شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ يۋە 2 - ايدىڭ 19 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋدىڭ ءبىرىنشى شەبىندە، رايونىمىزدىڭ عىلىم - تەحنيكا كاسىپورىندارى ءوز كەرەمەتتەرىن كورسەتىپ، ىندەتتەن ساقتانۋ - تىزگىندەۋگە قىزمەت وتەدى.
شيپاحانانىڭ اۋاشالاۋ ناۋقاس بولمەسىندە قورعانۋ كيىمىن كيگەن سەسترا جىلجىمالى كەزدەسۋ ماشيناسىن ناۋقاستىڭ قاسىنا يتەرىپ اپاردى. ماشيناداعى اسپاپ ارقىلى اۋاشالاۋ ءۇيىنىڭ سىرتىنداعى شيپاگەردىڭ ناۋقاستى بەينەكامەرامەن كورىپ، ناۋقاستىڭ كۇي - جايىن بىلۋىنە، ناۋقاستىڭ دەنە تەمپەراتۋراسى، ەلەكتروكارديوگرامما كەسكىنى، قان قىسىمى شاماسى سياقتى دەنەلىك بەلگى ساندى مالىمەتتەرىنەن حاباردار بولۋىنا، ءتىپتى، ونىمەن سويلەسۋىنە بولادى. سودان كەيىن شيپاگەر اۋرۋىنا قاراي ءدارى بەرىپ، ناۋقاستى ەمدەيدى.
قول تەلەفوننىڭ جىلجىمالى ينتەرنەتىنەن پايدالانىپ دىبىستى، بەينەنى ءوزارا جەتكىزىپ، اۋاشالانعان اۋماق پەن تازا اۋماقتىڭ ينفورماتسياسىن ىركىلىسسىز جەتكىزەتىن شيپاحانانىڭ اۋاشالاپ كەزدەسۋ جۇيەسى قازىر اۆتونوميالى رايوندىق جۇقپالى اۋرۋلار شيپاحاناسى، ءۇرىمجى قالالىق جۇڭگوشا شيپاگەرلىك شيپاحاناسى سياقتى شيپاحانالاردا ىسكە قوسىلدى. وسى جۇيە شيپاحاناداعى ەمدەۋ قىزمەتكەرلەرىنىڭ جۇعىمدالۋ قاتەرىن ەڭ جوعارى شەكتە ازايتىپ، ەمدەۋ ونىمدىلىگىن جوعارىلاتتى.
”ىندەت تۋىلعاننان كەيىن، سەرىكتەستىگىمىز تولاسسىز 24 ساعات قورعاۋ قىزمەت وتەۋىمەن قامداپ، جۇيەنىڭ قالىپتى جۇمىس جۇرگىزۋىن قامتاماسىز ەتتى“، - دەدى 2 - ايدىڭ 19 - كۇنى شيپاحانانىڭ اۋاشالاپ كەزدەسۋ جۇيەسىن زەرتتەپ جاساۋشى شينجياڭ شىنجوۋ شىحان عىلىم - تەحنيكا شەكتى سەرىكتەستىگىنىڭ باس ديرەكتورى ۋاڭ حاييان.
تەك شينجياڭ شىنجوۋ شىحان عىلىم - تەحنيكا شەكتى سەرىكتەستىگى عانا ىندەتكە قارسى اتتانۋعا قىزمەت وتەپ قالماستان، عىلىم - تەحنيكالىق زات اينالىمى كاسىپورنى شينجياڭ حايكى پۋلوگى عىلىم - تەحنيكا شەكتى سەرىكتەستىگى دە ۋحان حالىقارالىق كورمە ورتالىعىنىڭ زاتتىق ماتەريالداردى ۇلەستىرۋىنە سول جەردە جۇمىس جۇرگىزىپ قولداۋ كورسەتتى؛ شينجياڭ ياۋدۋحۇي ءدارى - دارمەك كاسىبى شەكتى سەرىكتەستىگى ەمدەۋ، ءدارى - دارمەك تۇعىرىنىڭ جوعارى ونىممەن زات قاينارىن ۇلەستىرۋ رولىن ساۋلەلەندىرىپ، ەمدەۋگە پايدالانىلاتىن ماسكى، ەمدەۋگە پايدالانىلاتىن قورعانۋ كيىمى سياقتى زاتتىق ماتەريالداردى دايىنداپ، جۇمىس باستاعان كاسىپورىنداردىڭ ءوندىرىسى مەن قامداۋىن سايكەستىرىپ، قامتاماسىز ەتتى.
سونىمەن بىرگە، رايونىمىزدىڭ حابارلاسۋ تۇرىندەگى جوعارى، جاڭا تەحنيكالىق كاسىپورىندارى ىركەس - تىركەس الىس ارالىقتان جۇمىس ىستەۋ، ءتۇيىندى قىزمەت ورىندارىندا 24 ساعات بويى جۇمىستا بولۋ ادىستەرىن قولدانىپ، شيپاحانا، اۋەجاي، ۆوكزال، مەترو سياقتى الەۋمەتتىك قاتىناس سالالارىندا جانە حالىق تۇرمىسىنا قاتىستى ءتۇيىندى كاسىپورىنداردا، جىلجىمالى حابارلاسۋ جەلىسى مەن وتباسىلىق كەڭ جولاقتى ينتەرنەت جەلىسى سياقتىلاردى قامتىعان ورىنداردا شۇعىل جاعدايعا توتەپ بەرۋ بويىنشا حابارلاسۋدى قامتاماسىز ەتتى.
”سەرىكتەستىك نەگىزىنەن ءۇرىمجى، سانجى، اقسۋ سياقتى جەرلەردەگى 17 اۋداننىڭ، رايوننىڭ جىلجىمالى حابارلاسۋ ينتەرنەت جەلىسىن قورعاۋ - كۇتۋگە جاۋاپتى. سوڭعى كۇندەرى سەرىكتەستىكتىڭ كاسىپتەرى شۇعىل ينتەرنەتتىك ارناۋلى جەلى اشۋ، كىلتيپانداردى جەدەل جوندەۋ، جەتكىزۋ جەلىسىن ارالاۋدى نەگىز ەتتى، كاسىپ مولشەرى بۇرىنعىدان ازايىپ كەتكەنىمەن، حابارلاسۋدى قورعاۋ - كۇتۋدىڭ، قامتاماسىز ەتۋدىڭ دارەجەسى جوعارىلادى. 2 - ايدىڭ 3 - كۇنىنەن 19 - كۇنىنە دەيىن، سەرىكتەستىك ءوزىنىڭ ىندەتتەن ساقتانۋىن ويداعىداي ىستەۋگە شىنايى كەپىلدىك ەتۋ العى شارتىندا، شينجياڭ وڭىرىندە 632 رەت شۇعىل جاعدايعا توتەپ بەرۋ بويىنشا حابارلاسۋدى قامتاماسىز ەتتى، قامتاماسىز ەتۋ ۋاقىتى جيىنى 2662.69 ساعات بولدى“، - دەدى يۋانداۋ حابارلاسۋ جارنا شەكتى سەرىكتەستىگىنىڭ جاۋاپتىسى داڭ چۋان تىلشىگە.
