شينجياڭ گازەتىنىڭ حابارى. 2 - ايدىڭ 20 - كۇنى شينجياڭدا (بيڭتۋاندى قامتيدى) جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تاعى 2 ناۋقاس ساۋىعىپ شيپاحانادان شىقتى، ەكەۋى دە ءۇرىمجى قالاسىنان، مۇنىڭ بىرەۋى اۆتونوميالى رايونداعى تۇڭعىش قاتەرلى ناۋقاس دەپ تۇراقتاندىرىلعان.
وسى قاتەرلى ناۋقاس شيپاحاناعا جاتقان كەزدە ناۋقاسى ءبىرشاما سالماقتى بولاتىن، اۆتونوميالى رايوننىڭ ەمدەۋ - قۇتقارۋ ماماندار گرۋپپاسى باعالاعان سوڭ قاتەرلى ناۋقاس دەپ تۇراقتاندىرىلعان، ارتىنان سالماقتى ناۋقاستاردى قۇتقارۋ - ەمدەۋ ارناۋلى ۇجىمىن قۇرىپ، ەڭ جاڭا ەمدەۋ جوباسىنا قاتاڭ سايكەستىرىپ، اۆتونوميالى رايوندىق ەمدەۋ - قۇتقارۋ ماماندار گرۋپپاسى ءار كۇنى بىرلەسىپ تەكسەرىپ، جەتەكشىلىك ەتىپ، اۋرۋ جاعدايىنداعى وزگەرىستەرگە قاراتا ەمدەۋ جوباسىن دەر كەزىندە رەتكە سالىپ، سونداي - اق جۇڭگوشا، باتىسشا شيپاگەرلىكتى بىرلەستىرە وتىرىپ دياگنوز قويىپ، ەمدەپ، 25 كۇن كۇنى - ءتۇنى ۇزدىكسىز ەمدەۋ ارقىلى ناۋقاستىڭ جاعدايى بىرتىندەپ جاقسارىپ، ءتۇرلى تىرشىلىك بەلگىلەرى كۇن سايىن ورنىعىپ، كوپ رەتكى نۋكلەين قىشقىلىن تەكسەرۋ ناتيجەسى بولىمسىز بولىپ، ساۋىعىپ شيپاحانادان شىعۋ ولشەمىنە ۇيلەستى.
2 ناۋقاس اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ بىرلەسىپ تەكسەرۋىنەن، باعالاۋىنان ءوتىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستار اۋاشالاۋدى كۇشىنەن قالدىرۋ جانە شيپاحانادان شىعۋ جونىندەگى ەڭ جاڭا ولشەمىنە ۇيكەسكەندىكتەن، 20 - كۇنى ساۋىعىپ شيپاحانادان شىقتى.
قازىرگە دەيىن، شينجياڭدا (بيڭتۋاندى قامتيدى) جالپى ساۋىعىپ شيپاحانادان شىققان ادام 22گە جەتتى، قازىر 53 ادام شيپاحانادا جاتىپ اۋاشالانىپ ەمدەلۋدە.
