ىندەتتىڭ قورعانىس شەبىن بەكەمدەپ، حالىق تۇرمىسىن تومەنگى شەكتەن تۇسىرمەدى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي لين، چاۋ جين 3 - ايدىڭ 1 - كۇنى ۇرىمجىدەن حابارلايدى. اۆتونوميالى رايونىمىز «ىندەت كەزىندە قيىنشىلىعى بار بۇقارانى قۇتقارۋ - كومەكتەسۋ جانە ولاردى سۇيەمەلدەۋ، قامقورلىق جاساۋ قىزمەتىن ويداعىداي ىستەۋ جونىندەگى پىكىردى» شىعارىپ، ەرەكشە مەزگىلدە قيىنشىلىعى بار بۇقارانىڭ نەگىزگى تۇرمىسىنىڭ تومەنگى شەكتەن تۇسپەۋىن بەكەمدەدى، ناقتىلادى.
اۆتونوميالى رايوندىق حالىق ىستەرى مەڭگەرمەسىنىڭ ورىنباسار باستىعى شيا جيانشيننىڭ تانىستىرۋىنشا، ىندەتتەن ساقتانۋ - تىزگىندەۋ كەزىندە، حالىق ىستەرى جۇيەسى تومەنگى شەكتەن تۇسىرمەۋ، شۇعىل جاعدايدان، قيىنشىلىقتان قۇتقارۋ رولىن تولىق ساۋلەلەندىرىپ، ءمان - جايدى مۇقيات اداقتاپ، قىزمەت ءتارتىبىن ىقشامداپ، تۇڭعىش رەت ەڭ تومەنگى تۇرمىستى قامتاماسىز ەتۋدىڭ ۋاقىتتىق ساياساتىن شىعارىپ، قيىنشىلىعى بار بۇقارانى قۇتقارۋ - كومەكتەسۋ جانە ولاردى سۇيەمەلدەۋ، قامقورلىق جاساۋ قىزمەتىن شىنايى، ويداعىداي ىستەپ، قيىنشىلىعى بار بۇقارانىڭ جاقسى ”قورعاۋشىسى“ بولعان.
ىندەتتەن ساقتانۋ - تىزگىندەۋ كەزىندە، حالىق ىستەرى مەڭگەرمەسى قىزمەت ءتاسىلىن بەلسەنە جاقسارتىپ، جەر - جەردىڭ قوعامدىق قۇتقارۋ - كومەكتەسۋ قىزمەتتەرىن ويداعىداي ىستەۋىنە جەتەكشىلىك ەتىپ، قوعامدىق قۇتقارۋ - كومەكتەسۋ ىستەرىنىڭ بارلىق بارىسىن ينتەرنەتتە ءبىتىرۋدى ىلگەرىلەتىپ، جۇمىس ءتارتىبىن ىقشامداپ، ەڭ تومەنگى تۇرمىستى قامتاماسىز ەتۋ، ەرەكشە قيىنشىلىعى بارلاردى باعۋ - كۇتىمدەۋ سياقتى قوعامدىق قۇتقارۋ - كومەكتەسۋ ىستەرىن تەكسەرىپ بەكىتۋ ۇقىعىن اۋىل - قالاشىقتارعا (ءمالى) بەرىپ، قۇتقارۋ - كومەكتەسۋ قارجىلارىن سول ايدا تەكسەرىپ بەكىتىپ، سول ايدا قولدارىنا تيگىزدى.
قوعامدىق قۇتقارۋ - كومەكتەسۋدى وتىنگەن قيىنشىلىعى بار وتباسىلارىندا جاڭا تيپتى ايدارشا ۆيرۋس وكپە قابىنۋمەن جۇعىمدالعان ناۋقاستار بولسا، الدىمەن قۇتقارۋ، كومەكتەسۋ، سوڭىنان تەكسەرىپ بەكىتۋ ءتارتىبى اتقارىلىپ، ىندەت جاعدايى اياقتاعان سوڭ قاتىستى راسيماتتار تولىقتاناتىن؛ مۇگەدەك ادامداردىڭ ”ەكى جاردەماقىسىن“ ءوتىنۋ شارتىنا ۇيلەسەتىندەردى، جەر - جەر ينفورماتسيا باسقارۋ جۇيەسىنە نەگىزدەلىپ ينتەرنەتتە ءوتىنىش قابىلداپ، تەكسەرىپ، تۇراقتاندىرىپ، جاردەماقى بەرۋ كولەمىنە دەر كەزىندە ەنگىزەتىن، باسقا راسمياتتاردى ىندەت جاعدايى اياقتاعان سوڭ تولىقتايتىن بولدى.
ىندەت تۋىلعان سوڭ، اۆتونوميالى رايونىمىز ۋاقىتتىق قۇتقارۋ - كومەكتەسۋ ارناسىن ىركىلىسسىزدەندىرىپ، ەرتە بايقاپ، ەرتە ارالاسىپ، ەرتە قۇتقارىپ - كومەكتەسىپ، تۇڭعىش رەت ەڭ تومەنگى تۇرمىستىق قامتاماسىز ەتۋ ۋاقىتتىق ساياساتىن شىعارىپ، الدىڭعى مەرزىمدە قالاداعى ەڭ تومەنگى تۇرمىستى قامتاماسىز ەتۋ كولەمىنە الىنباعان، تابىس كوزى، تۇرمىستىق قاراجات كوزى جوق قالا - قالاشىق تۇرعىندار وتباسىنا قاراتا تەكسەرىپ بەكىتۋ ءتارتىبىن ىقشامداپ، ايىنا ءار ادامعا 450 يۋاندىق ولشەممەن جاردەماقى بەردى. ۋاقىتتىق قۇتقارۋ - كومەكتەسۋ ءتۇزىمىنىڭ ىندەتتەن ساقتانۋ - تىزگىندەۋ كەزىندەگى شۇعىل جاعدايلىق، وتپەلىلىك رولىن تولىق ساۋلەلەندىرۋ ءۇشىن، اۆتونوميالى رايونىمىز قولما - قول اقشا جانە ناقتى زات بەرۋدى ۇشتاستىرۋ تاسىلىمەن قيىنشىلىعى بار بۇقاراعا قۇتقارۋ - كومەكتەسۋ شارالارىن قولداندى. قازىرگە دەيىن، قۇتقارۋ - كومەكتەسۋ قارجىسى مەن زاتتىق ماتەريالدارىنان جيىنى 61 ميلليون يۋاننان استام تاراتتى.
اۆتونوميالى رايون تاعى بىتىراڭقى باعىلاتىن - كۇتىمدەلەتىن ەرەكشە قيىنشىلىعى بار قارتتارعا، ۇيدە قالعان قيىنشىلىعى بار قارتتارعا قارايلاسىمدى قىزمەت وتەۋدى، ءبىرىنشى شەپتەگى ەمدەۋ قىزمەتكەرلەرىنىڭ قارت تۋىس - تۋعاندارىنا قامقورلىق جاساپ، قىزمەت وتەۋدى ويداعىداي ىستەپ، سونداي - اق ىندەت ىقپالىنان قامقورسىز، كۇتۋسىز قالعان بالالارعا قامقورلىق جاساۋ، ولاردى قورعاۋ، سەرگەلدەڭ قايىرشىلاردى شارلاپ تەكسەرىپ قۇتقارۋ جانە ولارعا كومەكتەسۋ جونىندە ورنالاستىرۋ جاساپ، كومەكتەسۋگە تيىستىلەرىنە مۇمكىندىگىنشە كومەكتەسۋدى، قۇتقارۋعا تيىستىلەرىن مۇمكىندىگىنشە قۇتقارۋدى شىنايى ورىندادى.
