شۇي چيڭگۋاڭ
2 - ايدىڭ 25 - كۇنى ساعات 24تەن باستاپ، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بويىنشا شۇعىل جاعدايعا توتەپ بەرۋ اتتانىسقا كەلۋ دابىلىنىڭ دارەجەسى اۆتونوميالى رايوننىڭ ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى اتتانىسقا كەلۋ دابىلىنان 2 - دارەجەلى اتتانىسقا كەلۋ دابىلىنا رەتتەلدى. اتتانىسقا كەلۋ دابىلىنىڭ دارەجەسىن تومەندەتۋ − شينجياڭنىڭ ىندەتتەن ساقتانۋ - تىزگىندەۋ جاعدايىنىڭ وبيەكتيۆتىك ءىس جۇزىندىگىنە ساي شىعارىلعان عىلمي تۇجىرىم، ايتسەدە، ىندەتتەن ساقتانۋ - تىزگىندەۋ توسقاۋىل شايقاسىنىڭ ءساتتى ياكي ءساتسىز بولۋى وسىندا تۇراتىن ءاربىر ادامنىڭ قاتاڭ ساقتانۋىنا، تاباندىلىق كورسەتۋىنە بايلانىستى. اتتانىسقا كەلۋ دارەجەسى تومەندەتىلگەنىمەن، ءبىز ىندەتتەن ساقتانۋ - تىزگىندەۋگە باسا ءمان بەرۋ دەڭگەيىمىزدى بۇرىنعىداي كۇشەيتۋىمىز، ساقتىقتى ەسەلەپ ارتتىرۋىمىز كەرەك، وسىلاي بولعاندا عانا ءبىز جەڭىس كۇنىن ەرتەرەك قارسى الاتىن بولامىز.
جاڭا تيپتى ايدارشا ۆيرۋس وكپە قابىنۋ ىندەتى سىندى ادامزاتتىڭ وسى ورتاق جاۋىنا قاراتا، ءبىز ستراتەگيالىق جاقتان ونى ەلەڭعۇرلى كورمەۋىمىز، يدەيالىق جاقتان ونى، ءسوزسىز، جەڭەتىن سەنىم، بەكىم ورناتۋىمىز كەرەك. ىندەت تۋىلعاننان بەرى، شينجياڭ 1 - دارەجەلى اتتانىسقا كەلۋ دابىلىن دەرەۋ ىسكە قوسىپ، قاتاڭ ساقتانۋ - تىزگىندەۋ شاراسىن اتقارىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن بار كۇشپەن قامتاماسىز ەتتى. 2 - ايدىڭ 24 - كۇنىنە دەيىن، شينجياڭدا ءۇرتىس 7 كۇن جاڭادان ارتقان جاڭا تيپتى ايدارشا ۆيرۋس وكپە قابىنۋ ىندەتى دياگنوزى تۇراقتاندىرىلعان ناۋقاستار بايقالمادى، ساۋىعىپ شيپاحانادان شىققانداردىڭ سانى ۇزدىكسىز ارتتى، ءار ۇلت بۇقاراسىنىڭ ىندەتتى جەڭۋ سەنىمى، بەكىمى اناعۇرلىم نىعايدى.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، كۇش - قۋاتتى شوعىرلاندىرىپ ءىرى ءىس تىندىراتىن سوتسياليستىك ءتۇزىم ابزالدىعى، جالپى تۇلعانى اڭعارا بىلەتىن، ۇلكەن قاعيدانى ۇعىناتىن، كەلەلى جاعدايمەن ساناساتىن، پارتيا مەن ۇكىمەتتىڭ ىندەتتەن ساقتانۋ - تىزگىندەۋ شارالارىن ويداعىداي تياناقتاندىرۋعا بەلسەنە سايكەسەتىن قالىڭ كادرلار مەن بۇقارا تۇرعاندا، وسى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە تولىق سەنىمىمىز، بەكىمىمىز، قابىلەتىمىز بار ەكەنىنە كامىل سەنەمىز.
ستراتەگيالىق جاقتان ەلەڭعۇرلى كورمەۋ تاكتيكالىق جاقتان اناعۇرلىم ءمان بەرۋدەن دەرەك بەرەدى. 1 - دارەجەلى اتتانىسقا كەلۋ دابىلىن 2 - دارەجەلى اتتانىسقا كەلۋ دابىلىنا رەتتەۋ وقيعانىڭ سيپاتى، زيانداۋ دەڭگەيى سياقتىلاردىڭ تومەندەۋىن كورسەتكەنىمەن، ساقتىق دابىلىن كۇشىنەن قالدىرعاندىق ەمەس، ءبىزدىڭ بويدى كەڭگە سالىپ، تىنىستاۋىمىزعا، قىراعىلىقتى بوساڭسىتۋىمىزعا تىپتەن بولمايدى. وبيەكتيۆتىك تۇرعىدان قاراعاندا، بۇكىل ەل جونىنەن ايتار بولساق، ىندەت جاعدايى ءالى دە اۋىر، كۇردەلى، بۇرىلىس ءتۇيىنى ءالى دە كەلە قويعان جوق؛ شينجياڭ جونىنەن ايتار بولساق، ىشكى وڭىرلەرمەن سالىستىرعاندا، ءتۇرلى ساقتانۋ - تىزگىندەۋ نەگىزدىك شارت - جاعدايىندا وتە زور پارىق بار، دياگنوزى تۇراقتاندىرىلعان ناۋقاستار شيپاحانادا ءالى دە ەمدەلىپ جاتىر، سونداي - اق 4000نان استام ادام مەديتسينالىق باقىلاۋدى قابىلداۋدا، وعان كەزەكتەگى جۇمىستى، ءوندىرىستى قالپىنا كەلتىرۋدى قوساتىن بولساق، ساقتانۋ - تىزگىندەۋ قىسىمى دا زوراياتىن بولادى؛ ال جاڭا تيپتى ايدارشا ۆيرۋستىڭ ءوزى دە تىپتەن كۇردەلى، قۇبىلمالى، ەرەكشە اككى، قازىرگە دەيىن ول جونىندە بىلەتىنىمىز ءالى دە شامالى.
وسىنداي بولعاندىقتان، ىندەت جاعدايى باسەڭدەگەن سايىن، ءبىز تومەنگى شەكتە ويلاۋدى جانە حاۋىپ - قاتەر تانىمىن سولعۇرلىم كۇشەيتىپ، قيىنشىلىقتى اناعۇرلىم جەتكىلىكتى مەجەلەۋىمىز، ماسەلەنى اناعۇرلىم تولىق ويلاۋىمىز، شارانى اناعۇرلىم دالمە - ءدال اتقارۋىمىز كەرەك.
ءجۇز شاقىرىمدىق جولدىڭ توقسان شاقىرىمىن باسساڭ دا ءالى جولدامىن دەپ ءبىل. ىندەتتەن ساقتانۋ - تىزگىندەۋدىڭ ەڭ ماشاقاتتى شەشۋشى كەزەڭىندە، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، مىعىم قايراتپەن، ەل بىرلىگىنەن بەرىك قامال تۇرعىزىپ، وسى قاتاڭ شايقاستىڭ جەڭىسىنە جەتۋىمىز كەرەك. تەك قاي - قاشان دا ۇقىپتى، تەجەمدى، ۇمىتكەر، سەنىمدى بولۋ پوزيتسياسىنان جازباي، سوڭىنا دەيىن تاباندىلىق كورسەتىپ، ءساتتى باستاپ، تابىستى اياقتاتۋ ەركىنەن جازباي، سىرتقا شىققاندا ماسكى تاعۋ، ۇنەمى قول جۋۋ، ۇنەمى اۋا الماستىرۋ تاماشا ادەتىنەن جازباي، قاي - قاشان دا بوساڭسىماي، تيتتەي دە شالاعايلىققا سالىنبايتىن بولساق، جالپى حالىقتىڭ ”ىندەت“ شايقاسىنداعى ءاربىر قورعانىس شەبىن بەرىك ورناتىپ، بەكەمدەپ، تۇمان سەيىلگەن، گۇلدەر جايناعان كورىكتى كوكتەمدى قارسى الا الامىز.
(”لەپتى لەبىز“ حات جولداۋ پوچتا ساندىعى: xjrbplb@126.com)
