حالىق گازەتىنىڭ شولۋشىسى
قاجىرلىلىقپەن قۇلشىنۋدىڭ ارقاسىندا، ىندەتتەن ساقتانۋ - تىزگىندەۋ اۋقىمىندا ءتيىمدى جاققا قاراي جاقسارۋ بەتالىسى كەڭەيىپ كەلەدى. سونىمەن بىرگە قازىرگى ىندەت جاعدايىنىڭ ءالى دە قاتال، كۇردەلى ەكەندىگىن، ساقتانۋ - تىزگىندەۋدىڭ ەڭ ماشاقاتتى شەشۋشى كەزەڭدە تۇرعاندىعىن سەرگەكتىكپەن كورە ءبىلۋ كەرەك.
2 - ايدىڭ 23 - كۇنى باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندە ماڭىزدى ءسوز سويلەپ، ىندەتتەن ساقتانۋ - تىزگىندەۋ قىزمەتىندە قول جەتكەن ناتيجەلەردى تولىق تۇراقتاندىرىپ، قازىرگى ىندەت جاعدايىنا تەرەڭ تالداۋ جاساپ، سالعىرت يدەيادان، شايقاستان جالىعۋ پيعىلىنان، باق سىناۋ پسيحيكاسىنان، بوساڭسۋ كوڭىل كۇيىنەن ايرىقشا ساق بولۋدى باسا دارىپتەپ، ءار دارەجەلى پارتكوم مەن ۇكىمەتتەن، ءسوزسىز، جەڭىسكە جەتۋ سەنىمىن بەكەمدەپ، قايىسپاس قايسارلىق كورسەتىپ، ساقتانۋ - تىزگىندەۋ قىزمەتتەرىن ۇزدىكسىز تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، تۇبەگەيلى جەڭىسكە جەتپەي استە تابىسقا جەتتىك دەپ جەڭىل شەشىم جاساماۋدى تالاپ ەتتى. باس شۋجي شي جينپيڭنىڭ ماڭىزدى ءسوزى ءبىزدىڭ وي - سانانى سەرگەك ۇستاپ، تاعى دا قايراتتانىپ، ەرلىكپەن كۇرەس جاساپ، تابىستاردى ۇزدىكسىز بەكەمدەپ، شايقاس تابىستارىن ۇزدىكسىز كەڭەيتىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جالپى بەتتىك قول جەتكىزۋىمىزدە كەلەلى جەتەكشى مانگە يە.
حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋ سىندى وسى قاتال كۇرەس الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل پارتيا، بۇكىل ارميا، بۇكىل ەلدەگى ءار ۇلت حالقى ىنتىماقتاسا ەرلىكپەن شايقاس جاساپ، ىندەتتىڭ ءورشۋ بەتالىسىن العاشقى قادامدا تەجەپ، ساقتانۋ - تىزگىندەۋ قىزمەتىنىڭ كەزەڭدىك ناتيجەسىنە قول جەتكىزدى. ءبىراق بۇكىل ەلدە ىندەتتىڭ ورشۋىندەگى بۇرىلىس ءتۇيىنىنىڭ ءالى كەلە قويماعاندىعىن، حۋبەي ولكەسى مەن ۋحان قالاسىندا ىندەت جاعدايى ءالى دە قاتال، كۇردەلى ەكەندىگىن دە كورە ءبىلۋ كەرەك. بۇكىل ەلدىڭ باسىم كوپ جەرلەرىندە جۇمىستىڭ، ءوندىرىستىڭ بىرتىندەپ قالپىنا كەلۋىنە بايلانىستى، ىندەتتىڭ تاعى دا ورشۋىنەن قاتاڭ ساقتانۋ قاجەت. وسىنداي شەشۋشى كەزەڭدە بوساڭسۋعا استە بولمايدى، ءسوزسىز ۇزدىكسىز كۇش سالۋ كەرەك، ءسوز جوق، ”استە بەل شەشپەيتىن“ قايسارلىقپەن، ”قامال الماي شەگىنبەيتىن“ قايراتپەن ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي يگەرىپ، ساقتانۋ - تىزگىندەۋ تاكتيكاسى مەن شارالارىن دەر كەزىندە كەمەلدەندىرىپ، تابىستاردى بەكەمدەپ، شايقاس تابىستارىن كەڭەيتىپ، وسى شايقاستىڭ جالپى بەتتىك جەڭىسىنە قول جەتكىزۋ جولىندا قايسارلىقپەن كۇرەسۋ كەرەك.
تابىستاردى بەكەمدەۋ، شايقاس تابىستارىن كەڭەيتۋدە ىندەت اۋىر نەمەسە حاۋىپ - قاتەر ءبىرشاما زور وڭىرلەردەگى ساقتانۋ - تىزگىندەۋ قىزمەتىن، ءسوز جوق، كۇشەيتۋ كەرەك. حۋبەي مەن ۋحان ءالى دە ىندەتتەن ساقتانۋ - تىزگىندەۋدەگى ماڭىزدىنىڭ ماڭىزدىسى، ۋحان جەڭىسكە جەتسە، حۋبەي جەڭىسكە جەتەدى، حۋبەي جەڭىسكە جەتسە، بۇكىل ەل جەڭىسكە جەتەدى. باس شۋجي شي جينپيڭ ورتاعا قويعان ىندەتتەن ساقتانۋ - تىزگىندەۋدەگى ءتۇيىندى قىزمەتتەردى كۇشەيتۋ جونىندەگى 7 تالاپتى، ءسوز جوق، مۇقيات دايەكتىلەندىرىپ، حۋبەيدى قورعاۋ شايقاسىن، ۋحاندى قورعاۋ شايقاسىن باتىل، ويداعىداي جۇرگىزىپ، جەڭىسكە قول جەتكىزىپ، قالا، اۋىل الەۋمەتتىك اۋماقتارىنداعى ساقتانۋ - تىزگىندەۋ جانە ناۋقاستاردى قۇتقارۋ - ەمدەۋ سىندى 2 شەشۋشى بۋىندى مىقتاپ يگەرىپ، ەمدەۋگە الۋ مولشەرى مەن ەمدەپ ساۋىقتىرۋ مولشەرىن شىنايى جوعارىلاتىپ، جۇعىمدالۋ مولشەرى مەن اۋرۋدان ءولۋ مولشەرىن تومەندەتىپ، ىندەتتىڭ تارالىپ، سىرتقا بەتالۋىن باتىل تەجەپ، قۇتقارۋ - ەمدەۋ سەرپىنىن ۇزدىكسىز كۇشەيتىپ، قاجەتكە قاراي دەنساۋلىق ساقتاۋ قىزمەتكەرلەرىمەن جانە ەمدەۋ زاتتىق ماتەريالدارىمەن قولداۋ سەرپىنىن ارتتىرىپ، كۇشى ءالسىز وڭىرلەردەگى ساقتانۋ - تىزگىندەۋدى كۇشەيتۋ كەرەك. استانانىڭ حاۋىپسىزدىگى، ورنىقتىلىعى پارتيا مەن مەملەكەت قىزمەتىنىڭ كەلەلى جاعدايىنا تىكەلەي سايادى، ىندەتتەن ساقتانۋ - تىزگىندەۋ قىزمەتىن جاقسى ىستەۋدىڭ جاۋاپكەرشىلىگى اۋىر. بەيجيڭدەگى ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي ىستەپ، سىرتتان كىرۋدەن ساقتانۋ، ىشتە تارالۋدان ساقتانۋ سىندى 2 ۇلكەن بۋىندى باتىل، ويداعىداي يگەرىپ، بەيجيڭگە كىرەتىن ارنانىڭ ءبىرىنشى قورعانىس شەبىن قورعاپ، سالاماتتىلىقتى باقىلاۋ - ولشەۋدى جانە ادامداردى باسقارۋدى جاقسى ىستەپ، بەيجيڭ، تيانجين، حىبەي وڭىرىندەگى بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، جۇعىمدالۋ قاينارىن باتىل ءۇزىپ، ىندەتتىڭ شارپۋ كولەمىن باتىل تىزگىندەۋ كەرەك.
تابىستاردى بەكەمدەۋ، شايقاس تابىستارىن كەڭەيتۋدە ىندەتتەن ساقتانۋ - تىزگىندەۋدىڭ ءتۇيىندى بۋىندارىن، ءسوز جوق، تيتتەي دە بوساڭسىماي ويداعىداي يگەرۋ كەرەك. ەمدەۋ قىزمەتكەرلەرى − ىندەتتى جەڭۋدىڭ تىرەكتى كۇشى، ءسوز جوق، ولاردى قورعاۋعا، كوڭىل بولۋگە، ايالاۋعا ايرىقشا ءمان بەرىپ، ساقتانۋ - قورعانۋ زاتتىق ماتەريالدارىمەن، تۇرمىستىق زاتتىق ماتەريالدارىمەن قامتاماسىز ەتۋدى جانە ساقتانۋ - قورعانۋ شارالارىن تياناقتاندىرىپ، كەزەكپەن دەمالۋدى ءبىر تۇتاس ورنالاستىرىپ، پسيحيكالىق جەتەكتەۋدى كۇشەيتىپ، ەڭبەكاقى مامىلەسىن، ۋاقىتشا قىزمەت كومەك قاراجاتىن، دەنساۋلىق ساقتاۋ، ىندەتتەن ساقتانۋ قوسىمشا قاراجات مامىلەسىن تياناقتاندىرىپ، شابىتتاندىرۋ مەحانيزمىن كەمەلدەندىرىپ، ولاردىڭ ارتقى ۋايىمنان ارىلۋىنا كومەكتەسىپ، ولاردىڭ قاشاندا اسقاق كۇرەس جىگەرىن، قاۋلاعان قايراتىن ساقتاپ، ىندەتكە قارسى اتتانۋ كۇرەسىنە ۇزدىكسىز ساۋ - سالامات ات سالىسۋىنا مۇمكىندىك جاساۋ كەرەك. كوپ ءپاننىڭ كۇشتەرىن جيناقتاپ، عىلىم - تەحنيكالىق زەرتتەۋ - اشۋدان قامال الىپ، ءدارى - دارمەك جانە ۆاكسيا زەرتتەۋ - اشۋ سەرپىنىن ارتتىرىپ، ءونىمدى دياگنوز قويۋ، ەمدەۋ جوبالارىن دەر كەزىندە قورىتىندىلاۋ، جالپىلاستىرۋ كەرەك. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ۇگىتتەۋدى، ءتۇسىندىرۋدى ۇزدىكسىز تۇردە ويداعىداي ىستەپ، وڭىرلەردىڭ ىندەتتەن ساقتانۋ - تىزگىندەۋدى ءبىر تۇتاس جوسپارلاپ ىلگەرىلەتۋدەگى جاقسى تاجىريبەلەرىن، جاقسى ادىستەرىن ىشكەرىلەي حابارلاپ، ىندەتتەن ساقتانۋ - تىزگىندەۋدە جارىققا شىققان نىشاندىق، بەتالىستىق ماسەلەلەردى دەر كەزىندە شەشىپ، ەمدەۋ ءتارتىبىن، ىندەتتەن ساقتانۋ ءتارتىبىن، بازار ءتارتىبىن، قوعام ءتارتىبىن بىلىقتىرۋ سياقتى زاڭعا قايشى قىلمىستىق ءىس - ارەكەتتەردى زاڭ بويىنشا قاتاڭ جازالاپ، حالىقارالىق جانە وڭىرلىك سەلبەستىكتى ۇزدىكسىز كەڭەيتىپ، جاۋاپتى ءىرى ەلدىڭ جاۋاپكەرشىلىك ارقالايتىندىعىن ايگىلەۋ كەرەك. ءاربىر ءتۇيىندى بۋىندارداعى قىزمەتتەردى ناقتى، ەگجەي - تەگجەيلى يگەرىپ، ءتۇرلى ادىستەردى قاتار قولدانىپ، ۇقساس باعىتتا كۇش قوسقاندا، ىندەتكە قارسى اتتانۋدىڭ قۋاتتى بىرىككەن كۇش قالىپتاستىرۋعا بولادى.
ءجۇز شاقىرىمدىق جولدىڭ توقسان شاقىرىمىن باسساڭ دا ءالى جولدامىن دەپ ءبىل. قانشالىقتى ماشاقاتتى ساتتەر بولعان سايىن، سونشالىقتى ارىندى بەكىم، قامال الىپ قيىندىقتى جەڭەتىن جىگەر بولۋ كەرەك. اناعۇرلىم بەرىك سەنىم، اناعۇرلىم قايىسپاس ەرلىكپەن ۇزدىكسىز شايقاس جاساپ، ەرلىكپەن شايقاس جۇرگىزىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى، ەگجەي - تەگجەيلى، تياناقتى تۇردە يگەرسەك، ءبىز ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە، ءسوز جوق، جالپى بەتتىك قول جەتكىزە الامىز.
(شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى)
