شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 2 - ايدىڭ 29 - كۇنى ۇرىمجىدەن حابارلايدى. 2 - ايدىڭ 29 - كۇنى اۆتونوميالى رايوندىق بازار باقىلاۋ - باسقارۋ مەكەمەسىنىڭ ”باقىلاۋ - باسقارۋدى كۇشەيتۋ، قىزمەت وتەۋدى ساپالىلاندىرۋ، قيىن ماسەلەلەردى شەشۋ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە دالمە - ءدال دەم بەرۋ“ ارناۋلى قيمىلى باستالدى، قىزمەت وتەۋ اترەتىن ۋاكىلدىك سيپاتى بار ءبىر توپ كاسىپورىندارعا تۇيىندە تۇرىپ كومەكتەسۋگە جىبەرىپ، كاسىپورىندارعا تيىمدىلىك جەتكىزۋ ساياساتتارىن تياناقتاندىرىپ، كاسىپورىنداردىڭ جۇمىستى، ءوندىرىستى قالپىنا كەلتىرۋ، ءوندىرىس - تيجارات بارىسىندا جولىققان ناقتى قيىنشىلىقتارى مەن ماسەلەلەرىن شەشۋىنە كومەكتەستى. قازىر 17 ادامدىق قىزمەت وتەۋ اترەتىن جەكە - جەكە 14 كاسىپورىنعا ورنالاستىردى.
تانىستىرۋعا قاراعاندا، اۆتونوميالى رايوندىق بازار باقىلاۋ - باسقارۋ مەكەمەسى بازاردى باقىلاۋ - باسقارۋ فۋنكتسياسىن تياناق ەتىپ، ىندەتتەن ساقتانۋ مەن قىزمەت ەكەۋىن دە يگەرۋگە، ەكەۋىن دە اقساتپاۋعا تاباندى بولىپ، 16 ءتۇرلى شارا شىعارىپ، بازار ناقتى تۇلعالارىنىڭ جۇمىستى، ءوندىرىستى قالپىنا كەلتىرۋىن بار كۇشپەن قولدادى جانە قىزمەت وتەدى. ىندەتتەن ساقتانۋ ونىمدەرىنە قاتىستى ءوندىرۋ كاسىپورىندارىنىڭ جۇمىستى قالپىنا كەلتىرىپ، ءوندىرىس ءتۇرىن جاڭالاۋىنا بار كۇشپەن كومەكتەسىپ، ىندەتتەن ساقتانۋ - تىزگىندەۋگە ساياتىن ەمدەۋ بۇيىمدارى مەن بۇقارانىڭ تۇرمىستىق زاتتىق ماتەريالدارىن قامدايتىن ءتۇيىندى كاسىپورىندارعا جالپى بارىستىق سەنىمدى جەتەكشىلىك قىزمەت وتەۋىن ازىرلەدى؛ اكىمشىلىك بەكىتۋ ءتارتىبىن ۇزدىكسىز ساپالىلاندىرىپ، اكىمشىلىك بەكىتۋ ونىمدىلىگىن جوعارىلاتىپ، ءتۇرلى بازار ناقتى تۇلعالارى ءۇشىن ”جەلىدە تۇتاس ءبىتىرۋ، ۋادەلەسىپ جىلدام ءبىتىرۋ“ تىزىمگە الىپ تىركەۋ قىزمەت وتەۋىن ازىرلەدى؛ ەمدەۋگە پايدالانىلاتىن ماسكى سياقتى ىندەتتەن ساقتانۋ زاتتىق ماتەريالدارىنىڭ بازاردا جەتكىلىكسىزدىگى ماسەلەسىنە مەڭزەس، جىلدام قىزمەت وتەۋ ارناسىن تەز اشىپ، ءدارى وندىرەتىن كاسىپورىنداردىڭ جۇمىستى، ءوندىرىستى ولشەمگە ۇيلەسىمدى، ءتارتىپتى قالپىنا كەلتىرۋىنە كومەكتەسىپ، جەر - جەردەگى ءوندىرۋ قابىلەتى بار، ءوندىرۋ شارت - جاعدايى بار، ءوندىرىس ويى بار كاسىپورىنداردىڭ ىندەتتەن ساقتانۋ زاتتىق ماتەريالدارىن وندىرۋىنە نەمەسە ءوندىرىس ءتۇرىن جاڭالاۋىنا بار كۇشپەن كومەكتەستى. ىندەت تۋىلعاننان بەرى، تەكسەرىپ بەكىتۋ جاسىل ارناسى ارقىلى ەمدەۋگە پايدالانىلاتىن ماسكى، قورعانۋ كيىمى، بەت قورعاۋىش سياقتىلاردى ءوندىرۋ تولىمدىلىعىنا يە بولعان كاسىپورىندار 27گە جەتتى؛ رايونىمىزداعى ءتۇرلى بازار ناقتى تۇلعالارىنان تىزىمگە الدىرۋدى جاڭادان بىتىرگەندەر 776، وزگەرتكەندەر 428، تىزىمنەن شىعارتقاندار 218، اتىن دەربەس مالىمدەگەندەر 1268 ورىن بولىپ، ”جەلىدە ءبىتىرۋ“ بارلىق تىزىمگە الدىرۋ جۇمىسىنىڭ ％94.6ىن يەلەدى.
اۆتونوميالى رايوندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى مامەتجان ابىلا بىلاي دەدى: ”قازىر كوكتەمگى ەگىس كەزى، ءبىز اۋىل شارۋاشىلىق بۇيىمدارىن ءوندىرۋ كاسىپورىندارىنىڭ رۇقسات كۋالىگىن ءبىتىرۋ ءتارتىبىن ىقشامداپ، ۋاقىتىن بۇرىنعى 10 كۇننەن 2 كۇنگە قىسقارتتىق. سونىمەن بىرگە، ەلەكتر جەلىسى، ەلەكتر كابەلى سياقتى ينجەنەريالىق نىساندارى بويىنشا جۇمىس باستاعان ءونىم ءوندىرۋ كاسىپورىندارىنىڭ جۇمىستى، ءوندىرىستى قالپىنا كەلتىرۋىن بار كۇشپەن دەمەدىك“.
