ساياساتتىق كومەكتەسۋ - سۇيەمەلدەۋگە كۇش سالىپ، ىندەتتەن ساقتانۋدى دا، ءوندىرىستى دە اقساتپادى
شينجياڭ گازەتى حابارى. ىندەتتىڭ رايونىمىزدىڭ ورتا، شاعىن، ۇساق كاسىپورىندارىنا تۋدىرعان ىقپالىن شىن مانىندە جەڭىلدەتىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپتى ىلگەرىلەتىپ، ورتا، شاعىن، ۇساق كاسىپورىنداردىڭ قيىن وتكەلدەن بىرگە ءوتۋى مەن ورنىقتى دامۋىنا كومەكتەسىپ، بۇكىل رايونىمىزدىڭ ەكونوميكاسىنىڭ ورنىقتى اينالىمىن جەبەۋ ءۇشىن، رايونىمىز «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ، اقاۋسىز دامۋىن قولداۋ جونىندەگى 16 شارانى» شىعاردى(تومەندە قىسقارتىلىپ «شارا» دەلىنەدى).
«شارادا» مىنالار تالاپ ەتىلدى: مەملەكەت باسىپ تاراتقان «كاسىپورىنداردىڭ، ءىسورىنداردىڭ جۇمىستى، ءوندىرىستى قالپىنا كەلتىرۋدەگى ىندەتتەن ساقتانۋ - تىزگىندەۋ شارالارى باعدارناماسى» مەن اۆتونوميالى رايوننىڭ ىندەتتەن ساقتانۋ - تىزگىندەۋدەگى ءتۇرلى تالاپتارىن قاتاڭ تياناقتاندىرىپ، ساقتانۋ - تىزگىندەۋ قىزمەتتەرىن ويداعىداي ىستەۋ العى شارتىندا، وڭىرگە بولۋگە، كاسىپكە بولۋگە، ۋاقىت كەزەڭىنە بولۋگە تاباندى بولىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋىن تىڭعىلىقتى، ءتارتىپتى تۇردە ىلگەرىلەتۋ ءارى جۇمىستى، ءوندىرىستى قالپىنا كەلتىرگەن كاسىپورىنداردىڭ قىزمەتكەر قابىلداۋىن ۇيىمداستىرۋدى قامتاماسىز ەتۋ مەن ءوندىرىس فاكتورلارىن قامتاماسىز ەتۋدى ويداعىداي ىستەۋ كەرەك.
«شارادا» تاعى ورتا، شاعىن، ۇساق كاسىپورىندارعا قازىنا فينانستىق سۇيەمەلدەۋ سەرپىنىن ارتتىرۋ، ورتا، شاعىن، ۇساق كاسىپورىنداردىڭ تيجارات اۋىرتپالىعىن جەڭىلدەتۋ، ورتا، شاعىن، ۇساق كاسىپورىندارعا ساياساتتىق قىزمەت وتەۋدى ساپالىلاندىرۋ جونىندە ناقتى ادىستەر العا قويىلدى.
