ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى مىقتى، ناقتى، ەگجەي - تەگجەيلى، تىڭعىلىقتى يگەرۋ كەرەك
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 2 - ايدىڭ 27 - كۇنى ۇرىمجىدەن حابارلايدى. 2 - ايدىڭ 27 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن جانە بۇكىل ەلدىڭ كوكتەمگى اۋىل شارۋاشىلىعى ءوندىرىسى قىزمەتى جونىندەگى ماڭىزدى نۇسقاۋىنىڭ رۋحىن جەتكىزدى، ۇيرەندى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ىشكەرىلەي ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قالىڭ پارتيا مۇشەلەرىنە شىعارعان ۇندەۋىنە ءۇن قوسىپ، چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلى جولداستار جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن قولداۋ ءۇشىن جىلۋ اتادى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندەگى ماڭىزدى ءسوزىنىڭ، نۇسقاۋىنىڭ رۋحىن ۇيرەنۋمەن، دايەكتىلەندىرۋمەن بىرلەستىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر جاعىنان، ىندەتتەن ساقتانۋ - تىزگىندەۋدى بوساڭسىماي مىقتى يگەرۋگە، ەندى ءبىر جاعىنان، رەفورمانى، دامۋدى، ورنىقتىلىقتى بوساڭسىماي مىقتى يگەرۋگە تاباندى بولىپ، تاعى دا قايراتتانىپ، ۇزدىكسىز شايقاس جۇرگىزىپ، ەكى جاعىن يگەرۋگە، ەكى جاعىن دا اقساتپاۋعا، قوس جەڭىسكە جەتۋگە شىنايى كەپىلدىك ەتۋ كەرەك.
ءبىرىنشى، يدەيالىق تانىمدى وسكەلەڭ بىرلىككە كەلتىرۋ كەرەك. بۇكىل ەلدەگى ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسىنىڭ كەڭەيىپ، ەكونوميكالىق، قوعامدىق دامۋدىڭ جەدەل قالپىنا كەلە جاتقاندىعىن كورە بىلۋمەن بىرگە، ىندەتتىڭ قايتالانۋ قاتەرىنە دە ايرىقشا ءمان بەرىپ، پارتيا ورتالىق كوميتەتىنىڭ كەزەكتەگى ىندەتتەن ساقتانۋ - تىزگىندەۋ جاعدايى جونىندەگى عىلمي تۇجىرىمىن ءدال يگەرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، ءسوزسىز، جەڭىسكە جەتۋ سەنىمىن، بەكىمىن نىعايتىپ، وي - سانانى قاشاندا سەرگەك ۇستاپ، سالعىرت يدەيادان، شايقاستان جالىعۋ پيعىلىنان، باق سىناۋ پسيحيكاسىنان، بوساڭسۋ كوڭىل كۇيىنەن باتىل اۋلاق بولىپ، قايىسپاس قايسارلىق كورسەتىپ، جىگەر - قايراتتى قاۋلاتىپ، ىندەتتەن ساقتانۋ - تىزگىندەۋدى كۇشەيتۋ سىندى ارقاۋدى مىقتى ۇستاپ، ەكونوميكالىق، قوعامدىق دامۋ قىزمەتتەرىن مىقتى، ناقتى يگەرۋ كەرەك.
ەكىنشى، ىندەتتەن ساقتانۋ - تىزگىندەۋ عىلمي، دالمە - ءدال بولۋ كەرەك. وڭىرگە، دارەجەگە ءبولىپ دالمە - ءدال ساقتانۋ - تىزگىندەۋگە تاباندى بولىپ، تۇرلىشە وڭىرلىك جاعدايعا قاراي پارىقتى ساقتانۋ - تىزگىندەۋ تاكتيكاسىن كەمەلدەندىرىپ، الەۋمەتتىك اۋماقتارداعى، قىستاق - گرۋپپالارداعى جانە ءتۇيىندى ورىندارداعى، ءتۇيىندى كاسىپتەردەگى، ءتۇيىندى سالالارداعى ساقتانۋ - تىزگىندەۋ قىزمەتىن دالمە - ءدال، ويداعىداي ىستەۋ؛ ەرەكشە الاڭ - ورىندار مەن ءتۇيىندى ادامدار شوعىرىن ساقتاندىرۋ - قورعاۋدى كۇشەيتىپ، قارتتاردى كۇتىمدەۋ، قۇتقارۋ - كومەكتەسۋ، بالالار يگىلىگى، رۋحاني سالاماتتىق - ەمدەۋ سياقتى قۇرىلىمدارعا اناعۇرلىم قاتاڭ باسقارۋ شارالارىن قولدانىپ، ىندەتتەن ساقتانۋ - تىزگىندەۋ ءبىرىنشى شەبىندەگى قىزمەتكەرلەر، مەديتسينالىق جاراقسىز زاتتارعا تىكەلەي جۋىساتىندار، تۇيىق كەڭىستىكتە قىزمەت وتەيتىن قىزمەتكەرلەر سياقتى ادامدار شوعىرىنىڭ ساقتانۋ - قورعانۋىن ويداعىداي ىستەۋ؛ جۇڭگوشا، باتىسشا شيپاگەرلىكتى بىرلەستىرە وتىرىپ ناۋقاستاردى قۇتقارۋ - ەمدەۋگە تاباندى بولىپ، كلينيكالىق ەمدەۋدىڭ دالدىگىن، ونىمدىلىگىن كۇشەيتۋ؛ ەمدەۋ قىزمەتكەرلەرىن قورعاۋدىڭ، ولارعا قامقورلىق جاساۋدىڭ، ولاردى ايالاۋدىڭ ءتۇرلى شارالارىن قاز - قالپىندا تياناقتاندىرىپ، ولاردىڭ ىندەتكە قارسى كۇرەسكە ۇزدىكسىز، سالاماتتى اتتانۋىنا شىنايى كەپىلدىك ەتۋ كەرەك.
ءۇشىنشى، جۇمىستى، ءوندىرىستى قالپىنا كەلتىرۋدە، دالمە - ءدال، ۇستامدى بولۋ كەرەك. جاڭا دامۋ ۇستانىمىن تاباندىلىقپەن تياناقتاندىرىپ، ەكونوميكالىق اينالىمدى رەتتەۋدى كۇشەيتىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ىندەتتىڭ ىقپالىن ەڭ تومەنگى دەڭگەيگە ءتۇسىرۋ؛ ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن ورناتىپ، ىرىقتىلىقپەن جوسپارلاپ، الدا ءجۇرىپ قىزمەت وتەپ، ينتەرنەتتە جۇمىس ءبىتىرۋ، تەكسەرىپ - بەكىتۋ سياقتى ارنالاردان ويداعىداي پايدالانىپ، جۇمىستى، ءوندىرىستى قالپىنا كەلتىرۋگە قىزمەت وتەۋدىڭ قولايلىلىعىن جوعارىلاتۋ؛ كاسىپورىندارعا تيىمدىلىك جاساۋ ساياساتتارىن تياناقتاندىرىپ، جۇمىستى، ءوندىرىستى قالپىنا كەلتىرۋ بارىسىنداعى قيىنشىلىقتاردى دەر كەزىندە شەشىپ، كاسىپورىنداردىڭ، اسىرەسە، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ سەنىمدى بەكەمدەۋىنە، قيىن وتكەلدەن وتۋىنە كومەكتەسۋ؛ ورگانداردىڭ، كاسىپورىندارىنىڭ، ءىسورىندارىنىڭ تۇلعالىق جاۋاپكەرشىلىگىن قاتايتىپ، ناقتىلاپ، قىزمەت ءتارتىبىن ارناعا ءتۇسىرىپ، ساقتانۋ - تىزگىندەۋ شارالارىن تياناقتاندىرىپ، جۇمىستى، ءوندىرىستى قالپىنا كەلتىرۋ بارىسىندا ىندەتتىڭ تارالۋىنان باتىل ساقتانۋ كەرەك.
ءتورتىنشى، كەدەيلىكتەن ارىلتۋدان قامال الۋدى دەر كەزىندە ورىنداۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، نازاردى وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەرگە جانە ەرەكشە قيىنشىلىعى بار قاۋىمعا شوعىرلاندىرىپ، نىسان قارجىسىن جانە كومەكتەسۋ - سۇيەمەلدەۋ بايلىقتارىن بەيىمدەۋ سەرپىنىن ارتتىرىپ، شايقاستى اشىق - اشكەرە قاداعالاۋدى تىڭعىلىقتى ورىستەتىپ، قايتا كەدەيلەسۋدى باقىلاۋ - ولشەۋ جانە الدىن الا ساقتاندىرۋ مەحانيزمىن اقاۋسىزداندىرىپ، كەمەلدەندىرىپ، كوپ شارانى قاتار قولدانىپ كەدەيلەردى سۇيەمەلدەۋ كاسىپورىندارىنىڭ، كەدەيلەردى سۇيەمەلدەۋ سەحتارىنىڭ جۇمىستى، ءوندىرىستى قالپىنا كەلتىرۋىن ىلگەرىلەتىپ، كەدەي ەڭبەككۇشتەردىڭ ءتارتىپتى تۇردە جۇمىس ورىندارىنا قايتۋىنا كومەكتەسۋ كەرەك.
بەسىنشى، حالىق تۇرمىسىن قامتاماسىز ەتۋ سەرپىنىن ارتتىرۋ كەرەك. ىندەتتىڭ حالىق تۇرمىسى سالاسىنا تيگىزەتىن ىقپالىنا ءجىتى نازار اۋدارىپ، حالىققا ءتيىمدى ءتۇرلى ساياساتتاردى جاپپاي تياناقتاندىرىپ، ”استىققا“، ”كوجە قاتىققا“ جاۋاپتى بولۋ ءتۇزىمىن قاتاڭ تياناقتاندىرىپ، جۇمىستاندىرۋدى ورنىقتىرۋ شارالارىن كۇشەيتىپ، دەنساۋلىق ساقتاۋ، ىندەتتەن ساقتانۋ، الەۋمەتتىك اۋماقتىڭ قىزمەت وتەۋى سياقتى جاقتارداعى ولقىلىقتاردى جەدەل تولىقتاپ، بۇقارانىڭ نەگىزگى تۇرمىسىن قامتاماسىز ەتۋدى جانە پسيحيكالىق جاقتان جەتەكتەۋدى ىشكەرىلەي، ەگجەي - تەگجەيلى ويداعىداي ىستەپ، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋدى كۇشەيتىپ، بۇقارا اسىعاتىن، ۋايىمدايتىن، باس قاتىراتىن، ارماندايتىن ىستەردى شىنايى، ويداعىداي شەشۋ كەرەك.
التىنشى، كوكتەمگى ەگىس دايىندىعىندا ەگىس ۋاقىتىن وتكىزىپ الماۋ كەرەك. كوكتەمگى ەگىس ءوندىرىسىن بار كۇشپەن ۇيىمداستىرىپ، جەتەكشىلىك ەتۋدى، قىزمەت وتەۋدى كۇشەيتىپ، قولداۋ ساياساتتارىن تياناقتاندىرىپ، اۋىل شارۋاشىلىعى ءوندىرىس قۇرال - جابدىقتارىن ءوندىرۋدى، تاسىمالداۋدى، قامداۋدى مىقتى يگەرىپ، شەشۋشى ءتۇيىندى مىقتى ۇستاپ، بوگەتتەردى اشىپ، دەرت - دەربەز، زياندى جاندىك اپاتتارىنان جانە حايۋاناتتار ىندەتىنەن ساقتانۋ - تىزگىندەۋدى ويداعىداي ىستەپ، اپاتتان ساقتانۋ، اپات زيانىن ازايتۋ قىزمەت سەرپىنىن ارتتىرىپ، اۋىل شارۋاشىلىعى ءوندىرىسىنىڭ ورنىقتى دامۋىنا شىنايى كەپىلدىك ەتۋ كەرەك.
جەتىنشى، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك. نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جان - جاقتى شارا اتقارىپ، كەشەندى شارا قولدانىپ، ىندەتتەن ساقتانۋ - تىزگىندەۋدى زاڭ بويىنشا ىلگەرىلەتىپ، زاڭمەن جونگە سالۋ قابىلەتىن جوعارىلاتىپ، نىشاندىق، بەتالىستىق ماسەلەلەردى دەر كەزىندە شەشىپ، ىندەتكە قاتىستى زاڭعا قايشى قىلمىستارعا قاتاڭ سوققى بەرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋگە تاماشا ورتا ازىرلەۋ كەرەك.
سەگىزىنشى، قىزمەت ستيلىنە ۇزدىكسىز بۇرىلىس جاساۋ كەرەك. پارتيانىڭ باسشىلىعىن كۇشەيتىپ، پارتيا، ۇكىمەت، ارميا، ساقشى، بيڭتۋان، حالىق سايكەسە، بىرلەسە قيمىلداۋعا تاباندى بولىپ، ءار دارەجەلى ورىنداردىڭ جاۋاپكەرشىلىگىن ناقتىلاپ، ساتى - ساتى بويىنشا قىسىم ءتۇسىرىپ، ءار دارەجەلى پارتيا ۇيىمىنىڭ جاۋىنگەر قورعاندىق جانە قالىڭ پارتيالى كادرلاردىڭ اۆانگارد ونەگەلىلىك رولىن تولىق، ويداعىداي ساۋلەلەندىرىپ، ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتۋ؛ ءبىر تۇتاس جوسپارلاپ تەڭ ءمان بەرىپ، ءداپ باسىپ، تولىق سايكەسىپ، ديالەكتيكالىق ءادىستى يگەرىپ، ادىستەمەدەن ويداعىداي پايدالانىپ، باستى قايشىلىقتى جانە قايشىلىقتىڭ باستى جاعىن مىقتى ۇستاپ، قىزمەتتى باعىتتامالى تۇردە ورىستەتۋ؛ فورماشىلدىقتى، تورەشىلدىكتى باتىل تيىپ، باقىلاۋ - تەكسەرۋدى كۇشەيتىپ، تاماشا باعدار ورناتىپ، قىزمەتتەردىڭ تياناقتانۋىن ىلگەرىلەتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋ سىندى ۇلكەن سىناقتا پارتيا مەن حالىققا تولىمدى جاۋاپ بەرۋگە قۇلشىنۋ كەرەك.
