تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون تەلەۆيزور - تەلەفون ءماجىلىسىن اشتى

ىندەتتەن ساقتانۋ - تىزگىندەۋ توسقاۋىل شايقاسىن جانە كەدەيلىكتەن ارىلتۋدان قامال الۋ شايقاسىن ءبىر تۇتاس جوسپارلاپ ىلگەرىلەتىپ، قايراتتانا قوس جەڭىسكە جەتۋدى تالاپ ەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 2 - ايدىڭ 27 - كۇنى ۇرىمجىدەن حابارلايدى. 2 - ايدىڭ 27 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتىنە بەلسەندىلىكپەن توتەپ بەرۋ، كەدەيلىكتەن ارىلتۋدان قامال الۋ شەشۋشى شايقاسى جونىندە تەلەۆيزور - تەلەفون ءماجىلىسىن اشىپ، باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋىنا ساي، ىندەتتەن ساقتانۋ - تىزگىندەۋ مەزگىلىندە بۇكىل رايوننىڭ كەدەيلىكتەن ارىلتۋدان قامال الۋ قىزمەتىن اناعۇرلىم تىڭعىلىقتى ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ءماجىلىستى باسقاردى جانە ءسوز سويلەدى.

  ءماجىلىس مىنالاردى اتاپ كورسەتتى: بيىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن، كەدەيلىكتەن ارىلتۋدان قامال الۋ شەشۋشى شايقاسىن جۇرگىزەتىن ماڭىزدى جىل ءارى كەدەيلىكتەن ارىلتۋدىڭ قالعان مىندەتتەرىن ورىنداۋ،ءارى كەدەيلىكتەن ارىلتۋدىڭ جەتىستىكتەرىن ۇزدىكسىز بەكەمدەۋ كەرەك. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى كەدەيلىكتەن ارىلتۋدان قامال الۋعا جاڭا قيىندىقتار مەن سىن - سايىستار الا كەلدى. جەر - جەر، تاراۋلار يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالابىمەن بىرلىككە كەلتىرىپ، ىندەتكە قارسى اتتانۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدەگى جاۋاپكەرشىلىك سەزىمدى، كوكەي تەستىلىك سەزىمدى شىنايى كۇشەيتىپ، ىندەتتەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ قىزمەتىن ءبىر تۇتاس جوسپارلاپ مىقتاپ ۇستاۋدىڭ ءىس جۇزىندىك ارەكەتتەرى ارقىلى، ”ءتورت تانىمدى“ امالياتتا ايگىلەپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك.

  ءماجىلىس مىنالاردى تالاپ ەتتى: عىلمي جولمەن بەلسەندىلىكپەن توتەپ بەرىپ، اۆتونوميالى رايون شىعارعان ءتۇرلى شارالاردى قاتاڭ تياناقتاندىرىپ، امالدىڭ بارىنشا زياننىڭ ورنىن تولتىرىپ، اياق الىستى جەدەل قالپىنا كەلتىرىپ، ىندەتتىڭ ىقپالىن ازايتۋ كەرەك. كەدەي جان سانىنىڭ سىرتقا شىعىپ جۇمىس ىستەۋ تىلەگى مەن كاسىپ دامىتۋداعى قاجەتىن جالپى بەتتىك ءبىر - بىرلەي انىقتاپ، ەڭبەككۇش قابىلدايتىن جەرلەردەگى كاسىپورىندارمەن ءدال ۇشتاسىپ، ءوز جەرىندە، جاقىن جەردە جۇمىستاندىرۋ قىزمەت ورنىن اشىپ، كەدەي ەڭبەككۇشتەردىڭ جۇمىس ورنىنا تارتىپپەن قايتۋىنا كومەكتەسۋ كەرەك. نەگىزگى اۋىل شارۋاشىلىعى قۇرال - جابدىقتارىن تاسىمالداۋدى، دايىنداۋدى كۇشەيتىپ، كەدەي ەگىنشى - مالشىلاردى جانە اۋىل شارۋاشىلىعى تيجارات تۇلعالارىن تارتىپپەن ەگىستىككە بارىپ، ۋاقىتقا ءبولىپ اتىز باسىنا بارىپ، جۇمىستى بىتىراي ىستەپ، اۋىل شارۋاشىلىعى ءوندىرىسىن ءتارتىپتى قالپىنا كەلتىرۋگە اتتانىسقا كەلتىرۋ، ۇيىمداستىرۋ كەرەك. اۋداندى بىرلىك ەتە كەدەيلەردى سۇيەمەلدەۋ ونىمدەرىن تۇراقتاندىرۋ، ەرەكشە اۋىل شارۋاشىلىعى ونىمدەرىن سورەلەرگە، ەرەن بازارلارعا ەنگىزۋگە ۇيىمداستىرۋ، ”ينتەرنەت +“دان پايدالانۋ سياقتىلاردى جەدەل ىلگەرىلەتىپ، ءوندىرۋ مەن ساتۋدى ۇشتاستىرۋدى كۇشەيتىپ، ساتۋ ارناسىن كەڭەيتۋ كەرەك. ينتەرنەتتە بىرلەسە ءوتىنىش ەتىپ، بىرلەسە بەكىتۋ، ينتەرنەتتە ماماندار باعالاپ قاراۋ ادىستەرىن قولدانۋدا جاڭالىق اشىپ، كەدەيلەردى سۇيەمەلدەۋ نىسانى قۇرىلىسىن جەدەل ىلگەرىلەتۋ كەرەك. سالىق جانە فينانس جاقتان قولداۋدى كۇشەيتىپ، كەدەيلەردى سۇيەمەلدەۋ شاعىن سومالى قارىزىن قايتارۋدىڭ ۋاقىت شەگىن ۇيلەسىمدى ۇزارتىپ، كەدەيلەردى سۇيەمەلدەۋ ارناۋلى قارجىسىن كەدەي وتباسىلارىنىڭ ءوندىرىستى قالپىنا كەلتىرىپ، ءوزىن قۇتقارۋدى ورىستەتۋگە، كىرىستى ارتتىرۋعا الدىمەن ىستەتۋ كەرەك. ىندەتتەن ساقتانۋ - تىزگىندەۋ مەزگىلىندە كەدەي بۇقارانىڭ ەمدەلۋىن قامتاماسىز ەتۋ قىزمەتىن جاقسى ىستەپ، ىندەتتەن ساقتانۋ - تىزگىندەۋ سەبەبىنەن تۇرمىسى قيىنشىلىقتا قالعان كەدەي بۇقارانى دەر كەزىندە قۇتقارىپ - كومەكتەسىپ، نەگىزگى تۇرمىسىنىڭ ىقپالعا ۇشىراماۋىنا شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: اۋىر كەدەي وڭىرلەردىڭ كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋدى كۇشەيتىپ، دالمە - ءدال شارالاردى باتىل تياناقتاندىرىپ، ماسەلەلەردى رەتتەۋ - تۇزەتۋ، نىسان قۇرىلىسى، اۋىز سۋ حاۋىپسىزدىگى جانە ەمدەۋمەن قامتاماسىز ەتۋدەگى ولقىلىقتاردى تولىقتاۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ سياقتى ءتۇرلى ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، تۇبەگەيلى جەڭىسكە جەتپەيىنشە استە شەپتەن شەگىنبەۋ كەرەك. جاۋاپكەرشىلىكتى باتىل ارقالاۋدى كۇشەيتىپ، ۇگىتتەۋدى - جەتەكتەۋدى كۇشەيتىپ، ستيلدە شىنايى بۇرىلىس جاساپ، ناقتى ىستەۋ ستيلىمەن قىزمەتتى مىقتى ۇستاپ، ىجداعاتتىلىقپەن ەگجەي - تەگجەيلى ۇستاپ، شەگە قاعۋ رۋحىمەن تياناقتاندىرۋدى ۇستاپ، ىندەتتەن ساقتانۋ - تىزگىندەۋ مەن كەدەيلىكتەن ارىلتۋدان قامال الۋ سىندى ەكى جاقتى يگەرۋدى، ەكى جاقتى دا قاتاڭ يگەرۋدى، ەكى جاقتى دا كەشەۋىلدەتپەي، قوس جەڭىسكە جەتۋدى ورىنداۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.