شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، چاۋ جين 2 - ايدىڭ 29 - كۇنى ۇرىمجىدەن حابارلايدى. جۋىقتا اۆتونوميالى رايون ءبىر قىدىرۋ شارا شىعارىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن دەمەپ، بۇكىل رايوننىڭ جۇمىستاندىرۋ كەلەلى جاعدايىن ورنىقتىردى. 2 - ايدىڭ سوڭىنا دەيىن، بۇكىل رايوندا اۋىل - قىستاقتارداعى ارتىق ەڭبەككۇشتەردەن قالاعا قايتىپ جۇمىستى قالپىنا كەلتىرگەن ادام 60 مىڭنان اسقان، مۇنىڭ ىشىندە شينجياڭ ىشىندەگىلەر 58 مىڭ 500 ادام بولدى.
اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ − رايونىمىزدىڭ جۇمىستاندىرۋ قىزمەتىندەگى ماڭىزدىنىڭ ماڭىزدىسى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ جاۋاپتى ادامىنىڭ تانىستىرۋىنا قاراعاندا، ىندەتتەن ساقتانۋ - تىزگىندەۋ كەزىندە، رايونىمىز وڭتۇستىك شينجياڭداعى 4 ايماق - وبلىستى ءتۇيىن ەتىپ، ارناۋلى ادام ورنالاستىرىپ ىرىقتىلىقپەن ۇشتاستىرىپ، كاسىپورىنداردىڭ قىزمەتكەر قابىلداۋ قاجەتىن يگەرىپ، سىرتقا شىعارۋدا ۇيىم بولۋ، سالاماتتىقتا تەكسەرۋ بولۋ، جەتكەندە تاپسىرىپ بەرۋ، تاپسىرىپ الۋ، تاسۋدا قورعانۋ بولۋ، بۇكىل بارىستا قاداعالاۋ تالابى بويىنشا، ”تۇيىننەن تۇيىنگە دەيىن“ كولىك جالداۋ، ”ءبىر بەكەتتىك“ تىكەلەي جەتكىزۋ قىزمەت وتەۋى ارقىلى اۋىل - قىستاقتارداعى ارتىق ەڭبەككۇشتەردى حاۋىپسىز، ءتارتىپتى تۇردە جۇمىس ورنىنا اپارىپ جۇمىستى قالپىنا كەلتىرۋگە ۇيىمداستىرادى ەكەن.
رايونىمىز وڭتۇستىك شينجياڭنىڭ 4 ايماق - وبلىسىنداعى توقىماشىلىق، كيىم - كەشەك سياقتى ەڭبەك شوعىرلانعان كاسىپورىنداردى بەلسەندى تۇردە قابىلداپ جۇمىستاندىرۋعا باۋرايدى. كاسىپورىنداردىڭ شينجياڭ نوپوسىنداعى ەڭبەككۇشتەردى جاڭادان قابىلداپ، قىزمەتكە شىعۋدان بۇرىن باۋلۋ ورىستەتكەندەرىنە ءار ادامعا 2400 يۋان قىزمەتكە شىعۋدان بۇرىنعى باۋلۋ قوسىمشا قاراجاتى بەرىلەدى؛ توقىماشىلىق، كيىم - كەشەك كاسىپورىندارىنىڭ شينجياڭ نوپوسىنداعى ادامداردى جۇمىستاندىرعاندارىنا ءار ادامعا 5000 يۋاندىق ولشەم بويىنشا، ءبىر جىلدا ماۋسىمعا ءبولىپ جاڭادان ارتتىرىلعان جۇمىستاندىرۋ قوسىمشا قاراجاتى بەرىلەدى؛ وڭتۇستىك شينجياڭنىڭ 4 ايماق - وبلىسىنداعى كيىم - كەشەك، ءۇي توقىماشىلىعى، ءبىز توقىماشىلىعى سياقتى تەرمينالدىق كاسىپ سالالارىنىڭ ءوندىرىس كاسىپورىندارى ءار 50 قىزمەتكەرگە ءبىر سان سالىستىرماسى بويىنشا دارىندىلاردى ەنگىزۋ قوسىمشا قاراجاتىنان يگىلىكتەنەدى، قوسىمشا قاراجات ولشەمى ءار ادامعا جىل سايىن 50 مىڭ يۋان، قوسىمشا قاراجات شەگى 3 جىل بولادى.
ىندەتتەن ساقتانۋ - تىزگىندەۋ كەزىندە، رايونىمىز كاسىپورىندارعا كومەك بەرىپ، جۇمىس ورنىن ورنىقتىرۋ سەرپىنىن ارتتىرىپ، ورتا، شاعىن، ۇساق كاسىپورىنداردىڭ قىزمەتكەر قىسقارتۋ سالىستىرماسىن ％5.5تەن اسىرماعاندارىنا، قىزمەتكەر سانى 30 (قامتيدى)دان از قامسىزداندىرۋعا قاتىناسقان كاسىپورىنداردىڭ قىزمەتكەر قىسقارتۋ سالىستىرماسىن قامسىزداندىرۋعا قاتىناسقان قىزمەتشى - جۇمىسشىلار جالپى سانىنىڭ ％20ىنەن اسىرماعاندارىنا جۇمىس ورنىن ورنىقتىرۋ قوسىمشا قاراجاتى تاراتىلادى، قوسىمشا قاراجات ولشەمى الدىڭعى جىلداعى ناقتى تاپسىرعان جۇمىسسىزدىق قامسىزداندىرۋ قاراجاتىنىڭ ％50ى بويىنشا قايتارىلادى، وڭتۇستىك شينجياڭداعى 4 ايماق - وبلىستا ％60 بويىنشا قايتارىلادى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2 - ايدىڭ سوڭىنا دەيىن، بۇكىل رايونىمىز 1734 كاسىپورىنعا 57 ميلليون 503 مىڭ 800 يۋان جۇمىس ورنىن ورنىقتىرۋ قاراجاتىن تاراتتى.
ءتۇيىندى كاسىپورىنداردىڭ جۇمىستى، ءوندىرىستى تەزىرەك قالپىنا كەلتىرۋىن قامتاماسىز ەتۋ ءۇشىن، رايونىمىز ءبىر جاعىنان، ينتەرنەتتە قىزمەتكەر قابىلداپ، ءتۇيىندى كاسىپورىنداردىڭ قىزمەتكەر قابىلداۋ ينفورماتسيالارىن الدىمەن جاريالادى؛ ەندى ءبىر جاعىنان، ءتۇيىندى كاسىپورىنداردىڭ قىزمەتكەر قابىلداۋىن ورنالاستىرۋىن 24 ساعات قامتاماسىز ەتۋ مەحانيزمىن ورناتىپ، ادام كۇشى بايلىعى جانە قوعامدىق قامتاماسىزداندىرۋ ارناۋلى قىزمەتكەرىن ورنالاستىرىپ، كوپ ءتۇرلى ءتاسىل ارقىلى جاعداي ۇعىسىپ تەكسەرۋ ورىستەتىپ، كاسىپورىنداردىڭ وندىرىسكە قىزمەتكەر قابىلداۋ قاجەتىن دەر كەزىندە ۇعىستى، 2 - ايدىڭ سوڭىنا دەيىن، جيىنى 86 ءتۇيىندى كاسىپورىننىڭ شۇعىل قاجەتتى 4338 قىزمەتكەر قابىلداۋىنا كومەكتەستى.
جۋىقتا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تاعى كاسىپورىننىڭ قوعامدىق قامسىزداندىرۋ قاراجاتىن كەزەڭ بويىنشا ازايتۋ، كەشىرىم ەتۋ، كەشىكتىرىپ تاپسىرۋ ساياساتىن ءجيى شىعارىپ، شارۋاشىلىق قۇرۋعا كەپىلدىكپەن قارىز بەرۋ ساياساتىنىڭ اتقارىلۋ تەبىنىن ارتتىرىپ، ءتۇرلى شارالاردى بىرگە قولدانىپ، كاسىپورىنداردىڭ اۋىرتپالىعىن جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى جەبەۋىنە كومەكتەستى.
