تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق ۇكىمەتى 79 - رەتكى ۇنەمىلىك ىستەر ءماجىلىسىن اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 2 - ايدىڭ 19 - كۇنى ۇرىمجىدەن حابارلايدى. 2 - ايدىڭ 19 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 79 - رەتكى ۇنەمىلىك ىستەر ءماجىلىسىن باسقارىپ اشىپ، بۇكىل رايوننىڭ تاس جولدا شەكتەن اسىرۋدى جونگە سالۋ جۇيەسى جانە جونگە سالۋ قابىلەتى قۇرىلىسىن كۇشەيتۋ، زەينەتكەرلىك قىزمەت وتەۋىنىڭ دامۋىن ىلگەرىلەتۋ قاتارلى قىزمەتتەردى اقىلداستى.

  ءماجىلىس مىنالاردى اتاپ كورسەتتى: تاس جولدا شەكتەن اسىرۋدى جونگە سالۋ قىزمەتىن كۇشەيتۋ حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە سايادى، تاس جول نەگىزدىك قۇرىلعىلارىنىڭ حاۋىپسىز جۇمىس جۇرگىزۋىنە سايادى، زات تاسىمال كاسىبىنىڭ وزىندىك قۇندى تومەندەتىپ، ونىمدىلىكتى ارتتىرۋىنا جانە ورنىقتى دامۋىنا سايادى. اۆتونوميالى رايونداعى قاتىستى ورىندار مەن تاراۋلار قاتىناس - تاسىمالدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن باعدار، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە تاس جول نەگىزدىك قۇرىلعىلارىنىڭ حاۋىپسىزدىگىن قورعاۋدى نىسانا ەتىپ، ”ۇكىمەت باسشىلىق ەتۋ، تاراۋلار بىرلەسىپ قيمىلداۋ، جاپپاي جونگە سالۋ، تۋ باستان باسقارۋ - تىزگىندەۋ مەن قاتىناۋدى باقىلاۋ - باسقارۋدى ۇشتاستىرۋپرينسيبى بويىنشا، قىزمەت مەحانيزمىن ساپالىلاندىرىپ، عىلىم - تەحنيكانى تىرەك ەتۋدى كۇشەيتىپ، اۆتوكولىكتەردىڭ قارقىندى شەكتەن اسىرۋ، تيەۋدى شەكتەن اسىرۋىن جونگە سالۋ قىزمەتىن جاپپاي كۇشەيتىپ، زاڭعا قايشى تۇردە قارقىندى شەكتەن اسىرىپ، تيەۋدى شەكتەن اسىرىپ تاسىمال ارەكەتىمەن اينالىسۋدى باتىل اۋىزدىقتاپ، تاس جولداعى حاۋىپسىزدىكتى، ىركىلىسسىزدىكتى، جوعارى ءونىمدى اينالىمدى قامتاماسىز ەتىپ، جوعارى ساپالى دامۋدى ىلگەرىلەتۋ كەرەك.

  ءماجىلىس مىنالاردى اتاپ كورسەتتى: دەموگرافيالىق قارتايۋ اكەلگەن قوعامدىق ماسەلەلەردى ۇيلەسىمدى شەشىپ، زەينەتكەرلىككە قىزمەت وتەۋدىڭ دامۋىن جەدەل ىلگەرىلەتۋ − حالىق تۇرمىسىن قامتاماسىز ەتۋ مەن ونى جاقسارتۋدا ىستەۋگە ءتيىستى ءىس ءارى ورنىقتىلىق پەن دامۋدى ىلگەرىلەتۋدەگى ماڭىزدى شارا. اۆتونوميالى رايونداعى قاتىستى ورىندار مەن تاراۋلار جاۋاپكەرشىلىكتى تياناقتاندىرۋدى كۇشەيتىپ، بەلسەندىلىكپەن سايكەسە بىرلەسىپ قيمىلداپ، زەينەتكەرلىككە قىزمەت وتەۋ قۇرىلعىلارىمەن قامداۋدى اناعۇرلىم كەڭەيتىپ، زەينەتكەرلىككە قىزمەت وتەۋدىڭ دامۋ ورتاسىن ساپالىلاندىرىپ، نەگىزگى ساتىنىڭ زەينەتكەرلىك قىزمەتىن نىعايتۋ كۇشتەرىن بايىتۋى كەرەك. ۇيدە كۇتىمدەۋدىڭ، الەۋمەتتىك اۋماقتا كۇتىمدەۋدىڭ جانە قۇرىلىمداردا كۇتىمدەۋدىڭ توعىسپالى دامۋىن ىلگەرىلەتىپ، قارتتارعا قامقورلىق جاساۋ، قىزمەت وتەۋ جۇيەسىن اقاۋسىزداندىرىپ، ەمدەۋ مەن كۇتىمدەۋدى ۇشتاستىرىپ، قىزمەت وتەۋ قابىلەتىن جوعارىلاتىپ، زەينەتكەرلىككە قىزمەت وتەۋدىڭ ولشەمدەنگەن جۇيەسىن كەمەلدەندىرىپ، قارتتاردى كۇتىمدەۋ قۇرىلىمدارىنىڭ ورتتەن ساقتانۋ - ءسوندىرۋ، ازىق - تۇلىك حاۋىپسىزدىگى سياقتىلاردى جان - جاقتى باقىلاۋ - باسقارۋ مەحانيزمىن اقاۋسىزداندىرىپ، بۇكىل رايونداعى ءار ۇلت قارتتارىنىڭ كوپ ءتۇرلى، كوپ جىكتى زەينەتكەرلىك قىزمەت وتەۋ قاجەتىن ءونىمدى تۇردە قامتاماسىزداندىرىپ، قارتتاردىڭ، سونداي - اق ولاردىڭ پەرزەنتتەرىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇش سالا ارتتىرۋ كەرەك.

  ءماجىلىس باسقا كەڭەستىك تاقىرىپتاردى دا اقىلداستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.