شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 25 - كۇنى ۇسىنىس بويىنشا اراب بىرىككەن امىرلىگى ابۋدابي پاتشا مۇراگەرى مۇحاممەدپەن تەلەفوندا سويلەستى.
شي جينپيڭ مىنانى اتاپ كورسەتتى: جۇڭگو بار كۇشىمەن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان قىسىلتاياڭ كەزەڭدە، مارتەبەلى پاتشا مۇراگەرى ەڭ الدىمەن جۇڭگو جاقتىڭ ىندەتكە قارسى اتتانۋداعى قۇلشىنىستارىن اشىق قولدادى، اراب بىرىككەن امىرلىگى ۇكىمەتى مەن حالقى تالاي رەت جۇڭگو جاققا ەمدەۋ زاتتىق ماتەريالدارىن كومەككە بەردى، بۇل جۇڭگو مەن اراب بىرىككەن امىرلىگىنىڭ تار جول، تايعاق كەشۋدى بىرگە وتكەرەتىن تەرەڭ دوستىعى مەن ەكى ەلدىڭ جالپى بەتتىك ستراتەگيالىق سەرىكتەستىك قاتىناسىنىڭ جوعارى دەڭگەيىن تولىق ايگىلەيدى، مەن بۇعان العىس ايتامىن جانە القايمىن.
شي جينپيڭ مىنانى باسا دارىپتەدى: ىندەت تۋىلعاننان بەرى، جۇڭگو جاق باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، ءتۇزىم ابزالدىلىعىن تولىق ساۋلەلەندىرىپ، ەڭ جالپى بەتتىك، ەڭ قاتاڭ، ەڭ تۇبەگەيلى ساقتانۋ - تىزگىندەۋ شارالارىن قولدانىپ، ىندەتتىڭ تارالۋ، ءورشۋ بەتالىسىن باتىل تەجەدى. ءبىزدىڭ تالىقپاي تالپىنۋىمىزبەن، قازىر بۇكىل ەلدەگى ىندەتتەن ساقتانۋ - تىزگىندەۋ اۋقىمىندا ءتيىمدى جاققا قاراي جاقسارۋ بەتالىسى كورىلدى. جۇڭگو جاقتىڭ ىندەتتى جەڭۋگە تولىق سەنىمى، قابىلەتى، قارىمى بار. ءبىز بار قايراتتى جۇمساپ ىندەتتەن ساقتانۋ - تىزگىندەۋدى يگەرۋدەمىز، سونىمەن قاتار، جۇمىستى، ءوندىرىستى قالپىنا كەلتىرۋدى ءتارتىپتى تۇردە ىلگەرىلەتىپ، ەكونوميكانىڭ، قوعامنىڭ ۇزدىكسىز اقاۋسىز دامۋىن ىلگەرىلەتۋدەمىز.
شي جينپيڭ مىنانى اتاپ كورسەتتى: جۇڭگو جاق ادامزات تاعدىرلاس ورتاق تۇلعا ۇستانىمىنان جازباي، ءوز ەلى حالقىنىڭ ءومىرىنىڭ حاۋىپسىزدىگى مەن دەنساۋلىعىن بار كۇشىمەن قورعاپ قانا قالماستان، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋ ءۇشىن دە بەلسەندى ۇلەس قوستى. جۇڭگو ۇكىمەتى باستان - اياق اشىق، جاريا ، جاۋاپكەرشىلىك ارقالاۋ پوزيتسياسىمەن ىندەت ينفورماتسيالارىن دەر كەزىندە حابارلاپ، تاراپتاردىڭ ءجىتى قاداعالاعان ىستەرىنە بەلسەنە جاۋاپ قايتارىپ، حالىقارالىق قوعاممەن سەلبەستىكتى كۇشەيتتى. جۇڭگو جاق ۇزدىكسىز شىنايى شارالار قولدانىپ، اراب بىرىككەن امىرلىگى ازاماتتارىن قامتىعان ءار ەلدىڭ جۇڭگوداعى ادامدارىنىڭ تۇرمىسى مەن دەنساۋلىعىن قامتاماسىز ەتەدى ءارى اراب بىرىككەن امىرلىگى جاقپەن ىندەتتىڭ ەڭ جاڭا جاعدايى جونىندە ءجيى تىلدەسىپ، ساقتانۋ - ەمدەۋ تاجىريبەلەرىمەن ورتاقتاسۋدى قالايدى.
شي جينپيڭ بىلاي دەپ باسا دارىپتەدى: بىلتىر مارتەبەلى پاتشا مۇراگەرىنىڭ جۇڭگوداعى مەملەكەت ىستەرى ساپارى تولىق تابىسقا قول جەتكىزدى، سىزبەن ماڭىزدى ورتاق تانىمعا كەلىپ، جاڭا داۋىردەگى ەكى جاقتى قارىم - قاتىناستى دامىتۋعا ايقىن بەتالىس كورسەتىپ، جوبا جاسادىق. جۇڭگو جاق اراب بىرىككەن امىرلىگى جاقپەن قول ۇستاسا قۇلشىنىپ، ساياسي ءوزارا سەنىمدىلىكتى ۇزدىكسىز ارتتىرىپ، ”ءبىر بەلدەۋ، ءبىر جول“ جۇلگەسىندە ەنەرگيا، نەگىزدىك قۇرىلعى قۇرىلىسى، فينانس، قارجى قوسۋ، ءوندىرىس قۋاتى سياقتى ءتۇرلى سالاداعى ناقتى سەلبەستىكتى تەرەڭدەتىپ، گۋمانيتارلىق اۋىس - كۇيىستى جيىلەتىپ، جۇڭگو مەن اراب بىرىككەن امىرلىگىنىڭ جان - جاقتى ستراتەگيالىق سەرىكتەستىك قارىم - قاتىناسىنىڭ جاڭا داۋىردە اناعۇرلىم زور دامۋشىلىققا قول جەتۋىن ىلگەرىلەتۋدى قالايدى.
مۇحاممەد اراب بىرىككەن امىرلىگى ۇكىمەتى جانە حالقى اتىنان جۇڭگو حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە ۇشىراعاندىعى بايلانىسىمەن شىنايى حال سۇرادى، جۇڭگو جاقتىڭ پارمەندى شارا قولدانىپ، ىندەتكە توتەپ بەرگەندىگىن ايرىقشا القادى. مۇحاممەد مىنانى ءبىلدىردى: اراب بىرىككەن امىرلىگى جۇڭگونىڭ دوسى جانە جان - جاقتى ستراتەگيالىق سەرىگى، جۇڭگو جاقتىڭ ىندەتكە قارسى اتتانۋىن باتىل قولدايدى ءارى ۇزدىكسىز جۇڭگو جاققا كومەك كورسەتۋدى قالايدى. ءتوراعا شي جينپيڭنىڭ پارمەندى باسشىلىعىندا، جۇڭگو حالقىنىڭ، ءسوزسىز، ىندەتتى كۇن ىلگەرى جەڭەتىندىگىنە سەنەدى. اراب بىرىككەن امىرلىگى حالقى باۋىرلاس جۇڭگو حالقىمەن باتىل بىرگە تۇرىپ، ۋاقىتتىق قيىندىقتى بىرگە ەڭسەرەدى. اراب بىرىككەن امىرلىگى جاق جۇڭگو جاقپەن بىرگە، ءوزارا قولداۋ مەن سەلبەستىكتى ۇزدىكسىز تەرەڭدەتىپ، ەكى جاقتى قارىم - قاتىناستىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى قالايدى.
شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 25 - كۇنى ۇسىنىس بويىنشا ەفيوپيانىڭ زۇڭليى ابيمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان قىسىلتاياڭ ساتتە، زۇڭلي مىرزا 2 رەت حات جولداپ، حال سۇرادى ءارى مەنىمەن تەلەفوندا سويلەستى، بۇل جۇڭگو - ەفيوپيا ەكى ەلدىڭ جان - جاقتى ستراتەگيالىق سەلبەستىك سەرىكتەس رەتىندە، دوستىق سۇيىسپەنشىلىگىنىڭ تەرەڭ جانە ءبىرىن - ءبىرى قولدايتىندىعىن ايگىلەدى. ەفيوپيا جاق دۇنيە جۇزىلىك دەنساۋلىق ساقتاۋ ۇيىمىنىڭ ۇسىنىسىنا ساي، جۇڭگو جاقپەن قالىپتى بايلانىستى ءارى بارىس - كەلىستى ساقتاپ، جۇڭگو جاققا بولعان سەنىمدىلىگىن ايگىلەدى، ءبىز مۇنى القايمىز.
شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ − جۇڭگو ۇكىمەتىنىڭ كەزەكتەگى ماڭداي الدى ءىرى ءىسى. ءبىز جۇڭگو حالقى مەن دۇنيە ءجۇزى حالقىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولۋ پوزيتسياسىن نەگىزگە الىپ، بۇكىل ەلدىك ءتۇزىلىس قولدانىپ، ەڭ جالپى بەتتىك، ەڭ تۇبەگەيلى، ەڭ قاتاڭ ساقتانۋ - تىزگىندەۋ شارالارىن قولدانىپ، بەلسەندى ونىمدىلىككە قول جەتكىزدىك، ىندەتتەن ساقتانۋ - تىزگىندەۋدە وڭتايلى اۋقىم جارىققا شىقتى. ىندەت جۇڭگونىڭ باياندى ورنىقتى دامۋ بەرىك نەگىزىن شايقالتا المايدى. بىزدە سەنىم، قابىلەت، قارىم بار، ىندەتتى جەڭىپ قالماستان، ىندەتتىڭ ىقپالىن ەڭ تومەنگى دەڭگەيگە ءتۇسىرىپ، بەلگىلەنگەن ەكونوميكالىق، قوعامدىق دامۋ نىساناسىن جۇزەگە اسىرامىز.
شي جينپيڭ بىلاي دەپ اتاپ كورسەتتى: 2014 - جىل جۇڭگو ۇكىمەتى مەن حالقى جاپا - ماشاقاتتان تايسالماي، باستاماشىلدىقپەن كومەك كورسەتىپ، افريكا ەلدەرىنىڭ ەبولا ىندەتىن جەڭۋىنە بەلسەنە ۇلەس قوستى. بۇل رەت افريكا ەلدەرى مەن حالقى ءتۇرلى تاسىلدەرمەن جۇڭگو جاقتىڭ ىندەتكە قارسى اتتانۋ قۇلشىنىسىن قولداپ، جۇڭگو مەن افريكانىڭ تار جول، تايعاق كەشۋلەردى بىرگە وتكەرەتىن، ءبىر - بىرىنە قول ۇشىن بەرەتىن باۋىرلاستىق دوستىق سۇيىسپەنشىلىگىن جاندى بەينەلەدى. كەزەكتە افريكا ەلدەرى ىندەتتەن ساقتانۋ - تىزگىندەۋدە دە كوپتەگەن سىن - سايىسقا ءدوپ كەلۋدە، جۇڭگو جاق افريكا ەلدەرىنىڭ تەكسەرۋ - ولشەۋ رەاكتيۆىن ءوز ىشىنە العان شۇعىل قاجەتتى ەمدەۋ زاتتىق ماتەريالدارىمەن اناعۇرلىم قامداپ، جۇڭگو - افريكا سەلبەستىك تالقى مىنبەرى بەيجيڭ باسشىلار باس قوسۋىنىڭ ”سەگىز ۇلكەن ارەكەتىندەگى“ دەنساۋلىق ساقتاۋ، سالاماتتىق ارەكەتىن جەدەل تياناقتاندىرىپ، افريكانىڭ ىندەتتەن ساقتانۋ جانە ونى تىزگىندەۋ ورتالىعى قۇرىلىسىن ىلگەرىلەتىپ، جۇڭگو مەن افريكانىڭ الەۋمەتتىك دەنساۋلىق ساقتاۋ جانە اۋرۋدان ساقتانۋ - تىزگىندەۋ سەلبەستىگىن كۇشەيتۋدى قالايدى. جۇڭگو جاق ءوز بالاسىن قورعاعانداي، ەفيوپيا سياقتى ءار ەلدىڭ جۇڭگودا وقىپ جاتقان وقۋشىلارىن قامتاماسىزدىقپەن قامداۋعا بار كۇشىن سالادى.
شي جينپيڭ بىلاي دەپ اتاپ كورسەتتى: كەزەكتە جۇڭگو مەن ەفيوپيانىڭ، جۇڭگو مەن افريكانىڭ دوستىق سەلبەستىك قارىم - قاتىناسى تاماشا دامۋ ارىنىن ساقتاپ وتىر. مەن زۇڭلي مىرزامەن جانە باسقا دا افريكا ەلدەرى باسشىلارىمەن بىرگە، جۇڭگو - ەفيوپيا ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ جاڭا دامۋشىلىققا قول جەتكىزۋىن ىلگەرىلەتىپ، جۇڭگو - افريكا سەلبەستىك تالقى مىنبەرى بەيجيڭ باسشىلار باس قوسۋىنىڭ جەتىستىگىن اناعۇرلىم كوپ، اناعۇرلىم ويداعىداي تياناقتاندىرۋدى ىلگەرىلەتىپ، جۇڭگو - افريكا حالىقتارىن شىنايى باقىتقا كەنەلتۋدى قالايمىن.
ابي ەفيوپيا ۇكىمەتى جانە حالقى اتىنان جۇڭگو حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە ۇشىراعاندىعى بايلانىسىمەن شىنايى حال سۇرادى، جۇڭگو جاقتىڭ پارمەندى شارا قولدانىپ، ىندەتكە توتەپ بەرگەندىگىن ايرىقشا القادى. ابي مىنالاردى ءبىلدىردى: جۇڭگو جاق ادامدى نەگىز ەتۋگە تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن باستان - اياق باستى ورىنعا قويىپ، بۇكىل ەلدىڭ كۇشىن جۇمىلدىرىپ، ىندەتكە توتەپ بەردى، ىندەتتىڭ جۇڭگودا ورشۋىنەن ۇتىمدى ساقتاندى، تىزگىندەدى ءارى ىندەتتىڭ دۇنيە جۇزىندە تارالۋىن توسۋدا ماڭىزدى ۇلەس قوستى. حالىقارالىق قوعام ءتوراعا شي جينپيڭنىڭ ىندەتتەن ساقتانۋ - تىزگىندەۋ بارىسىنداعى پارمەندى باسشىلىق قۋاتىن جانە جۇڭگونىڭ ارەكەتتەنۋ قۋاتىن انىق كورىپ وتىر، جاپپاي سۇيىنەتىندىگىن جانە القايتىندىعىن ءبىلدىردى. ەفيوپيا جاق جۇڭگو جاقتىڭ بەينەسىنە سۇيىنەدى جانە ماقتانىش سەزىنەدى. ەفيوپيا جاق ءتوراعا شي جينپيڭنىڭ كورەگەن جانە پارمەندى باسشىلىعىندا، جۇڭگو جاقتىڭ، ءسوز جوق، ىندەتتى كۇنى بۇرىن جەڭەتىندىگىنە ءارى ىندەتتىڭ ەكونوميكالىق، قوعامدىق دامۋعا ىقپالىن ەڭ تومەنگى دەڭگەيگە تۇسىرەتىندىگىنە كامىل سەنەدى. جۇڭگو − ەفيوپيانىڭ ەتەنە دوسى جانە باۋىرلاسى، ەفيوپيانىڭ قاجەتى تۇسكەن كەزدە جۇڭگو ەجەلدەن قاعىس قالعان ەمەس. بۇگىندەرى جۇڭگو قيىنشىلىققا ۇشىرادى، ەفيوپيا حالقى دا جۇڭگو حالقىمەن بىرگە بولىپ، قيىندىقتى بىلەك بىرىكتىرە جەڭەدى. ەفيوپيا جاق ەفيوپيا مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنا وسكەلەڭ ءمان بەرەدى، جۇڭگو جاقپەن بىرگە ءار سالاداعى سەلبەستىكتى تەرەڭدەتىپ، ەكى ەل قارىم - قاتىناسىنىڭ جانە جۇڭگو - افريكا قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى.
