شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 3 - ايدىڭ 2 - كۇنى ۇرىمجىدەن حابارلايدى. پارتيا ورتالىق كوميتەتىنىڭ قالىڭ پارتيا مۇشەلەرىنە شىعارعان ۇندەۋىنە ءۇن قوسىپ، رايونىمىزدىڭ ءارقايسى شەبىندەگى، ءارقايسى سالاسىنداعى پارتيا مۇشەلەرى بىرنەشە كۇننەن بەرى جابال جىلۋ اتاپ، ىندەتتەن ساقتانۋ - تىزگىندەۋ قىزمەتىن قولدادى. 3 - ايدىڭ 2 - كۇنىنە دەيىن بۇكىل رايوندا 398 مىڭ 400 پارتيا مۇشەسى ءوز ەركىمەن جىلۋ اتادى. قازىر جىلۋ اتاۋ قيمىلى ءالى جۇرىلۋدە.
ۇعىسۋعا قاراعاندا، وسى رەتكى جىلۋ نەگىزىنەن ىندەتتەن ساقتانۋ - تىزگىندەۋدىڭ ءبىرىنشى شەبىندە كۇرەس جاساپ جاتقان ەمدەۋ قىزمەتكەرلەرى، نەگىزگى ساتىداعى كادرلار مەن بۇقارا، قوعام حاۋىپسىزدىگى حالىق ساقشىلارى جانە الەۋمەتتىك اۋماق قىزمەتكەرلەرى سياقتىلاردان حال سۇراۋعا، جاڭا تيپتى ايدارشا ۆيرۋس وكپە قابىنۋ ىندەتىنە شالدىعۋ سەبەبىنەن تۇرمىستا قيىنشىلىققا ۇشىراعان بۇقارا مەن جاڭا تيپتى ايدارشا ۆيرۋس وكپە قابىنۋ ىندەتىنە شالدىعىپ قايتىس بولعانداردىڭ وتباسىنا قارجىلاي كومەكتەسۋ، ىندەتتەن ساقتانۋ - تىزگىندەۋ كۇرەسىندە قۇربان بولعان كادرلاردىڭ، بۇقارانىڭ وتباسىنان حال سۇراۋ سياقتىلارعا جۇمسالادى ەكەن.
