شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 2 - ايدىڭ 28 -كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىنشا: جاقىندا اۆتونوميالى رايوندىق قاتىناس - تاسىمال مەڭگەرمەسى، اۆتونوميالى رايوندىق پوچتا ىستەرىن باسقارۋ مەكەمەسى، جۇڭگو پوچتا ىستەرى توبى سەرىكتەستىگى شينجياڭ بولىمشە سەرىكتەستىگى ىندەتتەن ساقتانۋ - تىزگىندەۋ مەزگىلىندەگى پوچتا ىستەرى، جەدەل جەتكىزۋ، جونەلتۋ جونىنەن قىزمەت وتەۋدى قامتاماسىز ەتۋدى ويداعىداي ىستەۋ جونىندە شۇعىل حابارلاندىرۋ شىعارىپ، پوچتا ىستەرى، جەدەل جەتكىزۋ، جونەلتۋ كاسىپتەرىنىڭ جۇمىستى، ءوندىرىستى قالپىنا كەلتىرۋىن ىلگەرىلەتتى.
«حابارلاندىرۋدا» مىنالار تالاپ ەتىلدى: جەر - جەردىڭ قاتىناس - تاسىمال باسقارۋ تاراۋلارى، پوچتا ىستەرىن باسقارۋ نەگىزگى تاراۋلارى جەرگىلىكتى ورىننىڭ ىندەتتەن ساقتانۋ - تىزگىندەۋ قىزمەتىنىڭ ءىس جۇزىندىگىمەن بىرلەستىرە وتىرىپ، بەلسەندى دە ىرىقتى تۇردە جەرگىلىكتى پارتكوم مەن ۇكىمەتكە نەمەسە ىندەتتەن ساقتانۋ - تىزگىندەۋ باسشىلىق گرۋپپاسىنا مالىمەت بەرىپ، پوچتا ىستەرى جەدەل جەتكىزۋ، جونەلتۋ كاسىبىنىڭ جۇمىستى، ءوندىرىستى تارتىپپەن قالپىنا كەلتىرۋدى الدىمەن ويلاساتىن دارەجەگە قويىپ، پوچتا ىستەرى جەدەل جەتكىزۋ كاسىپورىندارىنىڭ جانە پوچتا جولدامالارىن، جەدەل جونەلتپەلەردى ءبىر جايلى ەتۋ ورىندارىنىڭ، تيجارات ورىندارىنىڭ جۇمىستى، ءوندىرىستى تارتىپپەن قالپىنا كەلتىرۋىن ىلگەرىلەتۋدى جەدەلدەتۋ كەرەك. پوچتا ىستەرى جەدەل جەتكىزۋ كاسىپورىندارى، ءسوزسىز، حاۋىپسىزدىك باسقارۋ - تىزگىندەۋ تۇلعالىق جاۋاپكەرشىلىگىن ارقالاپ، ەڭ قاتاڭ جۇمىس ورنى جاۋاپكەرشىلىك ءتۇزىمىن ورناتىپ، كاسىپورىن جۇمىسشىلارىنىڭ ”قىزمەتكە كەلگەندە، ءسوزسىز، تەكسەرۋ“، ”قىزمەتتەن قايتقاندا، ءسوزسىز، تەكسەرۋ“ سياقتى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، جۇمىستى، ءوندىرىستى قالپىنا كەلتىرۋ كەزىندەگى ىندەتتەن ساقتانۋ - تىزگىندەۋ ءتۇزىمىن شىنايى، مۇقيات يگەرۋ كەرەك.
تاس جول باسقارۋ تاراۋلارى پوچتا ىستەرى جەدەل جەتكىزۋ اۆتوكولىكتەرىنىڭ ىندەتتەن ساقتانۋ - تىزگىندەۋ مەزگىلىندەگى قاتىناۋ اقىسىن كەشىرىم ەتۋ ساياساتىن جاپپاي تياناقتاندىرىپ، كولىكتى توقتاتپاۋدى، تەكسەرمەۋدى، اقى الماۋدى جانە الدىن الا ىركىلىسسىز قاتىناۋدى اتقارۋ كەرەك. پوچتا ىستەرىنەن جالپىلىق قىزمەت وتەيتىن، ەرەكشە قىزمەت وتەيتىن جانە شۇعىل قاجەتتى زاتتىق قۇرال - جابدىقتاردى تاسيتىن اۆتوكولىكتەرگە جەر - جەردىڭ قاتىناس - تاسىمال باسقارۋ تاراۋلارى، پوچتا ىستەرىن باسقارۋ تاراۋلارى قوعام حاۋىپسىزدىگى قاتىناس باسقارۋ، دەنساۋلىق ساقتاۋ، سالاماتتىق سياقتى تاراۋلارمەن بەلسەنە سايكەسىپ، ىندەت جاعدايىن تەكسەرۋ ساپاسىنا شىنايى كەپىلدىك ەتۋ العى شارتىندا، پوچتا ىستەرى جەدەل جەتكىزۋ، جونەلتۋ اۆتوكولىكتەرىنىڭ مەملەكەت دارەجەلى، ولكە دارەجەلى نەگىزگى جەلىلەردە، اۋىل - قىستاق تاس جولدارىندا قالىپتى قاتىناۋىنا كەپىلدىك ەتۋ كەرەك.
جەر - جەردىڭ پوچتا ىستەرىن باسقارۋ تاراۋلارى پوچتاليونداردىڭ، جەدەل جەتكىزۋشىلەردىڭ سالاماتتىلىعىن، قورعانۋىن كۇشەيتۋدى مەڭگەرۋ نەگىزىندە، ىرىقتىلىقپەن جەرگىلىكتى ورىننىڭ ىندەتتەن ساقتانۋ - تىزگىندەۋ قولباسشىلىق شتابىمەن بايلانىس ورناتىپ، قاتىستى تاراۋلاردىڭ پوچتاليونداردىڭ، جەدەل جەتكىزۋشىلەردىڭ شاعىن اۋماق، الەۋمەتتىك اۋماق، قوجالىق سياقتى باسقارۋ اۋماعىنا كىرۋىنە نەمەسە سوڭىنا دەيىن جەتكىزۋگە رۇقسات ەتۋىنە سايكەستىرۋ جۇرگىزۋ كەرەك. زەردەلى جونەلتپە سورە ساندىعىن ورناتقان باسقارۋ اۋماقتارىندا، پوچتاليوندار، جەدەل جەتكىزۋشىلەر كىرىپ - شىققاندارىن تىزىمدەپ ارحيۆكە الدىرۋ، دەنە تەمپەراتۋراسىن ولشەۋ، ماسكى تاعۋ سياقتى قىزمەتتەردى ويداعىداي ىستەگەن سوڭ، سايكەستىرۋگە جاۋاپتى قاتىستى تاراۋلار ولاردىڭ پوچتا جولدامالارىن، جەدەل جونەلتپەلەردى الدىن الا بەلگىلەنگەن جولمەن زەردەلى جونەلتپە سورە ساندىعىنا اپارۋىنا رۇقسات ەتىپ، زەردەلى جونەلتپە سورە ساندىعىنىڭ پايدالانىلۋ سالىستىرماسىن جوعارىلاتۋ كەرەك؛ ءالى زەردەلى جونەلتپە سورە ساندىعىن ورناتپاعان باسقارۋ اۋماعىندا، بەلگىلى ورىندى پوچتا جولدامالاردى، جەدەل جونەلتپەلەردى تاپسىرىپ الۋعا اجىراتىپ، تۇراقتى ورىندا تاپسىرىپ الۋ - جولداۋ، تۇراقتى ورىندا جونەلتۋ، ۋادەلى جونەلتۋ سياقتى تاجىريبە - ادىستەردى جالپىلاستىرىپ، الەۋمەتتىك اۋماقتىڭ پوچتا جولدامالار، جەدەل جونەلتپە پۋنكتى سياقتى الەۋمەتتىك قىزمەت وتەۋ تەكشەسىنىڭ رولىن تولىق ساۋلەلەندىرىپ، ادامداردىڭ تىكەلەي جاناسۋىن ازايتىپ، ىندەتتەن ساقتانۋ، توتەپ بەرۋدى ويداعىداي ىستەۋ كەرەك.
سونىمەن بىرگە، جەر - جەر پوچتا ىستەرى جەدەل جەتكىزۋ كاسىپورىندارىنىڭ سوڭىنا دەيىن جەتكىزەتىن جەدەل جەتكىزۋشىلەر، ءتۇيىندى ىندەت وڭىرلەرگە شۇعىل قاجەت ەتەتىن زاتتىق قۇرال جابدىقتاردى تاسىمالداۋ مىندەتىن ارقالاعان شوفەرلەر، زات باساتىن، زات تۇسىرەتىن جۇمىسشىلار، ت. ب قاتىستى قىزمەتشىلەردى ماسكى، قولعاپ سياقتى قورعانۋ بۇيىمدارىمەن الدىمەن جابدىقتاپ، قىزمەتشىلەردىڭ دەنساۋلىعىنا، حاۋىپسىزدىگىنە شىنايى كەپىلدىك ەتۋ كەرەك.
