تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن اقىلداستى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاسادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 2 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 - ايدىڭ 21 - كۇنى ءماجىلىس اشىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن اقىلداسىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاسادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  2 - ايدىڭ 19 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ قىزمەتىنەن مالىمەت تىڭداپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدى اقىلداسىپ، قاتىستى پىكىرلەردى ورتالىق كوميتەت ساياسي بيۋروسىنىڭ ماجىلىسىندە قاراۋعا ۇسىنۋدى ۇيعاردى.

  ءماجىلىس مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، پارتيا ورتالىق كوميتەتى وسكەلەڭ ءمان بەردى، باس شۋجي شي جينپيڭ ىندەت جاعدايىن ءاردايىم قاداعالاپ، ىندەتتەن ساقتانۋ - تىزگىندەۋ قىزمەتىن ماڭداي الدى ءىرى ءىس رەتىندە مىقتى ۇستاپ، ءوزى تىكەلەي قولباسشىلىق ەتىپ، تىكەلەي ورنالاستىرۋ جاساپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىن ورتاعا قويدى. پارتيا ورتالىق كوميتەتى ىندەتتەن ساقتانۋ - تىزگىندەۋ باعىت - ساياساتىن دەر كەزىندە بەلگىلەپ، ىندەتتەن ساقتانۋ - تىزگىندەۋدىڭ پارمەندى، ءتارتىپتى ىلگەرىلەۋىنە شىنايى كەپىلدىك ەتىپ، ىندەتتىڭ تارالۋىن، ءورشۋىن باتىل تەجەدى. حۋبەي مەن ۋحانداعى ىندەتتەن ساقتانۋ - تىزگىندەۋ قىزمەتىنە جەتەكشىلىكتى كۇشەيتىپ، بۇكىل مەملەكەتتىڭ كۇشىن جۇمىلدىرىپ كومەك بەردى. باسقا وڭىرلەردەگى ساقتانۋ - تىزگىندەۋ قىزمەتىن ءبىر تۇتاس جوسپارلاپ ويداعىداي ىستەدى. شۇعىل جاعدايدا مەديتسينالىق زاتتىق ماتەريالدارمەن جانە تۇرمىستىق قاجەتتى بۇيىمدارمەن قامداۋدى كۇشەيتىپ، ىندەتتەن ساقتانۋ - تىزگىندەۋ قاجەتىن بار كۇشپەن قامتاماسىز ەتتى. ەكونوميكانىڭ، قوعامنىڭ قالىپتى ءتارتىبىن قورعاپ، قوعامنىڭ ورنىقتىلىعىن ساقتادى. ەلىمىزدىڭ ىندەتتەن ساقتانۋ - تىزگىندەۋ قىزمەتى حالىقارالىق قوعامنىڭ جاپپاي قولداۋىنا يە بولىپ، جاۋاپكەرشىلىك ارقالايتىن ءىرى ەلدىك وبرازىن ايگىلەدى.

  ءماجىلىس مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا وتىرىپ ەرلىكپەن شايقاس جۇرگىزۋىندە، قازىر ىندەتتىڭ ءورشۋ بەتالىسى العاشقى قادامدا تەجەلىپ، ساقتانۋ - تىزگىندەۋ قىزمەتى كەزەڭدىك ناتيجەگە قول جەتكىزدى، بۇكىل ەلدە جاڭادان قوسىلعان دياگنوزى تۇراقتاندىرىلعان ناۋقاستار مەن كۇماندى ناۋقاستار سانىندا جالپى تۇلعالىق جاقتان ازايۋ بەتالىسى جارىققا شىعىپ، ەمدەلىپ ساۋىعىپ، شيپاحانادان شىققان ادامدار سانى نەداۋىر تەز كوبەيدى، اسىرەسە، حۋبەيدەن باسقا ولكەلەردەگى جاڭادان قوسىلعان ناۋقاستار زور مولشەردە ازايدى. سونىمەن بىرگە، مىنانى سەرگەكتىكپەن كورە ءبىلۋ كەرەك، بۇكىل ەلدەگى ىندەت جاعدايىندا بۇرىلىس ءتۇيىنى ءالى كەلە قويعان جوق، حۋبەي ولكەسى مەن ۋحان قالاسىندا ساقتانۋ - تىزگىندەۋ جاعدايى ءالى دە اۋىر، كۇردەلى. ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي مىقتى يگەرىپ، ساقتانۋ - تىزگىندەۋ تاكتيكاسى مەن شارالارىن دەر كەزىندە كەمەلدەندىرىپ، ناتيجەنى ۇزدىكسىز بەكەمدەپ، شايقاس جەتىستىگىن ۇزدىكسىز كەڭەيتىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جاپپاي قول جەتكىزۋ كەرەك.

  ءماجىلىس مىنالاردى اتاپ كورسەتتى: تۇرلىشە وڭىرلەردىڭ جاعدايىنا باعىتتاي وتىرىپ، پارىقتى ساقتانۋ - تىزگىندەۋ تاكتيكاسىن كەمەلدەندىرۋ كەرەك. حۋبەيدى قورعاۋ شايقاسىن، ۋحاندى قورعاۋ شايقاسىن باتىل، ويداعىداي جۇرگىزىپ، ىندەتتىڭ تارالۋ، ءورشۋ بەتالىسىن باتىل تەجەپ، قۇتقارۋ - ەمدەۋ سەرپىنىن ۇزدىكسىز ارتتىرىپ، قاجەتكە قاراي ەمدەۋ قىزمەتكەرلەرىمەن جانە مەديتسينالىق زاتتىق ماتەريالدارمەن قولداۋ سەرپىنىن ۇزدىكسىز ارتتىرىپ، كۇشى ءالسىز جەرلەردەگى ساقتانۋ - تىزگىندەۋدى كۇشەيتۋ كەرەك. بەيجيڭنىڭ ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي ىستەۋ كەرەك. ىندەتتەن ساقتانۋ - تىزگىندەۋدە ءتۇيىندى ەمەس جەرلەردە وڭىرگە، دارەجەگە ءبولىپ دالمە - ءدال ساقتانۋ - تىزگىندەۋ تاكتيكاسىن تياناقتاندىرۋ كەرەك. ءبىرىنشى شەپتەگى ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، ەمدەۋ كۇشتەرى مەن ماڭىزدى زاتتىق ماتەريالداردى عىلمي سەپتەپ، ساقتانۋ - قورعانۋ زاتتىق ماتەريالدارىمەن، تۇرمىستىق زاتتىق ماتەريالدارمەن قامتاماسىز ەتۋدى جانە ساقتانۋ - قورعانۋ شارالارىن تياناقتاندىرۋدى كۇشەيتۋ كەرەك. مەديتسينالىق زاتتىق ماتەريالدار مەن تۇرمىستىق قاجەتتى بۇيىمداردىڭ ءوندىرىسىن، قامداۋىن ۇزدىكسىز مىقتى يگەرىپ، وڭىرلەردىڭ جەرلەردىڭ قاجەتىن الدىمەن قامتاماسىز ەتۋ كەرەك.

  ءماجىلىس مىنالاردى باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى ەكونوميكالىق اينالىمعا كورنەكتى ىقپال جەتكىزگەنىمەن، ەلىمىز ەكونوميكاسى اسا زور توزىمدىلىككە جانە كومەسكى قۋاتقا يە، ۇزاق ۋاقىت جاقسارا تۇسەتىن بەتالىس وزگەرمەيدى. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاي وتىرىپ ويداعىداي ىستەپ، جاڭا دامۋ ۇستانىمىن بۇلجىتپاي دايەكتىلەندىرىپ، قامداۋ جاعىنداعى قۇرىلىمدى رەفورمانى تەرەڭدەتىپ، ءۇش ءىرى قامال الۋ شايقاسىن ويداعىداي جۇرگىزىپ، ”التىنى ورنىقتىرۋ“ قىزمەتىن جاپپاي ويداعىداي ىستەپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرىپ، ىندەتتىڭ ىقپالىن ەڭ تومەنگى دەڭگەيگە ءتۇسىرىپ، تۇتاس جىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ نىسانالارىن، مىندەتتەرىن جۇزەگە اسىرىپ،”13 - بەسجىلدىق“ جوبانى ورىنداۋ كەرەك.

  ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋگە ۇيلەسەتىن قوعامدىق، ەكونوميكالىق اينالىم ءتارتىبىن ورناتىپ، جۇمىس باستاپ، ءوندىرىستى قالپىنا كەلتىرۋدى ءتارتىپتى ىلگەرىلەتىپ، ادام اينالىمىنىڭ، زات اينالىمىنىڭ، قارجى اينالىمىنىڭ ءتارتىپتى اينالۋىنا مۇمكىندىك جاساپ، ەكونوميكالىق، قوعامدىق اينالىستى ىركىلىسسىزدەندىرۋ كەرەك. ىندەتتى وڭىرگە، دارەجەگە ءبولۋدىڭ ايقىن ولشەمىن بەلگىلەۋ كەرەك. جۇمىس باستاپ، ءوندىرىستى قالپىنا كەلتىرۋدە، قاتىناس - تاسىمال − ”سەركە“، ءسوز جوق، ”كۇرە تامىرلاردى“ اشىپ، ”ميكرو اينالىستى“ ىركىلىسسىزدەندىرۋ كەرەك. ءار دارەجەلى پارتكوم مەن ۇكىمەت ىرىقتىلىقپەن قىزمەت وتەپ، جۇمىسكەرلەردىڭ ءوڭىر اتتاپ جۇمىس ورنىنا قايتۋىن ءتارتىپتى ۇيىمداستىرىپ، جۇمىس باستاعان جانە جۇمىس باستاۋعا قامدانعان كاسىپورىنداردىڭ كۇندەلىكتى ساقتانۋ - قورعانۋ زاتتىق ماتەريالدار قاجەتىن قامتاماسىز ەتۋگە قۇلشىنۋ كەرەك.

  ءماجىلىس مىنالاردى باسا دارىپتەدى: ءۇش ءىرى قامال الۋ شايقاسىن تاباندىلىقپەن ويداعىداي جۇرگىزۋ كەرەك. كەدەيلىكتەن ارىلتۋدان قامال الۋ مىندەتىنىڭ ۋاعىندا جاپپاي ورىندالۋىنا شىنايى كەپىلدىك ەتىپ، كەدەي وڭىرلەردەگى شارۋا جۇمىسكەرلەردى جۇمىس ورنىنا قايتارۋ، جۇمىستاندىرۋ قىزمەتىن الدىمەن ويداعىداي ىستەپ، ىندەت سەبىنەن كەدەيلەسكەن، قايتا كەدەيلەسكەن شارۋالارعا كومەكتەسۋ جانە ولاردى سۇيەمەلدەۋ قىزمەتىن ويداعىداي ىستەۋ كەرەك. لاستانۋدان ساقتانۋ جانە ونى تىزگىندەۋدەن قامال الۋ شايقاسىن ويداعىداي جۇرگىزىپ، ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتىپ، مەديتسينالىق قوقسىقتاردى، قاتەرلى قوقسىقتاردى جيناۋ، ءبىر جاقتى ەتۋ قۇرىلعىلارى جاعىنداعى ولقىلىقتاردى جەدەل تولىقتاۋ كەرەك. ەلەۋلى حاۋىپ - قاتەردەن ساقتانۋ جانە ونى جەڭۋدەن قامال الۋ شايقاسىن ويداعىداي جۇرگىزىپ، جۇيەلىك فينانس قاتەرى تۋىلماۋ سىندى تومەنگى شەكتى باتىل ساقتاۋ كەرەك.

  ءماجىلىس مىنالاردى اتاپ كورسەتتى: بەلسەندى قازىنا ساياساتىندا اناعۇرلىم بەلسەندىلىك، ىسكەرلىك كورسەتىپ، ساياساتتىق فينانستىڭ رولىن ويداعىداي ساۋلەلەندىرۋ كەرەك. ورنىقتى اقشا ساياساتىن اناعۇرلىم يكەمدى، لايىقتى جۇرگىزىپ، قارجى قۇراۋدىڭ قيىن، قىمبات بولۋى ماسەلەسىن جەڭىلدەتىپ، ىندەتتەن ساقتانۋ - تىزگىندەۋگە، جۇمىس باستاپ، ءوندىرىستى قالپىنا كەلتىرۋگە جانە ناقتى ەكونوميكانىڭ دامۋىنا دالمە - ءدال فينانستىق قىزمەت وتەۋ كەرەك. ءتۇيىندى سالالار مەن ورتا، شاعىن كاسىپورىندارعا كومەكتەسۋ، ولاردى سۇيەمەلدەۋ سەرپىنىن ارتتىرىپ، كومەكتەسۋ - سۇيەمەلدەۋ ساياساتىن دالمە - ءدال تياناقتاندىرىپ، قيىنشىلىقتا قالعان كاسىپورىنداردى ساياساتتىق قولداۋمەن قامتاماسىز ەتۋ كەرەك. قوناق ءۇي، اس - سۋ، مادەنيەت، دەنە تاربيە، كوڭىل اشۋ، قاتىناس - تاسىمال، ساياحات سياقتى ىندەتتىڭ ىقپالى اۋىر بولعان سالالارعا كومەكتەسۋ جانە ولاردى سۇيەمەلدەۋ كەرەك. اۋىل شارۋاشىلىعى ونىمدەرىنىڭ ءوندىرىسىن ورنىقتىرۋ، قامدالۋىنا كەپىلدىك ەتۋ قىزمەتىن ويداعىداي ىستەپ، كوكتەمگى ەگىس دايىندىعىن جانە اۋىل شارۋاشىلىعىنداعى اپاتتان ساقتانۋدى، اپات زيانىن ازايتۋدى مىقتى ۇستاۋ كەرەك.

  ءماجىلىس مىنالاردى باسا دارىپتەدى: ءونىمدى سۇرانىستى بەلسەنە كەڭەيتىپ، تۇتىنۋدىڭ قايتا تولىقتاۋىن جانە كومەسكى كۇشىن جارىققا شىعارۋدى جەبەپ، ءونىمدى قارجى قوسۋدىڭ شەشۋشى رولىن ويداعىداي ساۋلەلەندىرىپ، جاڭادان قارجى قوسىلعان نىسانداردىڭ قۇرىلىس باستاۋ سەرپىنىن ارتتىرىپ، سالىنۋ ۇستىندەگى نىسانداردىڭ قۇرىلىس اياق الىسىن جەدەلدەتۋ كەرەك. تاجىريبە ءدارىسىن، ءدارى - دارمەكتى، ۆاكسينانى زەرتتەۋ - اشۋعا قولداۋ كورسەتۋ سەرپىنىن ارتتىرىپ، بيولوگيالىق ءدارى - دارمەك، ەمدەۋ جابدىقتارى، 5G جەلىسى، ونەركاسىپتىك ينتەرنەت سياقتىلاردىڭ جەدەل دامۋىن ىلگەرىلەتۋ كەرەك.

  ءماجىلىس مىنالاردى اتاپ كورسەتتى: سىرتقا ەسىك اشۋدى جانە حالىقارالىق سەلبەستىكتى تەرەڭدەتۋ كەرەك. ساۋدا - ەكونوميكالىق سەرىكتەستەرمەن بايلانىستى، سايكەسۋدى كۇشەيتىپ، الەمدىك قامداۋ تىزبەگىندە ماڭىزدى ىقپالعا يە سەركە كاسىپورىندار مەن شەشۋشى بۋىنداردىڭ ءوندىرىستى، قامداۋدى قالپىنا كەلتىرۋىن الدىمەن قامتاماسىز ەتىپ، الەمدىك قامداۋ تىزبەگىنىڭ ورنىقتىلىعىن ساقتاۋ كەرەك. ەكسپورتتىق ءتۇيىندى كاسىپورىنداردىڭ جەدەل تۇردە جۇمىستى، ءوندىرىستى قالپىنا كەلتىرۋىنە قولداۋ كورسەتىپ، ەكسپورتتىق سەنىمدىلىك قامسىزداندىرۋىنىڭ رولىن ويداعىداي ساۋلەلەندىرۋ كەرەك. ادامزاتتىڭ تاعدىرلاس ورتاق تۇلعاسىن ورناتۋ بيىگىندە تۇرىپ، ىندەتتەن ساقتانۋ - تىزگىندەۋدىڭ حالىقارالىق سەلبەستىگىن بەلسەنە ورىستەتۋ كەرەك.

  ءماجىلىس مىنالاردى باسا دارىپتەدى: حالىق تۇرمىسىن تومەنگى شەكتەن تۇسىرمەي قامتاماسىز ەتۋ سەرپىنىن ارتتىرۋ كەرەك. جۇمىستاندىرۋدى الدىمەن جۇرگىزۋ ساياساتىن ويداعىداي اتقارىپ، يكەمدى جۇمىستانۋعا ىنتالاندىرىپ، ءتۇيىندى قاۋىمدى جۇمىستاندىرۋ قىزمەتىن ويداعىداي ىستەۋ كەرەك. قالا - قالاشىقتاعى قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋدى كۇشەيتىپ، نەگىزگى حالىق تۇرمىسىندىق تاۋارلاردىڭ قامدالۋىنا كەپىلدىك ەتۋ، باعاسىن ورنىقتىرۋ قىزمەتىن جاقسى ىستەۋ كەرەك. ىندەت سەبەبىنەن قاراۋسىز - كۇتىمسىز قالعان قيىنشىلىعى بار ادامداردى قامتاماسىز ەتۋدى ويداعىداي ىستەۋ كەرەك. ىندەتتەن ساقتانۋ - تىزگىندەۋدە قىزمەت ۇستىندە قازا تاپقان ەمدەۋ قىزمەتكەرلەرى، كادرلار، جۇمىسشى - قىزمەتشىلەر، الەۋمەتتىك اۋماق قىزمەتكەرلەرى سياقتىلارعا دەر كەزىندە قامقورلىق قاراجات بەرىپ، ولاردىڭ وتباسىنداعىلارعا لايىقتى قارايلاسۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.