حالىق گازەتىنىڭ شولۋشىسى
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، قايتكەندە ءبىرشاما قىسقا ۋاقىت ىشىندە كۇش - قۋاتتى بىرىكتىرىپ، بار كۇشپەن ىندەتكە قارسى اتتانۋعا بولادى، بۇل وتە ۇلكەن سايىس؛ ىندەت جاعدايى باسەڭدەگەننەن كەيىن، قايتكەندە ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ويداعىداي ءبىر تۇتاس جوسپارلاۋعا بولادى، بۇل دا وتە ۇلكەن سايىس.
باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندە سويلەگەن ماڭىزدى سوزىندە قازىرگى ىندەت جاعدايىنا جانە ونىڭ ەكونوميكالىق، قوعامدىق دامۋعا جاسايتىن ىقپالىنا تەرەڭ تالداۋ جاساپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدىڭ ءتۇيىندى مىندەتتەرى مەن كەلەلى شارالارىن ايقىن العا قويىپ، ءبىزدىڭ ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋىمىزعا قۇلشىنۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى.
قاجىرلىلىقپەن قۇلشىنۋدىڭ ارقاسىندا، قازىر ىندەتتەن ساقتانۋ - تىزگىندەۋ اۋقىمىندا ءتيىمدى جاققا قاراي جاقسارۋ بەتالىسى كەڭەيىپ كەلەدى، ساقتانۋ - تىزگىندەۋ قىزمەتىندە كەزەڭدىك ناتيجەلەرگە قول جەتتى؛ سونىمەن بىرگە، ىندەت جاعدايىنىڭ ءالى دە اۋىر، كۇردەلى ەكەندىگىن، ساقتانۋ - تىزگىندەۋدىڭ ەڭ ماشاقاتتى شەشۋشى كەزەڭدە تۇرعانىن كور ءبىلۋىمىز كەرەك. جەر - جەردىڭ ىندەت جاعدايى ۇقسامايدى، تۇرلىشە وڭىرلەرگە ”ءبارىن ءبىر شىبىقپەن ايدايتىن“ ءادىس قولدانىپ، ەكونوميكالىق، قوعامدىق ءتارتىپتىڭ قالپىنا كەلۋىنە كەدەرگى بولۋعا بولمايدى ءارى جەڭىلتەكتىكپەن ساقتانۋ - تىزگىندەۋدى بوساڭسىتىپ، بار ەڭبەكتى سەلگە كەتىرۋگە دە بولمايدى. ىندەتتەن ساقتانۋ - تىزگىندەۋدىڭ تىڭعىلىقتى بولۋىنا شىنايى كەپىلدىك ەتۋ العى شارتىندا، ىندەتتەن ساقتانۋ - تىزگىندەۋدە ءتۇيىندى ەمەس وڭىرلەردەگى كاسىپورىندارىنىڭ، ءىسورىندارىنىڭ جۇمىستى، ءوندىرىستى قالپىنا كەلتىرۋىن ىلگەرىلەتىپ، ءوندىرىس، تۇرمىس ءتارتىبىن قالپىنا كەلتىرۋ ىندەتتەن ساقتانۋ - تىزگىندەۋگە پارمەندى زاتتىق ماتەريالدار قامتاماسىزدىعىن ازىرلەۋگە سايادى، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋعا سايادى. وسىنداي ساتتە، بىزدەن ىندەتتىڭ جاعدايىنا دۇرىس تالداۋ جاساپ، تۇجىرىم جاساپ، تۇرلىشە وڭىرلەردىڭ جاعدايىنا قاراتا پارىقتى ساقتانۋ - تىزگىندەۋ تاكتيكاسىن كەمەلدەندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدىڭ جانە بيىلعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋدىڭ قوس جەڭىسىنە باتىل قول جەتكىزۋ شۇعىل تالاپ ەتىلىپ وتىر.
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ ءۇشىن ەڭ الدىمەن سەنىمدى كۇشەيتۋ، سەنىمدى بەكەمدەۋ كەرەك. ءبىز تۇبىندە ىندەتتى جەڭەمىز، مۇندا ەشقانداي كۇمان جوق. ىندەتتىڭ ەكونوميكاعا، قوعامعا ءبىرشاما ۇلكەن سوققى اكەلۋىنەن ساقتانۋ قيىن، ءدال وسىنداي بولعان سايىن، ەلىمىزدىڭ دامۋىنا اناعۇرلىم جان - جاقتى، ديالەكتيكالىق، ۇزاق بولاشاقتىق كوز ايامەن قاراۋىمىز، ماسەلەلەر مەن قيىندىقتاردان قورىقپاۋىمىز كەرەك. ەلىمىز ءىرى ەل، توزىمدىلىگى كۇشتى، كومەسكى كۇشى جەتكىلىكتى، مۇمكىندىگى زور، ەكونوميكانىڭ ۇزاق ۋاقىت جاقساراتىن نەگىزگى جاعدايى وزگەرگەن جوق، ىندەتتىڭ سوققىسى قىسقا مەرزىمدىك، جالپى تۇلعالىق جاقتان مەڭگەرۋگە بولادى. تەك ءبىز قىسىمدى قوزعاۋشى كۇشكە اينالدىرىپ، داعدارىستى ورايعا اينالدىرۋعا شەبەر بولىپ، ءوندىرىس، تۇرمىس ءتارتىبىن جۇيەلى تۇردە قالپىنا كەلتىرىپ، ”التىنى ورنىقتىرۋ“ شاراسىن كۇشەيتىپ، ساياساتتىق رەتتەۋ سەرپىنىن ارتتىرىپ، ەلىمىز دامۋىنىڭ وراسان زور كومەسكى كۇشى مەن قۇدىرەتتى قوزعاۋشى قۋاتىن تولىق ىسكە قوسساق، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرا الامىز.
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدىڭ تەتىگى − پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن ويداعىداي يگەرۋ. ىندەت جاعدايى اۋىر نەمەسە حاۋپى جوعارى وڭىرلەر ۇزدىكسىز تۇردە كۇش - قۋاتتى شوعىرلاندىرىپ ىندەتتەن ساقتانۋ - تىزگىندەۋ قىزمەتىن ويداعىداي يگەرۋ، حاۋپى ورتاشا وڭىرلەر ساقتانۋ - تىزگىندەۋ جاعدايىنا نەگىزدەلە وتىرىپ جۇمىستى، ءوندىرىستى ءتارتىپتى تۇردە قالپىنا كەلتىرۋ، حاۋپى تومەن وڭىرلەر ساقتانۋ - تىزگىندەۋ تاكتيكاسىن جەدەل تۇردە سىرتتان كىرۋدەن ساقتانۋعا اۋىستىرىپ، ءوندىرىس، تۇرمىس ءتارتىبىن جاپپاي قالپىنا كەلتىرۋ كەرەك. ماكرولىق ساياساتتى رەتتەۋ سەرپىنىن ارتتىرۋدىڭ ءتۇيىنى كەرى پەريودتى رەتتەپ، ىندەتتىڭ ىقپالىن ىقتىرىپ، ەكونوميكالىق اينالىمنىڭ ۇيلەسىمدى ارالىقتان شىعىپ كەتۋىنەن ساقتانۋ، قىسقا مەرزىمدىك سوققىنىڭ اۋقىمدىق وزگەرىسكە اينالۋىنان ساقتانۋ. بەلسەندى قازىنا ساياساتىندا اناعۇرلىم بەلسەندى ىسكەرلىك كورسەتىپ، ورنىقتى اقشا ساياساتىن اناعۇرلىم يكەمدى، لايىقتى جۇرگىزۋگە ءمان بەرىپ، جۇمىستاندىرۋدى ورنىقتىرۋ شارالارىن جاپپاي كۇشەيتىپ، كەدەيلىكتەن ارىلتۋدان قامال الۋ مىندەتىن باتىل ورىنداپ، ورايدى قولدان بەرمەي كوكتەمگى اۋىل شارۋاشىلىعى ءوندىرىسىن ويداعىداي يگەرىپ، نەگىزگى حالىق تۇرمىسىن شىنايى قامتاماسىز ەتىپ، سىرتقى ساۋدا، شەتەل قارجىسىنىڭ نەگىزگى كولەمىن ورنىقتىرۋ كەرەك. وسى قىزمەتتەردى ويداعىداي يگەرۋ ءۇشىن، ءبىر تۇتاس جوسپارلاپ، تەڭ ءمان بەرۋدى ويلاستىرۋمەن بىرگە، ۇيىمداستىرىپ اتقارۋ قابىلەتى بولۋ، ءىس جۇزىندىكپەن ۇشتاستىرىپ ءداپ باسىپ، تولىق سايكەستىرۋ كەرەك. اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىنا ساياتىن ءتۇيىندى مىندەتتەردى ويداعىداي يگەرىپ، بىرەۋىنە عانا نازار اۋدارىپ، ەكىنشىسىن ەلەۋسىز قالدىرۋعا بولمايدى، كەشىكتىرە تۇراتىن، كۇتە تۇراتىن يدەيادا بولۋعا بولمايدى، تىڭعىلىقتى يگەرمەۋگە، ناقتى يگەرمەۋگە بولمايدى.
تاۋلار اسقار بولسا دا، ارمانى بار اسادى. ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋدىڭ جاپالى مىندەتى الدىندا، تەك جاۋاپكەرشىلىكتى ارقالاپ، سىنداردان سۇرىنبەي ءوتىپ، ۇلكەن شايقاستا اۋەلگى ماقساتتى، بورىشتى امالياتتا ايگىلەپ، ۇلكەن سىناۋدا تولىمدى جاۋاپ قايتارا الساق قانا وسى جولعى ىندەتتى جەڭە الامىز، سونداي - اق ەلىمىزدىڭ ەكونوميكاسىنىڭ، قوعامىنىڭ تاماشا دامۋ اۋقىمىن ساقتاپ، جاپپاي دوڭگەلەك داۋلەتتى قوعام ورناتۋدىڭ تولىق تابىسپەن اياقتالۋىنا، ءسوزسىز، شىنايى كەپىلدىك ەتە الامىز.
(شينحۋا اگەنتتىگىنىڭ 2 - ايدىڭ 26 - كۇنى بەيجيڭنەن بەرگەن حابارى)
