تيانشان تورى   ›   جاڭالىقتار   ›   شينجياڭ حابارلارى

رايونىمىزعا قاراستى مەملەكەت مەنشىگىندەگى كاسىپورىنداردىڭ، ورتالىقتىڭ شينجياڭداعى كاسىپورىندارىنىڭ %90ى جۇمىستى قالپىنا كەلتىردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 2 - ايدىڭ 28 - كۇنى ۇرىمجدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، بىرنەشە كۇننەن بەرى، رايونىمىزعا قاراستى مەملەكەت مەنشىگىندەگى كاسىپورىندار، ورتالىقتىڭ شينجياڭداعى كاسىپورىندارى نەگىزگى كۇش رولدارىن تولىق ساۋلەلەندىرىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، تۇتاس جىلداعى نىسانا - مىندەتتەردى كوزدەي وتىرىپ، تۇرگە ءبولىپ، توپقا ءبولىپ، ءوندىرىستى حاۋىپسىز، ءتارتىپتى تۇردە قالپىنا كەلتىرگەن. قازىر بۇكىل رايونىمىزدا رايونىمىزعا قاراستى مەملەكەت مەنشىگىندەگى كاسىپورىنداردىڭ، ورتالىقتىڭ شينجياڭداعى كاسىپورىندارىنىڭ جۇمىستى قالپىنا كەلتىرۋ مولشەرى %90كە جەتكەن.

  بۇكىل رايونداعى مەملەكەت شارۋاشىلىعى مەن حالىق تۇرمىسىنا ساياتىن ەنەرگيا، سۋ - ەلەكتر، مۇناي - گاز، حالىقتىق اۆياتسيا سياقتى سالالار كوكتەم مەرەكەسى دەمالىسىندا جانە ىندەت كەزىندە ۇزدىكسىز ءوندىرىس، تيجارات جۇرگىزدى. شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنىڭ ءارقايسى ءوندىرىس ورىندارىنىڭ ءوندىرىسى نەگىزىنەن قالىپتى ءجۇرىلىپ، حيميا ونەركاسىبى جانە توقىما سياقتى بولەكتەردەگى ءوندىرىس قوندىرعىلارى 24 ساعات توقتاۋسىز جۇمىس ىستەدى، مۇنىڭ ىشىندە حلورلى ءسىلتى بولىگى تولىق كوتەرىمدىلىكپەن جۇمىس ىستەسە، كاربيد بولىگىنىڭ جۇمىس كوتەرىمدىلىگى %93كە، توقىما بولىگىنىڭ جۇمىس كوتەرىمدىلىگى %80كە جەتتى؛ شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگىنىڭ بارلىق ستانسيالارىندا قازىر ەلەكتر ءوندىرىسى قالىپتى جۇرگىزىلۋدە، فۋكاڭ ونەركاسىپ باقشا رايونى جانار گاز قۇبىر جەلىسىنىڭ جۇمىسى قالىپتى تيجارات جۇرگىزۋدە؛ شينجياڭ استىق - ماي توبى شەكتى جاۋاپكەرشىلىگى سەرىكتەستىگىنە قاراستى شينجياڭ 1 - تامىز ۇن شەكتى سەرىكتەستىگىنىڭ ءوندىرىس كوتەرىمدىلىگى %93كە جەتتى.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشىسى حۋ ياننىڭ تانىستىرۋىنشا، كاسىپورىنداردىڭ جۇمىستى، ءوندىرىستى قالپىنا كەلتىرۋىن پارمەندى، ءتارتىپتى، ءونىمدى ىلگەرىلەتۋ ءۇشىن، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى «كاسىپورىنداردىڭ ىندەتتەن ساقتانۋ - تىزگىندەۋىن جانە جۇمىستى، ءوندىرىستى قالپىنا كەلتىرۋىن باقىلاپ - باسقارۋدى ءبىر تۇتاس جوسپارلاپ مىقتى ۇستاۋ جونىندەگى حابارلاندىرۋدى» جەدەل اقىلداسىپ جاساپ، كاسىپورىنداردىڭ ىندەتتەن ساقتانۋ - تىزگىندەۋدى ويداعىداي ىستەۋىن جانە جۇمىستى، ءوندىرىستى قالپىنا كەلتىرۋىن باقىلاۋ - باسقارۋ جونىندە 22 تارماقتى تالاپ جانە قولداۋ شارالارىن ورتاعا قويدى؛ ورتالىقتىڭ شينجياڭداعى كاسىپورىندارى مەن رايونعا قاراستى مەملەكەت مەنشىگىندەگى كاسىپورىنداردىڭ شينجياڭنان سىرت جەرلەردەگى جۇمىسشى - قىزمەتشىلەردىڭ شينجياڭعا قايتىپ جۇمىستى، ءوندىرىستى قالپىنا كەلتىرۋىنىڭ جالپى تۇلعالىق جوباسىن جاسادى؛ ورتالىقتىڭ شينجياڭداعى كاسىپورىندارىنىڭ، رايونعا قاراستى مەملەكەت مەنشىگىندەگى كاسىپورىنداردىڭ قاراستى جەرىمەن ۇشتاسۋىنا، بايلانىس جاساۋىنا جەتەكشىلىك ەتىپ، شينجياڭنان سىرت جەرلەردەگى جۇمىسشى - قىزمەتشىلەردىڭ شينجياڭعا قايتىپ جۇمىستى، ءوندىرىستى قالپىنا كەلتىرۋ جوباسىن جەكە - جەكە جاساپ، جوعارىعا جولداپ، كاسىپورىن جۇمىسشى - قىزمەتشىلەرىنىڭ توپقا بولىنە وتىرىپ حاۋىپسىز، ءتارتىپتى تۇردە شينجياڭداعى جۇمىس ورىندارىنا قايتۋىن جەدەل ىلگەرىلەتتى.

  ”ادام − كاسىپورىنداردىڭ جۇمىستى، ءوندىرىستى قالپىنا كەلتىرۋىندەگى شەشۋشى فاكتور. ىندەتتەن ساقتانۋ قىزمەتىن ويداعىداي ىستەۋگە شىنايى كەپىلدىك ەتۋ العى شارتىندا، ءبىز قۋزاۋ - تەكسەرۋدى، جەتەكشىلىك ەتۋدى شىنايى كۇشەيتىپ، قاتىستى كاسىپورىنداردان ىندەتتەن ساقتانۋ قىزمەتىنىڭ تۇلعالىق جاۋاپكەرشىلىگىن مۇقيات تياناقتاندىرۋدى، ءوز كاسىپورىن جۇمىسشى - قىزمەتشىلەرىنىڭ شينجياڭعا قايتىپ جۇمىستى، ءوندىرىستى قالپىنا كەلتىرۋ جوباسىن ءبىر - بىردەن جاساۋدى تالاپ ەتىپ، الدىن الا جوسپارلاۋدى، الدىن الا دايىندىق جاساۋدى، ەگجەي - تەگجەيلى ورنالاستىرۋدى، ۇستامدىلىقپەن اتقارۋدى ورىندادىق“. حۋ ياننىڭ تانىستىرۋىنشا، شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى، شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى، مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى، شينشيڭ قۇيما قۇبىر شينجياڭ جارنا مەڭگەرۋ توبى شەكتى سەرىكتەستىگى سياقتى 4 كاسىپورىن شينجياڭنان سىرت جەردەگى قىزمەتكەرلەردەن 1 - توپتا 617 ادامنىڭ شينجياڭعا قايتۋ قىزمەتىن جۋىق كۇندەردە باستاماقشى ەكەن.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ءتۇيىندى نىساندار قۇرىلىسىن كۇش سالا مىقتى يگەرىپ، نىسانداردىڭ قۇرىلىس باستاۋىنداعى جانە قۇرىلىس جۇرگىزۋ بارىسىنداعى قيىنشىلىقتارىن بەلسەنە سايكەستىرىپ شەشىپ، كاسىپورىنداردى ءتۇيىندى نىسانداردىڭ قۇرىلىس باستاۋدان بۇرىنعى دايىندىق قىزمەتتەرىن ويداعىداي ىستەۋگە قۋزادى. شينجياڭ اۋەجاي (توبى) شەكتى جاۋاپكەرشىلىك سەرىكتەستىگىنىڭ قۇلجا، اقسۋ، قاشقار اۋەجايلارىن وزگەرتۋ - كەڭەيتۋ قۇرىلىسى ينجەنەرياسى، كەريادا، موڭعۇلكۇرەدە، تاشقورعاندا جاڭا اۋەجاي سالۋ ينجەنەرياسى العاشقى جوسپار بويىنشا 3 - ايدا قۇرىلىس باستايدى؛ شينجياڭ ەنەرگيا (توبى) شەكتى جاۋاپكەرشىلىك سەرىكتەستىگى شىتوۋمەي 1 - ءنومىر اشىق كومىر كەنى نىسانى جوسپار بويىنشا 3 - ايدىڭ سوڭىندا جۇمىس باستايدى؛ شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنە قاراستى شينجياڭ كورلا جۇڭتاي مۇناي حيميا شەكتى جاۋاپكەرشىلىك سەرىكتەستىگىنىڭ جىلىنا ءبىر ميلليون 200 مىڭ توننا PTA سايكەستى قوسالقى قۇرىلعى ءوندىرۋ ينجەنەرياسى نىسانى جوسپار بويىنشا 3 - ايدا جۇمىستى قالپىنا كەلتىرىپ، قۇرىلىس جۇرگىزۋدى قالىپىنا كەلتىرەدى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى