اسقاق جىگەردى ساقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز

− باس شۋجي شي جينپيڭنىڭ ماڭىزدى نۇسقاۋى رايونىمىزداعى ەمدەۋ قىزمەتكەرلەرى اراسىندا قىزۋ اڭىس قوزعادى

شينجياڭ گازەتىنىڭ جالپىلىق اقپارات قۇرالدارى تىلشىلەرى

　　بۇكىل ەلدە ىندەتتەن ساقتانۋ - تىزگىندەۋ ەڭ ماشاقاتتى شەشۋشى كەزەڭگە وتكەندە، باس شۋجي شي جينپيڭ جۋىقتا ىندەتتەن ساقتانۋ - تىزگىندەۋ قىزمەتىنە قاتىناسقان ەمدەۋ قىزمەتكەرلەرىنە قامقورلىق جاساۋ، ولاردى ايالاۋ جونىندە ارنايى ماڭىزدى نۇسقاۋ بەردى. باس شۋجيدىڭ ماڭىزدى نۇسقاۋى رايونىمىزداعى ءار ۇلت ەمدەۋ قىزمەتكەرلەرىن ەرەكشە جىگەرلەندىردى. كوپشىلىك مىنانى ءبىلدىردى: ءسوزسىز اناعۇرلىم ارىندى جاۋىنگەرلىك قۋاتپەن ىندەتتەن ساقتانۋ - تىزگىندەۋ كۇرەسىنە كىرىسىپ، باستان - اياق اسقاق جىگەردى ساقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز.

　　2 - ايدىڭ 20 - كۇنى شينجياڭنان 1 - توپتا حۋبەيعا كومەككە بارعان ەمدەۋ اترەتىندەگى بارلىق قىزمەتكەرلەر باس شۋجي شي جينپيڭنىڭ ماڭىزدى نۇسقاۋىنىڭ رۋحىن دەر كەزىندە جەتكىزدى، ۇيرەندى. ”باس شۋجيدىڭ ماڭىزدى نۇسقاۋى جانىمىزعا شۋاق شاشتى، ەرەكشە جىگەرلەندىردى“. ەمدەۋ اترەتىنىڭ بايلانىسشىسى، اۆتونوميالى رايوندىق ۇيعۇر شيپاگەرلىگى شيپاحاناسى پارتيا جانە اكىمشىلىك كەڭسەسىنىڭ مەڭگەرۋشىسى حۋاڭ لياڭ مىنالاردى ءبىلدىردى: 1 - توپتاعى ەمدەۋ اترەتىندەگى 142 اق حالاتتى جاۋىنگەر باس شۋجيدىڭ ماڭىزدى نۇسقاۋىنىڭ رۋحىن، ءسوزسىز، ىشكەرىلەي دايەكتىلەندىرىپ، قيىندىقتى بىلەك بىرىكتىرە جەڭىپ، ەل بىرلىگىنەن بەرىك قامال تۇرعىزىپ، ارىندى جاۋىنگەرلىك قۋاتتى باستان - اياق ساقتاپ، كاسىپتىك تەحنيكامەن، بەرىك جىگەرمەن جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى ەمدەۋ ساۋىقتىرۋ مولشەرىن شىن مانىندە جوعارىلاتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ ەڭ سوڭعى جەڭىسىنە قول جەتكىزەدى.

　　”مەن باس شۋجيگە حۋبەيعا كومەكتەسۋ مەنىڭ وكىنبەس تالعامىم، ءبىز، ءسوزسىز، جەڭىسكە جەتەمىز دەپ اسقاق داۋىسپەن ايتقىم كەلەدى“. شينجياڭنان 2 - توپتا حۋبەيعا كومەككە بارعان ەمدەۋ اترەتىنىڭ مۇشەسى، حوتان ايماقتىق حالىق شيپاحاناسى باتىس شيپاحانا رايونى ايەلدەر 2 - ءبولىمىنىڭ سەسترالار باستىعى شۇي سۇيپيڭ بىلاي دەدى: ”اجالعا اراشاشى، جارالىعا مەدەت بولۋ ەمدەۋ قىزمەتكەرلەرىنىڭ بۇلتارماس بورىشى، مەن باس شۋجيدىڭ ىقىلاستى ءۇمىتىن، ءسوزسىز، اقتايمىن، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ نەگىزگى شايقاس مايدانىندا ەمدەۋ قىزمەتكەرىنىڭ جاۋاپكەرشىلىگى مەن بورىشىن تولىق ايگىلەيمىن“.

　　ىندەت تۋىلعاننان كەيىن، بۇكىل مەملەكەتتىك ءمورال ۇلگىسى ليۋ يۇيليان ىرىقتىلىقپەن ءوتىنىش ەتىپ، ءوزى 40 نەشە جىل قىزمەت ىستەگەن قۇمىل قالاسى يجوۋ رايونى ىرباۋ قالاشىعى ەمحاناسىنا قايتا ورالىپ، قىستاق تۇرعىندارىنىڭ اۋرۋىن ەمدەپ، ىندەتتەن ساقتانۋ بىلىمدەرىن ۇگىتتەپ، قىستاق تۇرعىندارىن الاڭنان ارىلتتى. ”باس شۋجيدىڭ ماڭىزدى نۇسقاۋى ءبىزدىڭ جۇرەگىمىزگە شۋاق شاشۋمەن بىرگە جىگەرلەندىرە ءتۇستى. ءبىر پارتيا مۇشەسى رەتىندە مەن ىندەتكە قارسى اتتانۋدىڭ ءبىرىنشى شەبىندە ۇزدىكسىز اتويلاپ، جاۋاپكەرشىلىگىم جانە مىندەتىم ارقىلى كوممۋنيستىك پارتيا مۇشەسىنىڭ اۋەلگى ماقساتىن، بورىشىن امالياتتا ايگىلەيمىن“، - دەدى ليۋ يۇيليان.

　　”باس شۋجي ەمدەۋ قىزمەتكەرلەرى ىندەتتى جەڭۋدەگى تىرەكتى كۇش، ولاردى قورعاۋعا، ولارعا قامقورلىق جاساۋعا، ولاردى ايالاۋعا، ءسوزسىز، وسكەلەڭ ءمان بەرۋ كەرەك دەپ باسا دارىپتەدى. نەگىزگى ساتى ەمدەۋ قىزمەتكەرى رەتىندە، مەن بۇدان تەرەڭ شابىت الدىم، ءسوزسىز، قىزمەت ورنىمنان تاپجىلماي، قىزمەت مىندەتىمدى وتەپ، جاۋاپكەرشىلىگىمدى ادا ەتىپ، باس شۋجيدىڭ ماڭىزدى تاپسىرماسىن ورىندايمىن“. قۇتىبي اۋداندىق حالىق شيپاحاناسى شۇعىل ەمدەۋ ءبولىمىنىڭ مەڭگەرۋشىسى جاڭ لەي بىلاي دەدى: ”مەن شيپاحانانىڭ شۇعىل ەمدەۋ بولىمىندە 18 جىل قىزمەت ىستەدىم، شۇعىل ەمدەۋگە قاتىستى كوپتەگەن تاجىربيە توپتادىم. ’ىندەتپەن‘ شايقاسۋ كەزىندە، مەن قاشاندا اتويلاپ الدا ءجۇرىپ، بار كۇشىممەن ۇمتىلىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە كۇش - قايراتىمدى ارنايمىن“.

　　2 - ايدىڭ 20 - كۇنى شينجياڭ مەديتسينا داشۋەسىنە قاراستى 5 - شيپاحانا پارتكومنىڭ شۋجيى شيۋ يان شينجياڭنىڭ 1 - توپتا حۋبەيعا كومەككە بارعان ەمدەۋ اترەتىنىڭ ورىنباسار باستىعى، شينجياڭ مەديتسينا داشۋەسىنە قاراستى 5 - شيپاحانانىڭ باستىعى دۇڭ شۇيناننىڭ وتباسىنا امانداسا بارىپ حال سۇرادى. ”شيپاحانامىزدىڭ كوپتەگەن ەمدەۋ قىزمەتكەرلەرى ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن كۇرەس جاساپ، جاپالى ىستەپ جاتىر، ەڭ جاقسى قۇرمەت − ءىس جۇزىندىك ارەكەتىمىز ارقىلى ەمدەۋ قىزمەتكەرلەرىنە قامقورلىق جاساۋ، ايالاۋ“. شيۋ يان مىنانى ءبىلدىردى: شيپاحانامىز باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، ەمدەۋ قىزمەتكەرلەرىمەن شەپتە بىرگە بولىپ، بىرگە ويلانىپ، ولاردىڭ ءىس جۇزىندىك قيىنشىلىقتارى مەن ماسەلەلەرىن شەشۋىنە كومەكتەسىپ، الاڭسىز ەتىپ، ولاردىڭ ەڭ بەرىك ارتقى تىرەگى بولادى.

　　باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ ءۇشىن، رايونىمىز ءتۇرلى شارالاردى قولدانىپ، ىندەتتەن ساقتانۋ - تىزگىندەۋگە قاتىناسقان ەمدەۋ قىزمەتكەرلەرىنە قامقورلىق جاسادى، ايالادى. اۆتونوميالى رايوندىق قازىنا شينجياڭنىڭ حۋبەيعا كومەككە بارعان ەمدەۋ اترەتىنە شۇعىل ءبىر ميلليون يۋان قارجى بوساتىپ، قىزمەت قارجىسىن قامتاماسىز ەتتى؛ شۇعىل جاعدايعا توتەپ بەرەتىن ەكى تىركەسپەلى اترەت قۇرىپ، كەزەكشىلىكتى ۇيلەسىمدى ورنالاستىرىپ، كەزەكپەن قىزمەتكە شىعىپ، ەمدەۋ قىزمەتكەرلەرىنىڭ دەمالىس ۋاقىتىنىڭ جەتكىلىكتى بولۋىنا شىنايى كەپىلدىك ەتتى؛ ەمدەۋ قىزمەتكەرلەرىن پسيحيكالىق جاقتان جەتەكتەۋدى كۇشەيتىپ، پسيحيكالىق كەڭەس بەرەتىن ماماندار ۇيىمداستىرىپ جىبەرىپ، ولاردىڭ كوڭىل كۇيىن جانە قىسىمىن جەڭىلدەتتى؛ مۇنان تىس، ىندەتتەن ساقتانۋ - تىزگىندەۋگە تىكەلەي ات سالىسقان ەمدەۋ قىزمەتكەرلەرىنە ۋاقىتشا تولىقتاما قاراجاتىن بەردى، ت.ب.

　　اۆتونوميالى رايوندىق دەنساۋلىق ساقتاۋ، سالاماتتىق كوميتەتى ەمدەۋ اكىمشىلىگى، ەمدەۋ ىستەرىن باسقارۋ باسقارماسىنىڭ ورىنباسار باستىعى ياڭ حايفىڭ بىلاي دەدى: ”ءبىز باس شۋجيدىڭ تالابى بويىنشا، ەمدەۋ قىزمەتكەرىن ءتۇرلى جاقتان قورعاپ، قامقورلىق جاساپ، ايالاپ، ولاردى جالعاستى قامتاماسىز ەتۋدى ويداعىداي ىستەپ، ولاردىڭ باستان - اياق قۋاتتى جاۋىنگەرلىك قۋاتىن، اسقاق جىگەرىن، قاۋلاعان قايراتىن ساقتاپ، ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا مۇمكىندىك جاسايمىز“.

　　(شينجياڭ گازەتىنىڭ تىلشىلەرى لي چۇنشيا، يۋان لەي، چاۋ جين، سۋ لۋپيڭ، يۇي مىڭران، ەرىكتى تىلشىلەر ليۋ پان، تاۋ ۇيميڭ جازعان)