ٴتىلشى جاۋ مەي حابارلايدى. پسيحيكالىق كەدەرگىسى بار ناۋقاستاردىڭ ۇزدىكسىز تەگىن ٴدارى ىستەتۋىنە، مۇگەدەكتەردىڭ دەربەس شارۋاشىلىق قۇرۋىنا جانە جەكە جۇمىستانۋىنا قوسىمشا قاراجات تاراتۋىنا، مۇگەدەكتەرگە ساياتىن قۇرىلىمداردىڭ ٴۇي جالا اقىسىن ازايتۋىنا، كەشىرىم ەتۋىنە كەپىلدىك ەتۋ ٴۇشىن... جاڭا تيپتى ايدارشا ۆيرۋس وكپە قابىنۋ ىندەتىنىڭ الدىن الۋ - تىزگىندەۋ مەزگىلىندە، ٴۇرىمجى قالاسى مۇگەدەكتەرگە ٴتيىمدى 9 ٴتۇرلى شارانى العا قويىپ، مۇگەدەكتەردىڭ نەگىزگى تۇرمىسىن شىنايى قامتاماسىز ەتتى.
2 ـ ايدىڭ 19 ـ كۇنى، ٴتىلشىنىڭ ٴۇرىمجى قالالىق مۇگەدەكتەر بىرلەستىگىنەن ۇعىسۋىنشا، تاياۋدا ٴۇرىمجى قالالىق مۇگەدەكتەر بىرلەستىگى جانە ٴۇرىمجى قالالىق قازىنا مەكەمەسى «ىندەتتەن ساقتانۋ - تىزگىندەۋ مەزگىلىندە مۇگەدەكتەرگە تيىمدىلىك جاساۋدىڭ 9 ٴتۇرلى ساياساتتىق شاراسىن اتقارۋعا ۇيىمداستىرۋ جونىندەگى ۇقتىرۋىن» بىرلەسىپ جاريالادى. قوعامدىق قامتاماسىزداندىرۋ، وقۋ - اعارتۋ، جۇمىستاندىرۋ، ساۋىقتىرۋ سياقتى جاقتاردان مۇگەدەكتەرگە قىزمەت وتەۋدىڭ 9 ٴتۇرلى ناقتى شاراسىن ورتاعا قويدى، بۇل شارالار باستىسى مۇگەدەك بالالاردى ساۋىقتىرۋ، قۇتقارۋ - كومەكتەسۋ قىزمەتىن جاقسى ىستەۋ، پسيحيكالىق كەدەرگىسى بار ناۋقاستاردىڭ ۇزدىكسىز تەگىن ٴدارى ىستەتۋىنە كەپىلدىك ەتۋ، مۇگەدەكتەردى ساۋىقتىرۋعا قىزمەت وتەۋ جۇمىسىن ويداعىداي ىستەۋ، قامقورلىق بۇيىمداردى تاراتۋ، مۇگەدەكتەرگە حابارلاسۋ ترافيگى قوسىمشا قاراجاتىن تاراتۋ، مۇگەدەكتەردىڭ دەربەس شارۋاشىلىق قۇرۋىنا جانە جەكە جۇمىستانۋىنا قوسىمشا قاراجات بەرۋ، مۇگەدەكتەردى جۇمىستاندىرۋ قۇرىلىمدارىنا ىندەتكە ارنالعان قوسىمشا قاراجاتتان بەرۋ، مۇگەدەكتەردىڭ جۇمىستانۋىن شوعىرلى ورنالاستىرۋ قوسىمشا قاراجاتىن بەرۋ، مۇگەدەكتەرگە ساياتىن قۇرىلىمداردىڭ ٴۇي جال اقىسىن ازايتۋ، كەشىرىم ەتۋ سياقتىلاردى قامتيدى.
مۇنىڭ ىشىندە، ىندەتتەن ساقتانۋ - تىزگىندەۋ مەزگىلىندە، ٴۇرىمجى قالاسى 2019 ـ جىلى بۇكىل قالاداعى ارحيۆ تۇرعىزىلىپ، كارتچكا بەرىلگەن كەدەي، قيىنشىلىعى بار مۇگەدەك وتباسىلارىنا قۇنى 500 يۋاندىق قامقورلىق تۇرمىس بۇيىمدارىن تاراتتى؛ ىندەت سەبەبىنەن شوعىرلى مەديتسينالىق باقىلاۋعا الىنعان ەرەكشە قيىنشىلىعى بار مۇگەدەك وتباسىلارىنا 1000 يۋاندىق قامقورلىق كومەك قاراجاتىن بەردى. ٴۇرىمجى مۇگەدەكتەر بىرلەستىگىنىڭ (2019) 19 ـ ٴنومىرلى قۇجاتىندا بەلگىلەنگەن شارتتارعا ۇيلەسەتىن دەربەس شارۋاشىلىق قۇرعان، جەكە جۇمىستانعان مۇگەدەكتەرگە 3 مىڭ يۋاندىق ولشەم بويىنشا قوسىمشا قاراجات بەرىلەدى.
سونىمەن بىرگە، جەكە تيجاراتپەن شۇعىلداناتىن ونەركاسىپ - ساۋدا تيجارات كۋالىگىن العان ۋقالاۋ قۇرىلىمدارى مەن جەكەلەر باسقارۋىنداعى سۇيەمەلدەۋ سيپاتىنداعى جۇمىستاندىرۋ قۇرىلىمدارىنا، ٴاربىر وتباسىنا 10 مىڭ يۋاندىق ولشەم بويىنشا ىندەتكە ارنالعان قوسىمشا قاراجاتتان بەرىلەدى. ٴۇرىمجى مۇگەدەكتەر بىرلەستىگىنىڭ (2017) 18 ـ ٴنومىرلى قۇجاتىندا بەلگىلەنگەن شارتتارعا ۇيلەسەتىن ادام ىستەتەتىن ورىندارعا، ٴار وتباسىنا 80 مىڭ يۋاندىق ولشەم بويىنشا قوسىمشا قاراجات بەرىلىپ، مۇگەدەكتەردى جۇمىستاندىرۋ جانە تۇرمىسىن ورنالاستىرۋعا ارناۋلى جۇمسالادى.
مۇگەدەكتەرگە ساياتىن قۇرىلىمداردىڭ ٴۇي جالا اقىسىن ازايتۋ، كەشىرىم ەتۋ جاعىندا، ٴۇرىمجى قالاسى، مۇگەدەكتەر بىرلەستىگى ٴۇيىن جالداپ العان حالىق باسقارۋىنداعى ساۋىقتىرۋ قۇرىلىمدارىنىڭ، مۇگەدەكتەردى باعىپ - قاعۋ قۇرىلىمدارىنىڭ، دەنساۋلىق ساقتاۋ، ۋقالاۋ قۇرىلىمدارىنىڭ، 2020 - جىلعى تۇتاس ٴبىر جىلدىق ٴۇي جال اقىسىن ازايتادى، كەشىرىم ەتەدى.
