تيانشان تورى   ›   جاڭالىقتار   ›   شينجياڭ حابارلارى

حوتانداعى 160 شارۋا جۇمىسكەر جالداما ۇشاقپەن چۋانجوۋداعى جۇمىس ورىندارىنا قايتىپ جۇمىس ىستەدى  

  ٴتىلشى ما ينيڭ حابارلايدى. 2 ـ ايدىڭ 29 ـ كۇنى ساعات 10نان 50 مينۋت وتكەندە حوتان ايماعىنداعى 160 شارۋا جۇمىسكەر ٴۇرىمجى اۆياتسيا شەكتى جاۋاپكەرشىلىك سەرىكتەستىگىنىڭ جالداما ۇشاعىنا وتىرىپ، فۋجيان ولكەسى چۋانجوۋ قالاسىنا بارىپ جۇمىس ىستەۋگە جول الدى.

  2 ـ ايدىڭ 27 ـ كۇنى، حوتان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ٴۇرىمجى اۆياتسيا شەكتى جاۋاپكەرشىلىك سەرىكتەستىگىمەن بايلانىس جاساپ، 2 ـ ايدىڭ 29 ـ كۇنى حوتاننان چۋانجوۋعا ۇشۋعا تاعى ٴبىر جالداما ۇشاقتى ىسكە قوسۋ جونىندە سويلەستى. ۇشاقتى جالداماعا الۋ ٴوتىنىشىن تاپسىرىپ العاننان كەيىن، ٴۇرىمجى اۆياتسيا شەكتى جاۋاپكەرشىلىك سەرىكتەستىگى تاسىمال قۋاتىن سايكەستىرۋ، قىزمەت وتەۋ ٴتارتىبىن تۇراقتاندىرۋ، جولاۋشىلار بولمەسى زاتتىق ماتەريالدارىمەن قامداۋ سياقتى قىزمەتتەردى جەدەل ورىستەتىپ، جۇمىس ورنىنا قايتاتىنداردى تاسىمالدايتىن كەزەكشى جالداما ۇشاعىنىڭ ىركىلىسسىز قاتىناۋىنا كەپىلدىك ەتتى.

  ٴۇرىمجى اۆياتسيا شەكتى جاۋاپكەرشىلىك سەرىكتەستىگى بازار تيجارات ٴبولىمىنىڭ باس ديرەكتورى ۋاڭ سۇڭميڭ مىنانى ٴبىلدىردى، ٴۇرىمجى اۆياتسيا شەكتى جاۋاپكەرشىلىك سەرىكتەستىگى حوتان، اقسۋ سياقتى جەرلەردەگى ادام كۇشى بايلىعى جانە قوعامدىق قامتاماسىزداندىرۋ تاراۋلارىمەن سايكەسىپ، وڭتۇستىك شينجياڭداعى كەدەي وڭىرلەردەگى ەڭبەككۇشتەردى جياڭسۋ، فۋجيان سياقتى جەرلەرگە جەتكىزىپ، ولاردىڭ ەرتەرەك قىزمەت ورنىنا قايتۋىنا كومەكتەستى؛ سونىمەن بىرگە، جەر - جەردەگى كاسىپورىندار مەن ورىنداردىڭ حاۋىپسىز، جوعارى ٴونىمدى جۇمىستى، ٴوندىرىستى قالپىنا كەلتىرۋىنە دەم بەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.