ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ويداعىداي ىستەۋ كەرەك
لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى
2 - ايدىڭ 23 - كۇنى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ءماجىلىسى 2 - ايدىڭ 23 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جۇڭحۋا ۇلتى تاريحتا تالاي تاۋقىمەتتى باستان كەشىرگەن، ءبىراق ەشقاشان ەڭسەسىن تۇسىرمەگەن، قايتا نەعۇرلىم ساتسىزدىككە ۇشىراعان سايىن سولعۇرلىم ەرجۇرەك بولىپ، تاۋقىمەت بارىسىندا ۇزدىكسىز تولىسىپ، تاۋقىمەت بارىسىندا قايراتى تاسقىنداعان. قازىر ىندەت جاعدايى ءالى دە اۋىر، كۇردەلى، ساقتانۋ - تىزگىندەۋ ەڭ ماشاقاتتى شەشۋشى كەزەڭدە تۇر، ءار دارەجەلى پارتكوم مەن ۇكىمەت، ءسوزسىز، جەڭىسكە جەتۋ سەنىمىن بەكەمدەپ، قايىسپاس قايسارلىق كورسەتىپ، ىندەتتەن ساقتانۋ - تىزگىندەۋ قىزمەتتەرىن ۇزدىكسىز تۇردە تيتتەي دە بوساڭسىماي مىقتى، ناقتى، ەگجەي - تەگجەيلى يگەرۋ كەرەك. قىسىمدى قوزعاۋشى كۇشكە اينالدىرىپ، قاتەردى ورايعا اينالدىرۋعا شەبەر بولىپ، ءوندىرىس، تۇرمىس ءتارتىبىن جۇيەلى تۇردە قالپىنا كەلتىرىپ،”التىنى ورنىقتىرۋ“ شاراسىن كۇشەيتىپ، ساياساتتىق رەتتەۋ سەرپىنىن ارتتىرىپ، ەلىمىز دامۋىنىڭ وراسان زور كومەسكى كۇشى مەن قۇدىرەتتى قوزعاۋشى قۋاتىن تولىق ىسكە قوسىپ، بيىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن جۇزەگە اسىرۋعا قۇلشىنۋ كەرەك.
شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ پارتيا مۇشەلەرىنە، كادرلارعا، بۇقاراعا، اسىرەسە، حۋبەي مەن ۋحانداعى قالىڭ پارتيا مۇشەلەرىنە، كادرلارعا، بۇقاراعا شىن ىقىلاستى سالەم جولدادى، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جۇرگىزىپ جاتقان قالىڭ ەمدەۋ قىزمەتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە، ءارقايسى شەپتەگى جولداستارعا وسكەلەڭ قۇرمەت ءبىلدىردى، شياڭگاڭدىق، اۋمىندىق، تايۋاندىق باۋىرلاستارعا، شەتەلدەگى چياۋمين باۋىرلاستارعا شىن جۇرەكتەن العىس ايتتى، ەلىمىزدىڭ ىندەتتەن ساقتانۋ - تىزگىندەۋ قىزمەتىنە ءتۇرلى قولداۋلار كورسەتكەن مەملەكەتتەرگە، حالىقارالىق ۇيىمدارعا، دوس قايراتكەرلەرگە شىن جۇرەكتەن ريزالىق ءبىلدىردى، ىندەتكە قارسى اتتانۋ بارىسىندا باقىتقا قارسى قازا تاپقان باۋىرلاستارعا، قۇربان بولعان ەمدەۋ قىزمەتكەرلەرىنە قايعىلى ازا ءبىلدىردى، اۋرۋمەن كۇرەسىپ جاتقان ناۋقاستاردان جانە ولاردىڭ وتباسىنداعىلاردان، قىزمەت ۇستىندە قازا بولعانداردىڭ وتباسىنداعىلاردان، اۋرۋدان قازا تاپقانداردىڭ وتباسىنداعىلاردان شىن ىقىلاسپەن حال سۇرادى.
لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.
شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعان سوڭ، پارتيا ورتالىق كوميتەتى وسكەلەڭ ءمان بەرىپ، دەرەۋ ورنالاستىرۋ جاساپ، ىندەتتەن ساقتانۋ - تىزگىندەۋگە ورتالىقتانعان ءبىر تۇتاس باسشىلىقتى جاپپاي كۇشەيتىپ، ءار دارەجەلى پارتكوم مەن ۇكىمەتتەن جانە قاتىستى تاراۋلاردان حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، شىنايى ءونىمدى شارالار قولدانىپ، ىندەتتىڭ تارالۋ، ءورشۋ بەتالىسىن باتىل تەجەۋدى تالاپ ەتتى. پارتيا ورتالىق كوميتەتى اۋقىمدى باعامداپ، جان - جاقتى تۇجىرىم جاساپ، دەر كەزىندە سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىن ورتاعا قويىپ، ىندەتتەن ساقتانۋ - تىزگىندەۋ ستراتەگياسىن، تاكتيكاسىن دەر كەزىندە بەلگىلەپ، ەمدەۋگە الۋ مولشەرى مەن ەمدەپ ساۋىقتىرۋ مولشەرىن جوعارىلاتۋدى، جۇعىمدالۋ مولشەرى مەن اۋرۋدان ءولۋ مولشەرىن تومەندەتۋدى ەلەۋلى مىندەت رەتىندە مىقتى ۇستاپ، ۋحان مەن حۋبەيدى بۇكىل مەملەكەتتىڭ نەگىزگى شايقاس مايدانى ەتىپ، ۋحان مەن حۋبەيدىڭ ىندەتتەن ساقتانۋىنا ءبىر تۇتاس قولباسشىلىق ەتۋدى كۇشەيتىپ، باسقا جەرلەردەگى ساقتانۋ - تىزگىندەۋ قىزمەتىن ءبىر تۇتاس جوسپارلاپ، ويداعىداي يگەرىپ، مەديتسينالىق زاتتىق ماتەريالدارمەن جانە تۇرمىستىق قاجەتتى بۇيىمدارمەن شۇعىل قامداۋدى كۇشەيتىپ، قوعام ورنىقتىلىعىن شىنايى قورعاپ، ۇگىت - تاربيەنى جانە قوعامدىق پىكىر جەتەكشىلىگىن كۇشەيتىپ، حالىقارالىق قوعامنىڭ قولداۋىنا بەلسەنە قول جەتكىزدى.
شي جينپيڭ بىلاي دەپ اتاپ كورسەتتى: وسى رەتكى قاتاڭ كۇرەستە، ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اتويلاپ الدا ءجۇرىپ، قايسارلىقپەن شايقاستى، قالىڭ ەمدەۋ قىزمەتكەرلەرى العان بەتتەرىنەن قايتپاي، كۇندى تۇنگە جالعاپ ەرلىكپەن شايقاس جۇرگىزدى، حالىق ازاتتىق ارمياسىنىڭ كوماندير - جاۋىنگەرلەرى بۇيرىقتى الا سالا اتتانىپ، باتىلدىقپەن سۇراپىل شايقاس جۇرگىزدى، قالىڭ حالىق بۇقاراسى ەل بىرلىگىنەن بەرىك قامال تۇرعىزىپ، ءوزارا قارايلاسىپ، ءبىر - بىرىنە دەمەۋ بولدى، قالىڭ قوعام حاۋىپسىزدىگى حالىق ساقشىلارى، ىندەت تىزگىندەۋشى قىزمەتكەرلەر، الەۋمەتتىك اۋماق قىزمەتكەرلەرى سياقتىلار قىزمەت ورىندارىنان تاپجىلماي، كۇنى - ءتۇنى كۇزەتتە تۇردى، قالىڭ اقپارات قىزمەتكەرلەرى ماشاقاتتان، قاتەردەن تايسالماي، ءبىرىنشى شەپكە ىشكەرىلەي ارالاستى، قالىڭ ەرىكتىلەر، ت.ب شىن نيەتپەن ۇلەس قوسىپ، شارشاپ - شالدىعۋمەن ساناسپادى، پارتيا مەن مەملەكەتتىڭ قاتىستى تاراۋلارى جانە حالىق قۇرىلتايى، ساياسي كەڭەس، سونداي - اق ءارقايسى حالىقتىق ۇيىمدار سياقتىلار ىرىقتىلىقپەن جاۋاپكەرشىلىك ارقالادى، قوعامنىڭ ءار سالاسى جانە شياڭگاڭدىق، اۋمىندىق، تايۋاندىق باۋىرلاستار، شەتەلدەگى چياۋمين باۋىرلاستار ىركەس - تىركەس اقشا، زات جىلۋعا اتاپ، ىندەتتەن ساقتانۋ - تىزگىندەۋگە ماڭىزدى ۇلەس قوستى.
شي جينپيڭ بىلاي دەپ باسا دارىپتەدى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىزدە تۋىلعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ اۋىر، ءبىر رەتكى توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى بولدى. ءبىز ءۇشىن العاندا، بۇل ءبىر رەتكى داعدارىس ءارى ءبىر رەتكى ۇلكەن سىن بولدى. قاجىرلىلىقپەن قۇلشىنۋدىڭ ارقاسىندا، قازىر ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسى كەڭەيىپ كەلەدى. اماليات پارتيا ورتالىق كوميتەتىنىڭ ىندەت جاعدايى تۋرالى تۇجىرىمىنىڭ ءدال، دۇرىس بولعاندىعىن، ءتۇرلى قىزمەت ورنالاستىرۋلارىنىڭ دەر كەزىندە بولعاندىعىن، قولدانعان شارالارىنىڭ پارمەندى، ءونىمدى بولعاندىعىن دالەلدەدى. ساقتانۋ - تىزگىندەۋ قىزمەتىندە قول جەتكىزگەن جەتىستىك جۇڭگو كوممۋنيستىك پارتياسى باسشىلىعىنىڭ جانە جۇڭگوشا سوتسياليزم ءتۇزىمىنىڭ كورنەكتى ابزالدىلىعىن تاعى ءبىر رەت ايگىلەدى.
شي جينپيڭ بىلاي دەپ باسا دارىپتەدى: ناتيجەنى تولىق تۇراقتاندىرۋمەن بىرگە، ءار دارەجەلى پارتكوم مەن ۇكىمەت، ءسوز جوق، سالعىرت يدەيادان، شايقاستان جالىعۋ پيعىلىنان، باق سىناۋ پسيحيكاسىنان، بوساڭسۋ كوڭىل كۇيىنەن ايرىقشا ساق بولىپ، ساقتانۋ - تىزگىندەۋدىڭ ءتۇرلى قىزمەتتەرىن ۇزدىكسىز تۇردە تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، تۇبەگەيلى جەڭىسكە جەتپەي استە تابىسقا جەتتىك دەپ جەڭىل شەشىم جاساماۋ كەرەك. شي جينپيڭ 7 تالاپ ورتاعا قويدى. ءبىرىنشى، حۋبەيدى قورعاۋ شايقاسىن، ۋحاندى قورعاۋ شايقاسىن باتىل، ويداعىداي جۇرگىزۋ. قالا، اۋىل الەۋمەتتىك اۋماقتارىنداعى ساقتانۋ - تىزگىندەۋ جانە ناۋقاستاردى قۇتقارۋ - ەمدەۋ سىندى 2 شەشۋشى بۋىندى مىقتاپ يگەرىپ، ىندەتتىڭ تارالۋىن، سىرتقا شىعۋىن باتىل تەجەپ، كۇشى ءالسىز وڭىرلەردەگى ساقتانۋ - تىزگىندەۋدى كۇشەيتىپ، ەمدەۋگە الۋ مولشەرى مەن ەمدەپ ساۋىقتىرۋ مولشەرىن شىنايى جوعارىلاتىپ، جۇعىمدالۋ مولشەرى مەن اۋرۋدان ءولۋ مولشەرىن تومەندەتۋ كەرەك. ەكىنشى، بەيجيڭدەگى ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي ىستەۋ. سىرتتان كىرۋدەن ساقتانۋ، ىشتە تارالۋدان ساقتانۋ سىندى 2 ۇلكەن بۋىندى باتىل، ويداعىداي يگەرىپ، بەيجيڭ، تيانجين، حىبەي وڭىرىندەگى بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، جۇعىمدالۋ قاينارىن ەڭ زور مۇمكىندىكتەن پايدالانىپ ءۇزۋ كەرەك. ءۇشىنشى، ەمدەۋ كۇشتەرى مەن ماڭىزدى زاتتىق ماتەريالداردى عىلمي سەپتەۋ. ءبىرىنشى شەپتەگى ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، ساقتانۋ - قورعانۋ زاتتىق ماتەريالدارىمەن، تۇرمىستىق زاتتىق ماتەريالدارىمەن قامتاماسىز ەتۋدى جانە ساقتانۋ - قورعانۋ شارالارىن تياناقتاندىرىپ، شيپاحانادا جۇعىمدالۋدان ساقتانۋ قىزمەتىن شىنايى كۇشەيتىپ، ەمدەۋ قىزمەتكەرلەرىن عىلمي جولمەن ساقتاندىرۋ - قورعاۋدى جانە تاربيەلەۋدى ويداعىداي ىستەۋ كەرەك. بازارداعى قامداۋ - قاجەتسىنۋ وزگەرىسىن ءجىتى باقىلاپ - ولشەپ، كوكونىس جانە مال، ءۇي قۇستارى سياقتىلاردىڭ ءوندىرىسىن بەلسەنە ۇيىمداستىرىپ، تاسىمال ارنالارى مەن زات جەتكىزۋدى ىركىلىسسىزدەندىرۋ كەرەك. ءتورتىنشى، عىلىم - تەحنيكالىق زەرتتەۋ - اشۋدان قامال الۋدى جەدەلدەتۋ. كوپ ءپاننىڭ كۇشتەرىن جيناقتاپ عىلمي زەرتتەۋدەن قامال الىپ، ءدارى - دارمەك جانە ۆاكسينا زەرتتەۋ - اشۋ سەرپىنىن ارتتىرىپ، ءونىمدى دياگنوز قويۋ - ەمدەۋ جوبالارىن دەر كەزىندە قورىتىندىلاۋ، جالپىلاستىرۋ كەرەك. بەسىنشى، حالىقارالىق جانە وڭىرلىك سەلبەستىكتى كەڭەيتۋ. دۇنيە جۇزىلىك دەنساۋلىق ساقتاۋ ۇيىمىمەن تاماشا قارىم - قاتىناستى ۇزدىكسىز ساقتاپ، قاتىستى ەلدەرمەن ىندەتتەن ساقتانۋ تاجىريبەلەرىن ورتاقتاسىپ، ۆيرۋسقا قارسى ءدارى - دارمەك جانە ۆاكسينالاردى زەرتتەۋ - اشۋدىڭ حالىقارالىق سەلبەستىگىن كۇشەيتۋ كەرەك. التىنشى، اقپارات - قوعامدىق پىكىر قىزمەتىنىڭ ونىمدىلىگىن جوعارىلاتۋ. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ۇگىتتەۋدى، ءتۇسىندىرۋدى ۇزدىكسىز تۇردە ويداعىداي ىستەپ، جەر - جەردىڭ ىندەتتەن ساقتانۋ - تىزگىندەۋدى ءبىر تۇتاس جوسپارلاپ ىلگەرىلەتۋىندەگى جاقسى تاجىريبەلەردى، جاقسى ادىستەردى ىشكەرىلەي حابارلاپ، ىندەت ينفورماتسياسىن جاريالاۋدى كەمەلدەندىرىپ، ىندەتپەن كۇرەستىڭ ءبىرىنشى شەبىندەگى اسەرلى، ىزگى ىستەردى كەڭىنەن ۇگىتتەپ، قوعام ءجىتى قاداعالاپ وتىرعان ىستەرگە ىرىقتى تۇردە جاۋاپ قاتۋ كەرەك. جەتىنشى، قوعام ورنىقتىلىعىن شىنايى قورعاۋ. ىندەتتەن ساقتانۋ - تىزگىندەۋدە جارىققا شىققان نىشاندىق، بەتالىستىق ماسەلەلەردى دەر كەزىندە شەشىپ، ەمدەۋ ءتارتىبىن، ىندەتتەن ساقتانۋ ءتارتىبىن، بازار ءتارتىبىن، قوعام ءتارتىبىن بىلىقتىرۋ سياقتى زاڭعا قايشى قىلمىستىق ءىس - ارەكەتتەردى زاڭ بويىنشا قاتاڭ جازالاۋ كەرەك.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتىنىڭ ەكونوميكاعا، قوعامعا ءبىرشاما ۇلكەن سوققى اكەلۋىنەن ساقتانۋ قيىن. ءدال وسىنداي بولعان سايىن، ەلىمىزدىڭ دامۋىنا اناعۇرلىم جان - جاقتى، ديالەكتيكالىق، ۇزاق بولاشاقتىق كوز ايامەن قاراۋىمىز، سەنىمدى اناعۇرلىم كۇشەيتۋىمىز، سەنىمدى بەكەمدەۋىمىز كەرەك. جالپىلاي الىپ قاراعاندا، ەلىمىز ەكونوميكاسىنىڭ ۇزاق ۋاقىت جاقساراتىن نەگىزگى جاعدايى وزگەرگەن جوق، ىندەتتىڭ سوققىسى قىسقا مەرزىمدىك، جالپى تۇلعالىق جاقتان مەڭگەرۋگە بولادى. شي جينپيڭ جۇمىستى، ءوندىرىستى ءتارتىپتى تۇردە قالپىنا كەلتىرۋ جونىندە 8 تالاپ قويدى. ءبىرىنشى، وڭىرگە ءبولىپ، دارەجەگە ءبولىپ جۇمىستى، ءوندىرىستى دالمە - ءدال قالپىنا كەلتىرۋدى تياناقتاندىرۋ. حاۋپى تومەن وڭىرلەر ساقتانۋ - تىزگىندەۋ تاكتيكاسىن جەدەل تۇردە سىرتتان كىرۋدەن ساقتانۋعا اۋىستىرىپ، ءوندىرىس، تۇرمىس ءتارتىبىن جاپپاي قالپىنا كەلتىرۋ، حاۋپى ورتاشا وڭىرلەر ساقتانۋ - تىزگىندەۋ جاعدايىنا نەگىزدەلە وتىرىپ جۇمىستى، ءوندىرىستى ءتارتىپتى تۇردە قالپىنا كەلتىرۋ، حاۋپى جوعارى وڭىرلەر ۇزدىكسىز تۇردە كۇش - قايراتتى شوعىرلاندىرىپ ىندەتتەن ساقتانۋ - تىزگىندەۋ قىزمەتىن ويداعىداي يگەرۋ كەرەك. ەكىنشى، ماكرولىق ساياساتتى رەتتەۋ سەرپىنىن ارتتىرۋ. بەلسەندى قازىنا ساياساتىندا اناعۇرلىم بەلسەندى ىسكەرلىك كورسەتىپ، كەزەڭدىك، باعىتتامالىق سيپاتقا يە سالىقتى ازايتۋ، اقىنى تومەندەتۋ ساياساتىن ۇزدىكسىز زەرتتەپ، شىعارىپ، ورتا، شاعىن، ۇساق كاسىپورىنداردىڭ قيىن وتكەلدەن وتۋىنە كومەكتەسۋ كەرەك. ورنىقتى اقشا ساياساتىن اناعۇرلىم يكەمدى، لايىقتى جۇرگىزىپ، قازىر بار فينانستىق قولداۋ ساياساتتارىنان ويداعىداي پايدالانىپ، جاڭا ساياساتتاردى، شارالاردى لايىقتى ۋاقىتتا شىعارۋ كەرەك. ءۇشىنشى، جۇمىستاندىرۋدى ورنىقتىرۋ شارالارىن جاپپاي كۇشەيتۋ. اۋىرتپالىقتى ازايتۋدى، جۇمىس ورىندارىن ورنىقتىرۋدى، جۇمىستاندىرۋدى كەڭەيتۋدى قاتار يگەرىپ، ءبىر ءبولىم كاسىپورىنداردا جۇمىسشى تاپشىلىعىنىڭ اۋىر، جۇمىس ورنىن ورنىقتىرۋ قىسىمىنىڭ اۋىر بولۋى جانە ءتۇيىندى قاۋىمنىڭ جۇمىستانۋىنىڭ قيىن بولۋى سياقتى كورنەكتى قايشىلىقتارعا مەڭزەس، كوپ ارنامەن يكەمدى جۇمىستاندىرۋعا قولداۋ كورسەتىپ، جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىن جاقسى ىستەۋ كەرەك. ءتورتىنشى، كەدەيلىكتەن ارىلتۋدان قامال الۋ مىندەتىن باتىلدىقپەن ورىنداۋ. ىندەتتىڭ ىقپالىن جەڭۋگە قۇلشىنىپ، قامال الۋ قىزمەتىن تياناقتاندىرۋدى مىقتاپ يگەرىپ، كەدەي ەڭبەككۇشتەردىڭ جۇمىس ورىندارىنا تارتىپپەن قايتۋىنا كومەكتەسىپ، كەدەيلەردى سۇيەمەلدەۋدەگى سەركە كاسىپورىنداردىڭ، كەدەيلەردى سۇيەمەلدەۋ سەحتارىنىڭ جەدەل جۇمىس باستاۋىنا قولداۋ كورسەتىپ، قايتا كەدەيلەسۋدەن ساقتانۋ مەحانيزمىن جەدەل ورناتۋ، اقاۋسىزداندىرۋ كەرەك. بەسىنشى، كاسىپورىنداردىڭ جۇمىستى، ءوندىرىستى قالپىنا كەلتىرۋىن ىلگەرىلەتۋ. وڭىرگە ءبولىپ، دارەجەگە ءبولىپ دالمە - ءدال ساقتانۋ - تىزگىندەۋ تاكتيكاسىن تياناقتاندىرىپ، ادام اينالىمىنىڭ، زات اينالىمىنىڭ كەپتەلىس تۇيىندەرىن ىركىلىسسىزدەندىرىپ، زات تاسىمالىنىڭ، زات جەتكىزۋدىڭ شەكتەمەسىن الىپ تاستاپ، كاسىپ تىزبەگىندەگى ءار بۋىننىڭ سايكەستى تۇردە جۇمىستى، ءوندىرىستى قالپىنا كەلتىرۋىن ىلگەرىلەتۋ كەرەك. ەل ءىشىنىڭ ءونىمدى سۇرانىسىن بەلسەنە كەڭەيتىپ، سالىنۋ ۇستىندەگى جانە جاڭادان قۇرىلىس باستاعان نىساندار قۇرىلىسىنىڭ اياق الىسىن جەدەلدەتىپ، قاجەتتى جۇمىسشى، پايدالانىلاتىن جەر، قارجى سياقتى فاكتورلارمەن قامتاماسىز ەتۋدى كۇشەيتۋ كەرەك. التىنشى، ورايدى قولدان بەرمەي كوكتەمگى اۋىل شارۋاشىلىعى ءوندىرىسىن ويداعىداي يگەرۋ. كوكتەمگى ەگىس دايىندىعىنا ىقپال جەتكىزەتىن كورنەكتى ماسەلەلەردى جەدەل شەشىپ، اۋىل شارۋاشىلىعى ماتەريالدارىنىڭ ءوندىرىسىن، اينالىمعا ءتۇسۋىن، قامدالۋىن ويداعىداي ۇيىمداستىرىپ، اۋىل شارۋاشىلىعى ءوندىرىسىنىڭ ەگىس ۋاقىتىن جىبەرىپ الماۋىنا شىنايى كەپىلدىك ەتۋ كەرەك. جەتىنشى، نەگىزگى حالىق تۇرمىسىن شىنايى قامتاماسىز ەتۋ. نەگىزگى، قوسىمشا ازىق - تۇلىكپەن قامداۋدى قامتاماسىز ەتىپ، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋدى كۇشەيتىپ، ناۋقاستارعا، اسىرەسە، جاقىندارى قازا بولعان وتباسىلارىنا ءتۇيىندى تۇردە قارايلاسۋ كەرەك. باسقا اۋرۋعا شالدىققان ناۋقاستاردى ەمدەۋ - قۇتقارۋ قىزمەتىن ءبىر تۇتاس جوسپارلاپ ويداعىداي ىستەۋ كەرەك. سەگىزىنشى، سىرتقى ساۋدا، شەتەل قارجىسىنىڭ نەگىزگى كولەمىن ورنىقتىرۋ. ەكسپورتتان سالىق قايتارۋ، ەكسپورتتىق سەنىمدىلىك قامسىزداندىرۋى سياقتى ەرەجەگە ۇيلەسەتىن سىرتقى ساۋدا ساياسات قۇرالدارىنان جەتكىلىكتى، ويداعىداي پايدالانىپ، سىرتقى ساۋدا كاسىپ تىزبەگىنىڭ، قامداۋ تىزبەگىنىڭ ىركىلىسسىز اينالۋىن قامتاماسىز ەتىپ، شەتەل قارجىسى قوسىلعان ءىرى نىسانداردىڭ تياناقتانۋىن ويداعىداي يگەرىپ، فينانس سياقتى قىزمەت وتەۋ كاسىپتەرىنىڭ سىرتقا ەسىك اشۋىن كەڭەيتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، شەتەل ساۋداگەرلەرىنىڭ ۇزاق ۋاقىت قارجى قوسۋ، شارۋاشىلىق جۇرگىزۋ سەنىمىن كۇشەيتۋ كەرەك.
شي جينپيڭ بىلاي دەپ اتاپ كورسەتتى: وسى رەتكى ىندەتتەن ساقتانۋ - تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن ويداعىداي جۇرگىزۋدە جانە شايقاستا جەڭىپ شىعۋدا، ءسوز جوق، پارتيانىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە باسشىلىعىن كۇشەيتۋ كەرەك. ءار دارەجەلى پارتيا ۇيىمى باسشىلىق جاۋاپكەرشىلىگىن مۇقيات اتقارۋ، اسىرەسە، تياناقتاندىرۋ قىزمەت جاۋاپكەرشىلىگىن مىقتى ۇستاپ، پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن ناقتى، ەگجەي - تەگجەيلى، تىڭعىلىقتى تياناقتاندىرۋ كەرەك. ءار دارەجەلى كادرلار، اسىرەسە، باسشى كادرلار، ءسوزسىز، جەڭۋ سەنىمىن، جاۋاپكەرشىلىك سەزىمدى، مەيىرباندىق سەزىمىن، ۇستامدىلىق سەزىمىن كۇشەيتىپ، باتىلدىقپەن اۆانگارد بولىپ، جۇرەكتىلىكپەن الدىڭعى شەپتە اتويلاپ، ىرىقتىلىقپەن جاۋاپكەرشىلىك ارقالاپ، بەلسەنە ىسكەرلىك كورسەتۋ كەرەك. كۇرەستىڭ ءبىرىنشى شەبىندە كادرلاردى تەكسەرىپ، تانىپ، بەينەسى كورنەكتى بولعان كادرلاردى زور كۇشپەن ماراپاتتاپ - سيلاپ، جۇرەكتىلىكپەن ىستەتۋ، جاۋاپكەرشىلىك ارقامالاعان، ءىس تىندىرماعان، قىزمەت اتقارماعان، جاۋاپكەرسىزدىك ىستەگەندەردى قاتاڭ جاۋاپقا تارتۋ، كۇرەستىڭ ءبىرىنشى شەبىندە بەينەسى كورنەكتى بولعان وزات كوللەكتيۆتەردى جانە وزاتتاردى جاعدايعا قاراي ساتىعا ءبولىپ، دارەجەگە ءبولىپ ماراپاتتاۋ جانە سيلاۋ كەرەك. قالىڭ نەگىزگى ساتى كادرىنا جانە نەگىزگى ساتىعا ىشكەرىلەي ارالاسقان ءار دارەجەلى كادرلارعا، وتە - موتە، حۋبەي، ۋحان سياقتى ىندەت اۋىر جەرلەردەگى كادرلارعا، بۇقاراعا كوڭىل ءبولىپ، قامقورلىق جاساپ، ولاردىڭ جولىققان ءىس جۇزىندىك قيىنشىلىقتار مەن ماسەلەلەردى شەشۋىنە دەر كەزىندە كومەكتەسىپ، فورماشىلدىق، تورەشىلدىك قىلىقتاردى باتىل تۇزەتۋ كەرەك. ساقتانۋ - تىزگىندەۋ بايلىعى مەن كۇشتەرىن تومەنگە ءتۇسىرۋدى ىلگەرىلەتىپ، قوعامدىق كۇشتەردى ىندەتتەن ساقتانۋ - تىزگىندەۋگە بىرگە ات سالىسۋعا تولىق جۇمىلدىرۋ كەرەك. وسى رەتكى ىندەتتە جارىققا شىققان كورنەكتى ولقىلىقتارعا مەڭزەس، تاجىريبە قورىتىندىلاپ، ساباق الىپ، توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعالارىن توتەپ بەرۋ قابىلەتىن جانە ورەسىن جوعارىلاتۋ كەرەك.
لي كىچياڭ ءماجىلىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن جان - جاقتى قورىتىندىلاپ، قازىرگى ىندەت جاعدايىنا جانە ونىڭ ەكونوميكالىق، قوعامدىق دامۋعا ىقپالىنا تەرەڭ تالداۋ جاساپ، پارتيانىڭ باسشىلىعىن كۇشەيتۋدىڭ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدىڭ ءتۇيىندى مىندەتتەرىن جانە ماڭىزدى شارالارىن ورتاعا قويدى، اسا كۇشتى يدەيالىق، جەتەكشىلىك، باعىتتامالىق سيپاتقا يە. وڭىرلەر، تاراۋلار مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىن تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ناقتى، ەگجەي - تەگجەيلى يگەرىپ، قيىندىققا قارسى اتتانىپ، ەرلىكپەن شايقاسىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، ويداعىداي ىستەپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جاپپاي قول جەتكىزىپ، تۇتاس جىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنىپ، جاپپاي دوڭگەلەك داۋلەتتى قوعام ورناتۋعا جانە ”13 - بەسجىلدىق“ جوبانى ورىنداۋعا شىنايى كەپىلدىك ەتىپ، پارتيا مەن حالىققا تولىمدى جاۋاپ بەرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەستىڭ مۇشەلەرى ماجىلىسكە قاتىناستى.
ورتالىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسىنىڭ مۇشەلەرى، ورتالىقتىڭ حۋبەيعا بارىپ جەتەكشىلىك ەتۋ گرۋپپاسىنداعى قاتىستى جولداستار، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بىرلەسىپ ساقتانۋ، بىرلەسىپ تىزگىندەۋ مەحانيزمىنە مۇشە ورىندارداعى نەگىزگى جاۋاپتى جولداستار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ولكەلەردە، اۆتونوميالى رايونداردا، قالالاردا جانە شينجياڭ ءوندىرىس - قۇرىلىس بيڭتۋانىندا، سونداي - اق قالالاردا (ايماق، وبلىس، امىك)، اۋدانداردا (قالا، رايون، حوشۇن)، ورتالىق جانە مەملەكەت ورگاندارىنىڭ ءارقايسى تاراۋلارىندا، ءارقايسى حالىقتىق ۇيىمداردا، حالىق ازاتتىق ارمياسىنىڭ جانە قارۋلى ساقشى بولىمدەرىنىڭ تۋان دارەجەسىنەن جوعارى ورىندارىندا بولىمشە ءماجىلىس ورنى ورنالاستىرىلدى.
