حالىق ەڭ قاجەت ەتەتىن جەرگە بارىپ، ىزگىلىكتەرىڭمەن، مەيىرىمدىلىكتەرىڭمەن حالىقتى، اسىرەسە، نەگىزگى ساتىداعى بۇقارانى باقىتقا كەنەلتىڭدەر
جاۋاپ حات
شيزاڭ داشۋەسى مەديتسينا شۋەيۋانى 2015 - جىلدىق كلينيكالىق مەديتسينا كاسىبىندەگى وقۋشىلار:
سالەمەتسىزدەرمە! حاتتارىڭىزدى تاپسىرىپ الدىم، سىزدەر 17 وقۋشىنىڭ بەيجيڭدە كلينيكالىق پراكتيكا ىستەپ جاتقان مەزگىلدە، كلينيكانىڭ نەگىزگى ونەرىن يگەرىپ قانا قالماستان، شيزاڭنىڭ ەمدەۋ - دەنساۋلىق ساقتاۋ ىستەرىنە وزدەرىڭدى ارنايتىن مۇرات - سەنىمدەرىڭدى بەكەمدەگەندەرىڭدى ءبىلىپ، توتەنشە ريزا بولدىم.
شيپاگەر − حالىقتىڭ سالاماتتىعىن قورعاۋشى. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شايقاسىندا، ارميانىڭ، جەرگىلىكتى ورىننىڭ قالىڭ ەمدەۋ قىزمەتكەرى اتويلاپ الدا ءجۇرىپ، ەرلىكپەن شايقاس جاساپ، ءىس - ارەكەتتەرى ارقىلى اق حالاتتى پەرىشتەلەردىڭ اجالعا اراشاشى، جارالىعا مەدەت بولاتىن اسقاق رۋحىن تولىق ايشىقتادى. مەن سىزدەردىڭ، ءسوزسىز، ولاردى ۇلگى ەتىپ، پارتيا مەن حالىق سەنىم ارتاتىن جاقسى شيپاگەر بولۋعا قۇلشىناتىندارىڭىزعا سەنەمىن. سىزدەردىڭ ۇيرەنۋ مەزگىلىن قاستەرلەپ، ونەرگە جەتىلىپ، مەكتەپ بىتىرگەننەن كەيىن حالىق ەڭ قاجەت ەتەتىن جەرگە بارىپ، ىزگىلىكتەرىڭمەن، مەيىرىمدىلىكتەرىڭمەن حالىقتى، اسىرەسە، نەگىزگى ساتىداعى بۇقارانى باقىتقا كەنەلتۋلەرىڭدى ءۇمىت ەتەمىن.
تيبەت كالەندىرى بويىنشا جاڭا جىل تاياپ قالدى، مەن سىزدەرگە جانە شيزاڭ رايونىنداعى ءار ۇلت بۇقاراسىنا مەرەكەلىك سالەم جولدايمىن جانە تاماشا تىلەك تىلەيمىن!
شي جينپيڭ
2020 - جىلى 2 - ايدىڭ 21 - كۇنى
(شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. تيبەت كالەندىرى بويىنشا جاڭا جىل كەلگەن تۇستا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 21 - كۇنى بەيجيڭ داشۋەسى شوۋگاڭ شيپاحاناسىندا پراكتيكا ىستەپ جاتقان شيزاڭ داشۋەسى مەديتسينا شۋەيۋانىنىڭ وقۋشىلارىنا جاۋاپ حات جولداپ، ولاردىڭ شيزاڭنىڭ ەمدەۋ - دەنساۋلىق ساقتاۋ ىستەرىنە وزدەرىن ارناعان مۇراتتارىن تۇراقتاندىرىپ، ولاردى ىسىلعان ونەرگە جەتىلىپ، نەگىزگى ساتىداعى حالىققا قىزمەت وتەۋگە شابىتتاندىردى، سونداي - اق ولارعا جانە شيزاڭ رايونىنداعى ءار ۇلت بۇقاراسىنا مەرەكەلىك سالەم جولدادى جانە تاماشا تىلەك تىلەدى.
شي جينپيڭ جاۋاپ حاتىندا بىلاي دەدى: سىزدەر 17 وقۋشىنىڭ بەيجيڭدە كلينيكالىق پراكتيكا ىستەپ جاتقان مەزگىلدە، كلينيكانىڭ نەگىزگى ونەرىن يگەرىپ قانا قالماستان، شيزاڭنىڭ ەمدەۋ - دەنساۋلىق ساقتاۋ ىستەرىنە وزدەرىڭدى ارنايتىن مۇرات - سەنىمدەرىڭىزدى بەكەمدەگەندەرىڭدى ءبىلىپ، توتەنشە ريزا بولدىم.
شي جينپيڭ بىلاي دەپ اتاپ كورسەتتى: شيپاگەر − حالىقتىڭ سالاماتتىعىن قورعاۋشى. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شايقاسىندا، ارميانىڭ، جەرگىلىكتى ورىننىڭ قالىڭ ەمدەۋ قىزمەتكەرى اتويلاپ الدا ءجۇرىپ، ەرلىكپەن كۇرەس جاساپ، ءىس - ارەكەتتەرى ارقىلى اق حالاتتى پەرىشتەلەردىڭ اجالعا اراشاشى، جارالىعا مەدەت بولاتىن اسقاق رۋحىن تولىق ايشىقتادى. مەن سىزدەردىڭ، ءسوزسىز، ولاردى ۇلگى ەتىپ، پارتيا مەن حالىق سەنىم ارتاتىن جاقسى شيپاگەر بولۋعا قۇلشىناتىندارىڭىزعا سەنەمىن. سىزدەردىڭ ۇيرەنۋ مەزگىلىن قاستەرلەپ، ونەرگە جەتىلىپ، مەكتەپ بىتىرگەننەن كەيىن حالىق ەڭ قاجەت ەتەتىن جەرگە بارىپ، ىزگىلىكتەرىڭمەن، مەيىرىمدىلىكتەرىڭمەن حالىقتى، اسىرەسە، نەگىزگى ساتىداعى بۇقارانى باقىتقا كەنەلتۋلەرىڭدى ءۇمىت ەتەمىن. (جاۋاپ حاتتىڭ تولىق مازمۇنى ايىرىم بەرىلدى)
2019 - جىلى 6 - ايدا باعىتتامالى كومەكتەسەتىن جوعارى مەكتەپ بەيجيڭ داشۋەسى مەديتسينا ءبولىمىنىڭ ورنالاستىرۋىندا، شيزاڭ داشۋەسى مەديتسينا شۋەيۋانى 2015 - جىلدىق كلينيكالىق مەديتسينا كاسىبى تولىق كۋرس كلاسىنىڭ 17 وقۋشىسى شوۋگاڭ شيپاحاناسىنا كەلىپ، 11 ايلىق كلينيكالىق پراكتيكاسىن باستادى. تاياۋدا وسى وقۋشىلار باس شۋجي شي جينپيڭگە حات جازىپ، پراكتيكا ىستەگەننەن بەرگى تابىستارى مەن اسەرلەرىنەن مالىمەت بەرىپ، پارتيا مەن مەملەكەتكە دەگەن العىس سەزىمدەرىن جانە ونەر يگەرگەننەن كەيىن وتاننىڭ ءۇمىتىن اقتاپ، اۋىلدارىن كوركەيتەتىن بەكىمدەرىن بىلدىرگەن.
