تيانشان تورى   ›   جاڭالىقتار   ›   شينجياڭ حابارلارى

496 شارۋا جۇمىسكەر جۇمىس ىستەۋ ءۇشىن ارناۋلى پويەزبەن حوتاننان كۇيتۇنگە اتتاندى

  2 - ايدىڭ 28 - كۇنى حوتاننىڭ شينجياڭ ىشىندە جۇمىسكەر تاسۋعا ارنالعان العاشقى پويەزى قاتىنادى، قاراقاش اۋدانىنىڭ 496 شارۋا جۇمىسكەرى K6752 كەزەكشى پويەزىنا وتىرىپ، قاراقاشتان كۇيتۇنگە جۇمىس ىستەۋگە اتتاندى. سۋرەتتى شۇي شياۋلۇڭ تۇسىرگەن

  شينجياڭ گازەتىنىڭ حوتان تىلشىلەر پۋنكتىنەن جاڭ يۇڭ، ەرىكتى ءتىلشى ابىليكىم 2 - ايدىڭ 28 - كۇنى حوتاننان حابارلايدى. 2 - ايدىڭ 28 - كۇنى ساعات 18دەن 12 مينۋت وتكەندە، حوتاننىڭ شينجياڭ ىشىندە جۇمىسكەر تاسۋعا ارنالعان العاشقى پويەزى − K6752 كەزەكشى پويەزى قاراقاش اۋدانى پويەز ۆوكزالىنان جولعا شىقتى، قاراقاش اۋدانىنىڭ 496 شارۋا جۇمىسكەرى ارناۋلى پويەزبەن كۇيتۇنگە جۇمىس ىستەۋگە اتتاندى.ۇعىسۋىمىزشا، 496 شارۋا جۇمىسكەردىڭ 280ى ارحيۆ تۇرعىزىلىپ، كارتچكالاندىرىلعان كەدەيلەر ەكەن. جۇمىسكەرلەردىڭ ساپار حاۋىپسىزدىگىن قامتاماسىز ەتۋ ءۇشىن، جەرگىلىكتى ۇكىمەت ىندەتتەن ساقتانۋ - تىزگىندەۋ قىزمەتىن ويداعىداي ىستەۋ العى شارتىندا، ءبىر بەكەتتىك جەتكىزۋ ءتاسىلىن قولدانىپ، 496 شارۋا جۇمىسكەردى تىكەلەي ۇيلەرىنىڭ قاقپاسىنان زاۆود قاقپاسىنا دەيىن جەتكىزىپ سالماق، سونداي - اق بۇكىل بارىستا قىزمەت وتەۋدى، قامتاماسىز ەتۋدى ويداعىداي ىستەۋ ءۇشىن ولاردى باستاپ جۇرەتىن 3 كادر ورنالاستىرعان.

  ىندەتتەن ساقتانۋ - تىزگىندەۋ كەزىندە، حوتان ايماعى شينجياڭنىڭ ءىشى - سىرتىنداعى كاسىپورىندارمەن قىزمەتتى بەلسەنە سايكەستىرىپ، ۇشتاستىرىپ، ادامداردى ءبىر تۇتاس ۇيىمداستىرىپ، ءبىر تۇتاس دەنساۋلىق تەكسەرتىپ، ءبىر تۇتاس اۆتوكولىكپەن اپارىپ - اكەلىپ، سىرتقا شىعىپ جۇمىس ىستەيتىن ءاربىر جۇمىسكەرگە ماسكى بەرىپ، ارناۋلى ادام ورنالاستىرىپ دەنە تەمپەراتۋرالارىن اۋىق - اۋىق ولشەپ، جۇمىسكەرلەردىڭ سىرتقا شىعۋىنا تۇيىق، جالپى بارىستىق، تۇيىننەن - تۇيىنگە دەيىن، ءبىر بەكەتتىك قىزمەت وتەۋدى ويداعىداي ىستەۋگە شىنايى كەپىلدىك ەتىپ، ىندەتتەن ساقتانۋ - تىزگىندەۋ مەن باسقا سالاعا ويىستىرىپ جۇمىستاندىرۋدىڭ ەكەۋىن دە مىقتى ۇستادى.

  تۇڭعىش رەت سىرتقا شىعىپ جۇمىس ىستەۋگە بارا جاتقان قاراقاش اۋدانى زاۋا قالاشىعىنىڭ ەگىنشىسى ابدۇسامەت ابدۇمامەت الداعى ىستەيتىن جۇمىسىنان ۇلكەن ءۇمىت كۇتەدى. ”بىلتىر سىرتقا شىعىپ جۇمىس ىستەگەن قىستاق تۇرعىندارىنىڭ ايتۋىنشا، ول جاقتاعى كاسىپورىنداردا جۇمىس ىستەسەڭ ەڭبەكاقىسى جوعارى، تاماق پەن جاتاقحاناسى جاقسى ەكەن، سوندىقتان بيىل قىستاق تىزىمدەلۋگە جۇمىلدىرعان كەزدە مەن بەلسەندىلىكپەن تىزىمدەلدىم. زاۆودقا بارعاننان كەيىن، مەن كوبىرەك تەحنيكا ۇيرەنىپ، كوپ اقشا تاۋىپ، وتباسىمداعىلاردىڭ تۇرمىسىن جاقسارتامىن“، - دەدى ول.

  حوتان ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى الەۋمەتتىك جۇمىستاندىرۋعا قىزمەت وتەۋ مەكەمەسىنىڭ ورىنباسار باستىعى حى گاڭ بىلاي دەدى: ”ءبىز دالمە - دالدىكتى جۇمىس ورنىنا، ادامعا دەيىن تياناقتاندىرۋ تالابى بويىنشا، ۇيىمدىق جولمەن باسقا سالاعا ويىستىرىپ جۇمىستاندىرۋدى كۇش سالا ويداعىداي تياناقتاندىرىپ، 50 مىڭ ادامنىڭ شينجياڭنىڭ ءىشى - سىرتىندا رايون اتتاپ جۇمىستانۋىن، 100 مىڭ ادامنىڭ سول جەردە، جاقىن ماڭدا جۇمىستانۋىن، 150 مىڭ ادامنىڭ ماۋسىمدىق سيپاتتا باسقا سالاعا ويىسىپ جۇمىستانۋىن ۇزدىكسىز بەكەمدەپ، حوتان ايماعىنان سىرتقا شىعىپ جۇمىس ىستەيتىندەر سانىنىڭ ازايماۋىنا، كىرىسىنىڭ ازايماۋىنا شىنايى كەپىلدىك ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىز“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.