2-ايدىڭ 18-كۇنى اۆتونوميالى رايوندىق جۇقپالى اۋرۋلار شيپاحاناسى جۇڭگوشا ٴدارىحاناسىنىڭ دارىگەرى جۇڭگوشا ٴدارى دايىنداۋدا.
2-ايدىڭ 18-كۇنى اۆتونوميالى رايوندىق جۇقپالى اۋرۋلار شيپاحاناسى جۇڭگوشا ٴدارىحاناسىنىڭ دارىگەرى لي جياڭتاۋ جۇڭگوشا ٴدارى دايىنداۋدا.
اۆتونوميالى رايوندىق جۇقپالى اۋرۋلار شيپاحاناسىنىڭ جۇڭگوشا ٴدارىحاناسىنىڭ دارىگەرى ٴاربىر دارىگە جاپسىرما قاعاز جاپسىرۋدا. (2-ايدىڭ 18-كۇنى سۋرەتكە ٴتۇسىرىلدى)
2-ايدىڭ 18-كۇنى ۇرىمجىدەگى ىندەتتەن ساقتانۋدىڭ ٴبىرىنشى شەبىندەگى قىزمەتكەرلەر دايىندالعان جۇڭگوشا ٴدارىنى ىشۋدە.
اۆتونوميالى رايوندىق جۇقپالى اۋرۋلار شيپاحاناسىنىڭ جۇڭگوشا ٴدارىحاناسىندا جاڭا تيپتى ايدارۋشا ۆيرۋس وكپە قابىنۋ ىندەتىن ەمدەيتىن جۇڭگوشا دارىلەر رەتسەبى وسى شيپاحانانىڭ جۇڭگوشا ٴدارىحاناسىنىڭ دارىگەرى لي جياڭتاۋدىڭ تەكسەرۋى، دايىنداۋى، سالىستىرۋى ارقىلى اۋاشا ەمدەۋ رايونىنا تاراتىلادى. جاڭا تيپتى ايدارشا ۆيرۋس وكپە قابىنۋ ىندەتىن قۇتقارۋ-ەمدەۋدىڭ بەلگىلەنگەن شيپاحاناسى بولعان اۆتونوميالى رايوندىق جۇقپالى اۋرۋلار شيپاحاناسى قابىلداعان ناۋقاستاردىڭ % 90تەن استامى جۇڭگوشا-باتىسشا شيپاگەرلىك ۇشتاستىرىلعان ەمدەۋ ٴتاسىلىن قولدانىپ، ٴبىرشاما جاقسى ونىمدىلىككە قول جەتكىزىپ، 2-ايدىڭ 19-كۇنىنە دەيىن 11 ناۋقاس ساۋىعىپ شيپاحانادان شىقتى.
لي جياڭتاۋ بىلاي دەدى: ولار ناۋقاستارعا ”ٴبىر ادامعا ٴبىر رەتسەپ“ بويىنشا ٴدارى جاساۋمەن بىرگە، ٴبىرىنشى شەپتەگى ەمدەۋ قىزمەتكەرلەرىنە ”قۋاتتاندىرۋ“ رەتسەبىن كەسىپ، ساقتانۋ دارىلەرىنەن 2000ىن جاساپ، ۇيقىسىزدىق، مازاسىزدىق سياقتى اۋرۋ بەلگىلەرىن ەمدەپ، يممۋنيتەتتىك قۋاتىن جوعارىلاتتى.
ىندەتتەن ساقتانۋ-تىزگندەۋ مەزگىلىندە، شينجياڭ مەديتسينا داشۋەسىنە قاراستى جۇڭگوشا ەمدەۋ شيپاحاناسىنىڭ ايەلدەر ناۋقاسى ٴبولىمى جۇڭگوشا دارىلەردىڭ الدىن الۋ، ەمدەۋ، ساۋىقتىرۋ بارىسىنداعى وزىنە ٴتان باسىمدىعىن ساۋلەلەندىرىپ، رايونىمىزدىڭ اۋا رايى، ازىقتانۋ ادەتىنە ۇشتاستىرىپ، جۇڭگوشا شيپاگەرلىكتىڭ سىرتتاي ەمدەۋ ٴادىسى تۇرعىسىنان جۇڭگوشا ٴدارى-دارمەكتەردىڭ قالتاسىن دەن قويا ازىرلەپ، شيپاحانادا جاتقان ناۋقاستار مەن ەمدەۋ قىزمەتكەرلەرىنە تەگىن تاراتتى.
بۇراتالا موڭعۇل اۆتونوميالى وبلىسىنداعى اۋدان دارەجەلىدەن جوعارى ەمدەۋ قۇرىلىمدارى اۆتوماتتى جۇڭگوشا قايناتپا ٴدارى جاساۋ زاۆودىنان تورتەۋىن ىسكە قوسىپ، جۇڭگوشا ٴدارى ـ دارمەك دايىندادى. دايىندالعان جۇڭگوشا ٴدارى - دارمەكتەردى ىندەتتەن ساقتانۋدىڭ ٴبىرىنشى شەبىندەگى قىزمەتكەرلەرگە، شوعىرلى باقىلاۋ جۇرگىزىلەتىندەرگە، ۇيدە اۋاشالاعاندارعا تاراتىپ بەردى. 2-ايدىڭ 17-كۇنىنە دەيىن 10 مىڭ قالتادان استام جۇڭگوشا ٴدارى - دارمەك دايىنداپ تاراتتى.
ٴۇرىمجى قالالىق جۇڭگوشا ەمدەۋ شيپاحاناسىنىڭ فارماتسيەۆتيكا ٴبولىمى 2-ايدىڭ 15-كۇنىنەن باستاپ دەنساۋلىقتى رەتتەۋ، الدىن الۋ رەتسەبىن دايىندادى. ٴۇرىمجى قالاسىنداعى كەيبىر الەۋمەتتىك اۋماق شيپاحانالارىنىڭ جۇڭگوشا ەمدەۋ بولىمدەرى دە الدىن الۋ رەتسەبىن جاساۋ تەبىنىن ارتتىرىپ، ٴبىرىنشى شەپتەگى ىندەتتەن ساقتانۋ قىزمەتكەرلەرىنە تەگىن تاراتىپ بەردى.
اۋدارعان: قادىر ماقان
