تيانشان تورى   ›   جاڭالىقتار   ›   شينجياڭ حابارلارى

ەمدەۋ قىزمەتكەرلەرىنە قامقورلىق جاساپ، ولاردى ايالاپ، ەمدەۋ قىزمەتكەرلەرىنىڭ ىزگىلىگىن ارداقتايمىز

رايونىمىزداعى ءار ۇلت كادر - بۇقاراسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، مىنالاردى ءبىلدىردى −

ەمدەۋ قىزمەتكەرلەرىنە قامقورلىق جاساپ، ولاردى ايالاپ، ەمدەۋ قىزمەتكەرلەرىنىڭ ىزگىلىگىن ارداقتايمىز

شينجياڭ گازەتىنىڭ جالپىلىق اقپارات قۇرالدارى تىلشىلەرى

  رايونىمىزداعى ءار ۇلت كادر - بۇقاراسى باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتىنە قاتىناسقان ەمدەۋ قىزمەتكەرلەرىنە قامقورلىق جاساۋ، ولاردى ايالاۋ جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ءبىر اۋىزدان مىنانى ءبىلدىردى: قالىڭ ەمدەۋ قىزمەتكەرلەرى پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، ىرىقتىلىقپەن شايقاسقا ءوتىنىش بەرىپ، قالتقىسىز، ەرجۇرەك بولىپ، وسكەلەڭ شيپاگەرلىك مورالمەن، جەتىك ەمدەۋ شەبەرلىگىمەن ناۋقاستاردى بار كۇشپەن قۇتقارىپ، ەمدەدى، ءومىرى جانە قاجىرلىلىعىمەن حالىق بۇقاراسىنىڭ ءومىرىنىڭ حاۋىپسىزدىگىن جانە دەنساۋلىعىن قورعادى، ولار جاڭا داۋىردەگى ەڭ سۇيىكتى ادامدار. باس شۋجيدىڭ ماڭىزدى نۇسقاۋىنىڭ رۋحىن، ءسوزسىز، باتىل دايەكتىلەندىرىپ، تياناقتاندىرىپ، ەمدەۋ قىزمەتكەرلەرىن اناعۇرلىم قورعاپ، ولارعا قامقورلىق جاساپ، ولاردى ايالاپ، ءتۇرلى جاقتاردا قولداۋ كورسەتىپ، قامتاماسىز ەتىپ، ولاردىڭ باستان - اياق ارىندى جاۋىنگەرلىك قۋاتىن، اسقاق كۇرەس جىگەرىن، قاۋلاعان قايراتىن ساقتاپ، ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا مۇمكىندىك جاسايمىز.

  ”باس شۋجي شي جينپيڭ ەمدەۋ قىزمەتكەرلەرىنە قامقورلىق جاساۋدى، ولاردى ايالاۋدى باسا دارىپتەدى، بۇل شىن ىقىلاسپەن، شىنايى سۇيىسپەنشىلىكپەن ايتىلعان ءسوز“. اۆتونوميالى رايوندىق جۇقپالى اۋرۋلار شيپاحاناسى پارتكومىنىڭ ورىنباسار شۋجيى، شيپاحانا باستىعى لي ميڭ بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتىن ەمدەيتىن بەلگىلەنگەن قۇتقارۋ - ەمدەۋ شيپاحاناسى رەتىندە، شيپاحانامىز باس شۋجيدىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، 158 ەمدەۋ قىزمەتكەرىن ءۇش كەزەككە ءبولىپ جۇمىسقا شىعارىپ، ولاردىڭ قاۋلاعان جاۋىنگەرلىك قۋاتتى ساقتاۋىنا كەپىلدىك ەتتى؛ ءبىرىنشى شەپتەگى ەمدەۋ قىزمەتكەرلەرىن قورعانۋ بۇيىمدارىمەن قامداۋدى تولىق قامتاماسىز ەتىپ، ەمدەۋ قىزمەتكەرلەرىنىڭ قورەكتىگىن كۇشەيتىپ، بەلگىلى مەرزىم بويىنشا پسيحولوگيا ماماندارىن ۇيىمداستىرىپ، پسيحولوگيالىق جاقتان جەتەكشىلىك ەتتى.

  ”باس شۋجيدىڭ قامقورلىعى، قوعامداعى ءار سالانىڭ قولداۋى ەمدەۋ قىزمەتكەرلەرىنىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدەگى سەنىمى مەن بەكىمىن اناعۇرلىم نىعايتا ءتۇستى“. شينجياڭنان حۋبەيعا كومەككە بارعان ەمدەۋ اترەتىنىڭ باس جەتەكشىسى ساۋ يۇيجيڭ مىنانى ءبىلدىردى: ەمدەۋ اترەتىنىڭ بارلىق مۇشەلەرى ۇزدىكسىز جۇدىرىقتاي جۇمىلىپ، ماڭىزدى تاپسىرمانى ورىنداپ، ناۋقاستاردى بار كۇشتەرىمەن قۇتقارىپ - ەمدەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە قۇلشىنادى.

  ىندەتتەن ساقتانۋ - تىزگىندەۋ كەزىندە، ىلە قازاق اۆتونوميالى وبلىستىق دوستىق شيپاحاناسىنداعى ىندەتكە قارسى اتتانۋدىڭ ءبىرىنشى شەبىندە ەرلىكپەن شايقاس جاساپ جاتقان سەسترا لي رۋجيەنىڭ اكەسىنىڭ تۇتقيىلدان مي قان تامىرلارىنىڭ ۇيىعى اۋرۋى قوزعالىپ، 120 شۇعىل قۇتقارۋ اۆتوكولىگىمەن شيپاحاناعا جەتكىزىلگەننەن كەيىن، شيپاحانا پارتكومىنىڭ شۋجيى جاڭ ۋىنگى امانداسا بارادى. ”ءبىرىنشى شەپتەگى ەمدەۋ قىزمەتكەرلەرى كۇندى تۇنگە جالعاپ، ۇزدىكسىز ەرلىكپەن شايقاس جاساۋدا، توتەنشە جاپالى. ءبىز، ءسوزسىز، باس شۋجيدىڭ تالابى بويىنشا، ەمدەۋ قىزمەتكەرلەرىنە قامقورلىق جاساپ، ولاردى ايالاپ، بار پەيىلىمىزبەن ولاردىڭ قيىنشىلىعىن شەشىپ، ۋايىمنان ارىلتامىز“، - دەدى جاڭ ۋىنگى.

  ءۇرىمجى قالاسى سايباق رايونى يامالىق تاۋى اۋماعىن باسقارۋ كوميتەتى تيەشي الەۋمەتتىك اۋماعىنىڭ تۇرعىنى چىڭ شياۋيان شينجياڭنان 3 - توپتا حۋبەيعا كومەككە بارعان ەمدەۋ اترەتىنىڭ مۇشەسى، الەۋمەتتىك اۋماق بەلگىلى مەرزىمدە ۇيىنە بارۋ، ۋاق - ۋاق امانداسۋ جانە تەلەفون، ۋيچات سياقتى ادىستەرمەن ونىڭ ۇيىندەگى قارتتاردىڭ شيپاگەرگە كورىنۋ، كىشكەنە بالاسىنا قارايلاسۋ، تۇرمىستىق بۇيىمدارىن اكەلىپ بەرۋ سياقتى جاقتارداعى ءىس جۇزىندىك قيىنشىلىقتارىن شەشۋگە كومەكتەستى. ”ەمدەۋ قىزمەتكەرلەرى الدىڭعى شەپتە اتويلاپ الدىدا ءجۇر، ءبىز ولاردىڭ وتباسىنا كوبىرەك كوڭىل ءبولىپ، ولاردىڭ بەرىك سۇيەنىشى بولامىز“، - دەدى تيەشي الەۋمەتتىك اۋماعى پارتيا باس ياچەيكاسىنىڭ شۋجيى چين جينبياۋ.

  شينجياڭ لىبەيىر ساۋدا شەكتى سەرىكتەستىگى − شينجياڭداعى ەمدەۋگە پايدالانىلاتىن ماسكى ءوندىرۋ تولىمدىلىعىن العان تۇڭعىش سەرىكتەستىك. ”ەمدەۋ اسپاپتارىن وندىرەتىن كاسىپورىن رەتىندە، ءبىز، ءسوزسىز، بار قايراتىمىزدى سالىپ، ساپاسى اناعۇرلىم جاقسى، اناعۇرلىم حاۋىپسىز بولعان ەمدەۋگە پايدالانىلاتىن قورعانۋ بۇيىمدارىن ءوندىرىپ شىعىپ، ءبىرىنشى شەپتە ەرلىكپەن شايقاس جاساپ جاتقان ەمدەۋ قىزمەتكەرلەرىنە حاۋىپسىزدىك قامتاماسىزدىعىن ازىرلەيمىز“، - دەدى شينجياڭ لىبەيىر ساۋدا شەكتى سەرىكتەستىگىنىڭ باسالقاسى جاڭ جيە.

  تاياۋدان بەرى، اۆتونوميالى رايوندىق وقۋ - اعارتۋعا قارجىلاي كومەكتەسۋ قورى قوعامى قوعامدىق جاۋاپكەرشىلىگىن شىنايى تۇردە ارقالاپ، زارارسىزداندىرۋ سۇيىقتىعى، ماسكى، قورعانۋ كيىمى، تۇيىق كوزىلدىرىك سياقتى قۇنى 2 ميلليون 333 مىڭ يۋاندىق زاتتىق ماتەريالدى جان - جاقتان جىلۋعا جيناپ، ءبىر ءبولىم ەمدەۋ - دەنساۋلىق ساقتاۋ قۇرىلىمدارىنا تاراتىپ بەردى. قور قوعامىنىڭ باس حاتشىسى باۋ گۇيفىڭ بىلاي دەدى: ”كەلەسى قادامدا، ءبىز اناعۇرلىم كوپ قوعامدىق كۇشتەردى اتتانىسقا كەلتىرىپ، ’قارسى اتتانۋشىلار‘ ءۇشىن سيلىق قارجىسىن دايىنداپ، ىندەتكە قارسى اتتانۋدىڭ ءبىرىنشى شەبىندەگى ەمدەۋ قىزمەتكەرلەرى ءۇشىن قامقورلىق قاراجاتى مەن قامتاماسىزدىق قاراجاتىن ازىرلەيمىز“.

  ”تىنىش تا تاماشا داۋرەن قايدان بولسىن، تەك بىرەۋلەر ءبىز ءۇشىن جۇك ارقالاپ العا تارتپاسا“. ءۇرىمجى قالاسى تيانشان رايونى شينحۋا سولتۇستىك جولى ءمالىسى قۇرىلىس باتىس جولى الەۋمەتتىك اۋماعىنىڭ تۇرعىنى جاڭ تيەجۇن مىنانى ءبىلدىردى: ”ەمدەۋ قىزمەتكەرلەرىنىڭ قالتقىسىز ءوزىن ارناعان قىمباتتى رۋحى ءارقايسىمىزدىڭ ۇيرەنۋىمىزگە تاتيدى، تۇتاس قوعام ەمدەۋ قىزمەتكەرلەرىن قۇرمەتتەۋى كەرەك، زورلىقتى كۇشپەن ەمدەۋ قىزمەتكەرلەرىن جارالايتىن ءىستىڭ تۋىلۋىنا استە جول بەرۋگە بولمايدى، قامقورلىعىمىز ارقىلى ەمدەۋ قىزمەتكەرلەرىنىڭ ىزگىلىگىن ساقتاۋىمىز كەرەك“، - دەدى جاڭ تيەجۇن.

  ( شينجياڭ گازەتىنىڭ تىلشىلەرى لي چۇنشيا، چاۋ جين، لي لين، رىن حۋا، سۋ لۋپيڭ، يۇي مىڭران، جاڭ تيڭ، ەرىكتى ءتىلشى لۋ جۇڭ جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.