تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، تاياۋ مەزگىلدەگى ساقتانۋ - تىزگىندەۋدىڭ ءتۇيىندى قىزمەتتەرىن اقىلداستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

پارتيا ورتالىق كوميتەتىنىڭ قالىڭ پارتيا مۇشەلەرىنە شىعارعان ۇندەۋىنە ءۇن قوسىپ، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جولداستار جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن قولداۋ ءۇشىن جىلۋ اتادى

  شينحۋا اگەنتتىگىنىڭ 2 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 2 - ايدىڭ 26 - كۇنى ءماجىلىس اشىپ، ورتالىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسىنىڭ مالىمەتىن تىڭداپ، كەزەكتەگى ىندەت جاعدايىنا تالداۋ جاساپ، تاياۋ مەزگىلدەگى ساقتانۋ - تىزگىندەۋدىڭ ءتۇيىندى قىزمەتتەرىن اقىلداسىپ ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  پارتيا ورتالىق كوميتەتىنىڭ قالىڭ پارتيا مۇشەلەرىنە شىعارعان ۇندەۋىنە ءۇن قوسىپ، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جولداستار جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن قولداۋ ءۇشىن جىلۋ اتادى.

  شي جينپيڭ ماجىلىستە ماڭىزدى ءسوز سويلەپ بىلاي دەپ اتاپ كورسەتتى: كەزەكتە بۇكىل ەلدىڭ ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ اۋقىمى كەڭەيۋدە، ەكونوميكالىق، قوعامدىق دامۋ جەدەل قالپىنا كەلۋدە، سونىمەن قاتار حۋبەي ولكەسى مەن ۋحان قالاسىنىڭ ىندەت جاعدايى ءالى دە كۇردەلى، اۋىر، باسقا قاتىستى وڭىرلەردە ىندەتتىڭ قايتا كوتەرىلۋ حاۋپىنە ەلەۋسىز قاراۋعا بولمايدى. نەعۇرلىم وسىنداي ساتتە دۇرىس جەتەكشىلىكتى سولعۇرلىم كۇشەيتىپ، ءار جاقتىڭ يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋىن ىلگەرىلەتىپ، ىندەتتەن ساقتانۋ - تىزگىندەۋ سىندى ارقاۋدى مىقتى ۇستاپ، ەكونوميكالىق، قوعامدىق دامۋ قىزمەتتەرىن مىقتى يگەرۋ كەرەك. ءار دارەجەلى پارتكوم مەن ۇكىمەت جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەت پەن ەكونوميكالىق، قوعامدىق دامۋ جاعدايىنا دۇرىس تالداۋ جاساپ، يگەرىپ، باستى قايشىلىقتى جانە قايشىلىقتىڭ باستى جاعىن مىقتى ۇستاپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋگە شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ نىسانالارىن، مىندەتتەرىن قۇلشىنا جۇزەگە اسىرۋ كەرەك.

  ءماجىلىس مىنالاردى باسا دارىپتەدى: كۇش - قۋات پەن بايلىقتى ۇزدىكسىز شوعىرلاندىرىپ، حۋبەي ولكەسى مەن ۋحان قالاسىنىڭ ىندەتتەن ساقتانۋ - تىزگىندەۋىن جاپپاي كۇشەيتۋ كەرەك. ءبىر - بىرلەپ تەكسەرۋ جانە ەمدەۋ تابىستارىن بەكەمدەپ، تارالۋ قاينارىن شىن مانىندە تىزگىندەپ، تارالۋ جولدارىن ءۇزۋ كەرەك. الەۋمەتتىك اۋماقتاعى ءبىر - بىرلەپ تەكسەرۋ جانە ساقتانۋ - تىزگىندەۋ نەگىزىن نىعايتىپ، اناعۇرلىم كوپ كادردى نەگىزگى ساتىعا كومەككە جىبەرىپ، جەرگىلىكتى ورىنداعى ءار جىكتەگى كادرلاردىڭ الەۋمەتتىك اۋماقتىڭ ساقتانۋ - تىزگىندەۋ قىزمەتىنە بەلسەنە ات سالىسۋىن قولداپ، بۇقارانىڭ ءوزىن باسقارۋ، وزىنە قىزمەت وتەۋ بەلسەندىلىگىن تولىق جۇمىلدىرىپ، كونە شاعىن رايونداردىڭ دەنساۋلىق ساقتاۋ، ىندەتتەن ساقتانۋ، الەۋمەتتىك قىزمەت وتەۋ جاقتارىنداعى ولقىلىقتارىن جەدەل تولىقتىرىپ، بۇقارانىڭ نەگىزگى تۇرمىسىن قامتاماسىز ەتۋ قىزمەتىن ىشكەرىلەي ىجداعاتتىلىقپەن ىستەۋ، يدەيالىق - ساياسي قىزمەتتى كۇشەيتىپ، بۇقاراعا پسيحيكالىق جەتەكتەۋدى كۇشەيتۋ كەرەك. سالماقتى ناۋقاستاردى قۇتقارۋ - ەمدەۋدى كۇشەيتىپ، جوعارى ورەلى ۇجىمداردىڭ سەلبەسىپ قامال الۋىن، كوپ ءپان ماماندارىنىڭ بىرلەسىپ قامال الۋىن ىلگەرىلەتىپ، سالماقتى ناۋقاستاردى ارنايى قۇتقارۋ - ەمدەۋ كۇشتەرىنىڭ رولىن ويداعىداي ساۋلەلەندىرىپ، كلينيكالىق ەمدەۋدىڭ دالدىگىن، ونىمدىلىگىن جوعارىلاتىپ، اۋرۋدان ءولۋ مولشەرىن تومەندەتۋگە قۇلشىنۋ كەرەك. جەڭىل ناۋقاستاردى دەر كەزىندە ەمدەۋگە الىپ، مەديتسينالىق ارالاسۋ شارالارىن ەرتە باستان اتقارىپ، جەڭىل ناۋقاستاردىڭ اۋىرلاسىپ كەتۋىن مۇمكىندىكتىڭ بارىنشا ازايتۋ كەرەك. مەديتسينالىق قورعانۋ زاتتىق ماتەريالدارىن دايىنداۋ جانە جەتكىزۋ ونىمدىلىگىن كۇش سالا جوعارىلاتىپ، ارنالاردى جانە بوگەتتەردى ىركىلىسسىزدەندىرىپ، شۇعىل قاجەتتى زاتتىق ماتەريالداردى قۇتقارۋ - ەمدەۋ ءبىرىنشى شەبىنە تەزىرەك جەتكىزۋ كەرەك. بەيجيڭ قاتارلى ءتۇيىندى ولكەلەردىڭ ساقتانۋ - تىزگىندەۋ قىزمەتىن كۇشەيتىپ، ءار ءتۇرلى مۇمكىندىكتەگى تارالۋ قاينارلارىن باتىل ءۇزۋ كەرەك.

  ءماجىلىس مىنالاردى اتاپ كورسەتتى: ەرەكشە ورىندار مەن ءتۇيىندى ادامدار شوعىرىنىڭ قورعانۋ شاراسىن كۇشەيتۋ كەرەك. قارتتاردى كۇتىمدەۋ، قۇتقارۋ - كومەكتەسۋ، بالالار يگىلىگى، رۋحاني دەنساۋلىق ساقتاۋ - ەمدەۋ سياقتى قۇرىلىمداردا ادام ءجيى، ورتاسى جابىق، قاتىستى قىزمەت وتەۋ وبيەكتىلەرىنىڭ ءوزىن قورعاۋ قۋاتى ءالسىز، سوندىقتان قاراستى جەر جاۋاپكەرشىلىگىن نىعايتىپ، ەڭ قاتاڭ باسقارۋ شاراسىن اتقارىپ، سىرتقى تارالۋ قاينارىنىڭ كىرۋىنەن ساقتانىپ، جۇعىمدالعان ناۋقاستاردى بار كۇشپەن قۇتقارۋ - ەمدەۋ كەرەك. ىندەتتەن ساقتانۋ - تىزگىندەۋدىڭ ءبىرىنشى شەبىندەگى قىزمەتكەرلەر، مەديتسينالىق قالدىقتارمەن تىكەلەي جۋىساتىن ادامدار، جابىق ورتادا قىزمەت وتەيتىن ادامدار سياقتى ادامدار شوعىرىن قورعاۋدى كۇشەيتىپ، ساقتانۋ - تىزگىندەۋ شارالارىن باعىتتامالى تۇردە تياناقتاندىرۋ كەرەك.

  ءماجىلىس مىنالاردى باسا دارىپتەدى: جۇمىستى، ءوندىرىستى قالپىنا كەلتىرۋدى دالمە - ءدال، ورنىقتى ىلگەرىلەتۋ كەرەك. ءار دارەجەلى پارتكوم مەن ۇكىمەت جۇمىستى، ءوندىرىستى قالپىنا كەلتىرۋدى، جۇمىستانۋدى قالپىنا كەلتىرۋ مەن ورنىقتىرۋدى، قاتىناس - تاسىمالدى ىركىلىسسىزدەندىرۋدى، بازار قامداۋىن قامتاماسىز ەتۋدى قولداۋ سياقتى قىزمەتتەردى ەگجەي - تەگجەيلى، تىڭعىلىقتى ىستەۋ كەرەك. كاسىپورىنداردى، ءىسورىندارىن ىندەتتەن ساقتانۋ - تىزگىندەۋ بەلگىلەمەسىن قاتاڭ اتقارىپ، ساقتانۋ - تىزگىندەۋ تۇلعالىق جاۋاپكەرشىلىگىن تياناقتاندىرۋعا قۋزاپ، كاسىپورىنداردىڭ، ءىسورىندارىنىڭ ىندەتتەن ساقتانۋداعى قيىن ماسەلەلەردى شەشۋىنە بەلسەنە كومەكتەسۋ، ماسكى، زارارسىزداندىرۋ بۇيىمدارى سياقتى قورعانۋ زاتتىق ماتەريالدارىنىڭ جەتىسپەۋ ماسەلەسىن سايكەستىرىپ شەشىپ، ورىنداردىڭ ءوز ەرەكشەلىگىنە ۇيلەسەتىن ساقتانۋ - تىزگىندەۋ ولشەمىن جاساۋىنا جەتەكشىلىك ەتۋ كەرەك. جۇمىستى، ءوندىرىستى قالپىنا كەلتىرۋدە بايقالعان ءىشىنارا جۇعىمدالعان ناۋقاستاردى عىلمي جولمەن دالمە - ءدال شۇعىل تۇردە ءبىر جاقتى ەتۋ كەرەك. جۇمىستى، ءوندىرىستى قالپىنا كەلتىرۋگە قىزمەت وتەۋدىڭ قولايلىلىق دارەجەسىن جوعارىلاتىپ، ۇيلەسىمسىز تەكسەرۋ - بەكىتۋدى كۇشىنەن قالدىرۋ كەرەك. كاسىپورىندارعا تيىمدىلىك جاساۋ ساياساتتارىن جەدەل ناقتاپ تياناقتاندىرىپ، ساياساتتى سايكەستى اتقارۋ ادىستەرىن كەمەلدەندىرىپ، ءبىر تۇلعالاندىرىلعان ۇكىمەت ىستەرى تۇعىرىندا شاعىن، ۇساق كاسىپورىندار مەن جەكە كاسىپكەرلەرگە ارناپ قىزمەت وتەۋ باعانالارىن اشىپ، ءتۇرلى ساياساتتاردى وڭاي تۇسىنۋىنە، ءبىر پۋنكتتە بىتىرۋىنە مۇمكىندىك جاساۋ كەرەك. تاجىريبەلەردى قورىتىندىلاپ، كەيبىر جاقسى ساياساتتار مەن ادىستەردى ارناعا ءتۇسىرۋ، تۇزىمدەندىرۋ كەرەك.

  ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋ جاعىنداعى حالىقارالىق سەلبەستىك − ەلىمىزدىڭ جاۋاپتى ءىرى ەلدىك رولىن ساۋلەلەندىرۋىنىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ماڭىزدى بەينەسى. دۇنيە جۇزىلىك دەنساۋلىق ساقتاۋ ۇيىمىمەن ۇزدىكسىز تۇردە تىعىز سەلبەسىپ، قاتىستى مەملەكەتتەرمەن ءجيى تىلدەسىپ، ىندەتتەن ساقتانۋ تاجىريبەلەرىن ورتاقتاسىپ، ساقتانۋ - تىزگىندەۋ شارالارىن سايكەستىرىپ، شەتەلدەرگە ۇگىتتەۋ - تانىستىرۋدى جانە الەۋمەتتىك ديپلوماتيانى كۇشەيتىپ، ءوڭىر مەن دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن بىرگە قورعاۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.