تيانشان تورى   ›   جاڭالىقتار   ›   ساياحات

جەلىدەگى قىزمەت وتەۋدىڭ تارتىمدىلىعى ارت-ارتىنان كورىلىپ، جەلىدەن تىسقارى قيمىلداردىڭ پايداسى كوبەيدى

رايونىمىزدىڭ مادەنيەت، ساياحات سالاسى ”ىندەت“ شايقاسىنا امال تاپتى

شينجياڭ گازەتى جالپىلىق اقپارات قۇرالدار تىلشىلەرى ياۋ گاڭ رىن جياڭ

  ساياحات سەرىكتەستىكتەرىنە  ٴىشنارا ساياحات قىزمەت وتەۋ ساپاسى كەپىلدىك اقشاسىن ۋاقىتشا قايتارۋدان باستاپ، ساياحات كاسىپورىندارىنا مادەنيەت - ساياحات بۇلت ساباقحاناسى، ينتەرنەتتەگى اشىق ساباق سياقتىلاردى اشىپ، ينتەرنەتتەن پايدالانىپ ساياحات ۇگىتىن جۇرگىزدى… ىندەتتەن ساقتانۋ - تىزگىندەۋ مەزگىلىندە، شينجياڭنىڭ مادەنيەت ـ ساياحات تاراۋلارى، كاسىپورىندارى ىندەتتەن ساقتانۋ -  تىزگىندەۋ توسقاۋىل شايقاسىن بار كۇشپەن ويداعىداي جۇرگىزۋمەن بىرگە، ٴتۇرلى قىزمەت شارالارىن اتقارىپ، ساياحات كاسىبىنىڭ قالپىنا كەلۋىنە، دامۋىنا بەلسەنە كۇش توپتادى.

  كوركەم كورىنىستەردى جەلىدە ۇگىتتەدى

  ەرەكشە مەزگىلدە، شينجياڭنىڭ مادەنيەت - ساياحات سالاسى، ٴبىر جاعىنان، ىندەتتەن ساقتانۋ-تىزگىندەۋ قىزمەتىن تىڭعىلىقتى ىستەسە، ەندى ٴبىر جاعىنان، كاسىپتىڭ دامۋىنا ازىرلىك كوردى.

  «ىندەت اياقتالعاندا، حوتاننىڭ كەشكى بازارىندا ٴسىزدى كۇتەمىن». بۇل 2 ـ ايدىڭ 14 ـ كۇنى ميكرو فوتو APPدا جاريالانعان سۋرەت ارناۋلى تاقىرىبى بولىپ، 18-كۇنىنە كەلگەندە وقۋ مولشەرى 2 ميلليون رەتتەن اسقان. تاياۋدان بەرى حوتان ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى 20 دان استام (ٴبولىم) حوتان كوركەم كورىنىسى، ٴدامدى تاعامدارى شاعىن كەسكىنى، ماقالا (تۋىندى) نى كۋايشوۋ، دوۋيىن، ميكروبلوك سياقتى تۇعىرلاردا جاريالاپ، تاراتۋ مولشەرى مەن وقۋ مولشەرى 5 ميلليون رەتكە جەتتى. سونداي ـ اق ىندەتتەن ساقتانۋ - تىزگىندەۋ الەۋمەتتىك يگىلىك ۇگىت فيلىمدەرىن جاساپ جاريالادى؛ ءۇنحات الەۋمەتتىك تەكشەسى «تۇرپان ساياحاتى» 2-ايدىڭ 2-كۇنىنەن باستاپ «تۇرپاننىڭ ەگەي مادەني مۇرالارىن كورۋ»، «جەلىدە بۇلت ارقىلى تۇرپان مۇراجايىن ساياحاتتاۋ» سياقتى ماقالا، كەسكىندەردى جاريالادى؛ ءۇنحات الەۋمەتتىك تەكشەسى «سانجى وبلىسى ساياحاتى» ٴتۇرلى ەندەتتەن ساقتانۋ- تىزگىندەۋ بىلىمدەرىن جاريالاۋمەن بىرگە، «°720 ٴسىزدى سانجى وبلىسىنىڭ كوركەم كورىنىسىن تاماشالاۋعا باستايدى! ۇيدەن شىقپاي-اق تاۋ، سۋلاردى كورە الاسىز» سياقتى جەرگىلىكتى ساياحات كورىنىس وڭىرلەرىن ۇگىتتەيتىن ماقالالاردى دا جاريالادى.

 جەلىدە تاربيەلەپ، ىشكى ونەردى جاتتىقتىردى

  ىندەتتەن ساقتانۋ - تىزگىندەۋ مەزگىلىندە، شينجياڭ مادەنيەت، ساياحات سالاسىنداعى ٴارقايسى قوعامدار ينتەرنەت ساباعىن بەلسەنە اشىپ، كاسىپ سالاسىنداعى كاسىپورىنداردى تاربيەلەدى.

  2-ايدىڭ 12ـ كۇنى شينجياڭ ساياحات قوعامى ۇيىمداستىرعان «مادەنيەت ـ  ساياحات بۇلت ساباقحاناسى» ساباق باستادى. 2 ـ ايدىڭ 14 ـ كۇنىنەن 17 ـ كۇنىنە دەيىن بۇل قوعام بەيجيڭ جىحۇي ساياحات، مادەنيەت تاراتۋ شەكتى سەرىكتەستىگىمەن بىرلەسىپ، ىندەتتەن ساقتانۋ - تىزگىندەۋ مەزگىلىندە مادەنيەت ـ  ساياحاتتى ناقتىلى جۇرگىزۋ ساباعىن العا قويىپ، «ىندەتتىڭ ىقپالىنداعى مادەنيەت  ـ  ساياحات كاسىبىنىڭ نەگىزگى جاعدايى جانە وعان قالاي توتەپ بەرۋ» سياقتى مازمۇندار جونىندە ليۋ جاۋحۇي قاتارلى ەل ىشىندەگى ٴۇش مادەنيەت ـ  ساياحات مامانىن ۇسىنىس ەتتى. وسى قوعامنىڭ 300 دەن استام مۇشە ورىندارىنان سىرت، ٴارقايسى ايماقتىق (وبلىس، قالالىق) مادەنيەت - ساياحات تاراۋلارى، كورىنىس وڭىرلەرىنىڭ جاۋاپتىلارى ءۇنحات توبى سياقتى تاسىلدەر ارقىلى ساباق تىڭدادى. وسىدان كەيىن، بۇل قوعام ”مادەنيەت ـ  ساياحات بۇلت ساباقحانا“سىن ۇزدىكسىز اشىپ، ەل ىشىندەگى ٴۇش مادەنيەت  ـ  ساياحات مامانىن 3 ـ كەزەڭدىك كۋرسقا قاتىناسۋعا ۇسىنىس ەتتى.

  شينجياڭ ساياحات قوناق ٴۇي قوعامى ميتۋانمەن بىرلەسىپ، جەلىدە اقىسىز ساباق بەردى. 2-ايدىڭ 17 -كۇنى ماماندار تاعى دا ىندەتتەن كەيىن قوناق ٴۇيدىڭ قالپىنا كەلۋى، ساياحاتشىلاردى قالاي باۋراۋ، توسىن قاتەرگە قالاي توتەپ بەرۋ سياقتى جاقتارداعى مازمۇنداردى باياندادى.

  ” ٴبىز شينجياڭ ساياحات سەرىكتەستىگىنىڭ كەزەكتەگى جانە بۇدان بىلايعى ساياحات كاسىبىنىڭ دامۋىن ايقىن تانۋىنا كومەكتەسۋىمىز، سونىمەن بىرگە، ولاردىڭ تاربيەلەۋدى كۇشەيتىپ، ىشكى ونەرگە قاجىرلىلىقپەن جاتتىعۋىنا دەم بەرىپ، الداعى دامۋ وي جەلىسىن اشالاپ، ىندەت اياقتاعاننان كەيىنگى دامۋعا ويداعىداي دايىندالۋىمىز كەرەك“، ـ دەدى شينجياڭ ساياحات سەرىكتەستىگى قوعامىنىڭ باستىعى ۋ فىڭ.

مەرەكە قيمىلدارى ەرتە جوسپارلاندى

     ”قازىر ٴبىز كوپتەگەن ساياحات مەرەكەسى قيمىلدارىن جوسپارلاۋدامىز، ىندەت اياقتاعاننان كەيىن جاپپاي اتقارامىز“ ، ـ دەدى اۋات دولان تايپاسى كورىنىس ٴوڭىرىنىڭ باس جوراسى ۋاڭ جىن.

  سونىمەن بىرگە، شينجياڭنىڭ جەر ـ  جەرىندەگى كورىنىس وڭىرلەرى تاعى دا شارا قولدانىپ، ىندەتتەن ساقتانۋ -  تىزگىندەۋدىڭ ٴبىرىنشى شەبىندەگى ادامدارعا قۇرمەت ٴبىلدىردى. اۋات دولان تايپاسى كورىنىس ٴوڭىرى 2020 ـ  جىلى كورىنىس ٴوڭىرى قالپىنا كەلىپ اشىلعان كۇننەن باستاپ جىل سوڭىنا دەيىن، بۇكىل ەلدەگى ەمدەۋ قىزمەتكەرلەرىنە، حالىق ساقشىلارىنا تەگىن اشىلادى ٴارى جەر ـ  جەردىڭ حۋبەيدىڭ ەمدەۋ قىزمەتكەرلەرىنىڭ تەگىن ساياحاتتاۋىنا جانە حالىقتىق تۇسەلحانادا جاتۋىنا كومەكتەسەدى. كوكتوعاي اۋدانى دا بيىل وسى اۋدانداعى بارلىق A دارەجەلى كورىنىس وڭىرلەرى مەن كوكتوعاي حالىقارالىق قار شاڭعى الاڭى، كوكتوعاي شينتياندي قار شاڭعى الاڭى قالپىنا كەلگەن كۇننەن باستاپ بۇكىل ەلگە تەگىن اشىلاتىندىعىن جاريالادى.

اۋدارعان: قادىر ماقان 
جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى