تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ كوپتەگەن تاراۋلارى شارا بەلگىلەپ، ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەرگە قامقورلىق جاسادى

  شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، ميھىرگۇل ناسىر، ما ينيڭ، حي حۇڭۋي 2 - ايدىڭ 20 - كۇنى ۇرىمجىدەن حابارلايدى. جۋىقتا رايونىمىزدىڭ كوپتەگەن تاراۋلارى شارا بەلگىلەپ، قىزمەتىن باعالاۋ، قىزمەت ورنى دارەجەسىن جوعارىلاتۋ، ۋاقىتتىق جاردەماقى بەرۋ سياقتى كوپ جاقتان ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەرگە قامقورلىق جاسادى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ساياسات شىعارىپ مىنالاردى بەلگىلەدى: ءىسورىن قىزمەتكەرلەرىنىڭ ىندەتتەن ساقتانۋ - تىزگىندەۋ قىزمەتىندەگى ناقتى بەينەسى جايشىلىقتاعى باعالاۋدىڭ، جىلدىق باعالاۋدىڭ، ۇسىنىسپەن ىستەتكەن كەزدەگى باعالاۋدىڭ جانە قىزمەتكە جالعاستى ۇسىنىس ەتىپ ىستەتۋدىڭ، جۇمىستان بوساتۋدىڭ، باسەكەمەن جۇمىسقا الۋدىڭ، قىزمەت ورنى دارەجەسىن جوعارىلاتۋدىڭ ماڭىزدى مازمۇنى ەتىلەدى. ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساعان، قىزمەتكە شوگەل، جاۋاپكەرلىكپەن قاراعان، بەينەسى كورنەكتى بولعان ءىسورىن قىزمەتكەرلەرىنىڭ جانە شينجياڭنان حۋبەيعا كومەككە بارعان ەمدەۋ اترەتىندەگى ەمدەۋ قىزمەتكەرلەرىنىڭ جايشىلىقتاعى باعالاۋى ۇزدىك دەپ تانىلادى، سونداي - اق جىلدىق باعالاۋداعى دارەجە تۇراقتاندىرۋدىڭ ماڭىزدى دايەگى ەتىلەدى، قىزمەت ورنى دارەجەسىن جوعارىلاتۋعا تۋرا كەلگەندە قىزمەتتىك ورىننىڭ قۇرىلىم سالىستىرماسىنا قاراماستان الدىمەن قىزمەتكە ۇسىنىس ەتىلەدى. ىندەتتەن ساقتانۋ - تىزگىندەۋدە ۇلەس قوسقان ءىسورىن قىزمەتكەرلەرى جانە كوللەكتيۆى، اسىرەسە، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جۇرگىزىپ كورنەكتى ۇلەس قوسقاندار «ءىسورىن قىزمەتكەرلەرىن سيلاۋ بەلگىلەمەسى» بويىنشا دەر كەزىندە سيلانادى.

  اۆتونوميالى رايوندىق قازىنا مەڭگەرمەسى اۆتونوميالى رايوندىق دەنساۋلىق ساقتاۋ، سالاماتتىق كوميتەتىمەن بىرلەسىپ شىعارعان ساياسات بويىنشا، ىندەتتەن ساقتانۋ - تىزگىندەۋگە قاتىناسقان ەمدەۋ قىزمەتكەرلەرىنە جانە ىندەتتەن ساقتانۋ قىزمەتكەرلەرىنە ۋاقىتتىق قىزمەتتىك جاردەماقى بەرىلەدى، ءبىرىنشى شەپتەگى قىزمەتكەرلەرگە ءار كۇنى 300 يۋان، باسقا قىزمەتكەرلەرگە ءار كۇنى 200 يۋان بەرىلەدى. شينجياڭنان حۋبەيعا كومەككە بارعان ەمدەۋ اترەتىنىڭ ىندەتتەن ساقتانۋ - تىزگىندەۋگە شۇعىل قاجەتتى زاتتىق ماتەريالدار ساتىپ الۋى، ءبىرىنشى شەپتەگى ەمدەۋ قىزمەتكەرلەرى مەن ىندەتتەن ساقتانۋ قىزمەتكەرلەرىنىڭ ۋاقىتتىق قىزمەتتىك جاردەماقىسى سياقتىلارعا جۇمساۋ ءۇشىن، اۆتونوميالى رايوندىق قازىنا مەڭگەرمەسى ارناۋلى قىزمەتتىك قاراجات ءبولىپ، ەمدەۋ اترەتىنىڭ قىزمەتتى ءساتتى جۇرگىزۋىنە شىنايى كەپىلدىك ەتەدى.

  جۇڭگو وڭتۇستىك اۆياتسيا جارنا شەكتى سەرىكتەستىگى ەمدەۋ قىزمەتكەرلەرى ءۇشىن ارنايى جەڭىلدىك جاسادى جانە ۇشاق بەلەتىن قايتارۋ - وزگەرتۋ قىزمەت وتەۋىن ورتاعا قويدى. قىزمەتتەگى ەمدەۋ قىزمەتكەرلەرىنىڭ ارنايى پايدالانۋىنا ارناپ تۇڭعىش رەت ”ەمدەۋ قىزمەتكەرلەرىنە قۇرمەت كارتچكاسىن“ ۇسىندى، وڭتۇستىك اۆياتسيانىڭ ەمدەۋ قىزمەتكەرلەرىنە قۇرمەت كارتچكاسى بار ميڭجۋ مۇشەلەرى ۇستەمە، ارنايى ۇقىق - مۇددەدەن جانە بەلەت قايتارۋدى قامتاماسىز ەتۋ قىزمەت وتەۋىنەن يگىلىكتەنە الادى، قىزمەت كۋالىگىن كورسەتسە، جولاۋشى بەلەتىنىڭ كۇشكە يە كەزىندە بەلەت قايتارۋ اقىسى كەشىرىلەدى (ىستەتىلمەگەن جولاۋشى بەلەتىنىڭ كۇشكە يە مەزگىلى جايشىلىقتا بەلەت شىعارىلعان كۇننەن باستاپ ءبىر جىلعا دەيىن بولادى).

  حۋاشيا اۆياتسيا جارنا شەكتى سەرىكتەستىگى ەمدەۋ قىزمەتكەرلەرىنە ءبىر رەت ۇشىپ بارىپ - كەلۋ بەلەتىن سيعا بەرۋ قىزمەت وتەۋىن ورتاعا قويدى، سونداي - اق ەمدەۋ قىزمەتكەرلەرىنە كۇشكە يە مەزگىلدە ۇستەمە جۇك نورماسىن، الدىمەن ۇشاققا وتىرۋ ارنايى ۇقىعىن، شەكتەۋسىز رەت ۇشاق بەلەتى باعاسىنان تىكەلەي جەڭىلدىك جاساۋدان يگىلىكتەنەتىن بولدى. ەمدەۋ قىزمەتكەرلەرىنە ۇشىپ بارىپ - كەلۋ بەلەتىن سيعا بەرۋ قيمىلى 2 - ايدىڭ 15 - كۇنىنەن 2 - ايدىڭ 29 - كۇنى ساعات 22گە دەيىن جۇرگىزىلەدى، تەگىن ۇشاق بەلەتى حۋاشيا اۆياتسياسى ۇشاتىن جەلىلەر كولەمىندە قولدانىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى