رايونىمىزداعى ءار ۇلت كادرلارى مەن بۇقاراسى باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، مىنالاردى ءبىلدىردى −
ناقتى يگەرىپ، ەگجەي - تەگجەيلى يگەرىپ، تياناقتى يگەرىپ، قوس جەڭىسكە قول جەتكىزۋگە بارىنشا كۇش سالامىز
شينجياڭ گازەتىنىڭ جالپىلىق اقپارات قۇرالدارى تىلشىلەرى
رايونىمىزداعى ءار ۇلت كادرلارى مەن بۇقاراسى باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندەگى ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى، كوپشىلىك مىنالاردى ءبىلدىردى: باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، سەنىمدى بەكەمدەپ، قيىندىققا قارسى اتتانىپ، قايسارلىقپەن شايقاسىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى يگەرىپ، ەگجەي - تەگجەيلى يگەرىپ، تياناقتى يگەرىپ، ىندەتتەن ساقتانۋ - تىزگىندەۋدىڭ جانە بيىلعى ەكونوميكالىق، قوعامدىق دامۋدىڭ نىسانالارىن جۇزەگە اسىرۋدىڭ قوس جەڭىسىنە قول جەتكىزۋگە بارىنشا كۇش سالامىز.
”باس شۋجي شي جينپيڭنىڭ ماڭىزدى ءسوزى ەمدەۋ قىزمەتكەرلەرىنىڭ ەرىك - جىگەرىن بارىنشا قاۋلاتتى“− دەدى اۆتونوميالى رايوندىق جۇقپالى اۋرۋلار شيپاحاناسى پارتكومىنىڭ ورىنباسار شۋجيى، شيپاحانا باستىعى لي ميڭ، - جاڭا تيپتى ايدارشا ۆيرۋس وكپە قابىنۋى بەلگىلەنگەن قۇتقارۋ - ەمدەۋ شيپاحاناسى رەتىندە، بارلىق ەمدەۋ قىزمەتكەرلەرى ىندەتكە قارسى اتتانۋدىڭ ءبىرىنشى شەبىندە ۇزدىكسىز تاباندىلىق كورسەتىپ، بار ىنتا - پەيىلدەرىمەن ناۋقاستاردى قۇتقارىپ - ەمدەپ، پارتيا مەن حالىقتىڭ ماڭىزدى تاپسىرماسىن ورىندايدى.
”باس شۋجيدىڭ ماڭىزدى ءسوزى جۇرت جۇرەگىن جادىراتىپ، جىگەرىن ۇشتاپ، ءبىزدىڭ قىزمەتتەردى جاقسى ىستەۋىمىزگە ايقىن بەتالىس كورسەتىپ، قۋاتتى سەنىم مەن كۇش - قۋات ۇستەدى“. ءۇرىمجى قالاسى تيانشان رايونى ارداۋچياۋ اۋماعى پارتيا قىزمەتى كوميتەتىنىڭ شۋجيى گى شاۋۋىن بىلاي دەدى: ساقتانۋ - تىزگىندەۋ شارالارىن ۇزدىكسىز ەگجەي - تەگجەيلىلەندىرىپ، ساقتانۋ - تىزگىندەۋ جاۋاپكەرشىلىگىن تياناقتاندىرۋدى ءجىتى قاداعالاپ، جاۋاپكەرشىلىگىمىزدى ءبىلىپ، جاۋاپكەرشىلىكتى ارقالاپ، جاۋاپكەرشىلىكتى ادا ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە ۇلەس قوسامىز.
”اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، كاسىپورىنداردى جىلدىق تيجارات نىساناسىن ارقاۋ ەتىپ، قىسىمدى قوزعاۋشى كۇشكە اينالدىرىپ، جۇمىستى، ءوندىرىستى حاۋىپسىز، تۇرگە ءبولىپ قالپىنا كەلتىرۋگە قۋزاپ، قولداپ، باقىلاپ - باسقارىپ، ىندەتتىڭ ىقپالىن ەڭ تومەنگى شەككە تۇسىرۋگە قۇلشىنىپ، مەملەكەت مەنشىگىندەگى ەكونوميكانىڭ ورنىقتى اينالىمىنا شىنايى كەپىلدىك ەتەدى“، - دەدى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى جوبالاۋ - دامىتۋ باسقارماسىنىڭ ورىنباسار باستىعى يۇي كۇن.
شينجياڭ 1 - شىلدە جياڭيۋ اشىتۋ شەكتى سەرىكتەستىگى كاسىپ دامىتۋ ءبولىمىنىڭ باس باقىلاۋشىسى جيا تيانيۋان بىلاي دەدى: ۇكىمەت فينانستى سۇيەمەلدەۋ، ءۇي جالداۋ اقىسىن كەمەيتۋ - كەشىرۋ، سۋ، ەلەكتر اقىسىن كەشەۋىلدەتىپ تاپسىرۋ، قوعامدىق قامسىزداندىرۋ اقىسىن تاپسىرۋدا تيىمدىلىك جاساۋ سياقتى جاقتاردا ءبىر قىدىرۋ شارالاردى ىركەس - تىركەس شىعارىپ، كاسىپورىنداردىڭ ۇزدىكسىز اقاۋسىز دامۋىن پارمەندى قولدادى، ”سەرىكتەستىك ىندەتتەن ساقتانۋ - تىزگىندەۋدى قاتاڭ جاقسى ىستەپ، بەلسەندىلىكپەن جۇمىستى، ءوندىرىستى قالپىنا كەلتىرىپ، قىزمەتكەرلەر قوسىنىن ورنىقتىرىپ، قىزمەتكەرلەردىڭ دەنساۋلىعىن قامتاماسىز ەتەدى“.
”باس شۋجي سوزىندە ءار دارەجەلى پارتيا ۇيىمدارى كۇرەستىڭ ءبىرىنشى شەبىندە كادرلاردى تەكسەرىپ تانىپ، ءبىزدىڭ كادرلاردى تاڭداپ مىندەتكە تاعايىنداۋىمىزعا باعدار جانە جول نۇسقاۋى كەرەك دەپ اتاپ كورسەتتى“. موري قازاق اۆتونوميالى اۋداندىق پارتكومنىڭ شۋجيى لي ۋ مىنالاردى ءبىلدىردى: موري كادرلاردى جاۋاپكەرشىلىك ارقالاپ ىسكەرلىك كورسەتۋگە شابىتتاندىرۋدىڭ قاتىستى شارالارىن دەر كەزىندە جاساپ، ىندەتكە قارسى اتتانۋ شايقاس مايدانىن كادرلاردى بايقاۋداعى، تاڭداپ وسىرۋدەگى ”ەمتيحان مايدانى“ ەتتى.
”ءبىز نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، حالىق بۇقاراسىنىڭ جان اشىرى بولىپ، بۇقارا الاڭدايتىن، باس قاتىراتىن، ارماندايتىن ىستەردى دەر كەزىندە شەشىپ، پارتيا تۋىن ىندەتتەن ساقتانۋ - تىزگىندەۋ شايقاسىنىڭ ءبىرىنشى شەبىندە اسقاق جەلبىرەتەمىز“، - دەدى قۇلجا قالاسى تاسكوپىر اۋىلى تاڭنۇر الەۋمەتتىك اۋماعى پارتيا ياچەيكاسىنىڭ شۋجيى شيان چيبو.
(ٴتىلشى لي چۇنشيا، قاتىناسقان تىلشىلەر شى شين، چاۋ جين، جاۋ چۇنحۋا، ۋاڭ يۇڭفەي، گى يوۋجۇن، جاڭ تيڭ، ما ينيڭ، يۇي شي، سۋ لۋپيڭ، حان چينيان، ٴرايدا)
