مەملەكەتتەر ۇيىمى كليمات وزگەرىسى جۇلگەلىك شارتى» ءماجىلىسى جانە جۇڭگو جاق باس بولىپ وتكىزەتىن «ورگانيزمدەردىڭ الۋان تۇرلىلىگى شارتى» ءماجىلىسى جونىندە سەلبەستىكتى كۇشەيتىپ، حالىقارالىق قوعامنىڭ كليمات وزگەرىسىنە توتەپ بەرۋ سەلبەستىگىن بىرگە ىلگەرىلەتۋدى قالايدى.
