تيانشان تورى   ›   بىلگەنگە مارجان   ›   وتباسى جانە تۇرمىس

جابايى حايۋاناتتاردى بەيبەرەكەت جەۋگە بولمايدى

پان حۇڭي

  جاڭا تيپتى ايدارشا ۆيرۋس وكپە قابىنۋىنىڭ راقىمسىزدىعى، زيانىنىڭ اۋىرلىعى كوپكە ءمالىم بولدى، بۇل جانىڭا ايازداي باتادى.

  وسى رەتكى جاڭا تيپتى ايدارشا ۆيرۋس وكپە قابىنۋ ىندەتى جاڭا جۇڭگو قۇرىلعاننان بەرى ەلىمىزدە تۋىلعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ اۋىر ءبىر رەتكى توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى بولدى. قازىر ۆيرۋستىڭ كەلۋ قاينارى، تارالۋ جولى جانە پارازيت يەلەرى جونىندەگى زەرتتەۋلەر مەن تالقىلار ءالى دە جالعاسۋدا. الايدا ءبىر قورىتىندى تۇراقتاندىرىلدى، ول بولسا جابايى حايۋاناتتاردى جەۋدەن ۆيرۋس تاراۋ حاۋپى بار ەكەندىگى.

  عىلمي زەرتتەۋلەر سوڭعى جىلدارى دۇنيە ءجۇزىنىڭ جەر - جەرىندە بەلەڭ بەرگەن جاڭادان بايقالعان جۇقپالى اۋرۋلاردىڭ كوبى حايۋاناتتارمەن بايلانىستى ەكەندىگىن دالەلدەدى. ۆيرۋس ءاسىلى تابيعات دۇنيەسىندە ءومىر سۇرەدى، جابايى حايۋاناتتار پارازيت يەلەرى ىندەتكە شالدىقپاۋى، ولمەۋى مۇمكىن، ايتسەدە، ادامزاتتىڭ جابايى حايۋاناتتاردى جەۋى نەمەسە جابايى حايۋاناتتاردىڭ تىرشىلىك ورتاسىن ءبۇلدىرۋى سالدارىنان، وسى ۆيرۋستاردىڭ ادامزاتپەن جاناسۋى زور كولەمدە ارتىپ، ۆيرۋستىڭ جابايى حايۋاناتتان ادامعا تارالۋىنا شارت - جاعداي ازىرلەدى، سونىمەن الەۋمەتتىك دەنساۋلىق ساقتاۋ حاۋىپسىزدىگىنە قاتەر ءتوندىردى. وسى رەتكى تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتىنەن ايرىقشا تەرەڭ تاجىريبە ساباق الدىق: ارانىمىزدى تيماساق، شىنىمەن جانىمىزدان ايرىلارمىز.

  ادامدار ۇلى تابيعاتتان يمەنۋ سەزىمىندە بولماي، قاي - قايداعىعا قۇمارتۋدى ماقتان ەتەتىن كەلەڭسىز پيعىلعا سالىنىپ، جابايى حايۋاناتتاردى تيداۋسىزدىقپەن اۋلاپ، ساۋدالاپ، قوماعايلىقپەن اساعان كەزدە، ءىس جۇزىندە وزدەرى ءبىر رەتكى اپات تۋرالى فيلمدى ءوز رەجيسسەرلىكتەرىمەن ورىندايدى. وسى سەبەپتى، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 16 - رەتكى ءماجىلىسىنىڭ «زاڭسىز جابايى حايۋاناتتار ساۋداسىن جاپپاي شەكتەۋ، جابايى حايۋاناتتاردى بەتالدى جەيتىن سولەكەت ادەتتى جويۋ، حالىق بۇقاراسىنىڭ ءومىرىنىڭ، سالاماتتىعىنىڭ حاۋىپسىزدىگىن شىنايى قامتاماسىز ەتۋ جونىندەگى قاراردى» داۋىسقا سالىپ ماقۇلداپ، جابايى حايۋاناتتاردى جەۋدى جاپپاي شەكتەيتىن ءتۇزىمدى بەرىك ورناتتى، ەلەۋلى الەۋمەتتىك دەنساۋلىق ساقتاۋ حاۋىپسىزدىگى قاتەرىنەن قاينارىنان باستاپ ساقتانۋى جانە تىزگىندەۋى وتە ورىندى ءىس - شارا بولدى. بۇل − ءارى جابايى حايۋاناتتاردى قورعاۋ، ءارى ادامزاتتىڭ ءوزىن قورعاۋى بولىپ تابىلادى.

  جابايى حايۋاناتتاردى بەتالدى جەۋ − بولاشاقتى بولجاي بىلمەيتىن ورەسكەل ارەكەت، مۇنداي سولەكەت ادەتتى، ءسوزسىز، جويۋ كەرەك. ەگەر تاعى دا تابيعاتتان يمەنە بىلمەسەك، تابيعاتقا قۇرمەت ەتپەسەك، تابيعاتتى قورعاماساق، تابيعات دۇنيەسىنىڭ مۇنان دا بەتەر اياۋسىز جازاسىنا ۇشىرايتىن بولامىز.

(”لەپتى لەبىز“ ماقالا جولداۋ حات ساندىعى: xjrbplb@126.com)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى