تيانشان تورى   ›   جاڭالىقتار   ›   سۋرەتتى حابار

اۆتونوميالى رايون بەينەجازبا ءماجىلىسىن اشىپ جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، ۇيرەندى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدى اقىلداستى، ورنالاستىردى

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە تاباندىلىقپەن قول جەتكىزەيىك

چىن چۋانگو ماجىلىسكە قاتىناستى ءارى ءسوز سويلەدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 2 - ايدىڭ 22 - كۇنى ۇرىمجىدەن حابارلايدى. 2 - ايدىڭ 22 - كۇنى تۇستەن بۇرىن اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە بەينەجازبا ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحى مەن باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتىنە ات سالىسىپ جاتقان ەمدەۋ قىزمەتكەرلەرىنە قامقورلىق جاساۋ، ولاردى ايالاۋ جونىندە بەرگەن ماڭىزدى نۇسقاۋىنىڭ رۋحىن جەتكىزدى، ۇيرەندى، بۇكىل رايوننىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، باس شۋجي شي جينپيڭ ىندەت جاعدايىن ءاردايىم قاداعالاپ، ىندەتتەن ساقتانۋ - تىزگىندەۋ قىزمەتىن ماڭداي الدى ءىرى ءىس رەتىندە مىقتى ۇستاپ، ءوزى تىكەلەي قولباسشىلىق ەتىپ، تىكەلەي ورنالاستىرۋ جاساپ، كوپ رەت ماڭىزدى ءسوز سويلەپ، ماڭىزدى نۇسقاۋ بەردى. 2 - ايدىڭ 21 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تاعى دا اقىلداسىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدى ورنالاستىرىپ، ءبىزدىڭ ءتۇرلى قىزمەتتى ونان ارى مىقتى يگەرۋىمىز ءۇشىن عىلمي جەتەكشىلىك، ءتۇبىرلى بويسۇنۋ ولشەمىن ازىرلەدى. بۇكىل رايونداعى ءار دارەجەلى ءارقايسى تاراۋلار، ءسوزسىز، جەڭىسكە جەتۋ سەنىمىن، بەكىمىن نىعايتىپ، باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن باتىل دايەكتىلەندىرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە رەفورما، دامۋ، ورنىقتىلىق جونىندەگى ءتۇرلى شارالارىنىڭ ناقتى، ەگجەي - تەگجەيلى تياناقتاندىرىلۋىن تاباندىلىقپەن بۇلجىماي ىلگەرىلەتۋ كەرەك.

  ءماجىلىس مىنالاردى باسا دارىپتەدى: ساياسي دەڭگەيدى جوعارىلاتۋعا تاباندى بولىپ، يدەيا مەن ارەكەتتى ورتالىق كوميتەت ساياسي بيۋروسى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرۋ كەرەك. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جاۋاپكەرشىلىك سەزىمىن، كوكەي تەستىلىك سەزىمىن ونان ارى كۇشەيتىپ، ءتۇيىندى كورنەكتىلەندىرىپ، ءبىر تۇتاس جوسپارلاپ، تەڭ ءمان بەرىپ، تۇرلەر بويىنشا جەتەكشىلىك ەتىپ، وڭىرلەر بويىنشا شارا قولدانىپ، جاعدايعا شىن مانىندە اناعۇرلىم ءدال تالداۋ جاساپ، قىزمەتتەردى اناعۇرلىم ناقتى يگەرىپ، شارالاردى اناعۇرلىم ەگجەي - تەگجەيلى تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ نىسانالارىن جۇزەگە اسىرۋدىڭ قوس جەڭىسىنە قۇلشىنا قول جەتكىزۋ كەرەك.

  ءماجىلىس مىنالاردى باسا دارىپتەدى: تيتتەي دە بوساڭسىماي تاباندى بولىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قازىرگى ىندەتتەن ساقتانۋ - تىزگىندەۋ جاعدايى جونىندەگى عىلمي تۇجىرىمىن دالمە - ءدال يگەرىپ، جەرگىلىكتى وڭىردەگى ىندەتتەن ساقتانۋ - تىزگىندەۋ جاعدايىنا وبيەكتيۆ تالداۋ جاساپ، وي - سانانى سەرگەك ۇستاپ، تومەنگى شەكتە ويلاۋعا تاباندى بولىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي مىقتى يگەرۋ كەرەك. پارىقتى ساقتانۋ - تىزگىندەۋ تاكتيكاسىن كەمەلدەندىرىپ، ءجىتى باقىلاپ - ولشەپ، دەر كەزىندە تۇجىرىم جاساپ، تۇرلىشە حاۋىپ - قاتەرلى وڭىرلەردەگى تۇرلىشە جاعدايلاردى اجىراتىپ، دارەجەگە، تۇرگە ءبولىپ ساقتانۋ - تىزگىندەۋ شارالارىن باعىتتامالى تۇردە اتقارىپ، دالمە - ءدال ساقتانىپ - تىزگىندەپ، عىلمي ساقتانىپ - تىزگىندەپ، ناتيجەنى بەكەمدەپ، شايقاس جەتىستىگىن كەڭەيتۋ كەرەك. ناۋقاستاردى بار كۇشپەن قۇتقارىپ، ەمدەپ، ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا، جۇڭگوشا، باتىسشا ەمدەۋدى ۇشتاستىرۋعا تاباندى بولىپ، دياگنوز قويۋ - ەمدەۋ جوباسىن ۇزدىكسىز قورىتىندىلاپ، كەمەلدەندىرىپ، ەمدەۋ ساۋىقتىرۋ مولشەرىن ونان ارى جوعارىلاتىپ، مەحانيزمدەردى اقاۋسىزداندىرىپ، كەمەلدەندىرىپ، ەمدەلىپ ساۋىققان ناۋقاستاردىڭ جاعدايىن ۇعىسۋدى جانە ولاردى باسقارۋدى ويداعىداي ىستەۋ كەرەك. ەمدەۋ قىزمەتكەرلەرىن قورعاپ، ولارعا قامقورلىق جاساپ، ولاردى ايالاپ، پسيحيكالىق جاقتان جەتەكتەۋ، تۇرمىستىق جاقتان قامتاماسىز ەتۋ، كەزەكپەن قاجەتتى دەمالىس بەرۋ، رۋحاني جاقتان ىنتالاندىرۋ سياقتى شارالاردى تياناقتاندىرىپ، شىن نيەتپەن، شىنايى كوڭىلمەن، كۇش سالا وتىرىپ ۋايىمنان ارىلتىپ، ولاردىڭ باستان - اياق كۇشتى جاۋىنگەرلىك قۋاتتى، اسقاق جىگەردى، تاسقىنداعان كۇش - قايراتتى ساقتاۋىنا، ىندەتتى جەڭىپ شىعۋ كۇرەسىنە ۇزدىكسىز، سالامات ات سالىسۋىنا مۇمكىندىك جاساۋ كەرەك. زاتتىق ماتەريالمەن قامتاماسىز ەتۋدى شىنايى ويداعىداي ىستەپ، ساقتانۋ - قورعانۋ زاتتىق ماتەريالدارىمەن، مەديتسينالىق زاتتىق ماتەريالدارمەن، تۇرمىستىق زاتتىق ماتەريالدارمەن قامتاماسىز ەتۋ، قامداۋ سەرپىنىن ارتتىرىپ، ساقتانۋ - تىزگىندەۋدىڭ ءبىرىنشى شەبىنىڭ قاجەتىن باتىل قاناعاتتاندىرىپ، بۇقارانىڭ كۇندەلىكتى تۇرمىسىن قامتاماسىز ەتۋ كەرەك.

  ءماجىلىس مىنالاردى باسا دارىپتەدى: ءبىر تۇتاس جوسپارلاپ، تەڭ ءمان بەرۋگە تاباندى بولىپ، ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتاۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن جاپپاي ويداعىداي يگەرىپ، ورنىقتىلىق، دامۋ، حالىق تۇرمىسى ۇشەۋىنىڭ ءبىر تۇلعا بولۋىنا تاباندى بولىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك. جاڭا دامۋ ۇستانىمدارىن تاباندىلىقپەن دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ نىسانالارىن، مىندەتتەرىن ارقاۋ ەتە وتىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، نازاردى ولقىلىقتار مەن ءالسىز بۋىندارعا شوعىرلاندىرىپ، دالمە - ءدال قامال الىپ، ”التىنى ورنىقتىرۋ“ قىزمەتىن جاپپاي ويداعىداي ىستەپ، ىندەتتىڭ ىقپالىن ەڭ تومەنگى دەڭگەيگە تۇسىرۋگە قۇلشىنۋ كەرەك. ورنىقتى قاداممەن، ءتارتىپتى تۇردە ءوندىرىس، تۇرمىس ءتارتىبىن قالپىنا كەلتىرىپ، ىندەتتەن ساقتانۋ - تىزگىندەۋگە ۇيلەسەتىن ەكونوميكالىق اينالىم ءتارتىبىن ورناتىپ، ىرىقتى تۇردە قىزمەت وتەپ، جۇمىستى، ءوندىرىستى قالپىنا كەلتىرۋدى تارتىپپەن ىلگەرىلەتىپ، عىلمي جولمەن ءبىر تۇتاس جوسپارلاپ، ءداپ باسىپ، تولىق سايكەستىرىپ، ولشەمدى يگەرىپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدى ىلگەرىلەتۋدىڭ قاتاڭ شايقاسىنىڭ جەڭىسىنە باتىل قول جەتكىزۋ كەرەك. ءۇش ءىرى قامال الۋ شايقاسىن ويداعىداي جۇرگىزىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، قايتا كەدەيلەسۋدەن ساقتانۋ مەحانيزمىن كەمەلدەندىرىپ، كەدەيلىكتەن ارىلتۋدان قامال الۋ مىندەتىنىڭ ۋاعىندا ورىندالۋىنا شىنايى كەپىلدىك ەتۋ؛ ەكولوگيانىڭ قىزىل سىزىعىن، تومەنگى شەگىن قاتاڭ ساقتاپ، ولقىلىقتاردى كۇش سالا تولىقتاپ، كورىكتى شينجياڭدى قۇلشىنا قۇرۋ؛ جۇيەلىك فينانس قاتەرى تۋىلماۋ سىندى تومەنگى شەكتى باتىل ساقتاۋ كەرەك. كوپ شارانى قاتار قولدانىپ ىشكى سۇرانىستى كەڭەيتىپ، سىرتقى سۇرانىستى ورنىقتىرىپ، جاڭا جاعدايعا ۇيلەسىپ جاڭا كوركەيگەن تۇتىنۋ سۇرانىستارىن جەتىلدىرىپ، تۇتىنۋدىڭ قايتا تولىقتاۋىن جانە كومەسكى كۇشىن جارىققا شىعارۋدى جەبەۋ؛ نازاردى ءتۇيىندى سالالارعا شوعىرلاندىرىپ، ءونىمدى قارجى قوسۋدى بەلسەنە كەڭەيتۋ؛ ”ءبىر بەلدەۋ، ءبىر جول“ بويىنداعى ەلدەرمەن جانە وڭىرلەرمەن بايلانىستى، سايكەسۋدى كۇشەيتۋ كەرەك. ساياساتتىق قولداۋ - سۇيەمەلدەۋدى كۇشەيتىپ، سالىقتى ازايتۋ، اقىنى تومەندەتۋ ساياساتتارىن تياناقتاندىرىپ، فينانس قۇرىلىمدارىن پارىقتى، ءتيىمدى فينانستىق قىزمەت وتەۋ ورىستەتۋگە جەتەكتەپ، ءتۇيىندى سالالار مەن ورتا، شاعىن كاسىپورىندارعا كومەكتەسۋ، ولاردى سۇيەمەلدەۋ سەرپىنىن ارتتىرىپ، كوپ شارانى قاتار قولدانىپ كاسىپورىنداردىڭ ناقتى قيىنشىلىعىن شەشىپ، كاسىپورىنداردىڭ قيىن وتكەلدەن وتۋىنە قۇلشىنا كومەكتەسۋ؛ تۇقىم، حيميالىق تىڭايتقىش، جەم - ءشوپ سياقتى اۋىل شارۋاشىلىعى ماتەريالدارىمەن قامداۋدى ويداعىداي ۇيىمداستىرىپ، كوكتەمگى ەگىس دايىندىعىن جانە اۋىل شارۋاشىلىعى اپاتىنان ساقتانۋدى، اپات زيانىن ازايتۋدى مىقتى يگەرىپ، اۋىل شارۋاشىلىعى ءوندىرىسىنىڭ نەگىزىن بەكەمدەۋ كەرەك. حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، جۇمىستاندىرۋ، ەمدەۋ، قوعامدىق قامسىزداندىرۋ سياقتى حالىققا ءتيىمدى ينجەنەريالاردى ۇزدىكسىز ىلگەرىلەتىپ، حالىق تۇرمىسىن تومەنگى شەكتەن تۇسىرمەي قامتاماسىز ەتۋ سەرپىنىن ارتتىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. قوعامدىق كەلەلى جاعدايدىڭ باياندى جاراسىمدىلىعىن، ورنىقتىلىعىن ساقتاپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەۋ ءۇشىن تاماشا ورتا ازىرلەۋ كەرەك.

  ءماجىلىس مىنالاردى اتاپ كورسەتتى: جاۋاپكەرشىلىكتى قاتايتۋعا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ءتۇرلى قىزمەتتەرىن ويداعىداي ىستەۋ قابىلەتىن جانە دەڭگەيىن ۇزدىكسىز جوعارىلاتۋ كەرەك. ءار دارەجەلى پارتكوم مەن ۇكىمەت بۇكىل شينجياڭدى ءبىر تۇتاس جۇيە، بيڭتۋان مەن جەرگىلىكتى ورىندى ءبىر تۇتاس جۇيە دەپ قاراۋعا تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە، بىرلەسە قيمىلداۋىنا تاباندى بولىپ، تۇيىندەردى مىقتى ۇستاۋعا تاباندى بولىپ، ءبىر تۇتاس جوسپارلاپ تەڭ ءمان بەرۋگە باسا ءمان بەرىپ، عىلمي توتەپ بەرىپ، ءوز جاۋاپكەرشىلىگىن ءبىلۋ، ءوز جاۋاپكەرشىلىگىن ارقالاۋ، ءوز جاۋاپكەرشىلىگىن ادا ەتۋ؛ ءار دارەجەلى باسشى كادرلار مەن قالىڭ پارتيا مۇشەلەرى اتويلاپ الدا ءجۇرىپ، بورىشتىڭ ۇدەسىنەن شىعىپ، كۇردەلى جاعدايدى مەڭگەرۋ، شۇعىل، قيىن، قاتەرلى، اۋىر مىندەتتەردى ءبىر جاقتى ەتۋ قۋاتى مەن قابىلەتىن قۇلشىنا جوعارىلاتىپ، ءىرى شايقاستا اۋەلگى ماقساتتى، بورىشتى امالياتتا ايگىلەپ، ۇلكەن سىندا تولىمدى جاۋاپ بەرۋ؛ ستيلگە شىنايى بۇرىلىس جاساپ، فورماشىلدىقتى، تورەشىلدىكتى باتىل تيىپ جانە ونان ساقتانىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن قۇلشىنا ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن جۇزەگە اسىرىپ، ”13 - بەسجىلدىق“ جوبانى ورىنداۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.