حابارىن جازىپ سۋرەتىن تۇسىرگەن ٴتىلشى شىن زۋشياۋ. توقتاتقانىمەن ۇيرەنۋدى توقتاتپادى، 2 - ايدىڭ 17 - كۇنىنەن بەرى، شينجياڭنىڭ ءارقايسى ايماق، وبلىس، قالا، اۋىل ـ قىستاقتارىنداعى بالالار قول تەلەفون، كومپيۋتەر، «قىستاقتارعا دەيىن، وتباسىلارىنا دەيىن جەتكىزىلگەن»جاساندى سەرىك تەلەۆيزياسى سياقتى تاسىلدەر ارقىلى وزگەشە جاڭا وقۋ ماۋسىمىن كۇتىپ الدى.
2 ـ ايدىڭ 18 ـ كۇنى تۇستەن بۇرىن فۋكاڭ قالاسى شۇيموگۋ اۋىلى شۇيموگۋ جاڭا قىستاعىنداعى باستاۋىش مەكتەپتە وقيتىن ٴدىلنارا ۇيىندە جەلىدەگى بەينەجازبا ساباعىن مۇقيات وقىدى.
شەشەسىنىڭ قول تەلەفونىمەن كلاس جەتەكشىسى لي جيڭ مۇعالىمنىڭ ۇنحاتى ارقىلى جولداعان وسى اپتالىق ساباق كەستەسىن تاپسىرىپ الدى: تۇستەن بۇرىن ادەبيەت، ماتەماتيكا ساباعى، ٴار رەتكى ساباق 20 مينۋت بولادى؛ تۇستەن كەيىن دەنە تاربيە، مۋزيكا، اسەمونەر ساباعى، جانە وتباسىلىق ەڭبەك ىستەيدى.
«مەن جاڭا اۋلانىڭ ٴىشىن اينالىپ 10 رەت جۇگىردىم، ەندى شەشەمە كومەكتەسىپ ٴۇي تازالايمىن». وسى ۋاقىت فۋكاڭ قالاسى چىڭگۋان اۋىلى نانۋان قىستاعىنداعى لو يۇڭحاڭنىڭ قاربالاستىققا تۇسەتىن كەزى. ول تىلشىگە بۇل دا مۇعالىمنىڭ ۇنحاتتان جولداعان تاپسىرماسى ەكەنىن ايتتى.
لو يۇڭحاڭ ۇيىندە ۇيرەنۋدە.
حوتان اۋدانى ساعىزكول اۋىلى قۇمشاقا قىستاعىنداعى 3 ـ جىلدىقتىڭ وقۋشىسى بۇزەينەپ ابدىرەيىم قول تەلەفون ارقىلى وقىتۋشىمەن بەينەجازبادا سويلەستى، ونىڭ «ۇيىندە جاتىپ» ۇيرەنۋىنە قولايلىلىق جاساۋ ٴۇشىن، وتباسىنداعىلار ۇيگە تور ورناتتى.
بۇزەينەپ ابدىرەيىم ۇيىندە ۇيرەنۋدە.
اۆتونوميالى رايوندىق قاتىناس مەڭگەرمەسى قاتىناس قۇرىلىسىن باسقارۋ مەكەمەسىنىڭ حوتان اۋدانى ساعىزكول اۋىلى قۇمشاقا قىستاعىندا تۇراتىن ٴبىرىنشى شۋجيى جاڭ چينشىڭ بىلاي دەدى: قىستاق كادرلارى 2 - ايدىڭ 13 - كۇنىنەن باستاپ قىستاقتاعى وقۋشىلاردىڭ وتباسىلارىن ارالاپ، تەلەۆيزورلارىن تەڭشەپ - سىناپ، تەلەگراف تاراۋلارىمەن بايلانىس جاساپ، تور ورناتتى، سونىمەن بىرگە اتا ـ انالارعا وقۋشىلاردىڭ تورعا شىعۋ ۋاقىتىن شەكتەپ، جەلىدە ۇيرەنۋ ۋاقىتىن قاتاڭ مەڭگەرۋدى ەسكەرتتى.
بۇراتالا موڭعۇل اۆتونوميالى وبلىستىق وقۋ - اعارتۋ مەكەمەسى وقۋ - اعارتۋ ٴبولىمىنىڭ باستىعى ۋ جياڭحۇيدىڭ تانىستىرۋىنشا، بۇراتالا وبلىسى ٴارقايسى مەكتەپتەرگە وقۋشىلاردىڭ جەلىدە ۇيرەنۋ شارت ـ جاعدايىنا قاراي تۇرگە ٴبولىپ جەتەكشىلىك ەتۋدى، جەلىدە ۇيرەنۋ شارت ـ جاعدايى جوق وقۋشىلارعا تەلەفون سياقتى تاسىلدەر ارقىلى ۇيرەنۋىنە، پىسىقتاۋىنا جەتەكشىلىك ەتۋدى، ىندەت اياقتالىپ، رەسمي وقۋ باستالعاننان كەيىن، ٴارقايسى مەكتەپتەر بارلىق وقۋشىلارعا «تىڭنان باستاپ» ۇيرەتۋدى تالاپ ەتتى.
