قازىر كوكتەمگى ەگىس دايىندىق مەزگىلى، قاراءشار اۋدانى ىندەتتەن ساقتانۋ-تىزگىندەۋ مەن كوكتەمگى ەگىس دايىندىعىن مىقتى يگەرىپ، «ەكەۋىن دە مىقتى يگەرىپ، ەكەۋىن دە اقساتپاۋدى» ورىندادى.
جۋىقتا، قاراءشار اۋدنى ۋحاۋچۇي اۋىلى ارىنچۇي قىستاعىنىڭ تۇرعىنى جاڭ يۇي مايسا جەتىلدىرۋ جىلىجايىندا بىرنەشە قىستاق تۇرعىنىمەن بىرگە قاربالاستىققا ءتۇستى. وتكەن جىلى ۋحاۋچۇي اۋىلىنىڭ مايسا جەتىلدىرەتىن وتباسىلار شوعىرلى مايسا جەتىلدىرگەن، بيىل ىندەتتەن ساقتانۋ-تىزگىندەۋ قىزمەتىن ويداعىداي ىستەۋ ءۇشىن، جىلىجايعا، وتباسىلارعا ءبولىنىڭ مايسا جەتىلدىردى، ءاربىر جىلىجايداعى ادام سانى 3 تە 5 ادام بولدى. مايسا جەتىلدىرۋ جىلىجايىنا كىرىپ شىعاتىن ادامدار ىندەتتەن ساقتانۋ-تىزگىندەۋدىڭ ءتارتىبى بويىنشا تەكسەرىلەدى، ءار كۇنى ەكى رەت ىندەتتەن ساقتانۋ-تىزگىندەۋ تەكسەرۋىن جۇرگىزەدى ءارى تىزىمدەيدى، بارلىعى ماسكى تاعادى. ىندەتتەن ساقتانۋ-تىزگىندەۋ قىزمەتىن ويداعىداي ىستەۋ ءۇشىن، ءاربىر مايسا جەتىلدىرۋ جىلىجايىندا جەلدىك قالدىرىلعان ءارى زارارسىزداندىرىلعان. بۇل مايسا جەتىلدىرۋ جۇمىسكەرلەرى وسى قىستاقتاعى ارتىق ەڭبەككۇشتەر، سىرتتان كەلگەندەرمەن جاناسپاعان. ولار تۇقىم سۇرىپتاۋ، زارارسىزداندىرۋعا، ۇيالاپ ەگۋگە، توپىراقپەن جابۋعا جەتتىك، مايسا تاباعىنىڭ تەمپەراتۋراسى مەن سۋ قۇرامىنىڭ ۇيلەسىمدىلىگىن ساقتايدى.
ۋحاۋچۇي اۋىلى ارىنچۇي قىستاعىنىڭ تۇرعىنى جى گۇيفاڭ بىلاي دەدى: «ءبىز ءوزىمىزدى قورعاۋدى ويداعىداي ىستەۋ شارتى استىدا، جىلىجايعا كەلىپ جۇمىس ىستەيمىز، ءبىر كۇندە 2000 يۋان تابامىز. پارتيانىڭ ساياساتى جاقسى، ءبىز وسى جولعى ىندەت شايقاسىندا جەڭىپ شىعاتىنىمىزعا سەنەمىز، تۇرمىسىمىز دا بارعان سايىن جاقسارادى».
جاڭ يدىڭ ءۇش جىلىجايى بار، ءار جىلى تەك مايسانىڭ وزىنەن 50 مىڭ يۋاننان استام كىرىس كىرگىزەدى. بيىل، ول 15000 دانا ىدىس دايىندادى، 400 مۋ جەرگە بۇرىش ەگۋگە بولادى. كوكتەم مەرەكەسىنىڭ الدىندا، بۇرىش مايساسىنا الدىن الا تاپسىرىس بەرگەندەر بولدى. جاڭ ي بىلاي دەدى: «ىندەتكە قارسى تۇرۋمەن بىرگە، اتىز جۇمىسىن توقتاتۋعا بولمايدى، مەن تۇقىمدى ساتىپ الىپ قويدىم، مايسا تاباعىن دا الدىم، بار ىنتا-پەيلىممەن بيلعى مايسا جەتىلدىرۋگە دايىندالامىن».
قاراءشار اۋدانى 2020-جىلى مەجەمەن 125 مىڭ مۋ جەرگە بۇرىش ەگەدى، قازىر تۇتاس اۋداندا مايسا جەتىلدىرۋ قىزمەتى باستالدى. قاراءشار اۋداندىق تۇقىم پۋنكتىنىڭ جاۋاپتىسى يە شيۋيۇڭ بىلاي دەدى: «كوكتەمگى ەگىس وندىرىسىنە اۋىل شارۋاشىلىق ماشينالارىمەن قامداۋعا كەپىلدىك ەتۋ ءۇشىن، قاراءشار اۋدانى جاسىل ارنا اشىپ، قاتىستى تاراۋلار مەن اۋىل شارۋاشىلىق ءوندىرىس قۇرال - جابدىقتارىن ساتۋشى ساۋداگەرلەردى ديقانداردىڭ تۇقىم ، تىڭايتقىش ، اۋىل شارۋاشىلىق سۋلياۋ جارعاق ساتىپ الۋىنا قولايلىلىق جاراتۋعا جۇمىلدىرىپ ، اۋرۋدىڭ اۋىل شارۋاشىلىق وندىرىسىنە جاسايتىن ىقپالىن ەڭ تومەنگى شەككە تۇسىرۋگە قۇلشىنىپ ، كوكتەمگى ەگىس ، كوكتەمگى ەگىس ءوندىرىسىنىڭ ءساتتى جۇرگىزىلۋىنە شىنايى كەپىلدىك ەتتى».
