شينجياڭ گازەتىنىڭ شولۋشىسى
ەكونوميكا، قوعام قوزعالىستاعى اينالمالى جۇيە، ۇزاق ۋاقىت توقىراپ قالۋىنا بولمايدى. ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدە، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋمەن بىرگە، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ تومەنگى شەككە ءتۇسىرىپ، بيىلعى ەكونوميكالىق، قوعامدىق دامۋ نىسانالارىن مىعىم قايراتپەن جۇزەگە اسىرۋ كەرەك، بۇل شي جينپيڭ جولداستى ۇيتقى ەتكەن پارتيا ورتالىق كوميتەتى بىزگە تاپسىرعان كەلەلى مىندەت، بۇل ءارى ءبىر رەتكى ۇلكەن شايقاس، ۇلكەن سىن.
2 - ايدىڭ 23 - كۇنى باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندەگى ماڭىزدى سوزىندە ىندەتتەن ساقتانۋ - تىزگىندەۋ قىزمەتىن جاپپاي قورىتىندىلاپ، ىندەتتىڭ جاعدايى مەن ىقپالىنا ىشكەرىلەي تالداۋ جاساپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدىڭ ءتۇيىندى مىندەتتەرى مەن كەلەلى شارالارىن ايقىن ورتاعا قويىپ، ءبىزدىڭ ءتۇرلى قىزمەتتەردى اناعۇرلىم ويداعىداي يگەرۋىمىزگە پارمەندى جەتەكشىلىك جانە ءتۇبىرلى بويسۇنۋ ولشەمىن ازىرلەدى.
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ ءۇشىن ەڭ الدىمەن، ءسوزسىز، جەڭىسكە جەتۋ سەنىمى مەن بەكىمىن نىعايتۋ كەرەك. وسى رەتكى جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىزدە تۋىلعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ اۋىر، ءبىر رەتكى توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى بولدى. قىسقا ۋاقىت ىشىندە ىندەتتىڭ ەكونوميكالىق، قوعامدىق دامۋعا ءبىرشاما ۇلكەن سوققى اكەلۋىنەن ساقتانۋ قيىن، ءبىراق ەلىمىز ەكونوميكاسىنىڭ ۇزاق ۋاقىت جاقسارۋعا بەت العان نەگىزگى جاعدايى وزگەرگەن جوق. نەعۇرلىم وسىنداي بولعان سايىن، ماسەلەگە سولعۇرلىم جان - جاقتى، ديالەكتيكالىق، ۇزاق بولاشاقتىق تۇرعىدان قاراۋىمىز، ءسوزسىز جەڭىسكە جەتۋ سەنىمىمىز بەن بەكىمىمىزدى سولعۇرلىم نىعايتۋىمىز كەرەك. قاجىرلىلىقپەن قۇلشىنۋدىڭ ارقاسىندا، قازىر ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسى كەڭەيىپ كەلەدى. اماليات پارتيا ورتالىق كوميتەتىنىڭ ىندەت جاعدايى تۋرالى تۇجىرىمىنىڭ ءدال، دۇرىس بولعاندىعىن، ءتۇرلى قىزمەت ورنالاستىرۋلارىنىڭ دەر كەزىندە بولعاندىعىن، قولدانعان شارالارىنىڭ پارمەندى، ءونىمدى بولعاندىعىن دالەلدەدى. ءبىز تەك ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى، بەكىمدى اناعۇرلىم نىعايتىپ، اسقاق كۇرەس جىگەرىن ساقتاپ، جاعدايعا عىلمي تۇجىرىم جاساپ، قىزمەت سەرپىنىن ارتتىرىپ، ءتۇيىندى كورنەكتىلەندىرۋگە، ءبىر تۇتاس جوسپارلاپ تەڭ ءمان بەرۋگە، تۇرلەر بويىنشا جەتەكشىلىك ەتۋگە، وڭىرلەر بويىنشا شارا قولدانۋعا تاباندى بولىپ، ەكى جاعىن يگەرسەك، ەكى جاعىن دا قاتاڭ يگەرسەك، ەكى جاعىن دا اقساتپاساق بولعانى، ىندەتتەن ساقتانۋ - تىزگىندەۋدىڭ جانە بيىلعى ەكونوميكالىق، قوعامدىق دامۋ نىسانالارىن جۇزەگە اسىرۋدىڭ قوس جەڭىسىنە، ءسوز جوق، قول جەتكىزەمىز.
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ ءۇشىن، ءسوزسىز، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى، ەگجەي - تەگجەيلى، تياناقتى يگەرۋ كەرەك. ىندەتتەن ساقتانۋ - تىزگىندەۋ قىزمەتى ءالى دە ەڭ ماشاقاتتى شەشۋشى كەزەڭدە تۇر، بۇرىلىس ءتۇيىنى ءالى كەلە قويعان جوق، تۇبەگەيلى جەڭىسكە جەتپەيىنشە استە تابىسقا جەتتىك دەپ جەڭىل - جەلپى ايتا سالۋعا بولمايدى. سالعىرت يدەيادان، شايقاستان جالىعۋ پيعىلىنان، باق سىناۋ پسيحيكاسىنان، بوساڭسۋ كوڭىل كۇيىنەن شىنايى اۋلاق بولىپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي يگەرۋمەن بىرگە، جۇمىستى، ءوندىرىستى قالپىنا كەلتىرۋدى عىلمي، ءتارتىپتى تۇردە ىلگەرىلەتۋ كەرەك. وڭىرگە ءبولىپ، دارەجەگە ءبولىپ دالمە - ءدال ساقتانۋ - تىزگىندەۋ تاكتيكاسىن بۇلجىماي تياناقتاندىرىپ، وڭىرلەر بويىنشا جەتەكشىلىك ەتىپ، توپقا ءبولىپ باسقارىپ - تىزگىندەپ، كاسىپكە ءبولىپ ىلگەرىلەتۋ؛ جاڭا دامۋ ۇستانىمىن بۇلجىماي دايەكتىلەندىرىپ، جاڭا دامۋ ۇستانىمى ارقىلى ەكونوميكالىق، قوعامدىق دامۋعا ءبىر تۇتاس باسشىلىق ەتۋگە تاباندى بولىپ، ەكونوميكانىڭ ورنىقتى اينالىمىن ساقتاۋ؛ نازاردى قوعام ورنىقتىلىعى مەن باياندى تىنىشتىق باس نىساناسىنا بۇلجىماي شوعىرلاندىرىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە تاماشا ورتا ازىرلەۋ؛ ”ەكىدەن تارىقتىرماۋ، ءۇشتى قامتاماسىز ەتۋ“ نىساناسىن بۇلجىماي ارقاۋ ەتىپ، نازاردى وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەرگە جانە ەرەكشە كەدەي قاۋىمعا شوعىرلاندىرىپ، كەدەيلىكتەن ارىلتۋدان قامال الۋدىڭ ەڭ سوڭعى قامالىن بار كۇشپەن الۋ كەرەك.
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدىڭ ءتۇيىنى − پارتيانىڭ باسشىلىعىن بۇلجىماي كۇشەيتىپ، كۇردەلى جاعدايدى مەڭگەرۋ قابىلەتىن، دەڭگەيىن ۇزدىكسىز جوعارىلاتۋ. پارتيانىڭ باسشىلىعى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدىڭ پارمەندى ساياسي كەپىلى. ءار دارەجەلى پارتكوم مەن ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ورنالاستىرۋىنا باتىل بويسۇنىپ، باسشىلىق جاۋاپكەرشىلىگىن مۇقيات وتەۋ كەرەك. ءار دارەجەلى كادرلار، اسىرەسە، باسشى كادرلار، ءسوزسىز، جەڭىسكە جەتۋ سەنىمىن، جاۋاپكەرشىلىك سەزىمدى، مەيىرباندىق سەزىمىن، ۇستامدىلىق سەزىمىن كۇشەيتىپ، باتىلدىقپەن اۆانگارد بولىپ، جۇرەكتىلىكپەن الدىڭعى شەپتە اتويلاپ، ىرىقتىلىقپەن جاۋاپكەرشىلىك ارقالاپ، بەلسەنە ىسكەرلىك كورسەتىپ، بۇقارانى ىنتىماقتاستىرىپ، بۇقاراعا قامقورلىق جاساپ، ەڭ سوڭعى جەڭىسكە جەتكەنگە دەيىن قاي - قاشان دا بوساڭسىماۋ، تيتتەي دە ۇقىپسىزدىق ىستەمەۋ كەرەك.
قيىندىق بولسا، قايسارلىق ايگىلەنەدى؛ شىڭدالۋ بولسا، بارلىعى ورىندالادى. جۇڭحۋا ۇلتى ”تاۋقىمەت بارىسىندا ۇزدىكسىز تولىسىپ، تاۋقىمەت بارىسىندا قايراتى تاسقىنداعان“. تەك ءبىز قايىسپاس قايسارلىق كورسەتىپ، ءبىر تىلەكپەن تالپىنساق، وسى رەتكى ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ ەڭ سوڭعى جەڭىسىنە، ءسوز جوق، قول جەتكىزەمىز، ءسوزسىز، جاپپاي دوڭگەلەك داۋلەتتى قوعام ورناتۋدىڭ تولىق تابىسپەن اياقتالۋىن قارسى الا الامىز.
