تيانشان تورى   ›   جاڭالىقتار   ›   شينجياڭ حابارلارى

رايونىمىز اۋىل ـ قىستاق بەيقۇت ٴۇي ينجەنەرياسى قۇرىلىسىنىڭ ەرتەرەك باستالۋىن بىرتىندەي ىلگەرىلەتەدى

    ٴتىلشى جاۋ مين حابارلايدى. ىندەتتەن ساقتانۋ- تىزگىندەۋ تالابىنا ۇشتاستىرىپ، رايونىمىزدىڭ تۇرعىن ٴۇي جانە قالا-اۋىل قۇرىلىسى سالاسى اۋىل- قىستاق بەيقۇت ٴۇي ينجەنەرياسى قۇرىلىس نىسانىنىڭ ەرتەرەك باستالۋىن جانە سالىنۋىن بىرتىندەي ىلگەرىلەتەدى.

    2 ـ ايدىڭ 19ـ كۇنى ٴتىلشىنىڭ اۆتونوميالى رايوندىق تۇرعىن ٴۇي جانە قالا-اۋىل قۇرىلىسى مەڭگەرمەسىنەن ۇعىسۋىنشا، جوسپارعا ساي، بيىل شينجياڭ كەدەيلىكتەن ارىلتۋدان قامال الۋ بويىنشا تۇرعىن ٴۇي حاۋىپسىزدىگىن قامتاماسىزداندىرۋ مىندەتى مەن نىساناسىنان جازباي، اۋىل ـ قىستاقتارداعى 75 مىڭ وتباسىنىڭ بەيقۇت ٴۇي ينجەنەرياسى قۇرىلىسى مىندەتىن اتقارىپ، ارحيۆ تۇرعىزىلىپ، كارتچكىلانعان كەدەي وتباسىلارىنا جاتپايتىنداردىڭ تۇرعىن ٴۇي ماسەلەسىن تۇبەگەيلى شەشۋگە كەپىلدىك ەتىپ، بۇكىل رايونىمىزداعى شارۋا وتباسىلارىنىڭ تۇرعىن ٴۇي حاۋىپسىزدىگىن جاپپاي قامتۋدى جۇزەگە اسىرادى ەكەن.

    2-ايدىڭ 18ـ كۇنى اۆتونوميالى رايوندىق تۇرعىن ٴۇي جانە قالا ـ اۋىل قۇرىلىسى مەڭگەرمەسى «ىندەتتەن ساقتانۋ-تىزگىندەۋ مەزگىلىندە كەدەيلىكتەن ارىلتۋدان قامال الۋ بويىنشا تۇرعىن ٴۇي حاۋىپسىزدىگىن قامتاماسىزداندىرۋ قىزمەتىن ويداعىداي ىستەۋ جونىندەگى ۇقتىرۋ»دى جاريالادى.

    «ۇقتىرۋ»دا مىنالار تالاپ ەتىلدى : نىسانانى جەتەكشى ەتۋدەن جازباي، اۋىل - قىستاق بەيقۇت ٴۇي قۇرىلىسى مىندەتىن دالمە - ٴ دال تياناقتاندىرىپ، جەر-جەر، اسىرەسە، اۋدان دارەجەلى تۇرعىن ٴۇي جانە قالا-اۋىل قۇرىلىسى تاراۋلارى 2020-جىلعى اۋىل-قىستاق بەيقۇت ٴۇي ينجەنەرياسى قۇرىلىسىنىڭ قاجەتىنە ساي، ”شىن اتى-ٴجونى“ ەسەپ-قيساپ داپتەرىن جەدەل ورناتۋ، كەمەلدەندىرۋ، جۇيەلەندىرۋ كەرەك. سونىمەن بىرگە كەدەيلەردى سۇيەمەلدەۋ، قازىنا سياقتى تاراۋلارمەن ۇشتاستىرۋدى كۇشەيتىپ، قىزمەت نىساناسىن ايقىنداپ، اتقارۋ جوباسىن جاساپ، قۇرىلىس مىندەتتەرىن ٴبولىپ، قىزمەت شارالارىن بەكەمدەپ، ٴۇي سالۋ مىندەتى مەن كومەك قارجىسىنىڭ قىستاققا، وتباسىلارىنا، ادامدارعا دالمە-ٴدال جەتۋىنە كەپىلدىك ەتۋ كەرەك. ىندەتتەن ساقتانۋ-تىزگىندەۋدىڭ ٴتۇرلى قىزمەتتەرىن ويداعىداي مىقتى ۇستاۋمەن بىرگە، قۇرىلىس كەرەك-جاراق ماتەريالدارىن دايىنداۋ، چەرتوج جوبالاۋ سياقتى دايىندىق قىزمەتتەردى بەلسەنە ويداعىداي ىستەپ، ماتەريالداردىڭ دايىندالماۋى سەبەبىنەن قۇرىلىس ينجەنەرياسىنا ىقپال جاساماۋ، ماتەريالداردىڭ قىمباتتاۋى سەبەبىنەن قۇرىلىستىڭ باعاسىنا ىقپال جاساماۋدى قۇلشىنا جۇزەگە اسىرۋ كەرەك. ىندەتتەن ساقتانۋ-تىزگىندەۋ تالابىنا ۇشتاستىرىپ، اۋىل-قىستاقتارداعى بەيقۇت ٴۇي ينجەنەرياسى قۇرىلىس نىساندارىنىڭ ەرتەرەك باستالۋىن جانە سالىنۋىن ىلگەرىلەتىپ، اۆتونوميالى رايوننىڭ ٴبىر تۇتاس تالابى بويىنشا، دەر كەزىندە اياقتاتىپ، كەدەيلىكتەن ارىلتۋدان قامال الۋ شايقاسىنىڭ شەشۋشى جەڭىسىنە كەپىلدىك ەتۋ كەرەك.

    اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى