شي جينپيڭ بۇكىل ەلدىڭ كوكتەمگى اۋىل شارۋاشىلىعى ءوندىرىسى قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
اۋىل شارۋاشىلىعىنىڭ نەگىزىن اناعۇرلىم بەكەمدەپ، اۋىل شارۋاشىلىعى، اۋىل - قىستاق، شارۋالار سالاسىنداعى ولقىلىقتاردى اناعۇرلىم شىنايى تولىقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە، تۇتاس جىلداعى ەكونوميكالىق، قوعامدىق دامۋ نىسانالارى مەن مىندەتتەرىن جۇزەگە اسىرۋعا پارمەندى تىرەك ازىرلەۋ كەرەك
لي كىچياڭ بەكىتۋ جازدى
شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇكىل ەلدىڭ كوكتەمگى اۋىل شارۋاشىلىعى ءوندىرىسى قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: نەعۇرلىم حاۋىپ - قاتەر، سىن - سايىستارعا ءدوپ كەلگەن سايىن، اۋىل شارۋاشىلىعىن سولعۇرلىم ورنىقتىرىپ، استىق حاۋىپسىزدىگى مەن ماڭىزدى قوسىمشا ازىق - تۇلىكتەر حاۋىپسىزدىگىنە سولعۇرلىم شىنايى كەپىلدىك ەتۋ كەرەك. ءار دارەجەلى پارتكومدار اۋىل شارۋاشىلىعى، اۋىل - قىستاق، شارۋالار قىزمەتىن بارىنەن ماڭىزدى ورىنعا قويىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ ءتۇيىندى مىندەتتەرىن ءبىر تۇتاس جوسپارلاپ ويداعىداي يگەرىپ، اۋىل شارۋاشىلىعىنىڭ نەگىزىن اناعۇرلىم بەكەمدەپ، اۋىل شارۋاشىلىعى، اۋىل - قىستاق، شارۋالار سالاسىنداعى ولقىلىقتاردى اناعۇرلىم شىنايى تولىقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە، تۇتاس جىلداعى ەكونوميكالىق، قوعامدىق دامۋ نىسانالارى مەن مىندەتتەرىن جۇزەگە اسىرۋعا پارمەندى تىرەك ازىرلەۋى كەرەك.
شي جينپيڭ بىلاي دەپ باسا دارىپتەدى: قازىرگى كەزدە وڭىرگە، دارەجەگە بولىنگەن پارىقتاندىرىلعان ىندەتتەن ساقتانۋ - تىزگىندەۋ شاراسىن قاتاڭ تياناقتاندىرۋمەن قاتار، كوكتەمگى ەگىس ءوندىرىسىن زور كۇشپەن ۇيىمداستىرىپ، ەگىس ۋاقىتىن وتكىزىپ الماۋعا شىنايى كەپىلدىك ەتىپ، جازعى استىقتان مول ءونىم الۋدى قامتاماسىز ەتۋ كەرەك. استىق وندىرىسىنە ساياساتتىق قولداۋ سەرپىنىن كۇشەيتىپ، استىق ەگۋدەن تۇسەتىن نەگىزگى پايدانى قامتاماسىز ەتىپ، استىق ەگىلەتىن جەر اۋدانىنىڭ جانە ءونىم مولشەرىنىڭ تۇراقتىلىعىن ساقتاپ، نەگىزگى استىق القاپتارىنىڭ باسىمدىقتارىن قۇلشىنا ساۋلەلەندىرۋ، ءوندىرۋ، ساتۋ تەڭگەرىلگەن وڭىرلەر مەن نەگىزگى ساتۋ وڭىرلەرى ءتيىستى ءوزىن قامداۋ مولشەرىن ساقتاپ، مەملەكەتتىڭ استىق حاۋىپسىزدىگىن قورعاۋ جاۋاپكەرشىلىگىن بىرگە ارقالاۋ كەرەك. جوعارى ولشەمدى ەگىس اتىزدارى، اتىز - ارىق سۋ يگىلىگى، اۋىل شارۋاشىلىعىن ماشينالاندىرۋ سياقتى وسى زامانعى اۋىل شارۋاشىلىعىنىڭ نەگىزدىك قۇرىلعى قۇرىلىستارىن كۇشەيتىپ، اۋىل شارۋاشىلىعىنىڭ عىلىم - تەحنيكالىق جاسامپازدىق ورەسىن ءوسىرىپ ءارى جەدەل جالپىلاستىرىپ، پايدالانىپ، استىق ءوندىرىسى قۋاتىن جانە اپاتتان ساقتانۋ، اپات زيانىن ازايتۋ قۋاتىن ارتتىرۋ كەرەك. اۋىر دەرت - دەربەز، زياندى جاندىك اپاتى مەن حايۋانات ىندەتىنەن ساقتانۋ جانە ونى تىزگىندەۋ جۇمىستارىن جاقسى ىستەپ، اۋىل شارۋاشىلىعىنىڭ حاۋىپسىزدىگىن قامتاماسىز ەتۋ كەرەك. شوشقا ءوندىرىسىن جەدەل دامىتىپ، ءدوپ كەلگەن قيىنشىلىقتاردى شىن مانىندە شەشىپ، ءوندىرىستى قالپىنا كەلتىرۋ نىساناسىنىڭ جۇزەگە اسۋىنا شىنايى كەپىلدىك ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: كوكتەمگى ەگىس جۇمىستارى باستالۋ الدىندا تۇر، ەگىس ۋاقىتى كەزەك كۇتتىرمەيدى. وڭىرلەر، قاتىستى تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن تياناقتاندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، كوكتەمگى اۋىل شارۋاشىلىعى ءوندىرىسىن مىقتى، ناقتى، ەگجەي - تەگجەيلى يگەرۋى كەرەك. كوكتەمگى ەگىس دايىندىعىن جانە قىستىق داقىلداردى اتىزدا باپتاۋدى كۇشەيتىپ، اۋىل شارۋاشىلىعى ماتەريالدارى كاسىپورىندارىنىڭ جۇمىستى، ءوندىرىستى جەدەل قالپىنا كەلتىرۋىن ىلگەرىلەتىپ، اۋىل شارۋاشىلىعى ماتەريالدارىمەن قامداۋ، اۋىل شارۋاشىلىعى ماشينالارىن جۇرگىزۋ، شارۋالاردىڭ اتىزعا بارۋى سياقتىلارداعى بوگەتتەردى اشۋ كەرەك. قاتىستى ساياساتتاردى تياناقتاندىرىپ جانە كەمەلدەندىرىپ، استىق ەگىلەتىن جەر اۋدانىن ورنىقتىرىپ، جاعدايى كەلەتىن وڭىرلەردى قوس ماۋسىمدىق كۇرىشتى قالپىنا كەلتىرۋگە ىنتالاندىرىپ، تۇتاس جىلداعى استىق ءونىمىنىڭ تۇراقتىلىعىنا شىنايى كەپىلدىك ەتۋ كەرەك. كوكونىس، مال، ءۇي قۇستارى وندىرىستەرىن ويداعىداي يگەرىپ، جاڭا اۋىل شارۋاشىلىعى ونىمدەرىن تاسىمالداۋدىڭ جاسىل ارناسىن ىركىلىسسىزدەندىرىپ، شوشقانى قورادا ساقتاپ، كولەمىن كەڭەيتۋدى تەزدەتىپ، باعىمشىلىق الاڭ، وتباسىلارىن سۇيەمەلدەۋ ساياساتىنىڭ تياناقتانۋىن كۇشەيتۋ كەرەك. اۋىر حايۋانات ىندەتىنەن جانە دەرت - دەربەز، زياندى جاندىك اپاتىنان ساقتانۋ مەن تىزگىندەۋدى كۇشەيتۋ كەرەك. كەدەيلىكتەن ارىلتۋدان قامال الۋ، شارۋالاردىڭ جۇمىستانىپ كىرىسىن ارتتىرۋى، اتىز - ارىق سۋ يگىلىگى قۇرىلىسى سياقتى قىزمەتتەردى ءبىر تۇتاس جوسپارلاپ ويداعىداي يگەرىپ، اۋىل شارۋاشىلىعى ءوندىرىسىنىڭ ورنىقتى دامۋىنا شىنايى كەپىلدىك ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە، بيىلعى ەكونوميكالىق، قوعامدىق دامۋ نىسانالارىنىڭ، مىندەتتەرىن جۇزەگە اسىرۋعا پارمەندى تىرەك ازىرلەۋ كەرەك.
مەملەكەتتىك كوكتەمگى اۋىل شارۋاشىلىعى ءوندىرىسى قىزمەتى تەلەۆيزور - تەلەفون ءماجىلىسى 2 - ايدىڭ 25 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى مەن لي كىچياڭنىڭ بەكىتۋى جەتكىزىلدى، ۇيرەنىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: اۋىل - قىستاقتا ىندەتتەن ساقتانۋ - تىزگىندەۋدى جانە كوكتەمگى اۋىل شارۋاشىلىعى ءوندىرىسىن ءبىر تۇتاس جوسپارلاپ ويداعىداي يگەرىپ، اۋىل شارۋاشىلىعى ءوندىرىس ءتارتىبىن جەدەل قالپىنا كەلتىرىپ، كوكتەمگى ەگىس ءوندىرىسىن تەجەيتىن كورنەكتى ماسەلەلەردى مىقتى ۇستاپ شەشىپ، كوكتەمگى تۇقىم سەبۋ جەر اۋدانىن ورنىقتىرىپ، جازعى استىق ءوندىرىسىنىڭ باستاپقى جەڭىسىنىڭ تابىستى بولۋىنا شىنايى كەپىلدىك ەتۋ كەرەك. استىق وندىرىسىندە ورىن تەپكەن حاۋىپ - قاتەر، كومەسكى قاتەرلەردى سەرگەكتىكپەن تانىپ، استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن جاپپاي تياناقتاندىرۋ كەرەك. ”استىقتى جەردە ساقتاۋ، تەحنيكامەن ساقتاۋ“ ستراتەگياسىن ىشكەرىلەي اتقارىپ، ءوندىرىس قۇرىلعىلارىن وسىزامانداندىرۋ قۇرىلىسىن جەدەلدەتىپ، عىلىم - تەحنيكا العاباسارلىعىن ىلگەرىلەتىپ، ءوندىرىستى قولداۋدى، قورعاۋدى كۇشەيتۋ كەرەك. شوشقا ءوندىرىسىن جەدەل قالپىنا كەلتىرىپ، بازاردى شوشقا ەتىمەن قامداۋدى قامتاماسىز ەتۋ كەرەك. پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىن كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە اۋىل شارۋاشىلىعى، اۋىل - قىستاق، شارۋالار سالاسىنىڭ ءتيىستى ۇلەسىن قوسۋ كەرەك.
