تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ماڭىزدى نۇسقاۋ بەردى

شي جينپيڭ ماڭىزدى نۇسقاۋ بەرىپ، مىنانى باسا دارىپتەدى

ەمدەۋ قىزمەتكەرلەرىن قورعاۋعا، ولارعا قامقورلىق جاساۋعا، ولاردى ايالاۋعا، ءسوزسىز، وسكەلەڭ ءمان بەرىپ، ەمدەۋ قىزمەتكەرلەرىنىڭ ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا شىنايى كەپىلدىك ەتۋ كەرەك

  شينحۋا اگەنتتىگىنىڭ 2 - ايدىڭ 19 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ىندەتتەن ساقتانۋ - تىزگىندەۋ قىزمەتىنە قاتىناسىپ جاتقان ەمدەۋ قىزمەتكەرلەرىنە قامقورلىق جاساۋ، ولاردى ايالاۋ جونىندە ارناۋلى تۇردە ماڭىزدى نۇسقاۋ بەرىپ، بىلاي دەپ باسا دارىپتەدى: ەمدەۋ قىزمەتكەرلەرى ىندەتتى جەڭۋدەگى تىرەكتى كۇش، ولاردى قورعاۋعا، ولارعا قامقورلىق جاساۋعا، ولاردى ايالاۋعا، ءسوزسىز، وسكەلەڭ ءمان بەرىپ، ءتۇرلى جاقتاردا قولداۋ كورسەتىپ، قامتاماسىز ەتىپ، ولاردىڭ باستان - اياق قۋاتتى جاۋىنگەرلىك قۋاتىن، اسقاق جىگەرىن، قاۋلاعان قايراتىن ساقتاپ، ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: قولباسشىلىق ەتۋدى، ورنالاستىرۋدى، ارتقى شەپ قامتاماسىزدىعىن عىلمي تۇردە تىڭعىلىقتى ىستەپ، ەمدەۋ قىزمەتكەرلەرىنىڭ قىسىمىن باسەڭدەتۋ، تۇرمىسىن قامتاماسىزداندىرۋ، قاجەتتى تۇردە تىنىقتىرۋ، رۋحاني جاقتان جىگەرلەندىرۋ جاقتارىندا، ءسوزسىز، دەر كەزىندە تياناقتاندىرۋدى كۇشەيتىپ، ءسوزسىز، حۋبەيداعى (ۋحان) ەمدەۋ قوسىندارىنىڭ قىزمەتتى حاۋىپسىز دە ءتارتىپتى، ءبىر تۇتاس جوسپارلاپ سايكەستىرىپ، پارمەندى دە ءونىمدى، دەر كەزىندە جىلدام ورىستەتۋىنە كەپىلدىك ەتۋ كەرەك.

  جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، قالىڭ ەمدەۋ قىزمەتكەرلەرى كۇندى تۇنگە جالعاپ ۇزدىكسىز ەرلىكپەن شايقاس جۇرگىزدى، كەيبىر ەمدەۋ قىزمەتكەرلەرى ۆيرۋسپەن جۇعىمدالدى، كەيبىرى، ءتىپتى، ءومىرىن ارناپ، شيپاگەرلەردىڭ مەيىرىمگە تولى اسقاق رۋحىن ايگىلەدى. شي جينپيڭ تالاي رەت ءماجىلىستى باسقارىپ اشىپ، ماڭىزدى ءسوز سويلەپ، ماڭىزدى نۇسقاۋ بەرىپ، بۇكىل ەلدە، اسىرەسە، حۋبەي مەن ۋحاندا ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جۇرگىزىپ جاتقان ەمدەۋ قىزمەتكەرلەرىنە پارتيا ورتالىق كوميتەتىنىڭ قامقورلىعىن جەتكىزدى. ول بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ جۇرگىزىپ، جەتەكشىلىك ەتكەندە قالىڭ ەمدەۋ قىزمەتكەرلەرىنەن شىن ىقىلاسپەن حال سۇرادى ءارى ولاردىڭ ءىس جۇزىندىك قيىنشىلىقتارى مەن ماسەلەلەرىن شەشۋىنە كومەكتەسۋ جونىندە ورنالاستىرۋ جاساپ، تالاپ قويدى.

  پارتيا ورتالىق كوميتەتىنىڭ ورنالاستىرۋى بويىنشا، بۇكىل ەلدەگى 29 ولكە، اۆتونوميالى رايون، قالا، شينجياڭ ءوندىرىس - قۇرىلىس بيڭتۋانى جانە ارميا جۇيەسى 30 مىڭنان استام ەمدەۋ قىزمەتكەرلەرىن حۋبەيعا (ۋحانعا) كومەككە جىبەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.