جالپى ساۋىعىپ شيپاحانادان شىققان ادام 25كە جەتتى
شينجياڭ گازەتىنىڭ حابارى. 2 - ايدىڭ 22 - كۇنى شينجياڭدا (بيڭتۋاندى قامتيدى) جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تاعى ءبىر ناۋقاس ساۋىعىپ شيپاحانادان شىقتى، بۇل ناۋقاس سانجى حۇيزۋ اۆتونوميالى وبلىسىنان.
بۇل ناۋقاس شيپاحاناعا جاتقان سوڭ، اۆتونوميالى رايونىنىڭ ەمدەۋ - قۇتقارۋ ماماندار گرۋپپاسىنىڭ عىلمي جەتەكشىلىك ەتۋىنىڭ جانە بەلگىلەنگەن شيپاحانانىڭ ەمدەۋ قىزمەتكەرلەرىنىڭ دەن قويا ەمدەۋىنىڭ ارقاسىندا، ماماندار گرۋپپاسى بىرلەسىپ تەكسەرۋ، باعالاۋ ارقىلى مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردى اۋاشالاۋدى كۇشىنەن قالدىرۋ جانە شيپاحانادان شىعارۋ جونىندەگى ەڭ جاڭا ولشەمىنە ۇيلەستى دەپ قارادى.
قازىرگە دەيىن، شينجياڭدا (بيڭتۋاندى قامتيدى) جالپى ساۋىعىپ شيپاحانادان شىققان ناۋقاس 25كە جەتتى، قازىر 49 ادام شيپاحانادا جاتىپ اۋاشالانىپ ەمدەلۋدە.
