تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى تۇتاس رايوننىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاسادى

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ قوس جەڭىسىنە بۇلجىماي قول جەتكىزۋ كەرەك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 1 - كۇنى ۇرىمجىدەن حابارلايدى. 3 - ايدىڭ 1 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، تۇتاس رايوننىڭ ىندەتتەن ساقتانۋ - تىزگىندەۋ جاعدايىنا تالداۋ جاساپ، ونى تۇجىرىمداپ، تۇتاس رايوننىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: كەزەكتە ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسى كەڭەيۋدە، ەكونوميكالىق، قوعامدىق دامۋ تەز قالپىنا كەلۋدە، سونىمەن بىرگە ىندەتتىڭ قايتالاۋ حاۋىپ - قاتەرىنە نەمقۇرايدى قاراۋعا بولمايدى. تۇتاس رايونداعى ءار دارەجەلى، ءارقايسى تاراۋلار ساياسي دەڭگەيدى اناعۇرلىم جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم بىرلىككە كەلتىرىپ، وي - سانانى سەرگەك ۇستاپ، ماسەلەنى باعدار ەتۋدەن جازباي، ءبىر جاعىنان، ىندەتتەن ساقتانۋ - تىزگىندەۋدى يگەرۋدەن جالىقپاۋعا، ەندى ءبىر جاعىنان، ورنىقتىلىق، دامۋ، رەفورمانى يگەرۋدەن بوساڭسىماۋعا تاباندى بولىپ، تاباندىلىقتى ساقتاپ، قايىسپاس قايسارلىق كورسەتىپ، جىگەر - قايراتتى قاۋلاتىپ، سوڭىنا دەيىن ەرلىكپەن كۇرەس جۇرگىزىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋگە شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋ شەشۋشى جەڭىسىنىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ نىساناسىن جۇزەگە اسىرۋعا قۇلشىنۋ كەرەك.

  ءبىرىنشى، دالمە - ءدال ساقتانۋ - تىزگىندەۋدى ناقتى، ەگجەي - تەگجەيلى تياناقتاندىرۋ كەرەك. سالعىرت يدەيانى، شايقاستان جالىعۋ پيعىلىن، باق سىناۋ پسيحيكاسىن، بوساڭسۋ كوڭىل كۇيىن باتىل جەڭىپ، ىندەتتەن ساقتانۋ - تىزگىندەۋ سىندى ارقاۋدى مىقتى ۇستاپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي يگەرىپ، تۇبەگەيلى جەڭىسكە جەتپەي، تابىسقا جەتتىك دەپ استە جەڭىل شەشىم جاساماۋ، استە توقتاماۋ كەرەك. ءتۇيىندى كورنەكتىلەندىرۋگە، ءبىر تۇتاس جوسپارلاپ تەڭ ءمان بەرۋگە، تۇرگە ايىرىپ جەتەكشىلىك ەتۋگە، وڭىرگە ايىرىپ شارا قولدانۋعا تاباندى بولىپ، وڭىرگە، دارەجەگە ايىرىپ، دالمە - ءدال ساقتانىپ - تىزگىندەپ، اۋدان ءوڭىرىن بىرلىك ەتىپ، ”ساقتانۋدى نەگىز ەتۋ، سىرتتان كىرۋدەن ساقتانۋ، ىشتە ءىشىنارالىق كەڭەيۋدەن ساقتانۋ“ تاكتيكاسىن اتقارىپ، ”ءتورت ەرتە“ شاراسىن ۇزدىكسىز تياناقتاندىرىپ، دالمە - ءدال تەكسەرىپ - ولشەپ، ادامداردىڭ ىزىنە ءتۇسۋ، وتباسىلارىنان اركەز احۋال ۇعىسۋ كەرەك. ءتۇيىندى ادامدار شوعىرىن، ءتۇيىندى الاڭ - ورىنداردى، ءتۇيىندى مەكەمە - ورىنداردى باسقارۋ - تىزگىندەۋدى كۇشەيتىپ، الەۋمەتتىك اۋماقتاردىڭ ءبىر - بىرلەپ تەكسەرۋ جانە ساقتانۋ - تىزگىندەۋ نەگىزىن بەكەمدەپ، ىندەتتىڭ قايتالاۋىنان باتىل ساقتانىپ، ىندەتتەن ساقتانۋ - تىزگىندەۋدىڭ ىرىقتىلىق ۇقىعىن ۇزدىكسىز مىقتى يگەرۋ كەرەك.

  ەكىنشى، جۇمىستى، ءوندىرىستى قالپىنا كەلتىرۋدى ناقتى، ەگجەي - تەگجەيلى تياناقتاندىرۋ كەرەك. جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ەكونوميكالىق اينالىمدى رەتتەۋدى كۇشەيتىپ، ”التىنى ورنىقتىرۋ“ قىزمەتىن ءبىر تۇتاس جوسپارلاپ ويداعىداي ىستەۋ؛ جۇمىستى، ءوندىرىستى قالپىنا كەلتىرۋدى دالمە - ءدال ۇتىمدى ىلگەرىلەتىپ، جۇمىستى، ءوندىرىستى قالپىنا كەلتىرگەن كاسىپورىنداردىڭ جۇمىسشى ىستەتۋ، شيكىزات، قارجى، جابدىق سياقتى جاقتارداعى قيىنشىلىعى مەن ماسەلەسىن شەشۋىنە بەلسەنە كومەكتەسىپ، كاسىپورىن قىزمەتكەرلەرىنىڭ قىزمەت ورنىنا ورالۋىن ۇيىمدى، ءتۇيىندى تۇردە، توپقا ءبولىپ ورنالاستىرۋ؛ كوكتەمگى ەگىس ءوندىرىسىن بار كۇشپەن ۇيىمداستىرىپ، ەگىس ۋاقىتىن قولدان بەرمەۋگە شىنايى كەپىلدىك ەتۋ؛ قاراستى جەر جانە كاسىپورىنداردىڭ جاۋاپكەرشىلىگىن ناقتىلاندىرىپ، ساقتانۋ - تىزگىندەۋ شاراسىن قاتاڭ تياناقتاندىرىپ، ىندەتتىڭ جۇمىستى، ءوندىرىستى قالپىنا كەلتىرۋ بارىسىندا كەڭەيۋىنەن، ورشۋىنەن قاتاڭ ساقتانۋ كەرەك.

  ءۇشىنشى، كەدەيلىكتەن ارىلتۋدان قامال الۋدى ناقتى، ەگجەي - تەگجەيلى تياناقتاندىرۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“ نىساناسى مەن ولشەمىن مىقتاپ ارقاۋ ەتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن اناعۇرلىم تياناقتاندىرىپ، ”جەتى ءبىر توپتى“، ”ءۇش سەرپىندى ارتتىرۋدى“ تىڭعىلىقتى ىلگەرىلەتىپ، تۇرعىن ءۇيدىڭ، اۋىز سۋدىڭ ولقىلىعىن، ءالسىز تۇستارىن تولىقتاپ، شايقاستى اشىق - اشكەرە قاداعالاپ، قايتالاي كەدەيلەسۋدەن ساقتانۋدىڭ باقىلاۋ - ولشەۋ، ساقتاندىرۋ مەحانيزمىن اقاۋسىزداندىرىپ، كەمەلدەندىرىپ، كەدەيلەردى سۇيەمەلدەۋ باستاماشى كاسىپورىنداردىڭ، كەدەيلەردى سۇيەمەلدەۋ سەحتارىنىڭ جۇمىستى، ءوندىرىستى قالپىنا كەلتىرۋىن كوپ شارالاردى قاتار قولدانىپ ىلگەرىلەتىپ، كەدەي ەڭبەككۇشتەردىڭ ءتارتىپتى تۇردە جۇمىس ورنىنا ورالىپ جۇمىستانۋىنا، تاياۋ ماڭدا، تۇرعان جەرىندە جۇمىستانۋىنا كومەكتەسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك.

  ءتورتىنشى، حالىق تۇرمىسىن قامتاماسىز ەتۋدى ناقتى، ەگجەي - تەگجەيلى تياناقتاندىرۋ كەرەك. ورنىقتىلىق، دامۋ، حالىق تۇرمىسى ۇشەۋىن ءبىر تۇلعالاندىرۋعا تاباندى بولىپ، ىندەتتىڭ حالىق تۇرمىسى سالاسىنا بولعان ىقپالىنا ءجىتى نازار اۋدارىپ، ءتۇرلى حالىققا تيىمدىلىك جاساۋ ساياساتتارى مەن شارالارىن جاپپاي تياناقتاندىرىپ، ”استىققا“، ”كوجە قاتىققا“ جاۋاپتى بولۋ ءتۇزىمىن قاتاڭ تياناقتاندىرىپ، كوكونىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىسىنا قاجەتتى بۇيىمدارمەن قامداۋعا شىنايى كەپىلدىك ەتۋ؛ جۇمىستاندىرۋدى ورنىقتىرۋ شاراسىن كۇشەيتىپ، اۋىرتپالىقتى جەڭىلدەتۋ، قىزمەت ورنىن ورنىقتىرۋ، جۇمىستاندىرۋدى كەڭەيتۋ شاراسىن قاتار اتقارىپ، جۇمىستاندىرۋدى كوپ ارنامەن كەڭەيتۋ؛ دەنساۋلىق ساقتاۋ، ىندەتتەن ساقتانۋ، الەۋمەتتىك اۋماقتىڭ قىزمەت وتەۋى سياقتى جاقتارداعى ولقىلىقتاردى تەز تولىقتاپ، بۇقارانىڭ نەگىزگى تۇرمىسىن قامتاماسىز ەتۋدى جانە پسيحيكالىق جەتەكتەۋدى ىشكەرىلەي، ەگجەي - تەگجەيلى ويداعىداي ىستەپ، ەرەكشە قيىنشىلىعى بار قاۋىمدارعا امانداسا بارىپ، احۋال ۇعىسۋدى جانە قاجەتتى كومەك كورسەتۋدى كۇشەيتىپ، قيىنشىلىعى بار بۇقارانى ەڭ تومەنگى شەكتەن تۇسىرمەي قامتاماسىزداندىرۋدى كۇشەيتىپ، بۇقارانىڭ اسىققان، ۋايىمداعان، باس قاتىرعان، ارمانداعان ىستەرىن شىنايى ويداعىداي شەشۋ كەرەك.

  بەسىنشى، قوعام ورنىقتىلىعىن ناقتى، ەگجەي - تەگجەيلى تياناقتاندىرۋ كەرەك. ساقتىق دابىلىن ۇزاق قاعىپ، قاي - قاشان دا ساق بولىپ، ورنىقتىلىقتى قورعاۋ قىزمەتتەرىن تيتتەي دە بوساڭسىماي ويداعىداي يگەرىپ، ۇتىمدى ورنىقتىلىقتى قورعاۋ شارالارىنا تاباندى بولۋدان جازباي، قوعامدىق جاعدايدى باسقارۋ - تىزگىندەۋدى كۇشەيتىپ، قايشىلىقتى، داۋ - دامايدى قاينارىنان ساقتانۋ، ءبىر - بىرلەپ تەكسەرىپ ساقتاندىرۋ، كوپ نەگىزدى شەشۋ مەحانيزمىن كەمەلدەندىرىپ، جۇرت تىلەگىن ەڭ جوعارى دەڭگەيدە ىنتىماقتاستىرىپ، ۇيىستىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەۋگە تاماشا ورتا جاراتۋ كەرەك.

  التىنشى، ستيلگە بۇرىلىس جاساۋدى ناقتى، ەگجەي - تەگجەيلى تياناقتاندىرۋ كەرەك. تۇتاس شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ ارەكەتتەنىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرۋ كەلەلى ساياسي جاۋاپكەرشىلىگىن باتىل تۇردە ارقالاپ، قول سالىپ ىستەپ، ارەكەتتە تياناقتاندىرىپ، ءار دارەجەلى پاتيا ۇيىمىنىڭ جاۋىنگەر قورعاندىق جانە قالىڭ پارتيالى كادردىڭ اۆانگارد ۇلگىلىك رولىن تولىق ويداعىداي ساۋلەلەندىرىپ، پارتيا تۋىن ءبىرىنشى شەپتە اسقاق جەلبىرەتۋ كەرەك. قالىڭ پارتيالى كادرلار اۋەلگى ماقساتتى ارەكەتتە تياناقتاندىرىپ، بورىشتى ارقالاپ، جۇرەكتىلىكپەن اۆانگارد بولىپ، جۇرەكتىلىكپەن الدىڭعى شەپتە اتويلاپ، ىرىقتىلىقپەن جاۋاپكەرشىلىك ارقالاپ، بەلسەنە ىسكەرلىك كورسەتىپ، بۇقارانىڭ سۇيەنىشى، جاقىن - جان اشىرى بولۋ؛ كاسىپتىك قابىلەت پەن جالپىلىق ساپانى ۇزدىكسىز كۇشەيتىپ، ءبىرىنشى شەپكە بارىپ ماسەلەنى بايقاۋ، قيىن ماسەلەلەردى شەشۋ؛ قىزمەتتە بارىنشا مۇقيات بولۋ دەڭگەيىن قۇلشىنا جوعارىلاتىپ، ىجداعاتتىلىققا كۇش سالىپ، جۇمىسقا، ادامعا دالمە - ءدال تياناقتاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى، ەگجەي - تەگجەيلى، تياناقتى بولۋىنا شىنايى كەپىلدىك ەتۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.