جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە كوكتەمگى اۋىل شارۋاشىلىعى ءوندىرىسى قىزمەتىن ءبىر تۇتاس جوسپارلاپ ىلگەرىلەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 2 - ايدىڭ 25 - كۇنى ۇرىمجىدەن حابارلايدى. 2 - ايدىڭ 25 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە كوكتەمگى اۋىل شارۋاشىلىعى ءوندىرىسى قىزمەتىن ءبىر تۇتاس جوسپارلاپ ىلگەرىلەتۋ جونىندە بەينەجازبا ءماجىلىسىن اشىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، بۇكىل رايوننىڭ ىندەتتەن ساقتانۋ - تىزگىندەۋ جانە كوكتەمگى اۋىل شارۋاشىلىعى ءوندىرىسى قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: قازىر ىندەتتەن ساقتانۋ - تىزگىندەۋ ەڭ ماشاقاتتى شەشۋشى كەزەڭدە، سونداي - اق كوكتەمگى ەگىس دايىندىعىنىڭ ماڭىزدى تۇيىنىندە تۇر. جەر - جەر، قاتىستى تاراۋلار ساياسي دەڭگەيدى جوعارىلاتىپ، ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، ساقتانۋ - تىزگىندەۋ تانىمىن بوساڭسىتپاۋى، ساقتانۋ - تىزگىندەۋ سەرپىنىن السىرەتپەۋى، ساقتانۋ - تىزگىندەۋ بۋىنىن ازايتپاۋى كەرەك. ىندەتتىڭ ىقپالىن دالمە - ءدال تۇجىرىمداپ، كوكتەمگى ەگىس دايىندىعىنا ىقپال جاسايتىن كورنەكتى ماسەلەلەردى مىقتى ۇستاپ شەشىپ، اۋىل شارۋاشىلىعى ءوندىرىسىن بار كۇشپەن قالپىنا كەلتىرىپ، اۋىل شارۋاشىلىعىن، اۋىل - قىستاقتى دامىتۋ ءتۇيىندى مىندەتتەرىنىڭ ۋاعىندا ورىندالۋىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: عىلمي ءبىر تۇتاس جوسپارلاپ، تۇرگە ءبولىپ جەتەكشىلىك ەتىپ، وڭتۇستىك، سولتۇستىك شينجياڭنىڭ كوكتەمگى ەگىس دايىندىعىنىڭ ءتۇرلى قىزمەتتەرىن تىڭعىلىقتى ىلگەرىلەتۋ كەرەك. شارۋالاردى ەگىس مەزگىلىن كەشىكتىرمەي كوكتەمگى باپتاۋدى، كوكتەمگى تۇقىم سەبۋدى ويداعىداي يگەرۋگە، تارتىپپەن اتىزعا بارىپ، ۋاقىتقا ءبولىپ جەر سالىپ، بىتىراڭقى تۇردە جۇمىس ىستەۋگە باستاۋ كەرەك. وي جەلىسىندە جاڭالىق اشىپ، اۋىل شارۋاشىلىعى ونىمدەرىن ەگۋ تەحنيكاسى ءتارتىبى مەن جەتەكشى پىكىردى جاساپ، اۋىل شارۋاشىلىعى عىلىم - تەحنيكاسى بويىنشا قىزمەت وتەۋدى يكەمدى ۇيىمداستىرىپ ورىستەتۋ كەرەك. اۋىل شارۋاشىلىعى ماشينالارىمەن جۇمىس ىستەۋدى، قىزمەت وتەۋدى جاقسى ىستەپ، قوسىمشا قاراجات ساياساتىن تياناقتاندىرىپ، اۋىل شارۋاشىلىعى ماشينالارى قۇرىلىمىن ساپالىلاندىرىپ، ماشينامەن جۇمىس ىستەۋ كولەمىن ۇلعايتىپ، ادامداردىڭ توپتاسىپ ەڭبەك ىستەۋىن ازايتۋ كەرەك. اپاتتان ساقتانۋ، اپات زيانىن ازايتۋ شارالارىن تياناقتاندىرۋدى مىقتى يگەرىپ، اپاتتى اۋا رايى، ەلەۋلى دەرت - دەربەز، زياندى جاندىكتەر اپاتى مەن اۋىر حايۋانات ىندەتتەرىن باقىلاۋ - ولشەۋدى، الدىن الا ساقتاندىرۋدى ويداعىداي ىستەپ، ءونىمدى ساقتانۋ شارالارىن جاساپ، اپاتتان تۋاتىن زياندى ەڭ جوعارى شەكتە ازايتۋ كەرەك. كوكتەمگى ەگىس ءوندىرىسىنىڭ قارجى قاجەتىن قامتاماسىزداندىرىپ، اۋىل شارۋاشىلىعى نىسان قارجىسىن تياناقتاندىرىپ، سەنىمدى امانات - قارىزبەن اۋىل شارۋاشىلىعىن دەمەۋ قارجىسىن ورنالاستىرۋدى كۇشەيتىپ، شارۋالاردى ساياساتتىق اۋىل شارۋاشىلىعى قامسىزداندىرۋىنا قاتىسۋعا جۇمىلدىرىپ، كوكتەمگى ەگىس وندىرىسىنە دەم بەرۋ كەرەك. ماسەلەنى باعدار ەتۋدەن جازباي، كاسىپورىنداردىڭ جۇمىستى قالپىنا كەلتىرۋىنە قاتىستى تالاپتاردى قاتاڭ اتقارىپ، اۋىل شارۋاشىلىعىنا ساياتىن كاسىپورىنداردىڭ قىزمەتكەر قابىلداۋىنداعى قيىن ماسەلەلەردى شەشۋىنە كومەكتەسىپ، كاسىپ سالاسى تىزبەگىنىڭ جوعارعى، تومەنگى بۋىندارىنداعى جانە تاسىمال، زات اينالىمىنداعى بوگەتتەردى اشىپ، اۋىل شارۋاشىلىعىنا ساياتىن كاسىپورىنداردىڭ جۇمىستى، ءوندىرىستى قالپىنا كەلتىرۋىن تارتىپپەن ىلگەرىلەتىپ، اۋىل شارۋاشىلىعى ونىمدەرىنىڭ قالىپتى وندىرىلۋىنە، ىركىلىسسىز بازارعا شىعارىلۋىنا، تارتىپپەن قامدالۋىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: ءار دارەجەلى پارتكوم مەن ۇكىمەت جاۋاپكەرشىلىكتى قاتايتىپ، ناقتىلاپ، جاعدايعا عىلمي تۇجىرىم جاساپ، ىندەتتەن ساقتانۋ - تىزگىندەۋ جانە كوكتەمگى اۋىل شارۋاشىلىعى ءوندىرىسىن ءبىر تۇتاس جوسپارلاپ ويداعىداي ىستەپ، ءتۇرلى قىزمەت شارالارى مەن ناقتى مىندەتتەردى اۋىل، قالاشىق، قىستاق - گرۋپپالارعا دەيىن تياناقتاندىرۋ كەرەك. قاتىستى ورىندار ءوز جاۋاپكەرشىلىكتەرىن ءبىلىپ، بىرلەسە ارەكەتتەنە سايكەسىپ، ساقتالعان قيىندىقتار مەن ماسەلەلەردى سايكەسىپ شەشىپ، ساياساتتىق قولداۋ مەن زاتتىق ماتەريالمەن قامتاماسىز ەتۋدى كۇشەيتۋ كەرەك. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى ءار ۇلت بۇقاراسىن ۇيىمداستىرىپ، اتتانىسقا كەلتىرىپ، تىزە قوسا كۇش سالىپ، ءبىر نيەتپەن جۇمىلىپ، ىندەتتەن ساقتانۋ - تىزگىندەۋ جانە كوكتەمگى اۋىل شارۋاشىلىعى ءوندىرىسىن ويداعىداي يگەرۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇگىتتەپ، قوعامدىق پىكىر جەتەكشىلىگىن كۇشەيىپ، ونان ارى سەنىمدى كۇشەيتىپ، جۇرەكتەردى جىلىتىپ، جۇرت تىلەگىن ۇيىستىرىپ، ەل بىرلىگىنەن بەرىك قامال تۇرعىزىپ، بار قايراتتى سالىپ، ۋاقىتتىق قيىندىقتى بىرگە ەڭسەرەتىن قۋاتتى وڭ ەنەرگيا توپتاۋ كەرەك.
