گەيتس قور قوعامىنىڭ جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قولداۋ كورسەتكەندىگىنە العىس ايتتى
جاۋاپ حات
بيلل گەيتس مىرزا:
سالەمەتسىز! جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان شەشۋشى ساتتە، ءسىز جانە حانىمىڭىز باسشىلىق ەتكەن قور قوعام جومارتتىقپەن كومەك كورسەتتى، ءسىز ماعان حات جازىپ، جۇڭگو حالقىن قولدايتىندىعىڭىزدى ءبىلدىرىپسىز، مەن بۇعان شىن جۇرەكتەن العىس ايتامىن.
ىندەت تۋىلعاننان كەيىن، مەن سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىن ورتاعا قويدىم، ءبىز بۇكىل ەل بويىنشا كۇش شىعارىپ ساقتانىپ - تىزگىندەپ، بۇرىن بولماعان ءبىر قىدىرۋ ساقتانۋ - تىزگىندەۋ جانە قۇتقارۋ - ەمدەۋ شاراسىن قولدانىپ، كەلەلى ونىمدىلىككە قول جەتكىزدىك. ءبىز جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعايمىز ءارى دۇنيە جۇزىندەگى ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىنە ۇلەس قوسۋعا قۇلشىنامىز.
مەن ادامزات − تاعدىرلاس ورتاق تۇلعا دەگەندى ۇنەمى دارىپتەپ كەلەمىن. ءار ەل حالقىنىڭ ءومىرى مەن ولىمىنە قاتىستى ىندەتتى جەڭۋدە، ىنتىماقتاسا سەلبەسۋ − ەڭ پارمەندى قارۋ. گەيتس قور قوعامى دۇنيە ءجۇزىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ارەكەتىنە وتە ەرتە ات سالىسىپ، بەلسەندى رول اتقاردى. مەن گەيتس قور قوعامىنىڭ جۇڭگو جاقتىڭ قاتىستى قۇرىلىمدارىمەن سەلبەستىگىن قولدايمىن. مەن دە حالىقارالىق قوعامنىڭ سايكەستىكتى كۇشەيتىپ، ادامزاتتىڭ دەنساۋلىعىن، باقىتىن قورعاۋ جولىندا بىرگە قۇلشىنۋىن ءۇمىت ەتەمىن.
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2020 - جىلى 2 - ايدىڭ 20 - كۇنى
(شينحۋا اگەنتتىگىنىڭ 2 - ايدىڭ 22 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 2 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 20 - كۇنى امەريكا گەيتس قور قوعامىنىڭ تەڭ ءتوراعاسى بيلل گەيتسكە جاۋاپ حات جولداپ، ونىڭ جانە گەيتس قور قوعامىنىڭ جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە قولداۋ كورسەتكەندىگىنە العىس ايتتى، حالىقارالىق قوعامدى سايكەستىكتى كۇشەيتۋگە، ىندەتكە بىرگە قارسى اتتانۋعا ۇندەدى.
شي جينپيڭ جاۋاپ حاتىندا بىلاي دەدى: جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان شەشۋشى ساتتە، ءسىز جانە حانىمىڭىز باسشىلىق ەتكەن قور قوعام جومارتتىقپەن كومەك كورسەتتى، ءسىز ماعان حات جازىپ، جۇڭگو حالقىن قولدايتىندىعىڭىزدى ءبىلدىردىڭىز، مەن بۇعان شىن جۇرەكتەن العىس ايتامىن.
شي جينپيڭ بىلاي دەپ اتاپ كورسەتتى: ىندەت تۋىلعاننان كەيىن، مەن سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىن ورتاعا قويدىم، ءبىز بۇكىل ەل بويىنشا كۇش شىعارىپ ساقتانىپ - تىزگىندەپ، بۇرىن بولماعان ءبىر قىدىرۋ ساقتانۋ - تىزگىندەۋ جانە قۇتقارۋ - ەمدەۋ شاراسىن قولدانىپ، كەلەلى ونىمدىلىككە قول جەتكىزدىك. ءبىز جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعايمىز ءارى دۇنيە جۇزىندەگى ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىنە ۇلەس قوسۋعا قۇلشىنامىز.
شي جينپيڭ مىنالاردى ءبىلدىردى: مەن ادامزات − تاعدىرلاس ورتاق تۇلعا دەگەندى ۇنەمى دارىپتەپ كەلەمىن. ءار ەل حالقىنىڭ ءومىرى مەن ولىمىنە قاتىستى ىندەتتى جەڭۋدە، ىنتىماقتاسا سەلبەسۋ − ەڭ پارمەندى قارۋ. گەيتس قور قوعامى دۇنيە ءجۇزىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ارەكەتىنە وتە ەرتە ات سالىسىپ، بەلسەندى رول اتقاردى. مەن گەيتس قور قوعامىنىڭ جۇڭگو جاقتىڭ قاتىستى قۇرىلىمدارىمەن سەلبەستىگىن قولدايمىن. مەن دە حالىقارالىق قوعامنىڭ سايكەستىكتى كۇشەيتىپ، ادامزاتتىڭ دەنساۋلىعىن، باقىتىن قورعاۋ جولىندا بىرگە قۇلشىنۋىن ءۇمىت ەتەمىن.
گەيتس قور قوعامىن بيلل گەيتس پەن حانىمى مەليندا بىرگە قۇرعان، اۋرۋدان ساقتانۋ - تىزگىندەۋ، كەدەيلەردى سۇيەمەلدەۋ، كەدەيلەردى ازايتۋ سياقتى كوپ سالالاردا جۇڭگومەن ۇزاق ۋاقىت سەلبەستىك ورىستەتىپ كەلەدى. 1 - ايدىڭ 27 - كۇنى گەيتس قور قوعامى 5 ميلليون دوللارلىق شۇعىل جىلۋ اقشا بەرىپ، جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىن قولدايتىندىعىن جاريالادى. وسىدان كەيىن ەڭ جوعارى بولعاندا 100 ميلليون دوللار جىلۋ اقشا ۇسىنۋعا ۋادە بەردى، مۇنىڭ ءبىر ءبولىمى جۇڭگونىڭ ءدارى - دارمەك، ۆاكسينا جانە دياگنوز قويۋ ءادىسىن زەرتتەۋ - اشۋ سياقتى جاقتارداعى قىزمەتتەردى تەزدەتۋىنە تىكە كومەكتەسۋگە پايدالانىلادى. تاياۋدا بيلل گەيتس ءتوراعا شي جينپيڭگە ارنايى حات جازىپ، جۇڭگو ۇكىمەتى مەن جۇڭگو حالقىنىڭ ىندەتكە قارسى اتتانۋ بارىسىنداعى بەينەسىن القاپ، جۇڭگونىڭ وسى شەشۋشى شايقاستا جەڭىسكە قول جەتكىزۋىن باتىل قولدايتىندىعىن ءبىلدىردى.
