تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

قاشقار ايماعىنداعى 163 مىڭ 500 وتباسىنا ٴتيىمدى «كومىردى ەلەكترگە وزگەرتۋ» ينجەنەرياسى جۇمىستى رەسمي قالپىنا كەلتىردى

  حابارىن جازىپ سۋرەتىن تۇسىرگەن ٴتىلشى جاڭ دۇڭمەي، ەرىكتى تىلشىلەر سۇن گۋاڭچۋەن، ليۋ جەنچياڭ. 2 - ايدىڭ 28 - كۇنى، قاشقار ايماعى «كومىردى ەلەكترگە وزگەرتۋ» ينجەنەرياسىنىڭ پوسكام اۋدانى، قاعىلىق اۋدانى بولىگىندەگى نىسانى جەرگىلىكتى ۇكىمەتتىڭ جۇمىستى قالپىنا كەلتىرۋ دايىندىق قىزمەتىنە قاتىستى تەكسەرىپ وتكىزۋىنەن ٴوتىپ، جۇمىستى رەسمي قالپىنا كەلتىردى.

  2 - ايدىڭ 29 - كۇنى، ٴتىلشىنىڭ مەملەكەتتىك ەلەكتر تورى شينجياڭ ەلەكتر قۋاتى شەكتى جاۋاپكەرشىلىك سەرىكتەستىگىنەن ۇعىسۋىنشا، 2020 - جىلى، قاشقار ايماعى «كومىردى ەلەكترگە وزگەرتۋ» سياقتى اۋىل - قىستاقتارعا ەلەكتر جەتكىزۋ ينجەنەرياسىنان جالپى 2566سىن اتقارادى، جالپى قوسىلعان قارجى ءبىر ميلليارد 381 ميلليون يۋان، جوعارى - تومەن كەرنەۋلى ەلەكتر جەلىسىنەن 3623 كيلومەترىن جاڭادان سالىپ، وزگەرتىپ، 2045 ەلەكتر ۇلەستىرۋ كەرنەۋ وزگەرتكىشىن جاڭالايدى. ينجەنەريا قاشقار ايماعىنداعى 12 اۋدان، قالا، 99 اۋىل ـ قالاشىق، 637 قىستاقتاعى 163 مىڭ 500 وتباسىنداعى تۇرعىنعا سايادى.

جۇمىسشىلار جۇمىستى قالپىنا كەلتىرۋدىڭ الدىنداعى دايىندىق قىزمەتىن ىستەۋدە.

  بۇل ينجەنەريا 2020 - جىلعى وڭتۇستىك شينجياڭداعى 4 ايماق - وبلىستاعى «كومىردى ەلەكترگە وزگەرتۋ» سايكەستى ەلەكتر تورى قۇرىلىسىنىڭ ماڭىزدى قۇرامداس بولىگى، وتباسى سانى مولشەرمەن تۇتاس شينجياڭنىڭ «كومىردى ەلەكترگە وزگەرتۋ» ينجەنەرياسىنىڭ %57ىن ۇستايدى. بۇل اۆتونوميالى رايوننىڭ بيىل اتقارعان ٴتۇيىندى حالىق تۇرمىسى ينجەنەرياسى. قۇرىلىس بىتكەن سوڭ قاشقار ايماعىنىڭ قىس مەزگىلىندە كومىرمەن قامداۋ قيىنعا ٴتۇسۋ جاعدايىن ٴونىمدى تۇردە باسەڭدەتىپ، كەدەيلىكتەن ارىلتۋدان قامال الۋعا دەم بەرىپ، جەرگىلىكتى تۇرعىنداردىڭ قىسقى تۇرمىسىن جىلۋمەن قامداۋ ناقتى قيىنشىلىعىن شەشۋىنە، ٴوندىرىس، تۇرمىس شارت - جاعدايىن جاقسارتۋىنا ٴتيىمدى بولىپ، گازدەندىرىلگەن شينجياڭنىڭ جەمىسىنەن يگىلىكتەندىرەدى.

  بىرنەشە كۇننەن بەرى، مەملەكەتتىك ەلەكتر تورى قاشقار ەلەكترمەن قامداۋ سەرىكتەستىگى جۇمىستى قالپىنا كەلتىرۋ جوباسىن ەگجەي - تەگجەيلى قۇراستىرىپ، «كومىردى ەلەكترگە وزگەرتىپ» تازا ەنەرگيالى جىلۋمەن قامداۋىن عىلمي، ٴتارتىپتى ىلگەرىلەتىپ، ىندەتتەن ساقتانۋ، ٴوندىرىس «ەكەۋىن دە يگەرىپ. ەكەۋىن دە كەشىكتىرمەي، قوس جەڭىسكە جەتۋگە» كەپىلدىك ەتىپ، جەرگىلىكتى ورىننىڭ كەدەيلىكتەن ارىلتۋدان قامال الۋىنا دەم بەردى.

  جۇمىستى قالپىنا كەلتىرۋمەن بىرگە، سەرىكتەستىك ارناۋلى ادام ورنالاستىرىپ ىندەت جاعدايىن باقىلاۋ - تەكسەرۋ، اداقتاپ تەكسەرۋ، ساقتاندىرۋ، ساقتانۋ - تىزگىندەۋ سياقتى قىزمەتتەردى ويداعىداي ىستەپ، ٴار كۇنى الاڭعا كىرىپ جۇمىس ىستەيتىندەردىڭ دەنە تەمپەراتۋراسىن باقىلاۋ - ولشەۋ، سالاماتتىعىن تىزىمدەۋ سياقتى جۇمىستاردى ىستەپ، بەلگىلەنگەن ۋاقىتتا قىزمەت اۋماعىن، تۇرمىس اۋماعىن، قۇرىلىس جۇرگىزۋ اۋماعىن زارارسىزداندىردى، ىندەتتەن ساقتانۋ تاراۋلارىنىڭ تەكسەرىپ وتكىزىپ الۋىندا تولىمدى بولعاننان كەيىن، رەسمي جۇمىس باستاۋىنا بولادى.

  ۇعىسۋعا قاراعاندا، قاشقار ايماعىنىڭ «كومىردى ەلەكترگە وزگەرتۋ» ينجەنەرياسى 2020 ـ جىلى قىس ماۋسىمىنداعى جىلۋمەن قامداۋ كەزىنەن بۇرىن ينجەنەريالىق قۇرىلىس مىندەتىن ورىندايدى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.