شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 2 - ايدىڭ 29 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، 2 - ايدىڭ 28 - كۇنى قاشقار ايماعى ”كومىردى ەلەكترگە وزگەرتۋ“ ينجەنەرياسىنىڭ پوسكام اۋدانى، قاعىلىق اۋدانى بولىگىندەگى نىسان جۇمىس باستاعان، قۇرىلىس بىتكەن سوڭ قاشقار ايماعىنداعى 637 قىستاقتاعى 163 مىڭ 500 وتباسىنداعى تۇرعىنعا تيىمدىلىك جەتكىزەدى ەكەن.
قاشقار ايماعى ”كومىردى ەلەكترگە وزگەرتۋ“ ينجەنەرياسى − وڭتۇستىك شينجياڭداعى 4 ايماق - وبلىستاعى ”كومىردى ەلەكترگە وزگەرتۋ“ سايكەستى ەلەكتر تورى قۇرىلىسىنىڭ ماڭىزدى قۇرامداس بولىگى، وتباسى سانى مولشەرىمەن تۇتاس شينجياڭنىڭ 2020 - جىلعى ”كومىردى ەلەكترگە وزگەرتۋ“ ينجەنەرياسىنىڭ ％57ىن ۇستايدى. بيىل قاشقار ايماعى ”كومىردى ەلەكترگە وزگەرتۋ“ سياقتى اۋىل - قىستاقتارعا ەلەكتر جەتكىزۋ ينجەنەرياسىنان جالپى 2566سىن اتقارادى، جالپى قوسىلعان قارجى ءبىر ميلليارد 381 ميلليون يۋان، جوعارى - تومەن كەرنەۋلى ەلەكتر جەلىسىنەن 3623 كيلومەترىن جاڭادان سالىپ، وزگەرتىپ، 2045 ەلەكتر ۇلەستىرۋ كەرنەۋ وزگەرتكىشىن جاڭالايدى.
مەملەكەت ەلەكتر تورى شينجياڭ ەلەكتر شەكتى سەرىكتەستىگى قاشقار ەلەكترمەن قامداۋ سەرىكتەستىگى جۇمىستى قالپىنا كەلتىرۋ جوباسىن ەگجەي - تەگجەيلى جاساپ، قاتاڭ قىزمەت ورنى جاۋاپكەرشىلىگى ءتۇزىمىن ورناتىپ، ”ىندەتتەن ساقتانۋ، قورعانۋ تور كوزى“ باسقارۋ ءتۇزىمىن ورناتىپ، ارناۋلى ادام ورنالاستىرىپ ىندەت جاعدايىن باقىلاۋ - تەكسەرۋ، اداقتاپ تەكسەرۋ، ساقتاندىرۋ، ساقتانۋ - تىزگىندەۋ سياقتى قىزمەتتەردى ويداعىداي ىستەپ، ءار كۇنى الاڭعا كىرىپ جۇمىس ىستەيتىندەردىڭ دەنە تەمپەراتۋراسىن ولشەۋ، سالاماتتىعىن تىزىمدەۋ سياقتى جۇمىستاردى ىستەپ، بەلگىلى ۋاقىتتا قىزمەت اۋماعىن، تۇرمىس اۋماعىن، قۇرىلىس جۇرگىزۋ اۋماعىن زارارسىزداندىردى، تاعى ءبىر اپتا بۇرىن قۇرىلىس جۇرگىزەتىن جۇمىسشىلارعا ينتەرنەتتە حاۋىپسىزدىك تاربيەسى كۋرسىن الىپ بارىپ، جەرگىلىكتى جۇمىسشىلاردى قىزمەتتى ورىستەتۋگە ۇيىمداستىرىپ، ”كومىردى ەلەكترگە وزگەرتۋ“ ينجەنەرياسىن باستاۋدى ءتارتىپتى ىلگەرىلەتتى.
اۆتونوميالى رايوننىڭ بيىل اتقارعان ءتۇيىندى حالىق تۇرمىسى ينجەنەرياسى رەتىندە، قۇرىلىس بىتكەن سوڭ قاشقار ايماعىنىڭ قىس مەزگىلىندە كومىرمەن قامداۋ قيىنعا ءتۇسۋ جاعدايىن ءونىمدى تۇردە باسەڭدەتىپ، جەرگىلىكتى تۇرعىنداردىڭ قىس مەزگىلىندە جىلۋمەن قامداۋ قيىن بولۋ ماسەلەسىن شەشىپ، اناعۇرلىم كوپ بۇقارانى ەلەكترلەنگەن، گازدەندىرىلگەن شينجياڭنىڭ جەمىسىنەن يگىلىكتەندىرەدى.
2019 - جىلى قاشقار ايماعى ”ءۇش ايماق، ەكى وبلىس“ شارۋالار ەلەكتر تورى ينجەنەرياسى مەن ”كومىردى ەلەكترگە وزگەرتۋ“ ينجەنەرياسىنان 99 نىساندى اتقارىپ، 190 مىڭ وتباسىندا كومىردى ەلەكترگە وزگەرتۋدى ورىندادى.
