قىزمەت جاۋاپكەرشىلىكتەرىڭىزدى، بورىشتارىڭىزدى وتەپ، ەرتەرەك امان - ەسەن جەڭىسپەن ورالىڭىزدار
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 2 - ايدىڭ 28 - كۇنى ۇرىمجىدەن حابارلايدى. 2 - ايدىڭ 27 - كۇنى كەشتە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين شينجياڭنان حۋبەيعا كومەككە بارعان ەمدەۋ اترەتىندەگىلەرمەن بەينەجازبادا سويلەسىپ، ەمدەۋ اترەتى مۇشەلەرىنىڭ قىزمەت، تۇرمىس جانە دەنساۋلىق جاعدايلارىن ەگجەي - تەگجەيلى ۇعىسىپ، اۆتونوميالى رايوندىق پارتكوم مەن ۇكىمەت اتىنان ەمدەۋ اترەتىنىڭ مۇشەلەرىنەن حال سۇراپ جانە ولارعا قۇرمەت ءبىلدىرىپ، ولاردى ۇزدىكسىز ءبىرىنشى شەپتەن تاپجىلماي، ەرلىكپەن شايقاس جۇرگىزىپ، اجالعا اراشاشى، جارالىعا مەدەت بولۋعا جىگەرلەندىردى، سونداي - اق ولارعا وزدەرىن جاقسى قورعاۋدى قاداعالاي تاپسىردى.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنىڭ قولباسشىلىق شتابىندا، لي پىڭشين شينجياڭنان 3 توپتا حۋبەيعا كومەككە بارعان ەمدەۋ اترەتىنىڭ قىزمەت جاعدايىنان جاساعان مالىمەتىن جانە ەمدەۋ قىزمەتكەرلەرى ۋاكىلدەرىنىڭ لەبىزىن تىڭداعاننان كەيىن، بىلاي دەپ اتاپ كورسەتتى: كوپشىلىك اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، شينجياڭداعى ءار ۇلت حالقىنىڭ ماڭىزدى تاپسىرماسىن ارقالاپ، ەشتەڭەدەن تايسالماي ۋحانداعى ىندەتپەن شايقاس جاساۋدىڭ ءبىرىنشى شەبىنە بارىپ، ۋاقىتپەن جارىسىپ، اۋرۋمەن ايقاسىپ، كۇندى تۇنگە جالعاپ ەرلىكپەن شايقاس جۇرگىزدى، ەرەكشە ەڭبەك كورسەتىپ، قىزمەتتە ايرىقشا جاپا شەگىپ، توتەنشە مىعىم ستيل ايگىلەپ، ناقتى ارەكەتتەرىمەن ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋ ءۇشىن ءومىردىڭ بەرىك قورعانىس شەبىن قۇرىپ، كاسىپتىك تىرەك ۇسىنىپ، ماڭىزدى ۇلەس قوستى. كوپشىلىكتىڭ قورعانۋ - ساقتانۋ حاۋىپسىزدىگىنە شىنايى كەپىلدىك ەتۋمەن بىرگە، ۇلى سۇيىسپەنشىلىكتە شەكارا بولمايتىن شيپاگەرلىك مەيىرباندىقتىڭ اسقاق رۋحىن ۇزدىكسىز اسقاقتاتىپ، مەديتسينالىق قۇتقارۋ - ەمدەۋ قىزمەتىن بار كۇشپەن ويداعىداي ىستەۋىن ءۇمىت ەتەمىن. لي پىڭشين ەمدەۋ اترەتىنە عىلمي ساقتانۋ - قورعانۋدى ويداعىداي ىستەپ، مۇمكىندىكتىڭ بارىنشا قىزمەت پەن دەمالىستىڭ شارت - جاعدايىن جاقسارتىپ، تۇرمىستى قامتاماسىز ەتۋدى، حاۋىپسىزدىكتى قامتاماسىز ەتۋدى جانە گۋمانيتارلىق قامقورلىقتى ويداعىداي ىستەپ، ءاربىر اترەت مۇشەسىنىڭ امان - ەسەن ورالۋىنا مۇمكىندىك جاساۋدى تاپسىردى.
لي پىڭشين اۆتونوميالى رايونىمىزدىڭ قازىرگى كەزدەگى ىندەتتەن ساقتانۋ - تىزگىندەۋ قىزمەتىن تانىستىرىپ، اۆتونوميالى رايوندىق پارتكومنىڭ ەمدەۋ قىزمەتكەرلەرىنە دەگەن قامقورلىعىن، ايالاۋىن جەتكىزدى. ول بىلاي دەپ باسا دارىپتەدى: جەر - جەر، تاراۋلار اۆتونوميالى رايون شىعارعان ءبىرىنشى شەپتەگى ەمدەۋ قىزمەتكەرلەرىنە قامقورلىق جاساۋ، ولاردى ايالاۋ ساياسات - شارالارىن مۇقيات تياناقتاندىرىپ، حۋبەيعا كومەككە بارعان ەمدەۋ اترەتىنىڭ ىندەتتەن ساقتانۋ - تىزگىندەۋدىڭ ءبىرىنشى شەبىندە ۇزدىكسىز ەرلىكپەن شايقاس جۇرگىزۋىنە، ناۋقاستاردى دەن قويا قۇتقارۋ - ەمدەۋىنە بار كۇشپەن قولداۋ كورسەتۋ كەرەك. جەر - جەر، تاراۋلار ەمدەۋ اترەتى مۇشەلەرىنىڭ وتباسىنداعى قيىنشىلىقتار مەن ماسەلەلەردى سايكەستىرۋىنە، شەشۋىنە جەدەل كومەكتەسىپ، مىعىم ارتقى تىرەك بولۋى كەرەك.
لي پىڭشين سوڭىندا بىلاي دەدى: پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ ءبىر نيەتپەن قۇلشىنۋىندا، ءبىز، ءسوز جوق، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتە الامىز.
شينجياڭنان حۋبەيعا كومەككە بارعان ەمدەۋ اترەتىنىڭ باس جەتەكشىسى مىنالاردى ءبىلدىردى: اۆتونوميالى رايوندىق پارتكوم مەن ۇكىمەتتىڭ، سونداي - اق تۇتاس رايونداعى حالىقتىڭ ءبىز ءۇشىن قام جەگەنىنە العىس ايتامىز، ەمدەۋ اترەتى بورىشتى ادا ەتىپ، قيىندىقتان، قاتەردەن تايسالماي، پارتيا مەن حالىق تاپسىرعان مىندەتتى بار كۇشىمەن ويداعىداي ورىندايدى، اتا مەكەندەگى حالىقتىڭ ماڭىزدى تاپسىرماسىنىڭ ۇدەسىنەن شىعادى.
اۆتونوميالى رايوننىڭ باسشىلارىنان تيان ۋىن قاتارلىلار بەينەجازبادا سويلەسۋدە بىرگە بولدى.
