شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 2 - ايدىڭ 29 - كۇنى ۇرىمجىدەن حابارلايدى. 2 - ايدىڭ 28 - كۇنى مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى قىزمەتكە جەتەكشىلىك گرۋپپاسى اۆتونوميالى رايونعا پىكىر اڭىس ەتتى. جەتەكشىلىك گرۋپپاسىنىڭ باستىعى ۋاڭ شۋەتاۋ ماجىلىسكە قاتىناستى ءارى جەتەكشى پىكىردى اڭىس ەتتى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ءماجىلىستى باسقاردى ءارى پوزيتسيا ءبىلدىرىپ ءسوز سويلەدى.
ۋاڭ شۋەتاۋ شينجياڭنىڭ ىندەتتەن ساقتانۋ - تىزگىندەۋ قىزمەتىن تولىق تۇراقتاندىردى. ول بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، اۆتونوميالى رايوندىق پارتكوم باس شۋجي شي جينپيڭنىڭ ماڭىزدى ءسوزىنىڭ، نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭنىڭ ءىس جۇزىندىك جاعدايىمەن ۇشتاستىرا وتىرىپ، ىندەتتەن ساقتانۋ - تىزگىندەۋدىڭ ۇتىمدى شارالارىن العا قويدى، بيڭتۋان مەن جەرگىلىكتى ورىن، كاسىپورىن مەن جەرگىلىكتى ورىن ءبىر تۇلعا بولىپ، پارتيا، ۇكىمەت، ارميا، ساقشى، بيڭتۋان، حالىق سەلبەسە بىرلەسىپ قيمىلداپ، بىرلەسىپ ساقتانىپ، بىرلەسىپ تىزگىندەپ، بۇقارالىق ساقتانۋ، بۇقارالىق جونگە سالۋ ورىستەتىپ، ايتارلىقتاي توتەپ بەرۋ قابىلەتى، ۇيىمداستىرىپ اتتانىسقا كەلتىرۋ قابىلەتى، دايەكتى اتقارۋ قابىلەتى ارقىلى ءتۇرلى شارالاردىڭ ەگجەي - تەگجەيلى، ناقتى تياناقتانۋىن ىلگەرىلەتتى، شينجياڭدا ىندەت العاشقى قادامدا تىزگىندەلىپ، ىندەتتەن ساقتانۋ - تىزگىندەۋ قىزمەتىندە كورنەكتى كەزەڭدىك ناتيجە كورىلدى.
ۋاڭ شۋەتاۋ كەلەسى قادامداعى شينجياڭنىڭ ىندەتتەن ساقتانۋ - تىزگىندەۋ قىزمەتىنە ۇسىنىستار قويدى. ول بىلاي دەدى: ءسوز جوق، سەرگەك بولىپ، تيتتەي دە سالعىرتتانباي، بوساڭسىماي ءارى جۇمىستى، ءوندىرىستى قالپىنا كەلتىرۋدىڭ ءتارتىپتى ىلگەرىلەتىلۋىن قامتاماسىز ەتىپ، ەكونوميكالىق، قوعامدىق دامۋدى ءبىر تۇتاس جوسپارلاۋ، ءارى ىندەتتىڭ قايتا ورشۋىنەن ساقتانۋ كەرەك. قاراستى جەرلەردى باسقارۋ پرينسيبى بويىنشا، قاتىستى تاراۋلاردىڭ تۇلعالىق جاۋاپكەرشىلىگىن نىعايتىپ، مەملەكەتتىك كەڭەستىڭ قاتىستى ساقتانۋ - تىزگىندەۋ جوباسىن نەمەسە تەحنيكالىق باعدارناماسىن ويداعىداي تياناقتاندىرۋ كەرەك. شينجياڭعا كەلگەن، شينجياڭعا قايتقان ادامداردى سارالاپ تەكسەرۋ جانە دەنساۋلىقتارىن باقىلاۋ - ولشەۋ جۇمىسىن ۇزدىكسىز جاقسى ىستەپ، كۇندەلىكتى باقىلاۋ - ولشەۋدى كۇشەيتىپ، الدىن الا تەكسەرىپ، ءبولىپ دياگنوز قويۋ، قىزۋ امبولاتورياسى جانە العاشقى دياگنوز قويعان شيپاگەردىڭ جاۋاپكەرشىلىگى ءتۇزىمىن كۇشەيتىپ، ءاربىر ساقتانۋ - تىزگىندەۋ شاراسىن ەگجەي - تەگجەيلى ناقتىلاپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ كەرەك.
لي پىڭشين مىنالاردى ءبىلدىردى: جەتەكشىلىك گرۋپپاسىنىڭ شينجياڭ مەن بيڭتۋاننىڭ ىندەتتەن ساقتانۋ - تىزگىندەۋ قىزمەتىن زور كۇشپەن قولداعانىنا جانە كوڭىل ءبولىپ كومەكتەسكەنىنە شىن جۇرەكتەن العىس ايتتى. ءبىز جەتەكشىلىك گرۋپپاسى اڭىس ەتكەن پىكىرلەر بويىنشا رەتتەۋ - تۇزەتۋدى، تياناقتاندىرۋدى مۇقيات ويداعىداي يگەرىپ، ساياسي دەڭگەيدى جوعارىلاتىپ، يدەيا مەن ارەكەتتى پارتيا ورتالىق كوميتەتىنىڭ، مەملەكەتتىك كەڭەستىڭ ىندەتتەن ساقتانۋ - تىزگىندەۋ جونىندەگى شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ءتوزىمدى بولىپ، ۇزدىكسىز شايقاس جاسايمىز. جاعداي مەن مىندەتتەردى عىلمي يگەرىپ، بوساڭسۋ، سالعىرتسۋ يدەياسىن، سۋىنۋ، جالىعۋ پيعىلىن باتىل جەڭىپ، تۇبەگەيلى جەڭىسكە جەتپەيىنشە استە شەپتەن شەگىنبەۋىمىز كەرەك. ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي يگەرىپ، وڭىرلەرگە، دارەجەگە ءبولىپ دالمە - ءدال ساقتانىپ تىزگىندەپ، شارالاردى ەگجەي - تەگجەيلى، ناقتى تياناقتاندىرىپ، سىرتتان كىرۋدەن، ىشتە تارالۋدان ساقتانۋ كەرەك. كاسىپورىنداردىڭ جۇمىستى، ءوندىرىستى قالپىنا كەلتىرۋىن ورنىقتى، ءتارتىپتى ىلگەرىلەتىپ، ساقتانۋ - تىزگىندەۋ باعدارناماسىن قاتاڭ تياناقتاندىرىپ، قىزمەتكەرلەردى شينجياڭعا قايتۋعا تارتىپپەن ۇيىمداستىرىپ، ساياساتتىق سۇيەمەلدەۋدى كۇشەيتىپ، قيىنشىلىقتاردى دەر كەزىندە شەشىپ، ىندەتتىڭ ىقپالىن ەڭ تومەنگى شەككە تۇسىرۋگە قۇلشىنۋ كەرەك. كەدەيلىكتەن ارىلتۋدان قامال الۋ قىزمەتىن بار كۇشپەن جاقسى ىستەپ، نىسانالار مەن مىندەتتەردى باتىل تۇردە ۋاعىندا ورىنداۋ كەرەك. ەگىس ۋاقىتىن وتكىزىپ جىبەرمەي، كوكتەمگى ەگىس دايىندىعى قىزمەتىن مۇقيات ويداعىداي يگەرۋ كەرەك. حالىق تۇرمىسىن شىن مانىندە قامتاماسىز ەتىپ جانە جاقسارتىپ، تۇرمىستىق قاجەتتى بۇيىمدارمەن قامداۋ، قيىنشىلىعى بار بۇقارانى قۇتقارۋ جانە وعان كومەكتەسۋ، بۇقارانىڭ نەگىزگى ەمدەلۋى سياقتى قىزمەتتەردى ىشكەرىلەي ىلگەرىلەتۋ كەرەك. ەمدەۋ قىزمەتكەرلەرىنە كوڭىل ءبولۋ، قامقورلىق جاساۋ ساياسات - شارالارىن مۇقيات تياناقتاندىرىپ، ەمدەۋ قىزمەتكەرلەرىنىڭ ۇقىق - مۇددەسىن قامتاماسىز ەتۋ كەرەك. ورگاندارداعى، ءىسورىندارىنداعى كادرلار مەن جۇمىسشى - قىزمەتكەرلەردى شينجياڭعا قايتۋعا ءتارتىپتى ۇيىمداستىرۋ كەرەك. ساقتانۋ - تىزگىندەۋ كەزىندە مەكتەپتەردىڭ قىزمەتىن جاقسى ىستەپ، توراپتا وقىتۋدى عىلمي، ءتارتىپتى ورنالاستىرۋ كەرەك. ۇگىتتەۋدى، تاربيەلەۋدى، جەتەكتەۋدى ىشكەرىلەي جاقسى ىستەپ، سەنىمدى اناعۇرلىم كۇشەيتۋ، جۇرت جۇرەگىن جادىراتۋ، حالىق تىلەگىن ۇيىستىرۋ كەرەك. پارتيانىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە باسشىلىعىن كۇشەيتىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن قاتارلى اۆتونوميالى رايون باسشىلارى، مەملەكەتتىك كەڭەستىڭ 30 - قىزمەت جەتەكشىلىك گرۋپپاسىنىڭ ماماندارى، مۇشەلەرى مالىمەت بەرۋ جينالىسىنا قاتىناستى.
