شينجياڭ گازەتىنىڭ جالپىلىق اقپارات قۇرالدارى تىلشىلەرى پەريزات ابدۇل، جاڭ جىلي، حان چينيان
كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپتى ىلگەرىلەتىپ، كەدەي وتباسىلارىن جاقىن جەردەن، سول ماڭايدان جۇمىستانۋعا باۋرادى؛ اۋىل شارۋاشىلىق ماتەريالدارىمەن قامداۋدى قامتاماسىزداندىرۋدى كۇشەيتىپ، اۋىل شارۋاشىلىق ءوندىرىسىنىڭ ىقپالعا ۇشىراماۋىنا شىنايى كەپىلدىك ەتتى؛ كەدەي وتباسىلارىنىڭ ءوندىرىس، تۇرمىس قاجەتىن ۇعىسىپ، دالمە - ءدال كومەكتەسۋ، سۇيەمەلدەۋ تەبىنىن ساقتادى... تاياۋدا تۇتاس شينجياڭنىڭ كەدەيلىكتەن ارىلتۋدان قامال الۋىنداعى نەگىزگى شايقاس مايدانى بولعان وڭتۇستىك شينجياڭداعى 4 ايماق - وبلىس ىندەتتەن ساقتانۋ - تىزگىندەۋدى استە بوساڭسىتپاي مىقتى يگەرۋمەن بىرگە، كەدەيلىكتەن ارىلتۋدان قامال الۋدىڭ ءتۇرلى ءتۇيىندى قىزمەتتەرىن تىڭعىلىقتى ىلگەرىلەتىپ، ەكەۋىن دە يگەرۋدى، ەكەۋىن دە اقساتپاۋدى ورىندادى.
جۇمىستى، ءوندىرىستى قالپىنا كەلتىرىپ جۇمىستانۋدى ورنىقتىردى
ىندەت كەزىندە وڭتۇستىك شينجياڭداعى 4 ايماق - وبلىس ءارقايسى جەرلەردىڭ ءىس جۇزىندىك جاعدايىمەن بىرلەستىرە وتىرىپ، ءىرى نىسان قۇرىلىستارىنىڭ جانە كاسىپورىنداردىڭ جۇمىستى، ءوندىرىستى قالپىنا كەلتىرۋىنىڭ وڭتايلى ءساتىن مىقتى يگەرىپ، ءتۇرلى شارالارمەن جۇمىستانۋدى ورنىقتىردى.
”زاۆود جۇمىستى قالپىنا كەلتىردى، مەنىڭ اي سايىنعى كىرىسىم تاعى دا ورنىقتى بولاتىن بولدى“، - دەدى 2 - ايدىڭ 19 - كۇنى شينجياڭ جياندىلي جاڭاشا ۇلگىدەگى كيىم - كەشەك شەكتى سەرىكتەستىگى كەريا اۋدانى ارال اۋىلى بولىمشە زاۆودىنىڭ قىزمەتكەرى سالامات ماتروزى قۋانىپ.
شينجياڭ جياندىلي جاڭاشا كيىم - كەشەك شەكتى سەرىكتەستىگى كەريا اۋدانى ارال اۋىلى اۋماق زاۆودى ىندەتتەن ساقتانۋ - تىزگىندەۋ شارالارىن ءاربىر جۇمىس تارتىبىنە، ءاربىر قىزمەت ورنىنا دەيىن تياناقتاندىرىپ، بار كۇشپەن تاپسىرىستى ۇلگىرتۋگە كۇش سالدى.
حوتان ايماعى ”تۇرگە ايىرۋ، توپقا ايىرۋ، ءتارتىپتى ساقتاۋ، قاربالاس كەزگە سوقپاۋ“ پرينسيبى بويىنشا، ءتۇرلى كاسىپورىنداردىڭ جۇمىستى، ءوندىرىستى قالپىنا كەلتىرۋىن بەلسەندى ىلگەرىلەتىپ، كەدەيلەردىڭ جاقىن جەردەن، سول جەردەن جۇمىستانۋىن جەبەدى. قازىرگە دەيىن، حوتان ايماعىندا 212 توقىماشىلىق، كيىم - كەشەك، ازىق - تۇلىك مانەرلەۋ، اۋىل شارۋاشىلىق قوسىمشا ونىمدەرىن مانەرلەۋ كاسىپورىندارى سياقتىلار جۇمىستى، ءوندىرىستى قالپىنا كەلتىرىپ، جۇمىستاعى ادام 28 مىڭنان استى.
ايشامگۇل توحتى اتۇش قالاسى اعۋ اۋىلى گۋاڭميڭ قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسى. وسى بىرنەشە كۇندە، ول اپەكە - سىڭلىلەرىمەن بىرگە اۋىلداعى جۇمىستانۋ، شارۋاشىلىق قۇرۋ بازاسىندا جۇمىسقا تۇردى. گۋاڭميڭ قىستاعى اعۋ اۋىلىنىڭ جۇمىستانۋ، شارۋاشىلىق قۇرۋ بازاسىنا، تومەنمالى قىستاعىنداعى قولمەن توقۋ ورتالىعىنا سۇيەنىپ، جاقىن جەردەن، سول جەردەن 60 ادامدى جۇمىستاندىرۋدى جۇزەگە اسىردى، جان باسىندىق ايلىق ەڭبەكاقىسى 2000 يۋاننان اسادى.
اقسۋ ايماقتىق ونەركاسىپ جانە ينفورماتسيالاندىرۋ مەكەمەسى شينجياڭ سىرتىنداعى قىزمەتكەرلەردىڭ ۋاعىندا جۇمىس ورنىنا قايتا الماۋ ماسەلەسىنە قاراتا، تۇرگە ايىرىپ، توپقا ايىرىپ جۇمىستى، ءوندىرىستى قالپىنا كەلتىرۋ جوباسىن ءبىر تۇتاس جوسپارلاپ جاساپ، جۇمىسشى ىستەتۋ تەكشەسىن دەر كەزىندە قۇرىپ، جۇمىستانۋ ينفورماتسياسىنان بىرگە يگىلىكتەندىرىپ، اۋىل - قىستاقتاعى ارتىق ەڭبەككۇشتەردى جاقىن جەردەن، سول جەردەن جۇمىستانۋعا اتتانىسقا كەلتىردى. اقسۋ ايماعىنداعى ادام كۇشى بايلىعى جانە قوعامدىق قامتاماسىزداندىرۋ تاراۋلارى 2020 - جىلعى كوكتەم سامالى − جۇمىستانۋعا كومەكتەسۋ ايى قيمىلىن جەلىگە شىعارىپ، ينتەرنەتتە جۇمىسشى قابىلداۋدى ورىستەتىپ، نازاردى اۋىل - قىستاقتاعى ارتىق ەڭبەككۇش، جوعارى مەكتەپتەن وقۋ تاۋىسقان وقۋشىلار سياقتى قاۋىمعا شوعىرلاندىرىپ، جۇمىس ورنىن جانە قىزمەت ىزدەۋ ينفورماتسيالارىن تاراتىپ، جەلىدە جۇمىستانۋعا قىزمەت وتەۋمەن ۇزدىكسىز قامدادى.
سونىمەن بىرگە، اقسۋ ايماعى جۇمىسشى قىسقارتپايتىن نەمەسە جۇمىسشىنى از قىسقارتاتىن قامسىزداندىرۋعا قاتىناسقان كاسىپورىندارعا جۇمىس ورنىن ورنىقتىرۋ قوسىمشا قاراجاتىن بەرىپ، ۇستەگى جىلى ءىس جۇزىندە تاپسىرعان جۇمىسسىز قالۋ قامسىزداندىرۋ قاراجاتىنىڭ ％60تى بويىنشا قايتارىپ بەردى.
ەگىس ۋاقىتىن قولدان جىبەرمەي كوكتەمگى ەگىس قاربالاستىعىن مىقتى ۇستادى
ىندەتتىڭ اۋىل شارۋاشىلىق وندىرىسىنە اكەلگەن ىقپالىن ازايتۋ ءۇشىن، مايسامەن، تۇقىممەن، اۋىل شارۋاشىلىق بۇيىمدارىمەن قامداۋدى ويداعىداي ىستەۋگە ۇيىمداستىرۋمەن بىرگە، وڭتۇستىك شينجياڭداعى 4 ايماق - وبلىستاعى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى ناقتى ءادىس - امالدارمەن كەدەي وتباسىلارىنىڭ كوكتەمگى ەگىس، ەگىس دايىندىعى بارىسىندا جولىققان قيىنشىلىقتارىن شەشۋگە كومەكتەستى.
”بيىل ءبىز پيگمەنت قىزىل بۇرىشىن ەگىپ كىرىسىمىزدى ارتتىرۋدان ءۇمىت كۇتىپ وتىرعان ەدىك، ەگەر سەندەر كومەكتەسىپ مايسا جەتىلدىرۋ ماسەلەسىن شەشپەگەن بولساڭدار، ءۇمىتىمىز سەلگە كەتەر ەدى“، - دەدى 2 - ايدىڭ 18 - كۇنى ونسۋ اۋدانى ىستەمشى اۋىلى ىستەمشى قىستاعىندا قىستاق تۇرعىنى لو شىچۋان ونسۋ اۋداندىق باجى مەكەمەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرىنە.
بىرنەشە كۇننىڭ الدىندا، لو شىچۋان قاتارلى ادامدار پيگمەنت قىزىل بۇرىشىن ەگۋگە مايسا جەتىلدىرۋ بازاسىن تابا الماي ابىرجىپ تۇرعان كەزدە، قىزمەت اترەتى ولارعا كومەكتەسىپ ءبىر مايسا جەتىلدىرۋ بازاسىمەن بايلانىس جاسايدى. سونىمەن ءبىر ۋاقىتتا، توقسۋ اۋدانى ۇشقات اۋىلى لامپە قىستاعىنىڭ تۇرعىنى ياڭ چاڭليننىڭ قارىز اقشا الۋ قيىنشىلىعى دا قىزمەت اترەتىنىڭ كومەگىندە شەشىم ەتىلدى.
كوكتەمگى ەگىس، ەگىس دايىندىعىنا دەم بەرۋ ءۇشىن، اۋىل شارۋاشىلىق بانكەسى اقسۋ بولىمشە بانكەسى، اۋىل شارۋاشىلىق بانكەسى الار بيڭتۋان بولىمشە بانكەسى، اۋىل - قىستاق ورتا - شاعىن فينانس قۇرىلىمدارى امانات - قارىز اقشا قاراجاتىنان 12 ميلليارد 395 ميلليون يۋان سالۋدى جوسپارلادى، قازىرگە دەيىن 8 ميلليارد 315 ميلليون يۋان قارجى تاراتىلدى.
2 - ايدىڭ 20 - كۇنى يوپۇرعا اۋدانى جەكسەنبى بازار قالاشىعى حۇيحۋاڭ قىستاعىنداعى شوعىرلى تۇتاسقان كوكونىس جىلىجايىندا بوساي مەن يوۋبايساي جاقسى ءوسىپ، تىرشىلىك تىنىسى بايقالادى. قىستاق تۇرعىنى ءالي روزى كوكونىس جۇلىپ قاربالاس بولىپ جاتىر، ”بيىل كوكونىستەر جاقسى ءوستى، مەجەمەن ءاربىر جىلىجايدان ورتا ەسەپپەن 1600 يۋان كىرىس كىرەدى“.
”ىندەتتەن ساقتانۋ - تىزگىندەۋدى مىقتى يگەرۋ كەرەك، كوكتەمگى ەگىس، ەگىس دايىندىعى ءوندىرىسىن دە كەشەۋىلدەتۋگە بولمايدى“، - دەدى جەكسەنبى بازار قالاشىعى پارتكومنىڭ مۇشەسى، اۋىل - قىستاق قىزمەتى كەڭسەسىنىڭ مەڭگەرۋشىسى يليار امۇت، - 2019 - جىلى وسى قالاشىقتاعى كەدەي قىستاقتار تۇگەلدەي كەدەيلىكتەن ارىلدى، بيىل كەدەيلىكتەن ارىلتۋدىڭ تابىسىن بەكەمدەپ، ءسوزسىز، ەگىس ۋاقىتىن قولدان جىبەرمەي كوكتەمگى ەگىس قاربالاستىعىن مىقتى ۇستاۋىمىز كەرەك.
شارالاردى كۇشەيتىپ كىرىستى ارتتىردى
وڭتۇستىك شينجياڭداعى 4 ايماق - وبلىس ىندەتتەن ساقتانۋ - تىزگىندەۋدى ويداعىداي يگەرۋمەن بىرگە، بيىلعى كەدەيلىكتەن ارىلتۋدان قامال الۋ نىسانا - مىندەتتەرىن قاداعالاپ، كەدەيلىكتەن ارىلتۋدان قامال الۋدىڭ ءتۇرلى ءتۇيىندى قىزمەتتەرىن ورنىقتى ىلگەرىلەتتى.
حوتان اۋدانىنداعى شينجياڭ شىلان، قويان ەگىنشى - مالشىلاردى دامىتۋ شەكتى سەرىكتەستىگىنىڭ قويان شارۋاشىلىعى بازاسىنىڭ ولشەمدەندىرىلگەن باعىمشىلىق وڭىرىندە، قويان ۇيشىكتەرى قاز - قاتار رەتتى ءتىزىلىپ، ساپالى ءناسىلدى قوياندار اسىر سالىپ ءجۇر. ىندەت تۋىلعان سوڭ، وسى ارادا قالعان شاندۇڭدىق تەحنيكتەر جەرگىلىكتى تەحنيك كۇشتەرىن باستاپ ءوندىرىس مىندەتىن ارقالاپ، جەم - ءشوپ زاۆودىنىڭ، سويىس الاڭىنىڭ جۇمىس باستاۋىن ءساتتى جۇزەگە اسىرىپ، باعىمشىلىق وتباسىلارىنىڭ كىرىسىن قامتاماسىز ەتتى.
”ىندەت تۋىلعان سوڭ، مەن جەم - شوپپەن قامداۋ جەتىسپەي، قويانداردىڭ ۋاعىندا ساتىلماي قالۋىنان قاتتى الاڭدادىم“، - دەدى 2 - ايدىڭ 19 - كۇنى حوتان اۋدانى بۇزاق اۋىلى ازنابازار قىستاعىنىڭ تۇرعىنى زاكىز بەردى، - جارتى ايدىڭ الدىندا وزىر شىلان، قويان باعىمشىلىق سەلبەستىك كووپەراتيۆىمىز 351 قوياندى ءساتتى ساتىپ، اربىرىنەن 8 يۋاننان پايدا تۇسىردىك.
حوتان اۋدانى ”قويان، قازبەن جاپپاي قامتۋ، كەپتەر، بۇلدىرىقتى ءتۇيىندى يگەرۋ، بۇلدىرگەن، كوكونىستى باستى ورىنعا قويۋ، ساڭىراۋقۇلاق، قىزىل بۇرىشتى كەڭەيتۋدى ىلگەرىلەتۋ، قوي باققاندا بازاردى قاداعالاۋ، ءۇي قۇستارىندا ەكى باسىن تولىقتاۋ“ كاسىپتى دامىتۋ باعىتىن تىعىز ارقاۋ ەتىپ، «ىندەتتەن ساقتانۋ - تىزگىندەۋ كەزىندە حوتان اۋدانىنىڭ كاسىپتى دامىتۋ، بەكەمدەۋ، جوعارىلاتۋ اتقارۋ جوباسىن» جاساپ، ىندەتتەن ساقتانۋ - تىزگىندەۋ مەن كاسىپتى بەكەمدەۋ، جوعارىلاتۋ سىندى ەكى قاتاڭ شايقاستىڭ جەڭىسىنە جەتۋگە شىنايى كەپىلدىك ەتتى.
ۇشتۇرپان اۋدانى ءونىمدى شارالاردى اتقارىپ ”شەتكەرى وتباسىلارىنا“ كومەكتەسۋ، سۇيەمەلدەۋدى كۇشەيتىپ، كەدەيلىكتەن ارىلعان جان سانى ساياساتىن تياناقتاندىرۋ جانە كەدەيلىكتەن ارىلعان وتباسىنىڭ ساپاسىن اداقتاپ تەكسەرۋدى ورىستەتىپ، كەدەيلىكتەن ارىلعان وتباسى مۇشەلەرىنىڭ دەنساۋلىق جاعدايىن ۇعىسىپ، ىندەتتەن ساقتانۋ بىلىمدەرىنەن ۇگىت - لەكسيا جاسادى. سونىمەن بىرگە كەدەيلىكتەن ارىلعان وتباسىلارىنىڭ كىرىسى، ”ەكىدەن تارىقتىرماۋ، ءۇشتى قامتاماسىز ەتۋ“ سياقتى جاعدايلاردى رەتتەپ اداقتاپ تەكسەردى، جۇمىستانۋ تىلەگى بار ارتىق ەڭبەككۇشتەردى انىقتاپ، جۇمىسشى ىستەتەتىن كاسىپورىندارمەن ۇشتاستىرۋدى ەرتە باستان ويداعىداي ىستەپ، كەدەيلىكتەن ارىلعانداردىڭ قايتالاي كەدەيلەسپەۋىنە، كەدەي ەمەستەردىڭ كەدەيلەسپەۋىنە، بىرگە بايۋ جولىندا قاتاردان قالماۋىنا شىنايى كەپىلدىك ەتتى.
