بايىنعولين گازەتى حابارى (ەرىكتى ٴتىلشى لو رۇڭيۇن حابارلايدى). قىستاق تۇرعىندارىن باسقا سالاعا ويىستىرىپ جۇمىستاندىرۋدى جەبەۋ ٴۇشىن، تاياۋدا باعراش اۋداندىق دەنساۋلىق ساقتاۋ ـ سالاماتتىق كوميتەتىنىڭ تابانجوكىن اۋىلى دۇنداحان قىستاعىندا «ۇعىسۋ، تيىمدىلىك جاساۋ، توعىستىرۋ» بويىنشا تۇراتىن قىزمەت اترەتى باعراش اۋدانى لانشياڭ سەرىكتەستىگىمەن بايلانىس جاساپ، 5 قىستاق تۇرعىنىن وسى سەرىكتەستىكتىڭ ۋاقىتتىق جۇمىسشىسى رەتىندە قابىلداتتى. سونىمەن بىرگە، قىزمەت اترەتى باعراش اۋداندىق حالىق شيپاحاناسىمەن سايكەسىپ، ولاردىڭ سالاماتتىق كۋالىگىن ٴبىتىردى ٴارى ٴاربىر ادامنىڭ دەنساۋلىق تەكسەرتۋىنە قاتىستى قاراجاتتان 180 يۋان كەشىرىم ەتتى.
وسى رەتكى اقىنى ازايتۋ، كەشىرىم ەتۋ، باعراش اۋداندىق حالىق شيپاحاناسى پارتكومىنىڭ كومەكتەسۋ، سۇيەمەلدەۋ، كوتەرمەگە الۋ مەكەمەسى رەتىندەگى جاۋاپكەرشىلىگىن ارقالاعاندىعىن ايگىلەپ، قىستاق تۇرعىندارىن باسقا سالاعا ويىستىرىپ جۇمىستاندىرۋدى ونان ارى جەبەپ، وتباسى كىرىسىن ارتتىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە، بۇقارانىڭ ىشكى قوزعاۋشى كۇشى مەن بەلسەندىلىگىن قاۋلاتۋعا نەگىز قالادى.
«قازىر كاسىپورىنداردىڭ جۇمىستى قالپىنا كەلتىرىپ، جۇمىسشىلاردىڭ جۇمىس ورنىنا قايتقان مەزگىلى، ٴبىز قىستاق تۇرعىندارىنىڭ جۇمىسقا ورنالاسۋىنا قولايلىلىق ازىرلەيمىز، بۇل كاسىپورىنداردىڭ جۇمىستى، ٴوندىرىستى قالپىنا كەلتىرۋىنە ٴتيىمدى بولۋمەن بىرگە، كەدەيلىكتەن ارىلتۋدان قامال الۋدى ىلگەرىلەتۋ ٴۇشىن دە كومەكتەسۋ ـ سۇيەمەلدەۋ جاۋاپكەرشىلىگىن ادا ەتتى»،- دەدى باعراش اۋداندىق حالىق شيپاحاناسى پارتكومىنىڭ شۋجيى ۋاڭ حۋ.